صلو على نبينا محمد عليه افضل الصلاه السلام ...
....
ايفان تنهدت : اعرف بس ابي اشوفه تقدرين تساعديني ؟
ريتاج ماردت ايفان : ابشري بس وشلون اساعدك ؟ شلون ندخلك العنايه المركزه
ايفان : اشغلي الممرضه الي عند العنايه وانا بدخل
ريتاج قامت وقالت : ابشري بعزك بس لاتطولين
ايفان ببتسامه قامت وسلمت ع ريتاج : معليك م اطول
ابتسمت ريتاج وطلعت تنفذ الي قالته لها ايفان ، طلعت ايفان واستغفلت الممرضه وتسللت عند نواف بهدوء ، دخلت وهي تسمع اصوات الاجهزه ، ونبضات قلبه المراقبه ع الشاشه ، كان نايم ووجه فيه تعب ، قربت منه وتسللت اصابع يدينها بشعره ، جلست جنبه مسكت يده ولصقت شفايفها الناعمه بيده الخشنه وطبعت عليها بوسه
إيفان وهي ماسكه يده : نواف جتنا بنت لو تشوفها صغيررره وريحتها ورد " ابتسمت ابتسامه كلها الم " انت زعلان مني ؟ نواف ليت الرصاصه جتني بدالك ومت ولا جرحتك ليش ليش رميت نفسك على الرصاصه رغم اني جرحتك ؟ " بكت وهي تحط راسها على صدره " نواف تكفى اصحى اكرهني بعد الي سويته فيك هاوشني سو الي تسويه بس اصحى اصحى ي نواف اصحى خلنا نربي بنتنا مع بعضنا
رفعت راسها من صدره وهي تتامل وجه النايم
....
| في بيت الجد ثنيان | في المجلس |
كانو العيال كلهم موجودين وجالسين مع بعضهم والعشاء قدامهم بس محد قرب ياكل منه دخل نايف عليهم : سلام عليكم
التفتو العيال : عليكم السلام
جلس نايف وهو للحين م طلع بدله التمريض
تكلم محمد : سلطان منت رايح شغلك ؟
سلطان هز راسه ب لا : علمت بعذري وقبلوه انا ماني رايح من عند نواف جيت حشمه ل ابوي
محمد تنهد وقال : قفلت الكافي
التفتو عليه العيال بصدمه
سلمان : منجدك يولد! ذا مصدر رزقك مالك غيره
نايف: صاحي انت مهبووول ؟
سلطان : محمد تستهبل
محمد : وش اسوي ي عيال الديون كسرت ظهري وطلبات الكافي م تخلص ماكان عندي حل غير اني اقفله
سلطان : وليش م تعلمنا ! حنا اخوانك بنوقف معاك
محمد : مابغيت اكلف ع احد ولا ابي ابوي يدري بيطلع الف عيب فيني وبكرهني عيشتي والي فيني كافيني ي ي عيال
فهد : ذا مو كلام ي محمد ! مصدر رزقك شلون تقفله
محمد تنهد بضيق : خلها ع ربك
سلمان : كل اغراض الكافيه موجوده ؟
محمد ناظر سلمان م رد عليه
مطلق : محمددد ! الاغراض موجوده ؟
محمد وهو ينزل شماغه من راسه ويلفه ع وجهه : بعتها
نايف : ايششش !
فهد : مهو صاحي صدقوني مو صاحي
سلطان : وراك تبيعها !
