ليتك تعرفين الحال؛ ويش هي نواياي

البارت التاسع عشر

صلو ع نبينا محمد عليه افضل الصلاه والسلام
انستا llzix_2
تيك llzix8

....
| في المركز |
جالس وهو باله معاها يحس قلبه يدق بسرعه ولايقدر يوقفه ويقول في نفسه " وش صار بك ي نواف "
قاطع افكاره معاذ الي دخل وهو يلهث وبخوف قال : فيه احد دخل ع السجلات
نواف : وشووووووووووو
قام وهو يجرئي ل غرفه تسجيلات الضباط دخل شاف سطام متوتر
نواف : وش فيه
سطام : فيه احد قاعد يحاول يدخل السجلات وياخذ معلومات الضباط
قام سطام من الكنبيوتر وجلس نواف : زايدددد " بصراخ " زايددددد
سطام وهو يكلم معاذ : استدعي ابو سامي بسرعه
راح معاذ وهو يجرئي ويسابقون الوقت
كان نواف يحارب الهكر الي بيدخل السجلات وهذا اكيد هكر قوي لان مستحيل احد يقدر يدخل سجلات الامن
دخل ابو سامي : وش صاير وش فيه
نواف : دخل السجلات ابن الكلب
ابو سامي : كم اخذ ؟
نواف : ٣٠٪؜ ، لازم انقذ الباقي استدعو العمال
راح سطام وهو يستدعي وكانو يحاربون الوقت بدو يشتغلون ع اكثر من لابتوب ويحاولون بقدر الامكان انهم ينقذون السجلات
ضرب نواف راسه ع الجدار بقهررر وهو يشد ع يده
احد العاملين : انقذت ٥٪؜
ابو سامي : ممتاز اسرعو ي عيالي
مرت حوالي ساعه والجو متوتر وكلهم ع اعصابهم
سطام : نواف اجلس ارتاح
كان نواف معصبببب وهو يسال نفسه " من هو زايد ؟ عشان يقدر يدخل السجلات الامنيه " : معاد بها راحه ع ذا العيون لين م طلع عيونه
ابوسامي : ي ولدي انقذنا اغلبها اهدى
نواف م رد ع كلامهم : كم باقي من الملفاتت ؟
احد العاملين : ١٠٪؜
نواف : كملو شغلكم
وفك الباب وطلع بعصبيه والجنون راكبه راسه يمشي بدون وعي
ابو سامي : الحقه ي ولدي سطام الحقه
قام سطام وهو ينادي ف الممرات : نواااف نووووووافففف
كان نواف م يرد وهو يركب سيارة ويمشي ركب سطام سيارة وهو يلحق نواف كان نواف يمشي بسرعه
سطام : ذا بيذبح نفسه
كان نواف يسرع ويسرع سطام معاه عرف سطان انه متوجهه لبيت زايد اسرع سطام وحاول يوقف نواف وفعلاً اعترض ل سيارته من قدام
نزل نواف بصوت عالي: تبي تموت انت ليه تعترض لي
سطام بنفس الصوت: ي نوافف انت الي انجنيت ترا بنفس قهرك منقهر انا اذا رحت بيت زايد وش بتسوي ؟
نواف وهو ياشر باصبعه ل سطام : ابي اذبحه سمعتني ابي اذبحه
سطام : بتلطخ يدك بدمه الوصخ ! بتخسر وضيفتك عشانه ؟ مو كنت تقول ابي اشوفه يتعذب وهو يموت اذا موته انت بدون عذاب وش الفايده ؟ فكر بزوجتك الي م تعرف ان امها ماتت مقتل ماتت امها من وهي صغيره تبي ثارها تبي تاخذ بدم الي اخذ امها وذي مهمتك انت مهمه زوجها ، نواف اسمعني انت اذا عصبت تتهور وتنسى كلشي انا قاعد اذكرك
غمض نواف بعيونه بقهر وهو فعلاً ل عصب ينسى كلشي م يشوف قدامه بدون لايرد ع سطام ركب سيارته ورجع
تنهد سطام بفرح انه قدر يخليه يتراجع ركب سيارته ولحق نواف
...
