صلو ع محمد عليه افصل الصلاه والسلام
......
سلطان تنهد بضيق وقال : م خنت شيء انت سويت الي كان المفروض تسويه ، بتقول ل نايف؟
نواف وهو يطفي الدخان : اكيد م بخبي شيء عليه " طلع سقاره ثانيه من بكت الدخان "
سلطان وهو ياخذها منه : ي خوك تضر نفسك وانت م تحس
تنهد نواف بضيق وضح بصوته
سلطان بدا يمسح ع ظهره : وش اسوي عشان افرج همك ؟
ابتسم نواف ابتسامه خفيفه : بس خلك جنبي ي خوي
سلطان : وانا دايم جنبك ي عضيدي متى كنت متضايق وم كنت جنبك ؟ انا اعرف ضيقك من غير م تقول ومن ضيقك اضيق ي خوك
نواف : انا ضايع بدونك ي سلطان ضايعع بالحيلل من يوم خلقت ع الدنيا وانت السند بحياتي
سلطان ببتسامه : وانا اضيع بدونك ي عضيدي احب اذا التفت اشوفك جنبي وحولي من يوم انولدت وشفتك بحضن امي عرفت وقتها انك كل شيء بحياتي
وقتها طلع نايف من البيت : ي عيال انتم هينا ؟ فقدتكم م شفت فرشكم ف المجلس
غمض نواف عينه بقهر وكانه خاين نايف وشلون يقول له انا تزوجت بنت قاتل امك ؟ وشلون يقولها ؟
نايف حس فيه شيء : ي عيال فيكم شيء ؟
سلطان وهو يمسح ع وجه ويستغفر
نايف استغرب وقرب منهم : نواف ؟
ناظره نواف بنظره مكسوره نايف حس ب النظره ذيك : وش ي نواف
نواف : يحقك لك م تسامحني
سلطان : نواف ؟ انت م سويت شيء
نايف بلع ريقه : وشو ؟
نواف بدا يعلمه بس م ذكر جزء تهديد غزل له يحسه مو مبرر يحسه لازم ذاك الوقت يخلق معجزه كان كذا احساسه رغم انه كان مجبوور
سلطان : شكل نواف نسى يذكر جزء من السالفه
نواف : سلطان ! مو مبرر كان وقتها فكررتت زيننن خلقت معجزه اي شيء
سلطان م سمع كلام نواف وكمل السالفه ل نايف
كان نايف بس ساكت
نواف ناظره وقال : نايف اعرف اني م كنت قد الوعد الي قطعته لك
نايف : نواف لاتلوم نفسك انت انجبرت وقتها وانا والله م الومك والله ولا عمري حطيت الوم عليك ي ولد العم ، حنا بنمسك زايد وقتها انا وياك ناخذ ثارنا
نواف ببتسامه : ناخذه يولد العم ناخذه
نايف : بس
نواف : بس ؟
نايف : إيفان ؟ نواف طالبك م تكسرها هي تحبك تحسك عوضها عن امي مهما قاومت إيفان وكانها ناسيه امي عمرها م نست امي ي نواف بس معاك تحس بانك عوضها
نواف : عمري م اكسر إيفان ي نايف عمري م اذيها بشيء واذا هي تحس اني عوضها ف انا عوضها انا احميها من ظلي ارمي نفسي بالنار عشانها ولا افكر دقيقه
ابتسم نايف وقال : بطلبك طلب
نواف : سم
نايف : .........
.......
| عند فيصل |
سلم من صلاه الوتر وهو يحس براحه بقلبه وفي كل صلاه يدعي ربه انه يكفر ذنبه في شربه للحرام مسك القران وبدا يقراء وكان ناوي يحفظ القران دخلت غزل عليه وهي الابتسامه شاقه وجهها
غزل : وش تسووي ؟
ناظرها فيصل وقال : وش تشوفين انتي ؟
طنشت غزل كلامه وقالت : وشرايك ي اخوي الحلو نطلع نتعشاء مع بعضنا
فيصل قام ومسك غزل من يدها وطلعها برا الغرفه
غزلل : خيرررررررر !!
فيصل : ترا صدعتي براسي
" وقفل الباب "
غزل : انقلعععع اصلاً الشره علي اني جايتك
ونزلت
......
