صلو ع نبينا محمد عليه الف الصلاه والسلام .🤍
___
| في المركز |
انتهى الدوام وكانو بيطلعون كان نواف يناظر غزل من الشباك وكانت تراسل ب الجوال طلع ونزل لها وقرب وقال: الواضح انك مو جايه تشتغلين
غزل ببتسامه غبيه : نواف
نواف : واقفه عند الباب مزهريه ؟ اطلعي
غزل ببتسامه وصوت دلع : تامر
وطلعت
نواف : وش في امها ذي ؟
جاءه سطام وهو يضحك وهو يقلد صوت غزل ودلع : تامرر
نواف لف عليه بنظره عصبيه : اهجد
سكت سطام وتنحنح : ابشر
نواف : امش قدامي
سطام مشى قدامه وراح نواف وراه
نواف : اسمع حطيت دوريه تلحقها ؟
سطام : غزل ؟
نواف : لا مو غزل جدي حطيت له دوريه ؟
سطام ناظره وهو منصدم : صادق ؟
نواف بنفخه : سطااام
سطام بخرشه : اي حطيت وراها
نواف : شفيك منت مركز
سطام : ولاشيء
نواف : طيب ارسل كل الملفات علي وركز ع تحركات كل رجال زايد وزايد
سطام : ابشر
ركب نواف سيارته ومشى وصل للبيت ونزل ودخل شافهم متجمعين بالحوش
نواف : مساءكم بالخير
الجد ثنيان : مساك بالنور ي ولدي
ابو سلطان : جيت مبكر
نواف : مانمت امس كويس وعندي شغل مهم بكره قلت انام بدري
ام سلطان : اي والله يابعدي نام بدري ازين لك
ابتسم نواف : تبشرين ي يمه
دخل نواف البيت وراح للغرفه دخل واخذ شور وارتمى ع السرير ونام ع طول
...
| عند ام سلمان |
بعد م استقرو ب الشقه جلسو يتقهوون ودق جوال سلمان اخذه وكان سواق بيتهم ورد بسرعه
سلمان: نعم ي صديق وش بغيت
السواق : هذا بابا جاء بيت يقول انت وين انا قول مافي معلوم هو يقول دق على انت يسال انت في بيت جد ثنيان
سلمان : لاتقول له شيء انا بجيه
وقام
ام سلمان : وين رايح ي سلمان
سلمان : ل ابوي
قام مطلق : جاي معك
سلمان : امسك ارضك ي مطلق
مطلق : جاي ي سلمان جاي
سلمان بيأس من مطلق : طيب
طلعو سلمان ومطلق من الشقه وركبو السياره وتوجهو للبيت وسلمان كان يبي بس اجوبه براسه ويمشي بسرعه هائله التقطه ساهر ولا اهتم له كانه يطلع غضبه ف سرعته قبل لايشوف ابوه يحس الدنيا كلها خانقته
مطلق : سلمانن اهدى
سلمان بغضب وهو لاول مره يغصب بالعاده هو الهادي : لاتهدينيييييييي
مطلق سكت وهو يشوف اخوه وكيف انه مسكور مطلق م يختلف عنه بس م انهار مثل سلمان وصلو بيت ابوهم ونزلو دخل وهو معصب كان ابو سلمان في المكتب حق بيتهم فك باب المكتب بسرعه
ابوسلمان بصراخ : شفيك انت وياه اطلع برا قاعد اكلم رجال مهم
سلمان بضحك : والله ؟ اجل م نبي نزعجك ي ابونا
ابو سلمان : يكون احسن
مطلق بغضب في غير وعيه : الرجال الي تكلمه يبيك تهربه ؟
انصدم ابوسلمان : وش تقوللل انت
مطلق : تعرف الي اقوله زين مازين ي ابو سلمان ي ابوي اقولك شيء ؟ انا لما كنت صغير كنت اشوفك قدوتي ف الحياه بس لا عرفت لما كبرت ان قدوتي ف الحياه وقدوه خواتي وامي اخوي سلمان