محمد تنهد بضيق : سددت ديوني بها
سلطان : ليش م طلبت مني ي محمد ؟ اعطيك كل م تبي م بيننا ذا الكلام ولا مو انت الي تقول كذا ! فلوسنا وحده يرجال
محمد : حصل خير تكفون لاتزودونها علي يحلها ربي باذن الله ، بس الكلام لايوصل ل ابوي واخواني
سكتو العيال من انفتح باب المجلس ودخل الجد ثنيان قامو العيال وسلم نايف ع جده لانه كان قريب من الباب
الجد ثنيان وهو بناظر العشاء الي محد مد يده عليه : ليش م اكلتو ؟
نايف وهو يحك راسه : انا مالي نفس يجدي
سلطان : وانا بعد ، اصلاً بمشي الحين برجع ل نواف
جاء سلطان بيطلع واشر له الجد ثنيان بانه يوقف
الجد ثنيان دخل المجلس بعكازه وجلس وقال : اجلسو كلكم
جلسو العيال وتكلم الجد ثنيان : العشاء ذا بينوكل مافيه احد يقول مالي نفس ولا ماني مشتهي الرجال يصبر ويتحمل مصايبه وش قال الله سبحانه وتعالى {يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ}
كانو العيال يتعلمون من جدهم اشياء كثيره كان جدهم شديد وقوي وصابر ويومن بالقدر ولا يعترض على اقدار الله والمكتوب
ترددت صوت العيال : ونعم بالله
الجد ثنيان : يلا يعيالي اجلسو واكلو وانت ي سلطان اليوم نام عند زوجتك ومن بكره ارجع عند نواف
جاء سلطان بيعترض وسكته الجد ثنيان قبل يتكلم : م فيه اي اعتراض ارتاح شوف الارهاق لاعب فيك ان صحى نواف لا يشوفك كذا
قام الجد ثنيان بعكازه وطلع من المجلس
....
| في بيت ام سلمان | الساعه ٣ الفجر |
دخل مطلق وسلمان البيت وكان طافي الكل بينام
سلمان : روح يلا عند زوجتك
مطلق وهو يحك راسه وماوده يروح : تعال خل نسولف شوي
سلمان : فاضي لك انا بروح انام راسي بينفجر
ضحك مطلق : اجل انقلع " جلس مطلق ع كنبه الصاله"
سلمان : بتسهر مع نفسك يعني
مطلق : بسهر مع الجني
ضحك سلمان وهو يضربه : تعوذ من ابليس ي مريض
مطلق وهو يمسك مكان ضربه سلمان ب الم : اعوذ بالله من ابليس ومنك
سلمان : شف شف ورع اخوك الكبير
مطلق ببتسامه : ونعم ب خوي انشهد اني احبك ي سلمان لو مت اعرف اني احبك
استغرب سلمان ليش يقوله ذا الكلام الحين : وش جاب الطاري الحين فكني من ذا الطاري يولد الله يطول بعمرك
مطلق وهو يشبك يدينه ببعضها : الواحد م يدري يومه متى ، ذا الايام اغلب ايامنا ب المستشفى بالبدايه بنت عمي ابو نايف طعنوها والمره الثانيه تصاوبت انت والحين نواف تصاوب ثلاث رصاصات ثلاثه
سلمان جلس جنب مطلق : تعوذ من ابليس ، شوفنا بخير
مطلق : نواف بغيبوبه وبنته ولدت امس الدنيا عجيبه ي خوك
سلمان التفت ع مطلق : بقوم وبيشوف بنته والله انه واحشني
مطلق ببتسامه ضيق : رغم انه يهاوش على سماجتنا الا اني مشتاق له
سلمان ابتسم وقام مسك مطلق من طرف ثوبه وقومه وقال بطقطقه: الحين دز امها عند زوجتك " ودفه برجله "
ضحك مطلق وهو يطلع لغرفته فك الباب شاف الانوار شغاله للحين ومحد ع السرير استغرب وقفل الباب وهو يحسبها هربت ، دخل غرفه الملابس يدورها فيها م حصلها ، وفك باب الحمام " وانتم بكرامه " ولا حصلها ،فك باب الغرفه وطلع نزل للمطبخ يدور فيه ماكان فيه احد ضرب الباب بقوه وهو يتوعد فيها مسك راسه وهو معصبب ، دخل غرفته ياخذ مفتاح سياره بس التفت على دخولها للغرفه قال بصوت عالي : وينننن كنتي انتي !
اصايل بفجعه : شفيك تصارخ !!
مسكها مطلق من يدها وهو معاد يشوف قدامه كان يطلع حرته فيها : سالتك سوالل وين كنتي فيه !
اصايل باستهزاء فيه : حسبتني هربت صح !