"اليوم الثاني "
| في بيت الجد ثنيان | في الديره
دخلت إديم ع اصايل الي كانت ب الغرفه وجايبه معاها اكل
إديم : جبتتتت لككك اطلق اكل من يدي
اصايل وهي تمسح دموعها : مو مشتهيه اديم كفايه معذبتكم معاي
إديم : بنتت وش معذبتنا معاك ؟
اصايل : مالي مكان هينا م يصير اقعد عندكم
إديم : وش ذا الحكي اصايللل
دخلت ام سلمان : اكلتي اصايل ي بنتي
إديم : تقول مالي مكان هينا وم تصير تقعد
ام سلمان مندهشه : بنتي اصايل وش ذا الكلام ؟ انا مثل امك ومنتي بغريبه
اصايل بدت دموعها تنزل : بس ... انا لازم اروح .. م يصير اقعد بييت مو بيتي فيه رجال وبيت الجد ثنيان
ام سلمان تنهدت وحضنتها : انتي بتقعدين عندي هينااا وانتهى النقاش
ابتسمت اصايل في وسط دموعها حست بحنيها عمرها م عطتها امها ذا الحنيه
ام سلمان : الحين الاكل ذا كله ينوكل الان
دخلت شهد عليهم : اصوووللللل شوفي جبت لعبه خل نتسلى إديموووه نادي البنات
ناظرتهم اصايل وهي تحس بشعور العائله وكيف يحاولون ينسونها ب اتفه الاشياء
إديم : تمم بناديهم ، انتم العبوو وانا بروح مع إيفان الصيدليه
ام سلمان : الصيدليه ليش ؟
إديم عرفت انها جابت العيد وقالت : بس بنشتري كريم ومعجون اسنان وشويه اغراض
ام سلمان : اييي ، يلا زين زين
طلعت إديم من الغرفه تنادي البنات يجون يلعبون
| عند إيفان |
دخلت ع خالتها ام سلطان وقالت : خاله م شفت نواف وينه ؟
ام سلطان : رجع ل الرياض امس ي بنتي م قال لك ؟
إيفان ب استغراب من نواف : لا
ام سلطان عشان تهدي الوضع شوي قالت : يمكن نسي دقي عليه وشوفي
هزت إيفان راسها ب الايجاب وطلعت اخذت جوالها تشوف فيه رساله مكالمه شيء منه م كان موجود اي شيء ودقت عليه بس كان جواله مشغول استغربت شلون يجي ويروح وهو م سلم عليها ولا سالها كيفك ؟ ولا ارسل لها مو من عوايده تضايقت إيفان من حركته وجتها إديم
إديم: جاهزه نتروح ؟
إيفان اخذت نفس وقالت : اي
إديم : وش فيكك ؟
علمتها إيفان وقالت إديم : ي بنت يمكن انشغل شوي اكيد بيرجع يتصل عليك
إيفان : نشوف عاد يلا طلعنا ؟
إديم : يلا
وطلعو من البيت متوجهين ل صيدليه الديره
دخلو الصيدليه واشترو جهاز تحليل الحمل ورجعوو
دخلو الغرفه وقفلو الباب
إديم : يلااا حللي متحمسه
إيفان : خايفه
إديم : من وووش ؟
إيفان : م اعرف لو م طلعت حامل ؟
إديم : عادي ي بنت ، انتي لا تتوترين بس حللي وخليه وانا اقولك
إيفان اخذت نفسه وهزت راسها ب الايجاب
....