غمض سلمان عيونه وببتسامه لمطلق قال ل ابوه : انا بس ابي اجوبه بس اجوبه ليش يبه ؟ ليش سويت ذا كله عشان الفلوس ؟ انا اعطيك تبيني اكد ليل نهار بكد يبه بس لاتسوي شيء حرام
كان ابو سلمان منصدم ومن لما سمع عتاب مطلق ولما قال قدوتنا ف الحياه سلمان حس بشعور غريب قال : اسمعو انتم فاهمين غلط
مطلق بضحك : فاهمين غلط ؟ وش غلطه ب الموضوع انك تهرب مخ " سكت ولا كمل الجمله " ع العموم حنا تركنا البيت لك
ابو سلمان ب استغراب : م كنتو عند عمي ثنيان ؟
ضحك سلمان : اسبوعين لنا من يوم طلعنا من البيت وتوك تدرك غيابنا ؟ " وقال بكل قهر " انت ابوي وع عيني وراسي والرسول وصى ببرك وانا ببر فيك يبه " وقال وقلبه يعوره " بس م ببر فيك ب الحرام وقت تحتاجني دق علي بس وقت حاجتي انا لك م بدق عليك وخذه وعد مني ي يبه اني م بدق عليك مستنجد فيك
طلعو سلمان ومطلق من الغرفه وكان ابو سلمان مصدوم جلس ع الكنب ومسك راسه وهو يراجع كل الي سواه
...
| عند مي وشيماء |
جالسه ع السرير تتابع فلم وتاكل فشار دخلت عليها اختها شيماء
شيماء : وش تسوين ؟
مي : اتابع فلم ، بنتك نامت ؟
هزت شيماء راسها ب نعم وجلست مع مي ع السرير وكانت متضايقه لاحظتها مي وطفت الابتوب وبعدتته
مي : فيك شيء ؟
شيماء : مدري م تطمنت ع عيالي من اليوم عنده
مي بطقطقه وعشان تغير جوها : بسم الله ع عيالك م ينخاف عليهم ينخاف منهم
ضحكت شيماء ضحكه خفيفه
مي ببتسامه : طيب كلميه " تقصد زوجها "
شيماء : م ابي اكلمه
مي : انتي تبين تطلقين
ضربتها شيماء ع كتفها : مو ذا قصدي
مي : م تبين تتطلقين ؟
هزت شيماء راسها ب لا : اتهاوش معاه كثير بس م ابي اتطلق احس
مي بضحكه : م تقدرين ع فرقاه ؟
شيماء بضحك : وش قالت امي امسكي قردك لايجيك الي اقرد منه بمسكه عاد وش اسوي
ضحكت مي : امسكيه امسكيه ، تبين تتابعين فلم معي ؟
شيماء : يلا وش ورانا نتابع
جلسو مع بعض وياكلون فشار ويتابعون فلم
...
| في بيت الجد ثنيان |
كانو مجد وملك وفجر جالسين ع الابتوب يناظرون ف روبات التخرج ويشاورون البنات
ملك : شوووفو ذا حلو ؟
مجد : اي اي حلو
فجر ببتسامه : ماني مصدقه اننا بنتخرج احس مدري شعور غريببب
مجد : صدق يمه باقي بس اسبوعين من ثمها الاختبارات
فجر حست بشيء غريب من يوم ذكرت الرساله " من تتخرجين اجي اخطبك وتبين تقولين من انا ؟ لاجوك يشاورونك فيني بتعرفيني "
مجد : هيييي ي الاخت
فجر : ها
مجد : شفيك سرحتي ؟
فجر : لاولا شيء
" دخلت عليهم إديم وقالت"
إديم : بروح اسوي لي ول إيفان اندومي تبون معانا ؟
ملك: اي
إديم : تمام، لقيتو ارواب ؟
ملك : اي صورناهم بوريكم شوي
إديم : يلا
راحت إديم للمطبخ تسوي اندومي كان المطبخ شوي بعيد عن الغرفه وكان قريب من الحوش شغلت الغاز وشغلت الفرن م امدها تشغل الا ..