مطلق بضحكه استهزاء : مو غريبه عليك
فكت اصايل يدها بقوه من يده وهو ترفع شرشف الصلاه عليه : رحت اخذ شرشف الصلاه من عند البنات ي المريضض
مطلق وهو ماسك نفسه بصعوبه صح انه تضايق لما اتهمها بانها هربت وهي بالحقيقه قامت تصلي بس كانت هي ترد عليه ولسانها طويل : المريض انا !
اصايل م ردت عليه وهي تفرش سجادتها وتلف شرشف الصلاه عليها وبدت تصلي
تركها مطلق وهو يطلع ثوبه ورمى نفسه ع السرير من خلصت صلاتها التفت ع مطلق الي منسدح ع السرير
اصايل : ليش نايم ع السرير ؟
مطلق وهو مغمض عينه فتحها وقال : وين انام ؟
اصايل بلعت ريقها وقالت: ع الكنبه
مطلق : اول شيء تراك زوجتي وع ذمتي ليش انام ع الكنبه مشكلتك اذا م تبيني
اصايل بضحكه استهزاء : طيب م عندك كرامه ! اقولك مابيك وتبي تنام جنبي ؟
مطلق شد ع سنونه وهو معاد بتحمل اهاناتها له وضحك وهو يرد اهانتها : لاتخافين ماني ماسك عايفك اساساً
اصايل جرحتها كلمته مره بس م وضحت اخذت مخده من السرير وحطتها بالكنبه واخذت شرشف الصلاه ولبسته رغم ان الكنب كان مو مريح الا انها م خضعت ل مطلق شويات واذن الفجر وكان مطلق صاحي و مانام قام من السرير وهو يشوفها نايمه ع الكنبه وكانت نومتها مو مريحه ابداً تنهد وقرب منها اخذها بين يدينه وشالها بهدوء من الكنبه وحطها ع السرير اخذ البطانيه ولبسها راح وهو يلبس ثوبه وياخذ شماغه ومفتاح سيارته ويطلع من الغرفه
قابل ابوسلمان الي طالع من غرفته ابتسم ابوسلمان وقال : رايح لصلاه؟
مطلق وهو يشوف التغير ب ابوه ولا يعرف وش سبب تغيره الي صار فجاءه: الله الله رايح اصلي
ابوسلمان : اجل مشانا جميع لانتاخر نروح بسياره وحده
طلع سلمان من غرفته وهو يشمر ثوبه ووجه الي كله مويه واضح توه متوضي
مطلق : سلمان اعجل يلا بنمشي
سلمان : يلا يلا مشانا
نزلو كلهم سوا واول مره ينزلون مع بعض ورايحن المسجد مع ابوهم
....
| في المستشفى | عند ايفان |
صحت ع صلاه الفجر وهي تسمع الاذان قامت بتعب وراسها فيه خمول التفت ع ريتاج النايمه على الكنب قامت ايفان بتعب ودخلت الحمام " وانتم بكرامه " طلعت وهي تصحي ريتاج عشان تصلي الفجر وقامت ريتاج توضي جلست ايفان ع السرير بتعب وهي تحس بالم
طلعت ريتاج بعد م وضت وهي تقول : وش فيك ايفان ؟
ايفان : جرحي يعورني
ريتاج تنهدت : انتي الله يهديك مسويه عمليه وتمشين كثير ، بنادي الممرضه تعطيك مسكن الم" طلعت ريتاج وهي تنادي الممرضه تحط مسكن ل ايفان "
دخلت الممرضه وبدت تحط مغذي في يد ايفان ، ومسكن في نفس المغذي
الممرضه وهي تسوي المغذي لها : لازم م تمشين كثير ارتاحي
ايفان هزت راسها ب الايجاب وهي تحس بالم شديد ، من بدا المسكين يمشي في عروقها وبجسمها ويسكن المها ، قالت في نفسها " ي ليت المسكن يطفي وجع قلبي "
ريتاج : ها كيفك يعورك الحين ؟
هزت ايفان راسه ب لا
....
| في المركز |
دخل ابوسامي لغرفه اللواء
ابوسامي : سلام عليكم
اللواء الي كان مشغول ب اوراقه تركها وهو يناظر ابوسامي: وعليكم السلام ي ابوسامي
ابوسامي : جاء بلاغ ب شاحنه مخد....رات
اللواء : كم طن ؟
ابوسامي : 40 طن
اللواء انصدم من الكميه ولاعمره طول مسيرته مرت عليه ذا الكميه المرعبه والمدمره : وين تتتواجد !
