ليتك تعرفين الحال؛ ويش هي نواياي

سته واربعين

صلو ع نبينا محمد عليه افضل الصلاه والسلام .....

.....
ايفان : اسبوع ونص " قربت وهي تجلس جنبه " م سميتها انتظرتك تجي وتسميها
ابتسم نواف وهو يناظرها : روح اسمها روح ، روح مشتركه بيني وبينك
ابتسمت ايفان وهي تناظر نواف وقلبها موجعها

~ خل نقدم الوقت شوي بعد مرور اسبوعين على وفاه ام سلطان ~
| عند نواف |
كان نواف قاطع عن دوامه ولا ياكل ولا يشرب ، كان بس في غرفته ولا يجلس مع خواته عشان م يحسسهم بشيء ، فتح عيونه على اذان العصر مسك راسه ب الم بصداع ، جلس وهو يحك عيونه ، التفت على بنته الي كانت صاحيه وتلعب مع نفسها في سرير الاطفال، ابتسم وهو يشيلها بين احضانه ، انسدح ع السرير وحط بنته على صدره وهو يشم ريحتها الي تريحه قال  : الله يجعل يومي قبل يومك يعيون ابوك
كانت بنته تبتسم مع كل كلمه يقولها نواف
ابتسم نواف بكل حب من فتره طويله م ابتسمها ، لبسها البطانيه وهي للحين ع صدره ، ماهي الا شويات ونامو نواف وبنته روح ، كان نواف يعاني من ارهاااق ولا يذوق النوم واذا نام كان كل نومه كوابيس  ، بس المره ذي غرق بنومته وهو يحتضن بنته
فك باب الغرفه ودخلت ايفان ، وهي ترفع عيونها على نواف وروح الي كانو نايمين ، ابتسمت وقربت منهم شافت نواف ملبس روح بس هو مو لابس ، اخذت البطانيه وهي ترفعها عليها ، جلست ع طرف السرير وهي تتاملهم ، طول الايام نواف م يكلمها ، بس يدخل وينام او يقعد مع نفسه ويدخن
ايفان كانت تتالم عليه ، قامت وطلعت من الغرفه
.....
| في بيت ام سلمان |
كانت ام سلمان جالسه ع قهوتها بس ضايق صدرها ، دخلتت ريتاج من برا
ام سلمان ببتسامه : بشري ي بنتي ؟
ريتاج ببتسامه سلمت ع راسها : الحمدلله اقنعناهم
ام سلمان : الحمدلله يرب
ريتاج : الي صار مو سهل ماتت امهم ، بس مو يتركون اول سنه لهم ب الجامعه خلاص السنه ب تبدا ابيهم يروحون يغيرون جو
ام سلمان تنهدت : اي بالله لو ام سلطان موجوده م كان رضت ان بناتهم ياجلون السنه ذي
ريتاج : الحمدلله اقنعناهم ومي جت معانا م تقصر ذي البنت
ام سلمان : الله يسعدها طول الايام ذي م تركتهم ، وايفان ؟
ريتاج وهي تصب القهوه لنفسها : ايفان بتاجل الترم ذا عشان بنتها وفجر بعد عشانها حامل وعلى وجه ولاده
ام سلمان : ع خير ان شاءالله
| في غرفه مطلق & واصايل|
كان جالس ع الجوال وهي تناظره وماتدري كيف تتكلم ، بس قامت وقررت كل الي بقلبها تقوله
اصايل : مطلق
مطلق كان يناظر الجوال وساحب عليها
اصايل تنرفزت : مطلقققق
مطلق : ها
اصايل : بكلمك بموضوع ممكن تترك الجوال شوي ؟
مطلق ناظرها : قولي الي عندك اخلصي
اصايل وهي منقهره منه : طيب احترمني شوي حتى الشغاله م اعملها كذا ! ذابحه اهلك انا ؟ خلاص معاد بقول شيء
قامت وجت بتطلع ومسكها مطلق وضربت اصايل ع صدره ، كانت قريبه منه مرره ، بينهم شعره فقط لاول مره حس مطلق شعور قريب ، شعور ضرب قلبه ضرب ، كان يناظرها من قريب وهو م يدري وين كان كيف مالاحظ جمالها ؟ ، بلع ريقه
مطلق بصوت خافت وعشان م تلاحظ : وش كنتي بتقولين
اصايل وهي تحملت كثير صح تكابر بس خلاص طفشت : مطلق اذا م تبيني طلقني ولاتتعبني معاك ، فكني شرك واكفيك شري
مطلق : بحلامك اطلقك ، " انقهر مطلق "ذا كان موضوك ؟
اصايل وهي تبعد عن مطلق : كنت بقولك ابي اسجل ب الجامعه ، بس واضح م تهمت ولاكاني موجوده ولايهمني ترا بس نفسي ادرس صدق
مطلق تنهد : م منعتك من دراستك !
اصايل فرحت مره : يعني اسجل ؟
مطلق ابتسم من فرحتها ولا حس ع نفسه : اي
من الفرح اصايل حضنت مطلق ولا حست بنفسها ، كانت تضحك وهي حاضنته ، ابتسم مطلق وهو يحاوط خصرها بيدينه ويضمها عليه ، حست اصايل انها ب احضان مطلق وبعدت وقالت وهي متوتره : من الحماس حضنتك