| في الحوش |
م كان ف الحوش غير سلطان وفي حوش الجد ثنيان بخيمته كانو فيها الشيبان والحريم اما العيال كانو ب السطح بجلستهم المعتاده فجاءه سلطان سمع صوت انفجار وصياح في بيتهم نط ع طول ودخل مسرع للمطبخ كان النار في الفرن وإديم ماسكه يدها الي محترقه ناظرها من وراء وكيف كانت ماسكه يدها شاف النار تزتاد اخذ شماغه ع طول وبدا يطفي النار جو البنات ع صوت الصراخ
مجد : إديممم فيك شيء
كانت إديم ماسكه يدها بالم وبصوت مبحوح مره : لا
قدر سلطان يطفي النار
سلطان بكحه وهو ثوبه وشماغه راح رماد : فكي الشباك ي ملك
راحت ملك تفك الشباك
ودخلو البنات كلهم ع إديم
جت إيفان وهي تمسك يد إديم : إديممم يدكك
إديم بعوار من يدها : اتركو يدي انا م كنت اقصد انه يحترق حرقت المطبخ
سلطان وهو صاد نظره عنهم ومشغول ب الفرن : مو مهم الفرن اهم شيء يدك البسو عبايتكم يلا نوديها للمستشفى " طلع من المطبخ وراح للغرفه حقته وبدل ملابسه ع السريع وقتها صحى نواف وراح له "
نواف : شفيه في ريحه دخان
سلطان : المطبخ انحرق
نواف بصدمه : وش " هو ذكر البنات انهم ف البيت والحريم ف المخيم بعيد شوي عن البيت " البنات بخير م صار لهم شيء ؟؟؟
سلطان : لا م صار للبنات شيء بس إديم انحرقت يدها بوديها للمستشفى
نواف : يلا يلا بلبس ثوبي وجايك
سلطان : يلا بكون ف السياره
دخل نواف للغرفه يلبس ثوبه وقتها دخلت عليه إيفان
إيفان : نووواف بتروح مع سلطان ؟
نواف : اي
إيفان : يلا بجي معاكم
نواف : البسي عبايتك والحقني
طلع نواف وسلطان وربكو سيارتهم وهم م قالو لاحد شيء عشان م يخافون عليها طلعت إيفان وهي معاها إديم الي ماسكه يدها وركبو مشى سلطان وهو يسرع كل م سمعها تتالم
إديم بالم : تكفينن إيفاان يدي توجعنييي
إيفان : خلاص وصلنا اصبري ، بعدين الحمدلله مو قويه مره
سلطان قطع اشاره المرور وهو مسرع ولحقته سياره الشرطه
إديم : معليش اتحمل ليش سويت كذا ؟
سلطان تنحنح وتكلم نواف : معليه عندي الدوريه
وقفو ف المستشفى والدوريه وراهم نزلو ع طول وجو عند سلطان م امداهم يكلمونه جاءهم نواف
نواف وهو يوريهم اشارته : انا سامح له سجلوها المخلفات ب اسمي " دخلو كلهم المستشفى وتوجهو لقسم الحروق ودخلو بسرعه وبدو يكشفون ع إديم وإيفان معاها ونواف وسلطان كانو برا وكان سلطان رايح جاي مع الممرات
نواف : تراك دوختني
سلطان بقلق : اسال زوجتك تراهابخير
ابتسم نواف : الحين يطلعون وتشوف بعينك اهدى ي خوي
سلطان : ي خي مدري ودي اداهم الغرفه ذي
ضحك نواف ومسك سلطان وحضنه : هد قلبك اول قبل م تداهم الغرفه ذي
ضحك سلطان
| في الغرفه عند إديم وإيفان |
خلصت الممرضه ولفت يد إديم
الممرضه : خطاك الشر
إديم : الشر م يجيك
إيفان : تعورك ؟
إديم : لا ، عطيني نقابي بلبسه