توها خلصت محاظرتها وشافت رساله إديم الي تقول انها ف الكافيه تحت نزلت لها وشافتها سرحانه
إيفان : وش عندها الاخت سرحانه
إديم وهو مسرحه ولادرت عن وجود إيفان
إيفان ب استغراب : هييييي الووووو الاخت إديم معانا
إديم بهباله : ها
إيفان : ها اجل ؟ مشكله عليك حراره تعالي اشوف
حط إيفان يدها ع جبهه إديم : مافيك حراره طيب طاح ع راسك شيء ؟
إديم : اوفف إيفان م فيني شيء بس سرحت شوي
إيفان : لالا حياتي مو إديم الي تسرح عن الي حولها انطقي يلا انتظر
إديم بتردد : بس م تضحكين
إيفان : م اضحك قوولييي
إديم : انا تهاوشت مع موظفه ف المحكمه ف تدريبي
إيفان : مو غريبه طيب ؟ وش فيه
إديم : المشكله مو الموظفه البريعصي
إيفان : وشهي المشكله ؟
إديم : سلطان شافني اتهاوش معاها كنت ماسكه شوشه البنت ( البنت ماكانت متستره كانت حاطه طرحتها ع كتفها )
إيفان بضحك ماقدرتت ترد عليها
إديم ببتسامه : وعدتيني انك م تضحكين ي حيوانه
إيفان : ماقدر امسك نفسي ، متوحشه
إديم : وتخيلي هو بعد الي طلع يعلم المدربين الدفعه ذي وسالته وحده من بنات الدفعه سوال وجابت عليه بداله حسيت نفسي وقحه
إيفان بضحك : تحبين الفلسفه
إديم : اسكتي بالله
إيفان بضحك : تصلحون كبلز
إديم بضحك : تردينها لي ي حيوانه
إيفان : م غلط المثل الي قال الدنيا دواره حتى بالكلمه
دق جوال إيفان وكان نايف
إيفان : الوو نيوفي
نايف : عيوني انا برا انتظرك
إيفان : انت برا ؟ كان نواف الي بيجي
نايف : اووو شكل حب نواف سيطر علي تبينه يجي ياخذك يعني
إيفان ب احراج : لا وشدعوه نيوفيييي حبك بقلبييي بس استغرب لانه قالي بجيك
نايف : عنده شغل وقالي اخذك وبعد خلي إديم تجي معاك بتروح معانا
إيفان : اييي ، يلا يلا م بنتاخر عليك
نايف : يلا يعيوني
قفلت الجوال وقالت : يلا هيا نايف برا ينتطرنا
قامو البنات وطلعو ل نايف برا
....
| عند زايد الكندري |
غزل كانت جالسه ع الابتوب : اوففف لالالا
دخلت عليها الخادمه : مدام يبغى شيء
غزل بتوتر والخادمه استفزتها : ابغى تنقلعين عن وجهييي فاهمه
كان فيصل نازل من فوق قال : وش فيك متوتره
غزل : كنت باخذ السجلات الامنيه وشوي وانجح اخذت ٣٠٪؜ وقدرو يرجعونها اوفففففففف
فيصل : مشكله وش بتسون الحين
غزل : مدري بس هكرو الابتوب
فيصل : طيب خذي لابتوبي وارجعي سوي الي كنتي تسوينه
غزل : فيصل تحسبه سهل هو صار لي يومين احاوول ، خلاص اسكتتتت بحاول افك هكر لابتوبي لايفتشونه
فيصل : انا بطلع
غزل: اطلععع لاتوترني زياده
....
