ليتك تعرفين الحال؛ ويش هي نواياي

واحد واربعين

صلو ع نبينا محمد عليه افضل الصلاه والسلام ....

...
بشعه غمض سطام عينه من المنظر اما نواف ناظر وبلع ريقه حاول يحميه بكل م يقدر بس صار الي صار
ابوسامي وهو يلف شماغه ع خشمه
المحقق : القاتل شرس م رحم الرجال
نواف : جعل مثواه الجنه " جلس وهو كان قريب من جثه سعيد الي كان ميت وعيونه مفتوح رفع يده وهو يغطي عيون سعيد " باذن الله تتقابل مع عيالك ب الجنه
ابوسامي : امين امين
نواف رفع عيونه ع المحقق : شيكتو ع الكميرات السوبر ماركت ؟
المحقق : يقول خربانه
سطام : مستحيللل انا كنت اتابعه من الكميرات ذيك
نواف عرف ان الجريمه مدروسه درس بس حلف انه ليجيب زايد ويطلع انه هو الي قاتله : امسك راعي السوبر ماركت وحقق معاه " التفت ع ابوسامي " القضيه ذي لنا ؟
ابوسامي : اي بما ان المشتبه في زايد ف القضيه لنا
نواف لف ع المحقق وهو يمد يده : الضابط نواف ال ثنيان بما اننا بنشتغل ب القضيه مع بعضنا
المحقق صافح يد نواف : المحقق زياد ال ***
نواف : ونعم
زياد : معليك زود
سطام وهو يصافح يد زياد : الضابط سطام
زياد : تشرفنا
دخل احد اطباء التشريح : حصلنا لعبه
نواف : وش ؟
: تعالو وشوفو
دخل زياد ووراه نواف وسطام وابوسامي الي شافو جدار غرفه سعيد مكتوب بالدم وكاتبين " ياترى من مقتولتنا الثانيه "
: الغرفه الثانيه فيها بعد
طلعو ودخلو الغرفه الثانيه ومكتوب " زوجة مين ي ترى ؟ "
: وفي بعد بالغرفه الثالثه
طلعو من الغرفه الثانيه ل الثاله بس الثالثه تختلف بصوره إيفان الي ملصقها ع الجدار مصورها وهي بغرفتها من شباكها كلهم صدو النظر ونواف الي بدا الخوف يملي قلبه مسك الصوره وهو يشيلها بعنف من الجدار وهو يصارخ مسكه ابوسامي وهو يهدي نواف : اهدى ينواف
نواف : يلعببببب معاناااا م تشوفهههه يحط اسمي ويكتب تعرف من الي بعده ويكتتتببببب ع الجدران بالدم ويحططط صورتهااا
ابوسامي : اعررررف ي نواف اعررررف بس لازم ترررركز ي نوافف ب القضيه لازم م تاخذها بحقدددد عشان م تخسر القضيه
زياد : انا براجع السوبر ماركت وبحقق معاه
نواف وهو يطلع برا بيت سعيد ويدق ع معاذ بالمركز : الووو معاذ ارسل دوريه لبيت برسل لك موقعه الان تروح الدوريه له تسمعني ؟
.....