راحت إيفان تاخذ نقاب إديم الي ع الكرسي : هاك
واجهت إديم صعوبه في لبسه
إيفان : هاتي انا البسك
إديم : جعلني فداس " إديم م عندها خوات وبعد إيفان م عندها خوات بس هم كانو خوات بعضهم كانت إديم تشوف إيفان اختها وكذلك إيفان حتى بعض الاوقات إيفان تحسها امها لانها تشاركها كل التفاصيل الي المفروض تشاركها مع امها كانت هي تشاركها مع إديم " لبست إيفان إديم النقاب وطلعو
سلطان : كيفها؟
إيفان : بخير
سلطان : يلا روحو السياره وانا بس بخلص بعض الاوراق حقت المستشفى وحنا نلحقكم
إيفان وهي تعطي نواف وصفه عصار حراق : ذي وصفه اصرفوها لها
نواف : تمام انتم روحو وانا بصرفها
راحو إديم وإيفان ل السياره ينتظرونهم ماهي الا شويات وجو وتوجهوو للبيت وهم م علمو احد فور نزولهم جت ام مهيار تركض
ام مهيار : بنيتي كيفك ؟؟؟
إديم بصوت مبحوح : بخير يمه بخير
ابو مهيار وهو يحضنها : خفت عليك
الجد ثنيان : الحمدلله م صار شيء
ام سلطان وهي جايه عند سلطان من يوم عرفت انه طفئ الحريق : انت كيفك يولدي صار لك شيء ؟
سلطان : لا يمه ماصار لي شيء
الجده منيرا وهي تحضن إديم : خطاك الشر ي حفيدتي
إديم وهي تشد حضن جدتها : الشر م يجيك " بعدت عن حضن جدتها وجاءها مهيار راكض وحظنها "
مهيار : ي الرفله
ضحكت إديم وضربته
...
~ اليوم الثاني ~
صحى نواف ع صلاه الفجر وصحى إيفان تصلي وراح صلى ف المسجد من خلص لبس بدلته العسكريه وطلع وراح يوصل إيفان للجامعه من ثمها راح للمركز
| في المركز | في غرفه الاجتماع تحديداً |
ابوسامي : تشوفه صح يولدي ي نواف لما وظفتها ؟؟؟؟
نواف : اي
مسك ابو سامي راسه وتنهد : ومتوظفه ع انها مباحث وكل اوراقها مزوره وهي مو مباحث
نواف : انا عارف بس ي ابو سامي عندي هي صدقني بس ادوره خطاها
ابو سامي : نوواف انت م تتحكم بعصابك واذا درا اللواء انك سويت كذا وش افسر له ي نواف ؟
نواف : وقتها انا اكلمه واخذ عقوبتي مهما كانت
ابوسامي : لالا انت جنيت رسمي " نواف رتبته مقدم وابوسامي زعيم للي م يعرفون رتبته "
نواف : بس اسبوع يبوي سامي امهلني اياه
ابو سامي جلس : اسبوع ي نواف اسبوع والبنت ذي تطلع من المركز هاذي حتى م تقدر تطلع من المركز ع السجن ع طول
نواف : ابشر " وطلع من الغرفه وهو يتوجه بخطواته شاف باب غرفه السجلات القديم مردود وهو متعمد يغير مكان السجلات وينصب فخ لها دخل بسرعه وماحصل احد ناظر تحت الكراسي شاف ظلها بس م كشفها يبي يخليها ع راحتها وتسوي الي تبيه قفل باب الغرفه "
| عند غزل |
تنهدت براحه من لما طلع وطلعت من تحت الكرسي فكت شباك الغرفه وماكان مرتفع عن الارض نطت ع طول وطلعت وجاءها اتصال ردت
غزل : الو كيف الوضع بابا
زايد : برافو عليك جيت اهنيك
غزل ب استغراب لانها م تذكر انها ارسلت شيء يفيده : ع وش
