ليتك تعرفين الحال؛ ويش هي نواياي

البارت السادس عشر

صلو ع محمد قبل تبدون البارت
انستا llzix_2
تيك llzix8

|في يوم جديد| عند البنات |
كانو يسوون الفطور ف المطبخ ام سلطان
إيفان : انا بسوي البيض
ملك : يلا تمام
مجد : اول شيء بقول ل نواف ياكله هو البيض عشان يشوف طبخس
إيفان بطقطقه: معاد بسوي
ماتو ضحك ملك ومجد
ملك : م راح تقول له كملي بس
ضحكت إيفان وبدت تسوي البيض خلصو الفطور ودخلت عليهم ام سلطان
ام سلطان: جهزتن الفطور يبنياتي ؟
البنات : اي
ام سلطان : خذوه ف الحوش لريجيل وترا جدك وجدتك بيروحون لديره عجلن يفطرون ويمشون
ملك وهي تاكل خيار : نواف بيروح معاهم ؟
ام سلطان : مادري م اهقى يروح
مجد : خلاص يمه روحي انتي وحنى بناخذ الفطور
إيفان بتردد انها تسال بس سالت من فضولها : نواف بالعاده يروح الديره مع جدي ؟
ملك هزت راسها بالايجاب : وحتى اوقات يروح بدون جدي يحب يروح كثير بس الفتره ذي م راح
إيفان: ليش
ملك : مدري انشغل كثير ف شغله
مجد باستغراب : تصدقين مستغربه منه ترك خيله
إيفان باندهاش : عنده خيل ؟
مجد بضحك : يبي لي جلسه اعلمك كلشي عشان نواف مو معقوله متزوجته وماتعرفين شيء عنه
إيفان : اقول اخذي الفطور وامشي قدامي جدي يحترينا
...
| في المجلس |
كانو جالسين نواف وسلطان مع بعضهم
ضحك سلطان ومات ضحك ومن كثر الضحك انكتم م قدر يتكلم
نواف ابتسم : ابيك لي عون صرت فرعون
سلطان وهو لازال ع وضعيته : انكتمتتت
ضحك نواف من موقفه
عدل سلطان جلسته وكل م طالع نواف يضحك
نواف بضحك: خلاص ندمتني اني قلت لك
سلطان : يبي لك دروس خاصه
نواف بضحك : وش اسوي معرف اتعامل مع جنس حواء غير خواتي
ضحك سلطان : بس فرق بين خواتك وزوجتك
نواف : طيب ابي نصيحتك ترا م قلت لك الا لاني متورط اي حركه اسويها خافت ( علمه نواف انه م عرف يتعامل مع إيفان بس م علمه المواقف )
سلطان بضحك : بعلمك بعلمك اول شيء الحنان اشعرها ب الحنان
نواف : اشعرك بكف ع وجهك
وقام وطلع وسحب ع  سلطان الي ميت ضحك وراه
....
فيصل باندهاش من المكان الي هو فيه : يبه وش نسوي حنى هينا ؟
زايد : نتدرب ع اطلاق النار
فيصل : وش ابي ب اطلاق النار انا
زايد بحده : لاتناقششش وكمل الي اقوله لك
فيصل بغضب : من يوم مشينا وانت تقول لاتناقشني لاتناقشني لي الحق ف معرفه وش تسوي
زايد : شبيه امك ***
فيصل بعصبيه : لاتغلط ع امي م ضرتك هي
مسك زايد من ياقته : بتاكل تراب ولا ترد علي
فيصل بقهر وغضب يملاء صدره سكت ولا ناقشه
زايد : ابدا يلا امسك السلاح وارم
فيصل اخذ السلاح وبدا يرمي ع الخشب التدريبي بس م صاب ولا وحده فيها بحكم انه م يعرف وكانت كل طلاقات السلاح بعيده عن الهدف
زايد: في كلشي فاشل في كلشي
غمض فيصل عيونه بقهر في كل شيء يحاول يعجب ابوه بس م يفيد ومن وهو صغير يسمع كلمه فاشل مامنك فايده وفي نفسيه يقول " ليتني م ولدت ع ذا الحياه "
زايد بغضب وحده اخذ السلاح من يدين فيصل وقال : كذا كذا يرمون طالعني وتعلم
بدا زايد يرمي ع الهدف وكان يصيبه وكل م صابه قال " كذا ي فاشل "
...