| عند إيفان |
قامت من نومها بفزع بكابوس مريب داهم نومها مسكت قلبها وهي تتعوذ من ابليس بدت دموعها تنزل وتمسحها بسرعه
إيفان وهي تتكلم عن كابوسها : يرب يرب نواف م يصير له شيء " كان كابوسها عن نواف كابوس مرعبب"
قامت وهي تدخل للحمام " وانتم بكرامه " طلعت وهي تتوضى وتفرش سجادتها وتصلي وفي سجودها بدت شهقاتها تعلى وتبكي سلمت وهي تمسح تموعها وتلم سجادتها
إيفان وهي تحس بارهاق : "اللهم ارزقنا الصبر على البلاء
والرضا بالقضاء والشكر عند الرخاء." اللهم يا سامع كل صوت ويا رب السماوات السبع والأراضين أسألك أن تلهمني الصبر والسلوان وأن تنهل عليَّ الرحمات بكرمك وحدك يا الله. اللهم هذا حالي لا يخفى عليك، وأنا عبدك الطائع الذي يمتثل لأمرك فلا يشكو ولا يبكي ولا ينوح، اللهم اكتب لي أجر الصبر
ناظرت بالمرايه وشافت انعكاسها وكانت مرهقه وبطنها الي توه يبرز  لمت شعرها ب اهمال وجلست ع السرير وهي تمسك جوالها وكانت داخله ع محادثات نواف الكابوس ارعبها لدرجه تحس ان الكابوس كان رساله لها بس ترددت ف الارسال شلون ترسل له وهم معاد هم خلان ؟ رمت جوالها ع السرير وقامت بدون م ترسل له تذكرت كل شيء هي م تحقد عليه هي تلومه
نزلت تحت عند ابوها واخوها شافت ابوها يتابع الاخبار ويقلب ب التلفزون
إيفان ببتسامه متصنعه م تبي تحسس ابوها بشيء : وش تتابع
ابونايف: نشوف اخبار الناس
إيفان : افطرت ؟ ولاتبيني اسوي لك
ابونايف: لا يقلبي نايف جاب لنا فطور وافطرنا
طلع نايف من غرفته وهو لابس طقم الممرض
إيفان : بتروح دوامك ؟
نايف: اكيد اخذت اجازات كثيره ذا الفتره شوفي الفطور خليته في المطبخ اكلي
ابتسمت إيفان: يعطيك العافيه
نايف وهو يغمز لها : مستقبل نروح انا وياك لدوامنا مع بعض ي دكتورتي
ابتسمت إيفان وهي كان حلمها هي ونايف دايم يكون هو ممرض وهي دكتوره : ان شاءالله
نايف: يمكن م اجي الا الفجر عاد انتبهي لنفسك
قام ابو نايف : وصلني عند جدك يولدي انا واختك ومنثمها رح لدوامك
إيفان ببتسامه وهي م ودها تروح ابداً ولا تبي تروح البيت الي يكون نواف موجود فيه : لا يبه انا بقعد تعبانه من الحمل وكذا بنام روح انت
ابونايف : م يصير اخليك لحالك
إيفان : صدقني اني بكون بخير روح سولف واستانس وانا بكلمك كل ساعه
نايف م حب يتكلم ويضغط عليها: معليه اقعدي بس ردي علي كل م دقيت عليك
إيفان : ابشر
طلعو ابونايف ونايف من البيت وقعدت إيفان لحالها حست بتعب وطلعت تاخذ شور تتنشط فيه شوي
.....
| عند نواف |
وصل عند الدوريات الموجوده قدام بيت ابونايف ونزل من سيارته
نواف : احد جاء دخل طلع ؟
: الرجال طلعو من البيت وصورتهم " طلع جواله ووراه نواف وكانو نايف وابونايف "
نواف : م طلعت معاهم بنت ؟
: لا
نواف : تمام
جلس نواف معاهم بالسياره ومرت نص ساعه ونواف عيونه م فارقت البيت لمحها وهي تفك شباك البيت
: طال عمرك بروح اخذ ماء من البقاله تبي شيء
نواف م رد وهو يناظر ظلها من الشباك وتحركها ب المكان الي هي فيه
: طال عمرك !
نواف التفت عليه: هلا
: بجيب ماء تبي ؟
نواف هز راسه ب لا : عافيه عليك
نزل من السياره وهو يروح للبقاله بقى ب السياره نواف وواحد معاه ع باب القياده 
دق جوال نواف وكان سلطان م حب يرد نواف م يبي يحسس سلطان بشيء خصوصاً انه عريس ولا يبي يزيدها عليه
....