| في المركز |
ابوسامي وهو يكلم الفريق : ابيكم تراقبون بيت سعيد ضابط متقاعد ممكن يكون خطر عليه وترا رجال زايد يراقبون يعني انتبهو
الفريق : حاااااضررررر
نواف وهو يحك لحيته بتفكير
ابوسامي : وش فيك
نواف وهو يشرب رشفه من الشاهي : ابد افكر بس ابوسامي وهو يمسح ع ظهر نواف : لاتكثر في التفكير يولدي
ودخل المركز
نواف قام وهو يرمي كاسه الشاهي ويركب السياره متوجه لبيت غزل ونزل
الفريق الي ارسله ابوسامي كلم نواف : طال عمرك بتدخل ؟
نواف : اي خلكم انتم
هزو راسهم ب الايجاب ودخل نواف البيت غزل فكت الباب غزل وشافت نواف ارتمت في احضانه بعدها عنه وقالت : ادخل
دخل نواف بدون م يكلمها جلس ع الكنبه وهو يهز برجله جلست جنبه ومسكت يده شالها منه وقالت بعصبيه منه : تراني زوجتك ! ليش ذا التعامل معي
غمض نواف عيونه وبلع ريقه وقال : روحي جيبي لي مويه
غزل : ابشر " وقامت تجيب له ماهي الا شويات وجته مدت له المويه اخذها نواف وشربها دفعه وحده وانسدح ع الكنبه وقال : بنام لاتزعجيني
ابتسم غزل ابتسامه غبيه لانه بينام عندها وقالت : لا م بزعجك نوم العافيه
غمض نواف عيونه م كان متوقع انه بينام بس خانه النوم وفعلاً نام من تعب وارهاق
غزل كانت تناظره ع طرف الكنبه الثانيه لين نواف سبح في النوم ابتسمت واخذت جوالها وصورت نفسها ونواف الي كان نايم وراها دخلت ع الانستا وهي في بالها فكره خبيثه
.....
| في الديره | في بيت الجد ثنيان | تحديداً عند إيفان وإديم|
طلعت وهي مبتسمه وتصرخ وحضنت إديم : إيجااااابييييييي التحللليللللللل
إديم بفرح مع دهشه مع شعور ملخبط قعدت تصارررخخخ وهي تشد ع حضن إيفان وتنقز من الفرح
إيفان مسكت فم إديم : اشششش بيسمعوناااا
إديم : وشووو خل يسمعووون تعاللييي نقول لهم
رجعتها إيفان : لا
إديم ب استغراب : ليش ؟
إيفان ببتسامه : ودي اقول ل نواف اول قبل الكل ودي اشاركه الفرحه ودي اقول له جزء مني ومنك بيجي ع الدنيا
ابتسمت إديم : اوففف تمام قولي لحبيب القلب
ضربتها إيفان بمزح
إديم ضحكت وحضنتهاااا : اخخخ بصيرررر خالهههه
إيفان ببتسامه لان هي تعتبر إديم اختها والحين تعتبرها خاله طفلها
إديم بعدت عن حضن إيفان وشافت عيون إيفان الدامعه
وقالت : وش فيكك ذا فرح ليش تبكيننن
إيفان والدمعه نزلت ع خدها وبصوت مبحوح وكله كسر : تمنيت امي معاي في ذا الحظه
إديم ناظرتها وهي تحظنها
كملت إيفان وهي بدت تبكي وتفضفض وتطلع كل م بقلبها : وديي اقول لهاا انا حامل ودي يوم اولد تكون معاي مثل امهات البنات ودي عيالي ينادونها جده " بكت بحرقه " وديي وديي ي إديم اشتقتتت لهاا بالحيلللل ي إديم احاول م اوضح بس انا ضعيفه انا طفله تدور امهااا بس م تحصلهااا طفله ماعندها مخبى اذا انجرحت من احد جرحي م طيب ي إديم م يطيبببب " بكتتت بحرقه " في فرحي وفي حزنيييي ادور امي حولييييي خمس سنين مرت وانا جرحي م طاب
بكت إديم مع بكاء إيفان وهي تسمع فضفتها وجروحها وتمسح ع راسها : في الجنه تتقابلون وفي قلبك عايشه
هز راسها إيفان ب الايجاب
وبعدت إديم وهي تمسح دموعها وتحاول تغير الموضوع وتقول : اوفف خلااص الحين وش تحسين بنت ولا ولد
ضحكت إيفان : مدري الي من الله حلو
....
| في بيت الجد ثنيان | في المجلس |
مطلق وهو يكلم امه : وش تقولين يمه ؟
ام سلمان : والله يولدي البنت كذا تقول وعندها كرامه م تبي تقعد حاولت اخليها بس م اقدر اخليها دايم يولدي م يصير
مطلق وهو يحك لحيته بتفكير دق باب البيت
قام مطلق يفك الباب وشاف حرمه قدامه وقالت : وين اهلك يولد
صد مطلق بصره وقال وهو ينادي امه : يمه في حرمه عند الباب
قامت امه وهي تجي وقالت: حياك
ام اصايل : انا جيت ابي بنتي اصايل
ام سلمان عرفت انها ام اصايل وقالت : اها انتي ام اصايل
ام اصايل : اي
ضحك مطلق بضحك استهزاء وهو معاد يتحمل الكلام الي بقلبه وقال : وينك عن بنتك يوم اخوك يضربها ويهينها قدام خلق الله
ام سلمان : مطللق!!