|في المركز|
يلعب ب سبحته ب ضيق وعيونه تطلع شرار
معاذ وهو يكلم سطام بهمس : شلون بروح اعطيه الملفات اخاف يفجر فيني
سطام : هاتها اعطيها اياه انا
معاذ : الله يوفقك ويخليك ويرزقك ويجوزك
سطام : اسكت قلبت عجوز
معاذ: ادعي لك طال عمرك
سطام : ادع بقلبك ، يلا روح
راح معاذ وجلس سطام ع الكرسي الي قدام نواف
سطام : شاهي ؟
رفع نواف نظره ل سطام : هات
سطام : نطلع برا نتكلم شوي ؟
نواف : تمام جيب الشاهي والحقني
قام نواف وهو يطلع برا للمركز ومتكي ظهره ع الجدار اخذ بكت الدخان وطلع سقاره وولعها بدا يشفط منها ويزفر الدخان بضيق
جاءه سطام من وراء ومعاه كاستين شاهي
سطام : سم
اخذ نواف الشاهي منه : سم الله عدوك
سطام : لايضيق صدرك كلشي بيهون
نواف وهو يتامل القمر : ع ضنه انه بيلعب فيني وع ضنه اني مثل غيري
سطام : معرفك باقي
نواف : قريب بيعرفني قريب
سطام : بتروح بيتكم ؟
نواف : لا
سطام : ليش روح ارتاح
نواف وهو م وده يروح لها وهو معصب وهي تخاف وهو الي قال لها لايكون خوفك مني : بتدرب شوي انت روح
سطام بقلق : مابي اترك لحالك
نواف : ماني ب بزر روح ارتاح انت
سطام ماحب يضغط عليه قال : طيب بس انتبه ل نفسك
ركب سطام سيارته ومشى اخذ نواف السقاره وطفاءها ودخل ساحات التدريب بدا يتدرب ويقسى ع نفسه ربط الحبل ع خصره وبدا يتسلق برج التدريب وانجرحت يده بس هو مستمر ركب في قمه البرج والبرج جدا قاسي تدريبه بعض الاوقات يودي للموت شد الحبل ع خصره بقسوه اخذ نفس وبدا ينزل وكان يقسى ع تدريبه وكل ماله وتزداد قسوته وفي كل خطوه قسوته تزيد لين وصل الارض وكان يكح ويطعم الدم وكان دايخ كان يحاول يفك الحبل من على خصره
....
|في بيت الجد ثنيان | كانت الساعه ٢ الليل |
كان الكل نايم والانوار كلها طافيه
|في غرفه نواف& إيفان |
كانت تدق عليه من المغرب ولايرد عليها بدت تقلق عليه
إيفان : وين راح
اخذت طرحتها وحطتها ع راسها وطلعت للحوش يمكن تحصله بس م حصلته وطلعت السطح تدوره يمكن يكون بجلستهم بس م حلصته
إيفان : ليش مهتمه ذا الكثر خلاص يمكن عنده شغل روحي نامي غصب تكونين نشبه
لفت جت بتطلع ودخل نواف عليها ف السطح
نواف ببتسامه جانبيه : وش تسوين هينا
إيفان بجحده : جيت ادور اءء شسمه " لفت ع الجلسه " ايي شف الشاحن جيت اخذه
نواف : اييي شاحن من
إيفان : امم محمد شاحن محمد
تعدها وجلس بالجلسه وطلع بكت الدخان وطلع سقاره : ذا شاحني خذيه فداك ، واي صح ترا منتي نشبه
انخرشت إيفان وحست بالاحراجج يعني انه سمع كلامهم الاخير وكانت واقف تناظره
نواف : بتجلسين ؟
جلست إيفان قدامه وصارت لحظه هدوء وصمت كان نواف يشرب بالدخان بكثره
إيفان: ترا بيضرك
لف عليها نواف : وش
إيفان : اقصد الدخان
نواف ببتسامه : اعرف بيضر
إيفان : طيب ليش تشربه
نواف بتنهيده : من ضيق الدنيا
إيفان تنحنحت وحبت انها تغني وتغير جوه شوي قالت بصوتها الجميل بغنيه ل محمد عبده : 
صح قلبي حزين صح نفسي حزينه
بس وصلك غنيمه مستحيل اعتزلها
ناظرها نواف وهو مندهش من صوتها الجميل وكانه دواء ل روحه
كملت إيفان وهي تناظر السماء ومتجاهله نظراته ؛
انت حاجه مهمه انت حاجه ثمينه
من لقاها حرام انه يدور بدلها
سال دمع الغرام وضاق صدر المدينه
وأقبل الليل  مافيه اسئله ماسألها
كان نواف بس يناظرها ويتاملها ويتامل صوتها وهو يبتسم لايرادياً
كملت إيفان ؛
قال صاحبك وينه قلت ماعرف وينه
أنتهت قصةً كنت أحسب اني بطلها
ابتسم نواف وقال : انا اعلمك وينه وانا اخليك بطلها
ناظرته إيفان وابتسمت وحست قلبها يدق وقامت ع طول ونزلت من ع السطح
....