| في بيت الجد ثنيان | تحديداً غرفه سلطان& إديم |
طفى سلطان من جواله وشافت إديم القلق ع وجهه
إديم وهي تسوي شعرها وتناظر سلطان من المرايه : وش فيك ؟
سلطان ببتسامه : قلقلت ع نواف من امس م يرد علي " وقام وهو يحضن إديم من وراء "
ابتسمت وهي تنطق : يمكن متضايق بيته تشتت في الاخير ، شوي ويرد عليك" إديم حاقده ع نواف من حقد إيفان عليه ومن زواج نواف على إيفان بس هي عارفه ومتاكده ان نواف ماله اي يد في موت ام إيفان "
سلطان خطف بوسه من خذ إديم واخذ مفتاحه: بروح اشوف المركز والله ي القلق انه ياكلني
إديم ابتسمت وهزت راسها وطلع سلطان من عندها اخذت إديم جوالها وهي تدق ع إيفان ردت إيفان وبدت تعاتبها إديم : خيررر م جيتي مع عمي ؟
إيفان بان صوت التعب من خلال الجوال : مالي خلق
إديم تنهدت : مالك خلق ولا م تبين تشوفين نواف ! تطمني من امس م شفناه ولا جانا ويدق سلطان عليه م يرد
إيفان بان صوت الخوف : ليش وينه !
إديم تنهدت : للحين تحبينه وراسك يابس إيفان اعرف ان نواف يوم تزوج عليك كان اكبر خطأ منه بس إيفان اسمعيه بعدين تطلقي ع راحتك
إيفان بقهر : يمكن عند زوجته طمني سلطان
إديم تنهدت بضيق: وكيف اطمنك ؟
إيفان : إديم بقفل احس ماني بخير
وقفلت
| عند إيفان |
قفلت من مكالمتها مع إديم ونزلت دموعها كالعاده والعين تشكي وجف دمعها
إيفان بصوت مبحوح : يرب يرب انك تصبرني يرب انا معاد قادره اصبر ابي اموت خذ امانتك خذني عند امي يربي خذني عندهااااااااا " بكت بصوت عالي " معادددد فيني صبرررررر تعبتت تعبتتتت يربي تعبتتت ماعرف وش اصدق وش اخلي
مسحت دموعها وهي تبعد شعرها المبلول عن وجهها اخذت نفس وهي تحاول تهدي نفسها مسكت جوالها وهي متردده ترسل ل نواف مترردده كثير والخوف مالي قلبها م تبي تخسره مثل خسارتها ل امها كابوسها ارعبها لدرجه تحس انه مات ، وهرموناتها تزيدها ضغطت ع رقمه ودق الجوال ع رقم نواف
| عند نواف |
مسك الجوال من شاف اسمها ونزل من السياره وهو يرد بخوف عليها ويناظر البيت
نواف : إيفان
م كانت ترد كان يسمع صوت انفاسها من الجوال وشهقاتها
نواف : الووو إيفان
قفلت الجوال هينا خاف نواف وهو يركض للبيت ويدق الجرس اخذ شويات ونزلت وهي تقول : نايف جيت ؟
فكت الباب وشافت نواف" نواف اخذ نفس براحه لان خاف يكون صار لها شيء ، وهو يشوف شعرها المبلول وعيونها الشاهبه ، وبطنها الي تو يبرز ومحليها "
نواف وهو يلهث : فيك شيء ؟
إيفان ونزلت الدمعه ع خدها : انت نسيت انك طلقتني شلون تجي ؟
نواف : إيفان مو وقتك ، ادخلي البيت
إيفان وهي تناظر بنظرات استفهام : تامرني حتى في بيت ابوي ؟ ليش جيت انت
نواف برفعت صوت شوي : وانتي ليه م رحتي مع ابوك واخوك
إيفان بضحك هستيري والدموع بخدودها : ماني زوجتك عشان ابرر لك
نواف وهو شاد ع يده وبلع ريقه: زوجتي بالمحكمه لاتنسين
إيفان بصراخ : ليش جيت سوال بس ليش جيتتت ليش تخليني اشوووفك ؟ كفااايه انا تعبتت تعبتتتتتتت
نواف : وليش دقيتي علي ؟
إيفان وهي تمسح دموعها وتحاول تبين له انها قويه : بالغلط ولا انا عفتك
نواف كان يبلع جروحها له وعزه النفس م تسمح : حتى انا عايفك لاتفكرين اني ميت عليك
" كان يجرحون ببعضهم ولا يعرفون عمق ذا الجروح "
