السلام عليكم ورحمه الله وبركاته
صلو ع محمد عليه الصلاه والسلام قبل لاتبدون البارت
ضيفوني انستا ( llzix _2)
...
اليوم الثاني
عند البنات /
كانو كل البنات نايمين ماعدا إيفان كانت جالسه على طرف الشباك وتناظر بفراغ وتشرب قهوه وفي اذنها سماعات وكانت تسمع ل محمد عبده
وكانت الغرفه وحده لها و ل إديم ينامون مع بعض والغرفه الثانيه كان نايم فيها فجر وأم فجر والغرفه الثالثه كانت للجده منيرا وفي غرفه محمد نايم معاه مطلق وسلمان وفي بيت ابو تركي الي كان جنبهم وحوشهم واحد كان في غرفه ملك ومجد نايمين معاهم ريتاج وشهد وغرفه فهد نايم معاه مهيار وغرفه نواف معاه نايف وسلطان سلطان عنده غرفه بس حب بنام معاهم اما الجد وعياله نامو في المجلس وحريم عياله كل وحده اخذت لها غرفه ونامت فيها
...
رن منبه الجوال وصحى لف شاف سلطان نايم معاه على السرير ونايف ع الارض كان مصدع قام اخذ له شور وطلع شاف العيال للحين نايمين راح لبس ثوبه الابيض واخذ شماغه الاحمر تلطم به ولبس جكيته الاسود وتعطر اخذ نظاراته ومفتاح سيارته وجواله وطلع شاف امه ف المطبخ جاء من وراها وسلم على راسها
نواف : صباح الخير ي احلى صباح
ابتسمت ام سلطان : صباح النور ي نظر عيني
جتهم مجد وهي توها صاحيه من النوم وتتثأوب
مجد : نواف مشتهيه قهوه تجيب لي انا والبنات
نواف : روحي غسلي وجهك بالاول يادوبك فكت عينها وتتطلب
دقت له تحيه : ابشر ي حضره الضابط بس تجيب قهوه
ضحك نواف وقال : كم عددكم ي البنات ؟
مجد : ياخي مالي حيل اعدهم جيب على عدد اخوانهم
نواف : احلفي اجل اطلبي الله
مجد : لالا امزح امم انا وملك وإيفان و فجر و امم
نواف : كل ذا تعدين امم وامم
مجد : المهم ثمانيه
نواف : يلا طيب ناقصكم شيء يمه ؟
ام سلطان : برسلها لك على الواتس
نواف : يلا مع السلامه
ام سلطان : الله معك
طلع نواف وشاف جدهم وابوه وعمانه براء في الحوش
نواف : السلام عليكم
الكل : وعليكم السلام
الجد :وين رايح ياولدي
نواف : بروح اخذ اغراض للبيت وراجع
الجد :اي زين زين الله معك بس لاتنسى تكلم العيال اليوم كلكم تتجمعون عندي
نواف وهو يأشر ع خشمه : ع ذا الخشم
الجد : عليه الشحم
عند غرفه فهد /
صحى مهيار وصحى فهد معه
مهيار : قم اصحى قبل لايلعنك جدي
فهد : كم الساعه ؟
مهيار : الساعه ١١ بيإذن الظهر قم
فهد : يلا يلا صحيت
راح مهيار غرفه محمد يصحيهم اما نايف وسلطان صحو قبلهم
<< تقديم الوقت >>
عند البنات /
كانو كلهم جالسين في غرفه البنات مع بعض ومعاهم مي
دخلت عليهم مجد وفي يدينها كاسات قهوه
مجد : خل نروق شوي
إيفان : جت في وقتها
إديم : ياحيوانه شاربه لك قهوه الصباح
إيفان : احب القهوه ياخي
شهد : هاتي هاتي قهوتي
مجد : تفضلو
ووزعت مجد عليهم القهوه وطلبت لك وحده قهوتها الي تحبها
ريتاج : مي يعني انتي بتستقرين هنا ف الرياض ؟
مي : على كلام امي شكلنا بنستقر
ملك : الله يعني كلشوي وحنا عندك
مي : اووو اربعه وعشرين ساعه تعالو بعد نامو عندنا
ابتسمت ملك : ليت إيفان تستقر ف الرياض بعد
إيفان ناظرتهم بحزن وقالت : ياليت تعالو الشرقيه انتم بين فتره وفتره زي إديم
فجر : ان شاءالله نحاول نجي
إديم : من قدي معطيك وجهه
إيفان : اص بس يعني م استاهل ؟
إديم بضحك : الا تستاهلين كلشي
إيفان ابتسمت
...