| في الحوش |
الجد ثنيان : نواف يولدي بتروح معانا ؟
نواف : الود ودي والله ي جد بس شغلي
محمد : احس ماني متعود اروح الديره وانت مو معانا
ضحك نواف : ان شاءالله مره ثانيه
ابتسم الجد : ان شاءالله ، يلا ي عيال مشانا
طلعو كلهم واتجهو ل الديره تلثم نواف بشماغه وحط راسه ع التكايه وغمض عيونه حاس بتعب وراسه مصدع ويفكر ف القضيه
شافته إيفان من الشباك واستغربت انها نايم في الشمس كان العصر بس مازال فيه شمس شمس الرياض معروفه
إيفان بينها وبين نفسها " اروح له ؟ ولا لا لالا اخاف يعصب بس وش فيه احد صاحي ينام تحت الشمس "
ملك من وراها : تراقبينه
إيفان فزت من الخوف : من اراقب ؟
ملك بضحك : حبيب القلب
ضربتها إيفان ع كتفها : م راقبه وش ابي به
ملك : زوجك هههه ، ع العموم روحي له لان الواضح انه متضايق ف شيلي همومه حياتي
وراحت وهي تضحك
بلعت إيفان ريقها، بينها وبين نفسها " خل اشوف بس وش فيه م يضر لو سالته " راحت بخطواط بطيئه له ف الحوش
بصوت متقطع وهي فيها شعور الخوف ولاتعرف ليش : ش..فيك نايم ف الشمس
ناظرها نواف بعين وحده ومسك يدها وسحبها عنده
شهقت إيفان من حركته حط نواف راسه ع رجولها وقال : التكايه صدعت براسي
انصدمت إيفان وقعدت بصدمتها
فك عيونه نواف وهو يناظرها : وش بغيتي انتي !
إيفان برجفه واضحه في صوتها : بس سالتك ليش نايم ف الشمس
نواف ببتسامه : مدري
إيفان وهي تتهرب بعيونها منه وتبيه يقوم من ع رجلينها
نواف : ليش تتهربين مني
إيفان بلعت ريقها : م تهربت
نواف : حطي عينك بعيني عشان اصدق انك م تتهربين
غمضت إيفان عيونها واخذت نفس عميق وناظرته وهي مغمضه عينها
ابتسم نواف : يعني الحين تشوفيني
إيفان بضحك من هبالتها : اي
ضحك نواف مع ضحكتها وقام جلس وحط عيونه بعيونها وفك لثمت الشماغ : يعني المفهوم من ذا انك تتهربين مني وتكذبين علي
إيفان نبضات قلبها تزيد وخافت منه يعصب : اي بس والله مو قصدي لاتعصب " وغمضت عينها "
نواف : ليش اعصب عليك!
إيفان بخوف : مدري
نواف بصدمه من انها تفكره يعصب من كلشي : ليه دايم اشوف ف عيونك الخوف مني ؟ ان كلمتك رجفتي انتي متوقعه اني بضرك بشيء ؟ " تنهد " إيفان ابيك تعرفين ان اخر شخص يضرك ب الحياه هو انا ويليت اشوف ثقتك فيني بعيونك بكون لك سند وبكون لك ظهر وان مس احد شعره منك احرق الدنيا كلي امان لك انتي مو بس ف اماني انتي ف وجه الله ثم وفوجهي وفشنبي وان كان م فيه بدنياك امان انا اكون امانك انا اكون عونك وانا امنك لاملى قلبك الخوف بدون م تقولين ي نواف الخوف بقلبي انا اعرف خوفك بعيونك انا دنياك لاضاقت بك الدنيا بس لايكون الخوف الي بعيونك مني !
قام نواف بدون لايسمع ولا كلمه منها اخذ شماغه وطلع مع الباب
...
دخل المركز واتجه له معاذ
معاذ : طال عمرك البحوثات الي طلبتها وصلت
نواف : هاتها لي وجيب لي قهوه
معاذ : سم
دخل لمكتبه وماخذ شويات ودخل عليه معاذ
نواف : يعطيك العافيه
معاذ : يعافيك
بدا نواف يقراء البحوثات ويتحرى
دخل عليه سطام: اهلين اخ نواف
ضحك نواف : تاخرت شوي اعذرني
سطام : شوي ! اخخ بس شكل الشغل من بدري بيتراكم علي
ضحك نواف : معليك مهو متراكم ، وصلت البحوثات قاعد افحصها
سطام : اشوف
بدو نواف وسطام يقرون البحوثات
نواف بغضب : كنت عارررف كان عندي احساس
سطام : ابن الكلب
نواف : ان م ذبحته بيديني م اكون نواف
سطام : اهدى خل نعطي ابو سامي خبر
جلس نواف وهو ماسك راسه ووده لو يمسكه الحين ويذبحه
...