إيفان وهي تمسك الباب ع اساس تقفله : كويس دامك عايفني لاتجي
م امدها جت بتقفل الباب الا اطلاق ناري صياد واكثر من شخص يطلق النار صاحت إيفان وهي تطيح ع الارض بخوف مسك نواف الباب وهو يفك الباب من يدها ويدفها عشان تدخل البيت وقفل الباب عليها بس حس ب الرصاص تنقرز في ظهره واطلاق ناري ثاني بصدره طاح ع ركبته والدم يسيل منه
جاء العسكري وهو يطلق النار وينادي ب نواف : طالللل عمرررررررررررككككك تكفى عطنا اجابه منككك
كانو اشخاص متلثمين وكانو محاوطين بيت ابو نايف جو شخصين بيدخلون البيت طلع نواف سلاحه وهو يتنفس بصعووووبه ويقوم بصعووووبه وجروحه تنزف مسك احد رجال زايد الي كان بيدخل من وراء وطرحه ع الارض لف الثاني وكان بيطلق ع نواف بس رصاصة نواف طلعت من سلاح ع جبين رجال زايد وطاح ميت كانو بيدخلون بيت ابو نايف وهو يسمع صرخات إيفان دخل وهو شبه ميت شافها وهي تصارخ ومحاوطها واحد من رجال زايد رفع السلاح عليه وهو يصرخ ويقول بكلمات متقاطعه : الي يمسك شعره منهااااا ذا م عااااش " اطلق عليه النار طلقات متتاليه م تنحسب "
إيفان وهي ماسكه فمها بفجعه وتبكي ناظرت نواف الي ابتسم لها وطاح ع الارض صارخت وهي تركض له وتشوفه بدمه وتشوف وشلون رمى نفسه قدام الموت عشانها ولا رف له جفن
إيفان وهي تحضن نواف الي طايح ع الارض وتبكي : نوووووووووواففففففففففففففف لاترررروح تكفى تكفى لاتتركنيييييي لاتتركنيييي مقدر بدوووونككككك"حطت راسها ع صدر نواف وهي تبكي وملابسها تلطخت بدم نواف " فك عيونك تكفى فك عيونك نواف لاتخلي إيفانك نووووووواففففففففففففففف
دخل ابوسامي والعسكر الي استدعو للمساعده وهو يشوفها تبكي ع حضن نواف والدم مغرق البيت دخل نايف الي كان جاي من الدوم ومنفجع ويدعي ان م صار شيء ل إيفان بس شافها تبكي ع صدره وتصيح ب اسمه غمض عيونه بقهر والدموع في عيونه
ابوسامي وهو يصرخ ع العسكر : استدعيتووووو الاسعاااف ؟؟؟؟؟
العسكر : اي
قرب نايف من إيفان وهو يحضنها من وراء : إيفاااان
كانت إيفان تصرخ وتبعد نايف : عااايش قلبه ينبض نايففففف قلبه ينبض لازم م نتركه
نايف وهو يحاول بقومها من جنب نواف : بعيش م راح يموووت بعيش اوعدك
إيفان وهي تبكي ومنهاره مسكها نايف وهو يحضنها ويحط وجهها في صدره وكانت تحاول تفك نايف بس نايف بعدها
قرب ابوسامي من نواف رغم انه شايب الا ان الدموع في خدوده مسك نواف وهو يشوف نبضه وكان قلبه ينبض ع خفيف مسكه وهو بحضنه وينفجر بكاء
ابوسامي : لاترررروح لاتررروح وتخلي زوجتك وولدك لاتروح يولدي لاتروح
دخلو الاسعاف وهم يشيلون نواف وابوسامي معاه وطلعو ودخلو التحقيق الجنائي عشان جثث رجال زايد
| عند إيفان |
كانت تصيح وتبكي ونايف معاها وكان نايف اخس منها
إيفان ببكى : نايف لايروح ي نايف
نايف وهو يمسح دموعه بشماغه : اخذته الاسعاف بيلحقونه يعيوني بيلحقونه
إيفان : ودني له تكفى نايف ودني له امانه نايف بموت
نايف وهو يمسك وجهها وهي تبكي : اوووششس تمام بنروح بنروح له
إيفان وهي تمسح دموعها وتشهق قامت وهي كانها مجنونه قالت وهي تشهق : بج...يب عبايتتييي نروح له
هز نايف راسه ب الايجاب وهو الدموع بعينه يحاول يقوى قدام اخته طلع وهي تبكي جلس ع الكنب وهو يبكي : يرب انك تقومه ب السلامه يرب انك تقومه ب السلامه
.....