زايد : عرفت زوجته وشفتها بعيوني شخصاً
ابتسمت غزل : مين هي بنت مين يعني
زايد : بنت كنت ابحث عنها ومستغرب اختفاءها طلعت تحت حمايه زوجها
غزل : من هي
زايد : م تعرفينها ركزي ع شغلك انتي
غزل : تمام " وقفلت"
| عند زايد الكندري | تحديداً جامعه الرياض |
احمد : كيف بنخطفها ؟
زايد : من قالك بتخطفها ي بزر شوف حرم الجامعه كيف وتقول بتخطفها فك مخك الزفت ذا وركز
احمد : وشو طال عمرك
زايد : من يجيك النداء من جوه وتعرف البنت تحديداً تلبس القناع ذا والقفازات ويويلك ويويلك لو يكون فيه اثر انتبه والسياره بتكون قدام الشارع سامعني ؟" في بنت تشتغل عند زايد جوه ف الجامعه مع البنات "
| في الجامعه |
كانت إيفان توها مخلصه محاظراتها وقابلت إديم
إيفان : اوه خلصت كل محاظراتي
إديم : محظوظه باقي لي محاظرتين
إيفان : معوضه ، تعورك يدك ؟
إديم : يعني شوي
إيفان بضحك : المفروض م تعورك ابداً يعني ع الي سواه سلطان
ابتسمت إديم : جزاه الله خير
إيفان بضحك : اي اي الله يجزاه الف خيررر ، نواف برا بطلع انا ان بغيتي شيء علميني
إديم : الله يستر عليك
من بعيد شوي ع بعد متر من إيفان اخذت الجوال وقالت : طلعت منقبه لابسه شنطه يد بيضاء ومعاها كتابين ع يدها
: علم
" قفلت الخط"
كان نواف ينتظر إيفان وكانت سياره زايد تناظر سياره نواف
ابتسم زايد ابتسامه كلها شر : ناظر زوجتك وش بيصير لها " بطقطقه ومسوي نفسه حزين " اوو قلبك بيعورك عليها ؟
جت إيفان طالعه من الجامعه شافت سياره نواف ابتسمت وجت ما مداها تتعدى خطوتين الا يفاجئها رجال لابس قناع م باين فيه الا عيونه طعنها ب السكين ف بطنها ورمى رساله تحت رجولها وهي مع الطعنه ناظرت عيونه وهي تعرف العيون ذي الي تخوف رجعت لها كل الذكريات كانها قدامها تشوفها لما كانت رايحه البقاله وواجهها الشخص ودخلت يدها بقزاز نفسه هو الشخص غمضت عيونها ب اغماء وطاحت ع الارض وهرب احمد نواف شاف كل شيء ونزل بسرعه يركض مسك إيفان الي كلها دم
نواف بخوف عليها : إيفان إيفاني
حظنها ع صدره وغمض عيونه التفت ع السياره الي ركب فيها احمد وهرب
نواف شالها من الارض وشاف الرساله حطها بجيبه وهو يركض ل سيارته تجمعو الناس عليه
نواف وهو شايل إيفان : لاتتركيني تحملي ي خلف ابوي تكفين تكفين ي إيفان
إيفان وهي فاتحه عيونها وبالم ومو قادره تطلع الكلمه من فمها زين : نواف
نواف: ي عيونه خلاص الحين نروح المستشفى تحملي شوي بس ولاتغفلين عيونك
ركب السياره وركبها وراء واسرع بسرعه للمستشفى وهو يناظرها من مرايه السياره كانت إيفان تفك عيونها وتغمضها
نواف وهو الدموع تجمعت في عيونه مسك يد إيفان الي كلها دم : تحملي تحملي ولاتغمضين عيونك
إيفان بصوت مبحوح والم : بموت ؟
نواف : جعلني قبلس لاتقولين كذا شوفيني قربت اوصل للمستشفى
