ليتك تعرفين الحال؛ ويش هي نواياي

تسعه وثلاثين

صلو ع نبينا محمد عليه افضل الصلاه والسلام ..

...
" اليوم الثاني "
بدت تجهزات حفله كانت خفيفه الحفله بدو يجهزون اصايل
اصايل كانت متوتره وودها تصرخ
مجد : شرايس اصول حلو ذا الفستان وردي وكتكوت بيطلع نار عليك
اصايل : مدري بكيفك
شهد تنهدت : قومي اختاري ي بنت
اصايل ببتسامه : الي مجد اختارته حلو
فجر : يناسبك مرره
ريتاج : تعالي اجلسي بسوي شعرك
جلست اصايل وهي تناظر ب المرايه شكلها وفوق راسها ريتاج الي تسوي شعرها كانت تتامل ملامحها وهي ترتجف من التوتر
دخلت إيفان عليهم وابتسمو البنات انها طلعت من غرفتها واخيراً قالت ببتسامه : تهبلين اصايل
اصايل : يعمري الله يسعدك
إيفان ببتسامه : الله يوفقك يرب
اصايل وهي متوتره : بنات
البنات : هلا
اصايل : خايفه
إيفان حست بشيء غريب تذكرت زواجها كيف كانت خايفه وقالت عشان اصايل تهدى : لاتخافيني كوني هاديه
إديم وهي تحط يدها ع كتف إيفان : ريلاكس حياتي
اخذت اصايل نفس وهي تناظر ب الميكب قدامها وهي في عمرها م قد حطت منه لانها اوامر من خالها ذا الاشياء حرررام جاهل في الدنيا : معرف احط مكياج
إيفان قربت منها : انا بسوي لك
ناظرو البنات إيفان الي كانت كثر م تقدر تبي تطلع نفسها من حفررره عميييقه حفره غريبه وكانها كل م حاولت تطلع الحفره اخذتها جواتها
شهد : اصايل تدرين ان إيفان صوتها حلو  ؟
ناظرت اصايل إيفان الي كانت تمكيجها : صدق ؟ تغني
إديم : م عرفتيها مستحيل تمر جلسه من جلساتنا وهي م غنت لنا صوتها ب القلب
بانت ابتسامه خفيفه ع وجه إيفان
اصايل : غني لنا
إيفان : مالي خلق
ريتاج : افاااا ، زوجه اخوي م تغنين لها
ضحكت اصايل : اي بعدين عشان م اخاف احس متوتره
مجد : إيفااني غنيي، بليزز ، بليزززززز
بعد اصرار من البنات عليها رغم انو واضح عليها ان مالها خلق بس غنت بصوتها الجميل وهي تقول :
كان قلبك م يبيني قول ي اغلى من صدقته
كان عينك م تبيني قول لاتكذب عليا
يوم قلبي جا لقلبك جيت وياه وسبقته
يوم قلبك صد قلبي قلت راح اغلى البريه
مابقى بي الا انت وكل شيء مني سرقته
خذت حتى كبريائي في الهوى والنرجسيه
بدو البنات يصفرون ويعززون ل صوتها
اصايل : يجننن صوتك ماشاءالله
ملك قالت بدون اي انتباه منها : اي اخوي محظوظ
ناظروها البنات بعلامات استفهام ودقتها مجد بلعت إيفان ريقها وهي تخلص اخر لمساتها في مكياج اصايل : شوفي شكلك تهبلين
ناظرتها اصايل : مشكوره
إيفان : م بيننا ي قلبي ، انا بروح اتقهوى مع الحريم
" وطلعت "
ناظرت مجد ملك : انتي حماره ولا حماره ؟؟؟؟
ملك : ي خي طلعت من فمي بدون قصد
إديم : بناتتت حنا م صدقنا متى طلعت من الغرفه ترجعون وتذكرونها
ملك : بنات والله نسيتتتتت قلتها كذا