مسكها مطلق ، وضربت اصايل ع صدره ، ورجع مطلق حضنها وهو يستنشق ريحه شعرها الي دوخته ، اصايل وهي بين يدينه م بعدت وهي مستغربه وقلبها يدق وضاق نفسها من قرب مطلق
....
| عند العيال |
دخل نايف : سلام عليكم
العيال : عليكم السلام
جلس نايف جنب فهد الي طول الوقت وهو مسرح : فهدان
م ردت فهد عليه ناظر نايف العيال ، وتنهدو ولاعرفو وش يسون عشان يطلع من ذا الجو
مهيار : فهيداااان
انتبه فهد وقال: هلا
محمد: انا اقول لو نطلع انا وياك ونايف ومهيار وش رايك
فهد اخذ شماغه ورماه ع كتفه : اطلعو انتم ي عيال مالي خلق
محمد تنهد بضيق وهو ضايق صدره عليهم نط وقال : طيب ماراح نطلع ، بس وش رايكم نشوي في السطح ؟ اشتقنا لجلستنا ب السطح مثل قبل
فهد : بس
مهيار : م فيه بس بنشوي كلنا مع بعضنا ، حتى البنات نخليهم معانا ها ؟
فهد ابتسم ابتسامه مجامله : يصير خير
نايف: اجل كل شيء الليل يكون جاهز اي اعتراض من اي احد كف يعدل وجه
ابتسم فهد وهز براسه ب الايجاب
مهيار : مشانا نشتري الاغراض
طلعو كلهم من البيت وركبو السياره محمد ومهيار ونايف وفهد ، وتوجهو للبقاله عشان يشترون اغراض الشوي ويجهزونها ب السطح
| في البقاله|
كانو العيال يستهبلون ويسوون حركات وهم يحاولون يونسون فهد لو شوي بس ، بس كان فهد مرات يبتسم ومعاهم ومرات يسرح ويروح عالم ثاني ، اخذ نايف ودق على سلمان وهو يعلمه وانه لازم يجووون
....
| عند البنات|
ملك ببتسامه بسيطه : بتتركينا يعني
جيلان وهي ترتب اغراض شنطتها : ان شاءالله اكون ضيفه خفيفه لطيفه عليكم
اديم : افضل ضيفه ، بالله اقعدي عندنا
جيلان ابتسمت وجلست ع طرف السرير : والله ودي اصلاً اول مره احس ان عندي خوات بس شهر كثير قعدته عندكم وسطام حصل بيت لنا ، بنروح وش نسوي عاد
مجد : حاولي تقعدين عندنا يومين ، على الاقل تونسينا شوي
ضاق صدر جيلان وابتسمت وقالت : بشوف يمكن اودي اغراضي واجيكم واصلاً لو نقلنا كل عصر وانا عندكم اجل بقعد لحالي ب البيت
ابتسمو البنات وقامت مجد حضنت جيلان : ماعرفك الا قريب بس صرتي مثل اختي
ابتسمت جيلان وهي تحضن مجد : كذا بتبكوووني
اديم ببتسامه : نزوجك محمد عشان م تروح من عندنا
جيلان اعطتها ذيك النظره : اعوووذ بالله منه
ضحكو البنات ولاول مره مجد وملك يضحكون
جيلان ضحكت : شكلي بتزوجه عشان ذا الضحكه
فجر وهي مره تعبانه من حملها : خلاص لحد يضحكني بالله عليكم حتى الضحك مالي حيل له
ضحكت جيلان : كانك بلون شوي وتنفجرين
ضحكت اديم وهي تدق كف جيلان
ملك ببتسامه : الا فجوري
فجر وهي تناظرهم : اتركيك منهم ملوكي مالت عليهم
جيلان ابتسمت وهي الود ودها تسكن معاهم موبد عمرها م حست بشعور الاهل ، دق سطام على جيلان : ذا سطام شكله برا بروح اشوفه
هزو البنات راسهم ، ولبست عبايتها وطلعت شافت سطام وهو يكلم العيال برا
جيلان : سطام
التفت سطام وهي يجي يشيل الاغراض من عند جيلان
محمد وهو يكلم سطام : سطام بتشوي معانا
سطام : اوو فيه شوي وحركات
محمد : قلنا نغير جو عيال اخوي
سطام تنهد وهو ضايق ع حال نواف : زين م سويتو
محمد : طيب حياك وخل اختك تجي بعد نتونس شوي
جيلان نطت بدون مقدمات وهي م ودها تروح : اي اي خل نجلس بس لبكره
سطام : نجلس لليله انا استجارت البيت بنروح
جيلان : بكره
سطام التفت : اليل ي جيلان
جيلان وهي تسوي نفسها زعلانه : بكره سطووومي
سطام : طيب
محمد ضحك وهو جت في باله ذبه بس مسكها
جيلان : في شيء يضحك اخوي ؟
محمد وهو يمسك ضحكته بيده : ابد طال عمرس
جيلان : كويس " دخلت جيلان عند البنات وطلعت نقابها وقالت لهم انها بتقعد لين بكره استانسو البنات وحضنوها "