عند العيال /
تجمعو كلهم في المجلس مع جدهم وينتظرون وش بيقول جدهم لهم
الجد : وأنا جدكم انتم ماشاءالله كبرتم وكل واحد صار عنده وظيفته ولي يدرس يعيالي الي ابي اقوله لكم الحياه صعبه انتم اكيد واجهتم مواقف وتعلمتو منها ماعندي ادنى شك في انكم م تحملتو كل واحد فيكم قلبه اقوى من الثاني انتم اخوان تربيتو مع بعض وضحكتو مع بعض وبكيتو مع بعض خلكم دايم كذا مع بعض خلوكم اخوان خلوكم يد وحده انا مدري الموت متى يجيني
قامو العيال كلهم حوله يسلمون عليه : بعيد الشر عنك ي جدي
محمد : ابوي وش ذا الكلام
ابتسم الجد : خلوكم دايم كذا عشان لأمت يقولون ثنيان جاب ذيابه لاتفرقكم الفلوس لاتفرقكم بنت لاتفرقكم حياه
نواف : ان شاءالله ي جدي تشوفنا بعيونك وتزوجونا بيدينك
الجد : ان شاءالله اذا ربنا عطانا عمر اشوفكم
الجد كان عصبي صح ويعصب عليهم كثيرر ويهاوشهم بس كان يحبهم وعصبيته مستحيل تغلب ع حبه لهم يبيهم يد وحده يبيهم اسم واحد
الجد : انا بقوم انام ي عيالي وانتم لاتسهرون مو زين
مطلق : نوم العوافي ي جدي
محمد : معليك ابوي انومهم لك واحد واحد
فهد : بتغني لنا طيور الجنه
محمد : اذا لزم الوضع اي بغني
مهيار : وقتها يجينا ارق
سلطان: انت رح نوم نفسك تسوي خير فينا
ضحك الجد وهو يحب يشوفهم كذا دايم
الجد : يلا تصبحون ع خير
نواف : وانت من اهله يجدي
قام الجد وطلع من المجلس ونواف قام وراه ولا قعد مع العيال
طلع السطح لحاله اخذ سجاره وشغلها وهو يناظر ف القمر ويبتسم وطرا ع باله شكلها يوم شافها م يدري ليش طرت ع باله بس قال : مو معقوله الواحد يحب عيون م يعرف صاحبها انا م قدرت اكتب شعري عن ذيك العيون شعري ماراح يوفي بحق جمال ذيك العيون
طفئ سجارته وقام نفظ ثوبه ونزل من السطح
دق جواله
سطام : الوو نواف
نواف : ياهلا
سطام : لأزم تجي المركز ضروري فيه شيء لازم تشوفه بعيونك
نواف : يلا يلا جايك
نزل نواف جري ودخل غرفته وطلع ثوبه ولبس بدلته العسكريه ولبس كاب البدله
وطلع كانو العيال برا في الحوش جالسين ويشربون قهوه
سلطان : نواف ع وين
نواف : سطام دق علي ولأزم اروح انت الحقني الصبح
سلطان : لابروح معك ذلحين
نواف : سلطان لأزم تقعد انا اعلمك بعدين وش يصير
سلطان تنهد وقال : طيب انتبه ع نفسك
ركب نواف سيارته ومشى
وصل للمركز ونزل وتوجه للمكتب
دخل شاف سطام جالس ع الكمبيوتر
نواف: السلام عليكم
سطام : عليكم السلام
نواف : كيف الاوضاع
سطام : قفطنا في المطار بعض السجلات له
نواف : رجع ؟
سطام : اي رجع من باريس وراح لبيته الي ف الرياض
نواف : افتح السجلات
فتح سطام السجلات
سطام : طبعاً فريقنا وراهم لين بيته بس ي نواف ترا حراسه كثيرين مره
طالع نواف وقال : والبضاعه كيف خباها الكلب ؟
سطام : في تفتيش المطار م طلع معاه شيء
مسك نواف راسه : حطيت عند بوابة بيته احد ؟
سطام : اي حطيت ثلاث اشخاص يراقبون بس تعرف ي نواف مو سهل
نواف : بحفر اسمي بقبره انتظر مع الوقت
جلس سطام قدام نواف وقال : خل نطلب قهوه نريح اعصابنا ونفكر
نواف بصوت عالي : معاااذ
دخل معاذ المكتب وقال : امرني
نواف : عطنا قهوتين
معاذ : ابشر
وطلع
نواف : لأزم نعرف خطواته وكل مكان يروح له
سطام : معليك قاعد احاول اعرف كلشي عنه بس اكتشفت هويه له بس مزوره
نواف : بسجل الشرطه القديم م حصلت له اسم جريمه من جرايمه ؟
سطام : حصلت له اسمين مزوره بعد واكتشفت ضابط كان وراه ويدور ادله عليه بس توفي ذا الضابط
نواف : يعني هو الي قتله ؟
سطام : توقعاتي تقول هو لأن الضابط م طول وهو يدور عليه ومات مقتول
نواف بعصبيه وكان في يده فنجال القهوه رماه ع الجدار وقال : أبن الكلب
سطام : نواف اهدى بنشتغل بالبحث عن شيء يخصه
نواف جلس ع الكرسي وحط راسه ف كفوف يدينه وقال : اليوم ماراح احد يطلع من الدوام لين نحصل شيء متعلق فيه