ريتاج وهي تناظر : احسها تضايقت شوي
اصايل : لاحظت كانت الدمعه بعينها
ملك وهي حست بتانيب الضمير : يوه الله يقص لساني
مجد : امينننننن
فجر : بروح اشوفها
طلعت فجر من عندهم وراحت تشوف إيفان الي كانت جالسه ب الحوش وهي تناظر الجوء بهدوء جلست جنبها فجر التفت إيفان عليها وقالت فجر : وش كنتي تحسين في بدايه حملك
إيفان ب استغراب من سوالها  : مدري م احب الاكل وارجع ليش السوال
فجر ببتسامه : يمكن اكون حامل مثلك
التفت إيفان وهي مبتسمه : منجد؟؟؟!
فجر هزت براسها ب الايجاب وحضنتها إيفان بفرح لها
فجر : بس مدري مو متاكده
إيفان ببتسامه : نشتري جهاز الحمل وحللي
فجر وهي تناظر ب إيفان : شريته
إيفان : طيب وش تنتظرين حللي ، م قلتي ل احد ؟
فجر : لا حاولت م ابين تعبي م ادري وش كان فيني بس لما شفت تعبك قلت يمكن اكون حامل بس مدري خايفه
إيفان قامت وقومت فجر معاها : تعالي نقول للبنات وادخلي حللي ونشوف
فجر ابتسمت وراحو يعلمون البنات ومنها تحلل فجر
....
| عند الشباب |
كانو يجهزون مطلق
محمد : البشت الاسود عليك احلى من الابيض ولا ي فهد
فهد تكى بيده ع محمد: هو شين بكل شيء
ناظره مطلق وهو يرميه ب مفتاح السياره : اسكت ي الحلو انت
فهد بضحك وهو ماسك يده من ضربه مطلق : ادري اني حلو
مهيار : مداح نفسه
دخل نايف عليهم وشاف مطلق بالبشت : العب وش الحركات ذي
مطلق وهو يعدل شماغه ، ويرز نفسه : بالله كيف
نايف ببتسامه : بتطيح البنت من جمالك
محمد : امحق جمال والله
ناظر مطلق محمد بطرف عينه : اسكت انت ، نيوفي كمل
ضحك نايف : اكمل مدحك ؟
مطلق : اي ، حطموني الله يحطمهم
دخل سلمان وهو ينادي مطلق
مطلق : سم
سلمان ناظر اخوه الي لابس البشت وقال : اصغر مني وبيتزوج
ضحك مطلق : انت م تبي وش نسوي انتظرك ؟
سلمان : المفروض من الاداب والاحترام تنتظر اخوك يعرس
مطلق ضحك من كل قلبه قرب سلمان وهو يحضنه ويبارك له
سلمان وهو يعطك الكبك : البس كبك يلا
....
| عند البنات |
من بعد م علمتهم فجر كانو كلهم ينتظرونها بتوتر وكلهم متحمسين لها واصايل نست فستانها تلبسه وكل شيء كانت تنتظر معاهم ماهي الا شويات وطلعت فجر كان وجهها يشير ل حزن
إديم : وشو بصير عمه
مجد : اصبري ي المعوقه ، فجورري قولي انك حامل عشان يغمى علي من الفرح
ريتاج : فجرررر حامل ولا لا ؟؟؟ بموت
فجر ابتسمت وهي تصارخ : ايييييييييووووه
نططو البنات فرح لها وهم يحضنونهاااا
شهد : اليوم الفرحه فرحتينننننن
ملك : الحين الحوامل ثنتين عندنا عقبال إديم واصايل
إديم م تدري وش حست يوم قالو وكانها تحلم في ذا الشيء والحماس مالي قلبها عكس تماماً اصايل الي زاد خوفها وتدعي من كل قلبها ان مطلق يبعد عنها ويكون زوجها فقط ب الاسم