مطلق : وشو يمه كذبت وش الامومه ذي بنتككك ذييي بنتكككك وع كلام الرجال انها كانت امانه من ابوها عند اخوكك م اشوفكم وفيتو الامانه ! اشوفك خليتي اخوك تجيب رزقه وياكله ! وهو نايم
ام اصايل : انت م تعرف شيء يولدي
مطلق بغضب : وششش الي م اعرفه ! انا بعيني اشوفها تاخذ رزقكم وفي البقاله العامل يهينها ويقول وين خالك ! هااا وينككك وقتها م توقفين اخووك عند حده
ام اصايل : هي بنتي انا مالك شغل فيها انت انا امها انت من تكون ؟؟؟
مطلق بكلمه طلعت من فمه م حسب لها حساب : زوجها بصيرر تسمعيني ؟ زوجها بصير ومن فوق خشومكم
ام اصايل : م راح تاخذها
مطلق : باخذها باخذها اذا م تبين اخوك في السجن وانتي معاه
ام سلمان ببتسامه من الي يسويه مطلق : بتاخذها
بلعت ام اصايل ريقها وقالت : ابي اشوفها
مطلق بتهديد : بتشوفينها بس يويلك ان طلعتي من عندها وهي تبكي تسمعيني اذا م بغت تشوفك تطلعين فاهمه
ام اصايل : طيبب بعد انت
بعد مطلق وهي تدخل ام اصايل بدا مطلق يحك راسه وهو م يدري كيف قال بتزوجها بس ابتسم وهي متذكرر شكلها يوم شافها ولبسها شماغه كانها دخلت قلبه وعقله مو راضي يعترف بس لسانه اعترف
| في غرفه اصايل والبنات الي كانو يلعبون فيها |
دخلت ام سلمان ووراها ام اصايل من شافت اصايل امها طاح ورق العبه من يدها والتفتو البنات وشافو ام اصايل وام سلمان
قامت شهد الي كانت جالسه : ذي وش تبي ؟
ام سلمان بحده : شهددددد
شهد : وشوو يمه ؟ م قلت شيء غلط انا
مجد : عمه ليش مدخلتها ؟
ام سلمان : بنات عيب
ام اصايل وهي تناظر شهد : نفس اخوك
ضحكت شهد : مطلق! يعني سمعك كلام
ام اصايل : هو الي اخذ بنتي ولا ؟
كانت اصايل تناظر وبعيونها خيبه الامل بس يوم سمعت ان مطلق سمعها كلام حست براحه غريبه رغم انها امها وهي تحب امها مستحيل تكرهاا الا انها انبسط ان مطلق دافع عنها
ام سلمان : بنات اطلعو خلوها تكلم بنتها
مجد : ماني طالعه تكلمها قدامنا
ملك : ولا انا طالعه
فجر : ولا انا
شهد : ولا انا بعد وبقعد مع اصايل
ريتاج: ولا اناا
مي الي كانت معاهم ونادوها البنات عشان تلعب معاهم ويخففون ع اصايل قالت : ولا انا ي خاله مستحيل اترك اصايل
دخلت إديم ووراها إيفان وشافت ام اصايل وقالت : انتي ! لك وجه تجين
إيفان وهي تناظر ب ام اصايل : انتي كيفففف سويتي كذااا ؟؟ ذي بنتكك بنتتككك تدور حنانك م تبي قساوتكك م عندها امان بحياتهااا وانتي السبب
ام اصايل حست بكلام ثقيل ع قلبها من كل شخص : اصايل انا جيت اعتذر م جيت عشان شيء ثاني
اصايل والدموع في عيونها : تعتذرين ؟ ليشش يمه سويتي كذاا ؟
ام اصايل : بس بنتي مهما يصير ذاا خالكك ؟ هو الي رباك
اصايل بعصبيه : مازلتيييي تدافعينننن عنهه هو مو خالي ولا شيء هو حتى م يسوى الحذيان توقعتك جيتي تعتذرين عن كل شيء طلعتي بس تعتذرين عن ذاك اليوم ! " وبصراخ مع بكى " اطلعييييي برااااااا اطلعييييييييييييييي م ابييييي اشوووفك اطلعييييييي