ابوسامي تنهد : في واحده من الغابات ، ورجالنا في اشتباك معاهم
مسك اللواء راسه : تمام حاولو تصيطرون عليهم
ابوسامي : انا جايك بقول حاجه
اللواء ناظره : الشيء ذا يخص قضيتكم ؟
ابوسامي : اي نعم انا اضن انه في اشخاص وراء ذا كله
اللواء ناظره بفضول : كيف ؟
ابوسامي جلس وهو يقول : البلاغ جانا لعل انه زايد الكندري له يد بس زايد ماله اي يد وزايد م يقدر انه يهرب ذا الكميه من المخدرات ويذبح رجال ، زايد يهدد بالحريم وهذا هو مستواه ، نواف طول الشهور كان يحصل فرصه له بانه يقبض عليه بس الفرصه تطير من يدينا ، زايد رجال يخاف من اول جريمه يهرب انا اضن ان زايد وراه احد واحد مو هين ابداً
اللواء وهو بدا يفكر ويشوف الحق مع ابوسامي: كلامك صايب قصدك الي دخل نواف غيبوبه مو زايد الكندري ؟
ابوسامي : لا زايد له يد بس زايد مو قوي لدرجه انه يتجراء يذبح احد
اللواء : وزوجه عبدالمحسن ؟ وسعيد ؟
ابوسامي : زوجه عبدالمحسن زايد الكندري الي قتلها وهرب لباريس بس برمشت عين انمسح ملفه وش تفسيرها ؟ ، اما سعيد ضابط سابق اعداءه كثير بس ممكن لهم يد مع زايد
اللواء وهو بدا يفكر : يعني فيه اوامر يتلقاها زايد
ابوسامي : بالضبطط ، زايد يتلقى اوامر زايد يقتل الي وراه ينظفون
اللواء وهو القضيه بدت تنكشف شوي شوي : نواف كيفه ؟
ابوسامي : الحمدلله في تحسن في حالته والدكاتره يأملون خير
اللواء : الحمدلله ، انت ابدا تحرك وجمع ادله بعدين نتحرك مع بعضنا
هز ابوسامي راسه ب الايجاب وطلع من مكتب اللواء
....
~ بعد ثلاث ايام ~
طلعت ايفان من المستشفى وبنتها معاها وكانت ام سلطان مهتمه ب ايفان وكانها بنتها
كانت ايفان شايله بنتها بين يدينها وهي تتامل وجهها الي كان برئي جت ام سلطان وهي معاها اكل : اكلي ي بنتي واشبعي بطنك
ابتسمت ايفان : ان شاءالله يخاله
دخلت الجد منيرا على ايفان : كيفك يبنتي
ايفان: بخير ي جده بخير الحمدلله
الجده منيرا : الحمدلله ، وبنتك وينها والله اني متلهفه عليها
ابتسمت ايفان وهي تمد بنتها للجده منيرا الي بدت تغني لها وتقول : يبنت والحمر ثوبس وعيال البدو هجوبس
ضحكت ايفان وهي تذكر يوم جدتها تقوله لها والحين تقوله ل بنتها
ايفان : خاله انا معرفت البسها ملابسها
ضحكت ام سلطان وهي تشوف ان ايفان م تعرف تتعامل مع بنتها ابداً : من عيوني بلبسها انا ولايهمك ي قلبي
اخذت ام سلطان بنت ايفان ولبستها وغيرت لها ونامت البنت حطتها جنب ايفان الي كانت نايمه وطلعت برا الغرفه
قابلتها اديم : ايفان صاحيه ؟
ام سلطان : لا توها نامت خلوها ترتاح
أنت تقرأ
ليتك تعرفين الحال؛ ويش هي نواياي
قصص عامة(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