~اليوم الثاني ~
|في المركز|
سطام : قدرو يهكرون الابتوب وطلعت معلومات وصور عنها
ابو سامي : معلومات مفيده لنا ؟
سطام : الملفات ماطلع منها شيء بس الصور
نواف : هات اشوفها
عطاه سطام الصور والي هي كانت ل غزل
نواف ب استغراب : من ذي
سطام : ماعندي علم
اخذ نواف الصوره وقلبها بحكم م يشوفون اكثر ويغضون البصر
ابوسامي : نبي معلومات عن البنت الموجوده بالصوره لازم
سطام : ان شاءالله
....
|في بيت الكندري |
زايد بعصبيه : وشوو هكروك بدال لاتهكرينهم
غزل : ذا الامن مو سهل والله ي بابا حاولت اتس اوكي انا شاطره بالكمبيوتر والهكر بس ذا معلومات امنيه مستحيل تقدر عليها والحين كثفو المراقبه ع السجلات
مسك زايد راسه بغضب
غزل : عندي خطه ثانيه لك
زايد التفت عليها وقال : وشهي
غزل : بس بشرط
زايد : تتشرطين علي ؟
غزل : اي دايم اسوي اعمالك الي تبيها واذا احتجتني ترسل رجالك علي مابغيتني الا مصلحه طول عمرك ولاعمري شرطت عليك المره ذي اي بشرط
زايد وهو يشر لها باصبعه : انتي الي اخترتي تكونين كذا اخترتي تكونين مصلحتي ماكنك بنتي
غزل : كل هذا عشاني اخترت ماما مو كفايه كنت تقهرها ب فيصل ؟
زايد : اي اخليها تنقهر وتموت قهر مو هي اختارت رجال غيري
غزل وهي تحس بغصه : ماما ماتت تكفى خلاص ،يعني انا م تحبني ؟ وماتناديني الاعشان اعمالك
زايد وهو يناظر فيها قال : انتي بنتي مهما يصير انتي حتى تشبهيني بفعالك وبكل م فيك ، الحين مو مهم وش هي خطتك
غزل ببتسامه لانه قال تشبهيني بافعالك وبكل م فيك : نلعب به
زايد : كيف
غزل ببتسامه كلها شر : باقرب اشخاصه بكل م يقهره لين يموت بنفسه ومايعذبنا بموته
زايد ببتسامه : تعجبيني ي بنت شكلي باخذك بدال الخبايل الي عندي ، تدرين وش لون استلمي المهمه ذي وابدعي لي
غزل : اتس اوكي me بارعه في الشر ، بس لاتنسى شرطي
زايد ببتسامه : نتكلم عن شروطك كلها لارجعت
فك الباب وطلع
غزل : باي باي دادي
...
| في الفندق |
كانو جالسين مع بعضهم ويسولفون
شهد : سلمان
كان سلمان شارد ذهنياً ولاهو معاهم
شهد : سلمااااان
سلمان : همم
ام سلمان: وش فيك يولدي ؟ مسرح
سلمان : لا ولاشيء ي الغاليه بس مانمت زين
ام سلمان بحزن ع ولدها الي مو قادر يدفع ل الفندق ولا يبين لهم 
دق جوال ريتاج
شهد بالقافه : مين مين ملك ؟
ريتاج : اصبريي ي الملقوفه
قام سلمان : استاذنكم بمه باخذلي قيلوله وصحوني ع الساعه ٥ نايف بيمرني
ام سلمان : نوم العوافي يولدي
.....