| عند زايد الكندري |
زايد بضحك : م تتخيل وش صارر
سعد " شريك زايد " كان يناظره بهدوء
زايد : يعني هدفنا كان زوجته بس النصيب هو " ضحك بضحكه عاليه"
سعد : والفلوس بترجع يوم انك قتلته؟
زايد وهو يضرب الطاوله: انتقمت اهم شيء
سعد بضحك: ان مات بنتك تصير ارمله ولا نسيت ؟ ويوم انك تحط اعمال كبيره بيددددد بنتك البزر
زايد بانت ملامح الغصب ع وجهه : انت بتخررررب فرحتي !
سعد قام وهو ياشر ب اصبعه ع زايد: خسرنا ١٨ مليون بسببب بنتك خسارتي كبيرررره وانت وراء وش تركض اسمع زينننن شراكتنا انتهت
قام زايد من الكرسي : بتندم كثيررر ي سعد
سعد : سو اعمالك مع بنتك الفاشله وتخونك وتتزوج الي تبي
زايد وهو يحك فكه ع بعض وبقهر : بنتي تزوجته عشان الخطه " غزل بررت له وكل كلمه قالتها كذب بس زايد يصدق "
سعد وهو يصفق وبصراخ : ونجحت ؟؟؟؟ فلوسي ترجعلي وبضاعتي الي طارت اعرف كيف ارجعها منك والشراكه انتهت
" طلع من عند زايد بغضب "
| عند غزل في غرفتها |
كان ماسكها ب غضب
فيصل بصراخ : تبينننن تقنعيني ان مالك يد بموت سعيد
غزل وهي تحاول تفك : فيصللل والله معرف
فيصل فكها وهو يجلس ع السرير : انا معاد اتحملكم شلون شلون تسوون كذا وضمير م فيه
غزل وهي تمسك يدها بوجع : ابوي م يقتل هو بس يامر
ضحك فيصل ب استهزاء : م يقتل ؟ ضاحك عليك بعيني شفته بعيني شفته ولا رف له جفن
غزل: كذاب ابوي م يقتل بيده
فيصل ناظرها : وش فرقت ؟ قاتل ناس برئين
" نزل بغضب وقابله زايد وصارخ عليه : ووووين رايحح ؟
فيصل ول اول مره برفع صوته ع ابوه : مالك دخل فيني
زايد مسك اعصابه : وش قلت ؟
قرب فيصل منه بشجاعه : مالك شغل فيني سمعت زين الحين ؟
ضربه زايد كف ع وجه لف وجه فيصل لف مسك فيصل خده والدم من شفايفه يمسحه : تمون يبه تمون بس انا معادني فيصل الصغير فيصل الخايف بح طار
زايد : صرت تستقوى علي اجل ؟
فيصل : وانت تستقوى ع الابرياء ؟ شلون يهون عليك تقتلهم
زايد وهو مجمع يده بغضب : ليكون قلت ل اختك شيء م ارحمك ب فيصللل
فيصل وهو يمح دمه الي من فمه : قلت لها قلت والحين بقولك شيء غزل م تزوجت نواف عشان الخطه تزوجته عشانها حبته " رغم كان فيصل هادئ الا انه يعرف كل شيء كل شيء وقال ل ابوه كذا عشان يبعد غزل لانه يعرف ان ابوه بيسفرها "
زايد : كلامك اثمنه
فيصل : مثمن كلامي يبه " وطلع من البيت "
....
| في المستشفى | في اسياب المستشفى |
كانت تبكي في حضن نايف جنب غرفه العمليات وابوسامي جالس وجنبه سطام الي متلثم وبس يدعي سمعو صوت صراخ ب الاسياب عرفو ب وصول سلطان والي معاه
سلطان وهو يصارخ ع الممرضه : وووووين غرفه نووواف ويننننن
نايف قام وهو مغمض عيونه : سلطاااان
التفت سلطان وفهد ومحمد ع نايف
سلطان : نايف نايف وش صار وش صار ع نواف وش صار
نايف وهو يحاول يهدي سلطان المنفجع ولا يعرف ان نواف بغرفه العمليات : صل ع النبي وانا اخوك
سلطان بصوت مرتجف : عليه الصلاه والسلام
نايف : نواف تعرض ل اطلاق ناري ودخلوه غرفه العمليات
فهد وهو دموعه تنزل : سلطان !