شدت إيفان ع يد نواف وغمضت عيونها
نواف بصراخ : لالااااا إيفاااان فكي عيوووونك " م كانت إيفان ترد ولا فكت عيونها "
نواف وهو الغصه فيه وصل للمستشفى ونزل إيفان ع طول وهو يصرخ في اسياب المستشفى جته الدكتوره واخذتها ودخلوها ع غرفه العمليات جلس نواف وهو حيله مهدود ودمها غرق بدلته العسكريه ويده كلها دم ونزلت دمعه ع خذه وهو يشهق مسك الرساله حقت زايد وكان مكتوب فيها " لاتتحداني واترك لحقك لي مثل م قتلت امها اقتلها وبخليك جسم بلا روح ي نواف آل ثنيان "
دق سلطان عليه ورد عليه
سلطان : نووواف وينك؟ ساعه ادق شغلت بالي
نواف بصوت مبحوح وواضح انه يبكي : ف المستشفى ي عضيدي
سلطان : وووششش فيك شيء
نواف وهو يشهق : إيفان ي سلطان يبون ينتقمون منها فيني "قعد سلطان يهديه وماهي الا شويات وجاء سلطان شافه طايح ع الارض وحاط راسه ع الجدار "
سلطان: نواف
قام نواف وهو يحضنه : مقدرت احميها ي عضيدي م قدرت احميها الله ياخذني م قدرت احميها ان صار لها شيء ي سلطان اموت انا والله اموت
سلطان وهو يحضن نواف : بسم الله عليك من الموت
نواف وهو يشد ع سنونه : موتك ع يدي ي زايدد
سلطان : ع يدنا كلنا
جلسو وهم ينتظرون خبر من العمليات اخذو ثلاث ساعات وطلعت الدكتوره قام نواف لها وهو يقول : كيفها ؟
الدكتوره : عظم الله اجركم
انصقع نواف وحس ان الدم بجسمه نشف صرخ وقال : وش تقوووولين انتي ادخلييي ساعديها لاتخلينهااا تموووت " مسك سلطان نواف يهديه "
نواف : فكنيييييي ي سلططاااااان فكننننييييي مستحيلللللللل مستحيللللل تموووت لا ي سلطاااان تكفى تكفى ي سلطاااان " وطاح ع الارض وهو يبكي " إيفاان مماتتت
الدكتوره : مريضتك إيفان ولا ريفان ؟
سلطان : إيفان
الدكتوره وهي تاخذ سجل العمليات : إيفان عبدالمحسن ؟
نواف بصوت فيه غصه : اي اي
الدكتوره : اعتذر جداً ع الغلط الي صار كنت احسب مريضتكم ريفان تشابه اسماء إيفان عبدالمحسن نجحت عمليتها وبيطلعونها للعنايه المركزه اعتذر عن الغلط مره ثانيه
تنهد نواف براحه وغمض عينه ويقول : يارب لك الحمد ياربب
مسكه سلطان وحظنه : شفت مافيها الا العافيه، تروح تبدل ملابسك
نواف وهو يهز راسه ب الرفض : لا بقعد عندها ماني برايح مكان
سلطان : ع راحتك
" قعدو لين الليل وهم عند باب العنايه المركزه وممنوع يدخلون كان نواف يناظرها من وراء القزازه ويشوف الاجهزه عليها "
نواف : جعله فيني ولا فيس كيف تتحملين ذا ؟ روحك الطيبه كيف تتحمل ذا ؟ كيف تقدر تشوف القساوه الي م تعرفها ي قمر نواف وعد مني لاخذ حقك وحق امك لو انا الي اموت في ذا القصه لاموت بس ابي اموت وانا متطمن عليك
" راحت الساعات والوقت ونام نواف عند باب الغرفه جاءه سلطان من تحت وجايب اكل له بس يوم شافه نايم ابتسم ولبسه شماغه وجلس جنبه "
...