| عند العيال في الحوش |
كان مطلق جاي عشان بيجلس معاهم وسمعو صراخ
محمد قام : يعيال وش فيه
سلمان : ليكون صار لهم شيء
مطلق ذكر ام اصايل وقال : شكلها بنت **** " وراح لهم ركض والعيال وراه كلهم ووقفو عند غرفه البنات "
سمع اصايل وهي تصارخ وتبكي بحرقه : اطلعييييي مابيككك م ابييككككككككككك كان يضربني كل ليله م اجيب الرزق فيهااا كنت واقفه تناظريننن وراه " وهي تبعد بلوزتها عن كتفها وهي توريها اثار " شوفييي ذي اثارررر ضربه شوفيهاااا
دخل مطلق
سلمان بصراخ ويحاول بدخله : مطلققق فيه بنات
دخل مطلق ولا سمع ل سلمان وشاف اصايل الي تبكي وتوري امها الاثار وشاف اثارها
قال وهو يغض بصره لام اصايل : قسم بالله لو شفتك هينا ليحصل شيء مهو بطيب قلت لككك لاسمعك تاذينها اطلعييي برا " بحده "
ناظرته ام اصايل وقالت : دامك بتتزوجها حافظ عليها ولاتسوي الي سويته
مطلق : ماني مثلك
طلعت ام اصايل بكسر وكانها عارفه غلطهاا
انصدمت اصايل من يوم قالت امها بتتزوجها ومو بس اصايل كله الي كانو في الغرفه كانو مصدومين
شهدد : مطلقوووه
طلع مطلق من الغرفه وشهد طلعت وراه وهي تنادي : مطلقوووه
التفت عليه مطلق : مطلق اسمي مطلق ي اختي العزيزه
ضحكت شهد : بتززوج هااا
ابتسم مطلق لا ارادياً
ودخل سلمان من برا وقال : وش تسوي انت قلت لك لاتدخل
مطلق : م تمالكت نفسي
سلمان: استغفرلله واتوب لك شفت احد من البنات ؟
مطلق شاف اصايل بس قال : لا
شهد بضحك: يقول بيتزوج اصايل
سلمان : اصايل ! بنت سعود ؟
مطلق : اي
سلمان فرح وهو يحضنه وقال : انشهد انك كفو انك كانك بتستر ع البنت
ابتسم مطلق وهو يشد ع حضن اخوه
سلمان : اطلع اطلع محمد يبيك برا
مطلق : وش يبي
سلمان : رح شفه
طلع مطلق وكان سلمان باقي وقال ل شهد : بالله عطيني مويه
شهد : ع خشمي
جلس سلمان ع دكه باب البيت ينتظر المويه
طلعت مي من الغرفه وهي تنادي ع شهد : شهووودييي
" شافت الولد الي ع الباب وشهقت "
طلعت شهد من المطبخ : عيون شهوده
ودخلت مي بسرعه للمطبخ : وقالت من ذا
شهد بضحك : اخوي اخوي بعطيه مويه ي مي واجيك
طلعت شهد ل سلمان وهي تضحك وتعطيه المويه شربها سلمان وقالت : ليكون شفت مي ؟
سلمان عطاها الكاسه وقال : كنت عاطيها ظهري م شفتها
شهد : كويس
وطلع سلمان وهو في مخه ينعاد الصوت " شهودي " وفي نفسه " وش الصوت الانوثي ذا "
رجعت شهد للمطبخ وقالت ل مي : وش بغيتي
مي : ابي عبايتي
شهد : بتروحين !
مي : اي بروح والله عندي اشغال ب البيت شوي بساعد امي وشيماء راحت
شهد: تمام بعطيك الحين
راحت شهد تجيب عبايه مي ومدتها لها : يلا مع السلامه سلمي لي ع البنات
شهد : يوصللل
طلعت مي وهي تستعجل بخطواتها ل بيتهم
....