| في بيت ثنيان | بعد صلاه العشاء|
دخلت عليهم إديم : هاااييي
إيفان بفرح : إديموووه
بدو البنات يسلمون عليها وجلست معاهم
إديم : شفت نفسي فاضيه م عندي لاشغل ولا مشغله قلت اجيكم اسولف معاكم
فجر : زين سويتي والله
إيفان : اي عطينا سوالف لان سوالفنا خلصت
إديم : ذكرتينييي بنات عندي تطبيق ف المحكمه ( إديم تدرس قانون )
فرحو البنات من فرحه اديم : اي محكمه ؟
إديم : ال **
مجد : ذي المحكمه الي يشتغل فيها سلطان
إديم : امانههه نفسي اشتغل فيها الحين بس اطبق يرب اذا تخرجت اكون فيها
ملك : معليك اخلي سلطان يكون واسطه لك
إديم : كفوووو
بدو البنات يسولفون ويضحكون ويسهرون مع بعض وتاخر الوقت وراحت إديم وكلهم راحو الغرف ينامون
دخلت إيفان الغرفه استغربت انه مو فيها الساعه ٢ اليلل
إيفان بندم مع نفسها انها سوت كذا فيه : ليكون زعل مني ! اوف ي إيفان تحكمي بمشاعرك الولد يشوف خوفك بعيونك وتنكرين بعد حسستيه انه مجرم
راحت تبدل ولبست بجامتها تنهدت وجلست ع السرير تنتظره ع الاقل تعتذر منه بس للاسف م جاء ومن كثر النوم الي فيها تغمض عين وتفتح عين قامت من ع السرير وهي تقول : صصحي ي إيفان
وجلست ع الكرسي بس غلبها نومها ونامت ع الكرسي
...
دخل البيت وكان الوقت حوالي الساعه ٣:٤٠ اليل م وده يدخل للبيت وطلع ل السطح اخذ بكت الدخان وطلع منه سقاره وبدا يشرب فيها ويفرز الدخان وبدا يتامل السماء ماخذ شويات وقام ونزل دخل الغرفه استغرب منها حصلها نايمه ع الكرسي وكان راسها مايل مره
ابتسم نواف وقرب منها ومسكها  مع يدها وقومها يحطها ع السرير
إيفان وهي تداوخ من النوم : انت جيت
نواف : اي ، اذا خايفه بطلع
إيفان وهي فاتحه نص عين : انا اسفه
نواف : ع وش
إيفان وهي تتلحف من البرد ومن النوم وتهلوس: نواف
ابتسم نواف وهو يتاملها : همم
إيفان :اسفه
وغمضت عيونها وغرقت في نومها اخذ نواف شعرها ورفعه عن وجهها وقام دخل يلبس وجاء ونام جنبها
....
| في يوم جديد |
صحت من نومها وهي تتلفت تدور ع نواف
إيفان بعدم تذكر شيء وتحسب ان نواف م جاء بسبب النوم: معقوله للحين م جاء
سمعت الدش من الحمام وعرفته انه هو م اخذ شويات اختفى صوت الدش وطلع كانت تناظره وتبي تتكلم بس م تعرف كيف تبدا
نواف شاف عيونها الي تراقبه بس م تكلم  وراح يلبس بدلته العسكريه جلس ع الكرسي وهو يربط جزمته ( وانتم بكرامه )
إيفان بتردد : نواف
نواف : همم
إيفان : انا
م كملت وقاطعها نواف : اعرف وش بتتكلمين عنه لان ذي المره الثانيه
استغربت إيفان : المره الثانيه !
نواف : اي
إيفان : انت ليكون تقراء عقلي وتحسب المره الثانيه ذي
ضحك نواف : السهر مو زين يخلي الواحد غايب عن العالم
وقام وهو يضحك وفك الباب وطلع
...
| في بيت ام سلمان |
كانو جالسين يتقهون مع بعضهم
شهد : مطلقوه
مطلق : مطلق اسمي مطلق مطلقوه ذي مو دلع
شهد : خلاص مطلق نبي نروح عند مي البنات بيتجمعون هناك ودنا
مطلق بعناد : لا
شهد : مطللللقققق لو سلمان م راح ل الديره كان اخذنا ليتك انت الي رحت وهو قعد
ضحك مطلق : الود ودي اروح بس تعرفين مقدر اخليكم لحالكم
ام سلمان ابتسمت : اخذهم ي ولدي
مطلق : بشرط
ريتاج : وشهو
مطلق : ابي كيكه بالشكلاته
ريتاج : خلاص تم تبشر
...
تكرر وتقراء الرساله وهي متردده ف الرد توافق ؟ ولا ترفض
: بندق عليه وش بيضرنا
اخذت جوالها ودقت ع الرقم الموجود ب الرسال رد عليها واحد بالغه الفرنسيه
الرجل: étais-tu d'accord ? " هل وافقتي "
‏: Je veux parler à Zayed Al-Kandari " اريد ان اكلم زايد الكندري "
الرجل : je vais lui dire " سوف اقول له"
‏:au revoir " الى القاء "
قفلت الخط وهي تنتظر اتصالها مع زايد الكندري
...
| في بيت مي |
تجمعو البنات عندها وبدو يسولفون دق باب الغرقه ودخلت ام مي : تبون شيء ي بناتي ؟
البنات : سلامتك ي خاله
إديم : شيماء بتجي ؟
مي : اي اهقى انها وصلت بنزل اشوفها
..