|في بيت الجد ثنيان |
كانو فجر وإيفان جالسات مع بعضهم يسولفون في الصاله والجده وام سلطان وام فجر في المشب اما الجد وعياله راحو عند الشيبان
|في غرفه ملك ومجد |
مجد بشهقه : ذااا تشيرتي
ملك : اقول ذا حقي خل عنك
مجد : حقك كحلي ذا الي انا روحي طلعيه
ملك: ماراح اطلعه
مجد : ملوك طلعيه ازين لك
ملك : وش بتسوين اذا م طلعته
مجد : بالعن شكلك
ملك : م راح اطلعه
جت ملك بتطلع
مجد بصراخ : ملككككككككك يحيوووووووانه
جرت ملك ومجد وراها وملك تصايح مرو من عند فجر وإيفان
إيفان : شفيهم ذوول
فجر بيائس : اكيد متهاوشين ع ملابس
دخلو مره ثانيه عليهم وهمه يصايحون تخبت ملك ورا فجر
ملك : فجرررر فكيني منها واحكمي ذا التشيريت لمين
فجر : ي صبرر إيوب
ضحكت إيفان من منظرهم ملك ومجد يتهاوشون وفجر يئست منهم
فجر : عنديي حل اخذي التشيريت انتي وياها واخذي مقص وقصيه ثنين واحد لك واحد للمهبوله ذي
إيفان بضحك : افضل حل

<<تقديم الوقت >>
بعد صلاه العشاء
وصل نواف ووقف سيارته ونزل شاف سلطان متكي ع كبوت السياره ويشرب شاهي جاءه واتكى معاه
نواف : مسرح وتفكر وش عندك
سلطان ببتسامه : تصيدني دايم
نواف: اعرفك اكثر من نفسك قول وش فيك
سلطان : والله مدري وش فيني مدري لمخه لمختني ولاني داري ولامجرد موقف مر علي
نواف باستغراب : شكل الموضوع كبير
سلطان ببتسامه : والله مادري كبير ولاصغير بس الي اعرفه ان قلبي خفق
نواف بضحك : بسم الله ع قلبك اي من وش السالفه
علمه سلطان بكل الي صار مع إديم وكيف شاف شخصيتها القويه وذكاءها واحترافها
ضحك نواف : طحت ومحد سمى عليك يعني
سلطان ببتسامه : والله معاد ادري ، حسستني تفرق عني ترا طحت بعد
ابتسم نواف : ماقلت افرق الا اخس
ضحك سلطان : كنا نتكي ع الكبوت نشكي همومنا ومواجعنا الحين " بضحكه" الله يعين القلب بس 
ضحك نواف : دخلنا دخلنا
دخلو نواف وسلطان وشافو العيال جالسين فوق طلعو لهم
محمد : حيوووو حيووو
سلطان : الله يحيك وش ذا الترحيب الحار الي طالع من كل قلب
محمد : من الحب ي سلطون من الحب
سلطان : سلطون ف عينك
محمد : سم
نايف : اي يعيال وش الجو الحين
مشاري : اقول يبي لها شاهي والعود
نواف ببتسامه : فهد قم جيب العود
فهد : ابشرر
قام فهد وجاب العود اخذ سلطان العود وبدا يعزف
نواف ؛
ياهل العشق الحقيقي والمحبه
وبدو العيال يغنون وراه ويصفقون ؛
لحدن عندي يطري لي حبيبه
لحدن عندي يطري لي حبيبه
"بصوت اعلى واختلاط اصواتهم "
خافو الله فيني وفي اللي احبه
وادعو الله ي عسى ربي يجيبه
وادعو الله ي عسى ربي يجيبه
....
|عن زايد الكندري |
يخطط لشر كالعاده ويجهز له
زايد : الحمله تجهز لبكره مابي اي اضرار
: تبشر طال عمرك
زايد : المكان مأمن اكيد ؟
: اي مامن من كل الجهات نحتاج بس اشارتك
زايد : ابي البضاعه تنباع باجمل الاسعار مابي اي خساره تسمعني
:اوثق في ذا الشيء
زايد : اطلق عليكم لاشفت اي غلط