| في بيت الجد ثنيان |
قلقت ام سلطان والجده منيرا عليهم وعلمو الجد ثنيان كانت الساعه ٣ الفجر وماحد منهم موجود
الجد ثنيان : دق عليهم ي محمد
محمد : ادق م يردون يبه
ابونايف كان بيروح الفجر هو ونايف لشرقيه بس لما عرف ان مالهم خبر من العصر قلق ع بنته وجلس : نايف دق ع اختك
نايف : ي يبه دقيت من العصر مغلق ونواف بعد
محمد : رد رد سلطان ، الووو ، وينك ، وووششش وش تقول انت
سلطان : ي حمار البنت بخير لاتخوفهم
محمد : طيب في اي مستشفى انتم بنجيكم
"علمه سلطان ب المستشفى وقفل "
نايف بخوف : وش فيه
محمد تنحنح : إيفان
ابو نايف قام مفجوع : وش فيهاا
علمهم محمد وراحو كلهم للمستشفى وقابلو نواف
نواف وهو م حط عينه بعين نايف ابداً جت الدكتوره وهي تقول : شخصين بس الي يدخلون للمريضه
صد نواف وهو مستحيل يدخل عندها
الجد ثنيان : ادخل ي عبدالمحسن
دخل ابو نايف ونايف للغرفه
جاء ابو نايف ل إيفان يركض
ابو نايف : يابوي انتي كيفك ؟
إيفان وهي توها صاحيه من البنج وبصوت مبحوح: بخير يبه بخير
نايف : لو صار لك شيء مت
إيفان : بخير انا م صار لي شيء والله بخير
| برا عند نواف |
كان جالس وملابسه كلها دم جلس جنبه سلطان
سلطان : ليش م دخلت
ضحك نواف ب اسهزاء : ب صفتي من ؟
سلطان : زوجهاا
نواف : مالي وجه احط عيني بعينها
سلطان : نواف لاتحمل نفسك الذنب
جت ام سلطان ل نواف: يولدي جبت لك ثوب سلطان قال لي ملابسك معدومه
نواف : جزاك الله خير يمه
مسكت ام سلطان وجه نواف: بخير هي يمه بخير طمن قلبك بشوفتها وادخل عندها
نواف بغصه في صوته: ماقدر يمه ماقدر انا المسوول عن ذا كله
ام سلطان: لالا ياعيوني ذا قدر ربنا والي يبيه ربنا يصير يمكن ذا اختبار من رب العالمين لك
سلطان وهو يمسح ع ظهر نواف: امي صادقه ي نواف ذا قدر الله وانت مالك ذنب
ابتسمت ام سلطان: خذ ثوبك ورح بدل
اخذ نواف ثوبه وراح للحمامات يبدل لبس ثوبه الاسود وشماغه الاحمر وتلثم ب شماغه من بعد م توضى راح يصلي وطلع برا المستشفى وهو يكلم سطام يشوف الكميرات ويعرف لوحه السياره التفت وشاف نايف
غمض عينه وهو تلخبط كل الكلمات عنده
نواف: تكلم قول الله ياخذك اني حطيت اختي بامانتك قولها ي نايف قول منت بكفو
مسكه نايف وحضنه : انت مالك دخل انت حميت اختي بكل م تملك ذا منه اهو الي بننتقم منه
مسكه نواف وحط راسه براس نايف: يشهد علي الله لاخذ بحقك ولو اموت ي نايف
ابتسم نايف وقال : روح لها تسال عنك
نواف صد وقال: م قدر ي نايف احط عيني بعينها
نايف :تقدر ي نواف تقدر انت م سويت الا كل الخير لنا تقدر يلا روح لها ولا تخليها تنتظرك
نواف ناظر نايف وبلع ريقه ومشى لباب المستشفى وطلع للغرفه فوق غمض عينه وهو ماسك مفك الباب اخذ دقايق وفك الباب دخل حصل الدكتوره تركب لها مغذيه
التقت عليه وببتسامه: نواف
نواف وهو يشوف وجهها الشاهب وملامحها التعبانه : كيفك
إيفان : بخير انتظرتك طولت م جيت ليش ؟
نواف ببتسامه: م ابي اشوفك بذا الحاله
إيفان: بخير انا
قرب نواف منها وهو بتهرب بعيونه مسكت إيفان بيده وقالت : ليش م تحط عينك بعيني
نواف بغصه : انا السبب ، لو لحقت عليك ومسكته م كان سواء كذا
إيفان : نواف ذا قدر الله ، بعدين هو نفس الشخص
ناظرها نواف وقال: اي شخص ؟
علمته إيفان بكل شيء وانه كان هو نفس الشخص وعلم سطام واخذت إيفان ثلاث ايام ب المستشفى وطلعوها للبيت
" وبعد مرور اسبوع لعدم وجود احداث مهمه "
____
ننهي البارت لهينا ادعموني ب نجمه ي حلوين وبتعليق حلو مثلكم ❤️
أنت تقرأ
ليتك تعرفين الحال؛ ويش هي نواياي
Aktuelle Literatur(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