| عند نواف وغزل |
صحى نواف من نومه وجلس بسرعه وهو يحك عيونه وهو م يدري كيف نام م كانت نيته النوم التفت يدور بعيونه ع غزل م حصلها قام وهو يناظر في البيت ويدق ع الجدران والارضيه حس ان الارضيه ممكن تنكسر بسهوله خصوصاً مكان بزاويه الصاله عرف انه المكان الي يهربون فيه المواد
طلعت غزل من المطبخ وهي مبتسمه : حبيبي صحيت ؟
التفت نواف عليها : اي
غزل وهي تقرب منه قالت : تعال مسويه لك اكل بتحبه متاكده
نواف : طيب وين الحمام ؟
غزل وهي تاشر ع الحمام : شوفه هناك
نواف راح للحمام وهو يقفل الباب عليه بدا يغسل وجه ويتوضى " صح م فيه صلاه بس يحب يكون ع طهاره "
طلع من الحمام وشاف غزل الي جالسه ع طاوله الاكل تنتظر نواف جلس نواف قدامها وبدا يقلب بالاكل
غزل : وشفيك كل
ناظرها نواف وقال : مالي نفس
غزل بحزن وقهر : بس انا سويته ! ذوقه ع الاقل
نواف ناظرها واخذ الملعقه واكل لقمه
غزل بفرح : وشرايك ؟
نواف : حلو
...
| عند سطام ف المركز |
دخل ابوسامي وقال سطام : نواف وينه؟
ابوسامي جلس : عند زوجته
سطام : راح الديره؟
ابوسامي : لا زوجته الثانيه
سطام باستغراب : غزل؟
ابوسامي : اي
سطام كان بيتكلم بس دخل معاذ وقال : صالح خال نايف يحاول ينتحر
نط سطام بركض ووراه ابوسامي
دخلو الزنزانه وهو يفك الباب وقال : دقوووووو ع الاسعاف
شاف سطام مفصل يده شبه مقطوع
راحو يدقون ع الاسعاف ماهي الا شويات وجو الاسعاف ونقلوه للمستشفى ومعاه سطام
...
| عند العيال |
كانو جالسين مع بعض عند الحلال
محمد : مهيااار شفيك ع الغنم!
مهيار : وحشووونييييي
ضحك فهد : اتركه يقضي شوقه مع عياله
مهيار ناظره وقال : اقول وربي لافرشك بالارض الحين
ضحك نايف: تبيني اجيب لك بخاخ وتكتب عليهم
ضحك مهيار : كنت ارسم قلوب عليهم تشوف ذيك " وهو ياشر ع وحده من الغنم" تدري انها معجبه فيني من ذاك القلب الي رمسته لها
ضحكو العيال منه وفي نفس الحظه جته نفس الغنمه وهي تركض وطرد مهيار الي من اول م شافها تركض ركض وهو يقول : لحووول من ذا الغنمه خلاص انا تزوجتكككك
مطلق بضحك : الحمدلله والشكر
فهد بضحك : الشيطان يقول فك كل الشبك وخلهم وراه عشان يتادب
ضحك سلمان : عشان جدي يلعنك اسكت بس
...
| في بيت الجد ثنيان | اخر الليل|
فكت إيفان جوالها وهي ع فراشها تدور رسايل من نواف بس م ارسل اي شيء تضايقت وشلون م يرسل شافت رساله مجهوله من حساب مجهول استغربت وكانت صوره م اهتمت ل الرساله وهي ترسل ل نواف بعتاب : جيت وانت م سلمت علي ورحت م قلت لي ومارسلت لي تسال كيف حالك ! ماني بزوجتك انا !
ارسلتها بعتاب وبقهر منه اخذت شوي وهي تشوف الرساله بعدين حذفتها من عنده وطفت الجوال
كانت ماسكه بطنها وهي تحس به بداخلها نامت وهي ماسكه بطنها
...
| عند نواف |
طلع من عند غزل من لما عرف ان صالح خال نايف انتحر توجه للمستشفى بسرعه ووصل ونزل وهو يشوف سطام : كيف حاله ؟؟
سطام : خسر دم كثيرر ويحتاجون دم
مسك نواف راسه وهو يتسغفر
طلع الدكتور وراح له نواف : حصلتو له دم
الدكتور : مع الاسف م حصلنا دم يطابق لدمه
نواف : وش نوع دمه؟
الدكتور : ***
نواف كانت زمره دمه مطابقه له وقال : انا بتبرع له ....
......
ننهي البارت ل هينا ي حبايبي
أنت تقرأ
ليتك تعرفين الحال؛ ويش هي نواياي
Genel Kurgu(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