سلطان الي كان الارض دارت من حوله معاد يشوف قدامه مسكه فهد وهو يحضنه شد سلطان ع حضن فهد وهو كان روحه طلعت من مكانها محمد شاف إيفان الي تبكي ب الزاويه وراح لها يهديها
كان فهد يبكي بحضن سلطان وسلطان شاد ع فهد وهو دموعه م نزلت
سلطان بصوت مبحوح : هو قوي م يموت بسهوله م يموت ي فهد م يموت تشوف شوي ويطلع الدكتور ويقول اقوى مريض اشوفه بتشوف ي فهد بتشوف
فهد وهو يشد ع كتف سلطان : انشهد
ابوسامي وهو يكلم سلطان : جدك م درى ؟
محمد : لا ابوي م يعرف براي م نقول لهم لين يطلع من العمليات
إيفان وهو بحضن محمد قال لها محمد : إيفان تبين نروح ترتاحين
هزت راسها ب الرفض : م اقوم من هينا لين اتطمن ع نواف واشوفه بعيوني
مسح نايف ع وجهه وهو يشوف اخته تعاند : إيفان انتي حامل ارتاحي انا اقولك وش يصير
إيفان ببكى وهي تصارخ : افهموو افهمووو م اقوم من هينا لين اشوف نواف م اروح
محمد تنهد : خلاص خلاص تنتظرين معانا
" مرت اربع ساعات ونواف م طلع من العمليات الساعه ٣ الليل "
كانت إيفان حاطه راسها ع كتف نايف ونايمه وفهد منسدح ع رجل محمد اما سلطان كان جالس ع الارض وبلاط بارد وكانه جسم بدون روح ان مات نواف مات سلطان م يقدر يعيش بدونه ناظرهم ابوسامي وهو يقول ل نايف : اختك بتتعب يولدي لو انك تاخذها
نايف والتعب بعيونه وشعور انه مذنب بقلبه : عنيده م بتروح يبوسامي م تروح
ابوسامي تنهد ورد ع سطام الي راح يحقق : الو سطام
سطام: كلهم ماتو محد عايش الا الصياد  وهو هرب
ابوسامي حس بصوت سطام انه مغبون : قو نفسك ي سطام وكمل شغل نواف
سطام بلع ريقه : ابشر
"قفل "
| في غرفه العمليات |
الدكتور بصراخ : عطني المشرررط بسرعه
مد له المشرد كانت عمليه في قمه الصعوبه وكل الفريق الطبي متجمع
دكتور٢ : نبضات القلب بدت تقل ، استعجل
الدكتور : حقن المريض بالأدرينالين
اخذ الممرض الابره وحقن نواف اما طالت العمليه لين توقف قلب نواف
الدكتورر وهو يحط المشرط ف ادوات الطبيه ويقول : هاتت جهاز صدمات القلب
مد له الممرض
الدكتور : بعدووو
الدكتور ٢ : م يصير بيدخل غيبوبه
الدكتور : م يدخل
بدا ينعش قلبه بس ماكان قلب نواف يستجيب معاه
الدكتور : ارفعه ٢٠٠
ورجع وانعش قلب نواف بس بدون فايده قلبه متوقف
الدكتور بصراخ : ٣٠٠
الدكتور ٢ : خلاص مات
الدكتور ناظر فيه : ارفعه ٣٠٠
الدكتور ٢ تنهد وهو يرفع ع حسب طلبه بس م ستجاب قلب نواف
الدكتور : مره ثانيه
....
| عند سلطان |
م تحمل الانتظار وهو التفكير ماكله راح للمرضه وهو يصرخ : صار له ست ساعات ب غرفه العمليات
الممرضه: اخوي اهدى عمليه مو سهله الفريق الطبي يسوي كل الي عليه ......
.....
ننهي البارت لين هينا