سطام : ولايهمك عندي بعض الملفات فيها اسماء بنبحث عنه معاهم
نواف : كم ملف ؟
سطام اخذ نفس وقال : ١٢٠ ملف كثيره بس مافي حل غير كذا
نواف : وبننفذ ذا الحل
قعدو نواف وسطام يدورون في الملفات من الساعه ١١ اليلل لين الساعه ١٠ الصباح ولا نامو
نواف بتعب قام من الكرسي وطلع جكيته بدلته وطلع كابه وجلس جنب سطام
نواف : كم باقي ملف
سطام بتثأوب : حوالي ٢٧ ملف
نواف رجع راسه ع الجدار
ودخل عليهم سلطان ف المكتب ومعاه فطور
سلطان : للحين ماحصلتو شيء
سطام : لا مع الاسف باقي ٢٧ ملف ان شاءالله نحصله فيهم
سلطان : جبت لكم فطور افطور وانا بكمل عنكم
سطام : جيت بوقتك قسم بالله
نواف : يعطيك العافيه بروح اغسل وجهي واجي
سلطان : يعافيك يلا
قعدو نواف وسطام يفطرون وسلطان يدور في الملفات
دق نايف ع نواف
نواف : ارحب يولد العم امرني
نايف : البقى يابعد راسي كيف الامور معك ؟
نواف : كلشي تمام
نايف : على القوه علمني بكل شيء يصير
نواف : ابشر
نايف : تراني اليوم راجع لشرقيه
نواف : ليه توك جيت مسرعك بتروح
نايف : تعرف ابوي مريض قلب وعنده مراجعات في الشرقيه لازم اروح واي شيء يصير بلغني يولد العم
نواف : الله يشفي عمي ولايهمك ابلغك
نايف : يلا انتبه ع نفسك
ابتسم نواف وقال : وانت بعد وانتبه ع عمي وكلشي ان شاءالله بينحل
نايف : يلا ان شاءالله كلها يومين وارجع الرياض
نواف : ان شاءالله
وقفل الخط
عند البنات /
إيفان كانت ترتب اغراضها ف الشنطه لانهم راجعين لشرقيه
فجر : متى بترجعون
إيفان : نايف يقول يومين ونرجع
إديم : شوفي راح احسب ذا اليومين يويلك لو اكثر
ضحكت إيفان وقالت : ان شاءالله
ملك : اذا وصلتي كلمينا
إيفان : ابشرو ي بنات
وحظنوها البنات وودعوها
..
في السياره عند نايف وإيفان /
كان نايف يسوق وجنبه ابوه وإيفان وراء
إيفان : نيوفي اشتر لنا اكل
نايف : ابشري قدام في مطعم ننزل نتغداء ونمشي
ابو نايف : الله يرضى عليك يولدي
....
عند البنات /
فجر كانت في غرفتها تسوي شعرها ودخلت عليها مجد وقالت : وش تسوين
فجر : اسوي شعري م تشوفين
مجد : الا اشوف بس وش المناسبه
فجر : طفشانه بس وش رايك بالله مو حلو؟
مجد : تهبلين اي صدق عمتي تبيك
فجر : يلا قايمه
راحت فجر تشوف امها وش بقت
...
عند العيال /
مهيار كان يبي احد يكوي له ثوبه ودق ع إديم بس ماترد عليه دخل الصاله ينادي إديم
ومرت من عنده بنت بس ماشاف وجهها شاف شعرها وظهرها وكان متوقع انها إديم
مهيار : إديموه
انفجعت فجر من صوت الرجال كيف دخل وهربت ع الغرفه وقفلت الباب عليها
اما مهيار وقف مصدوم انه جاب العيد وانحرج ورجع عند العيال ونسى الثوب ونسى كلشي وهو محروج الف عرف انها مو إديم يوم هربت جلس مع العيال وهم يسولفون
مطلق : شرايكم نطلع نغير جو شوي طفش
فهد : م اقول لا عندي لكم مكان يوه ع كيف كيفكم انت وياه
محمد : اخرتها تودينا حديقه الحيوان
مطلق بضحك : ما يحتاج انتم موجودين
رما فهد عليه علبه المويه الي كانت في يدينه على مطلق
سلمان وهو يأشر ع مطلق ويقول : انت منت رايح معانا
مطلق : دز انت وياه انا الي جايب الفكره
مهيار : انتم روحو مأني رايح انا
فهد : ليه ياخي لاتخليني معاهم جوهم بيض
محمد : والله محد جوه بيض غيرك
مهيار ابتسم : والله ودي اروح معكم بس عندي شغل في الشركه بعدين يطردوني ويكون انتم السبب
وقام واخذ مفتاح سيارته
مهيار : نتجمع ف اليل
سلمان : يلا بالتوفيق
في مركز الشرطه عند نواف /
كانو مستمرين يبحثون والمكتب محيوس كله اوراق ف كل مكان
نواف قام من الكرسي حقه بفرح : حصلته
لفو عليه سطام وسلطان وقامو معاها
نواف : حصلتك يا الكندري " اسم خيالي مو حقيقي "
ننهي البارت لين هينا ....
اعذروني اذا فيه اخطأ املائيه 💗
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
