ليتك تعرفين الحال؛ ويش هي نواياي

البارت الرابع عشر

صلو ع محمد عليه افضل الصلاه والسلام
انستا llzix_2
تيك llzix8

"ليتك تعرفين الحال ؛ ويش هي نواياي"...

.....
قامت إديم واخذت إيفان للغرفه وقفلت الباب وجلست عندها وقعدت تهديها بعد م هدت إيفان قالت إديم : وش فيك حتى زواجك من نواف مستغربه منه
إيفان وهي تشهق وعلمتها بسالفه الرجال الي ضربها وبكلشي صار لها
إديم : جعل يده بالكسر الله ياخذه
إيفان : اميننننن
إديم : ونواف ؟
إيفان : شبلاه
إديم بضحك : مو كنتي تقولين انه مريض وعصبييي وعع جوه جو شياب والحيننن بتتزوجينه
إيفان : هو خطبني ووافقت عشان ابوي
إديم بضحك : لالالا سبب مو مقنع ابداً نواف ذا الايام اربع وعشرين ساعه مسنتر ف الشرقيه ويطلع ذا السبب لالا
إيفان وهي تضربها ع كتفيها : خير وانا وشدخلني اذا جاء الشرقيه كلشوي
إديم وهي ميته ضحك : وموديك ذاك اليوم الجامعه ها
ضربتها إيفان ع راسها
إديم بالم وضحك قامت وفكت الباب وطلعت وهي ميته ضحك
ابتسمت إيفان من هباله إديم وقامت مسحت دموعها وسوت شعرها وطلعت
| في الحوش |
كانو البنات لابسين عباياتهم وجالسات مع عماتهم وجدتهم
طلعت إيفان من البيت من بعد م لبست عبايتها وجلست جنب جدتها
الجده منيره : هلا بحبيبه جدتها
البنات : وحنا ان شاءالله
ضحكت مي منهم
ام سلطان : مي يابنتي امك بتجي ؟
مي : اي ان شاءالله العشاء بتجي
الجده : الله يحيها
طلعو العيال من المجلس وهم صادين وجههم عن الحريم وكان سلطان ونواف يكلمون بعض وطالعين
الجده : نواف يمه
نواف وقف : سمي ي جده
الجده : عندك دوام اليوم ؟
نواف : اي ليش بقيتو شيء ؟
الجده : اليوم بيجونا ضيوف ونبي ذبيحه واذبحها انت والعيال
نواف : اي خلاص سمي جهزو الحوش والاغراض وانا جاي
طلع من الباب وشغل سيارته وركب معاه سلطان ومشو
دفت إديم كتف إيفان فهمتها إيفان وضربتها ع رجلها
وإديم ميته ضحك : اليوم خلتيني مورمه من ضرباتك
إيفان : احسن
...
| في اليل | في حوش الجد ثنيان تحديداً |
نواف : فهد يورع امسك العنز زين
فهد : يولد ذي شاكه انها بتموت
نايف : ان هربت حطيتك بدالها
فهد : شدخلني يبوي العنز كبيره ودب كانها ثور
محمد : والله الثور الي ماسكها
الجد ثنيان وهو يناظر احفاده وجنبه عياله
ابو مهيار : سم بالله ي نواف وابدا
| البنات من الشباك |
شهد : حرام ي خي وش ذنب العنزه
مجد بضحك : محزنه ع العنز !
ريتاج وهي تصد : يويلييي مابي اشوف الدم
ملك : دلوعه
ريتاج : انقلعي بس " وقامت من عند البنات "
إديم : بعدوو بعدوو بشوف
مجد : تعالي
إديم : إيفان زوجك الي بيذبح الذبيحه
ماتو البنات ضحك
بلعت إيفان ريقها : طيب ؟
قامت فجر ومسكتها وقالت: تعالي شوفي
إيفان : ادوخ من الدم فكوني منكم
مسكتها إديم مع فجر : امشي بس
| العيال |
مسك نواف العنزه ووجهها للقبله ورفع السكين وقال : بسم الله الله واكبر " وذبحها "
" إيفان بصرخه من الدم " واغمى عليها
إديم : إيفان يويليي ي بنت
رفع محمد نظره لشباك لان الصوت الصرخه كان عالي
فهد : وش السالفه
قامو العيال كلهم جرئي لفوق رمى نواف السكين ع الارض وطلع معاهم وثوبه كله دم
ام فجر : إيفانن بنتي إيفان
م كانت إيفان تستجاب معاهم
ابو نايف : وش فيها
ودخلو كل العيال الغرفه منفجعين لان كل الحريم يصيحون ومن الخرشه نسو بنات عمانهم وقطو معاهم
ابو نايف خايف : وش صار وش فيها إيفان 
الجده : مافيه شيء اطلعو اطلعو بنات عماتكم موجودين
ادركو العيال انهم داخلين عليهم وطلعو كلهم من ضمنهم نايف
حاولو يصحون إيفان وكان نايف ع اعصابه م يدري وش صار لها طلع محمد من الغرفه
نايف : وش فيها إيفان
محمد : كانو يطالعون من الشباك ويوم نواف ذبح الذبيحه انصرعت من الدم
نايف : بخير هي ؟
محمد : اي صحت
بعد ماذبحو الذبيحه وعشو ابو مي وام مي لانهم منتقلين ل الرياض خلص اليوم وجاء وقت تجهزات عرس نواف الي نواف قال للجد يبي عرسه سريع
|في السوق |
إديم : إيفانوه اختاري وش عاجبك
إيفان : كلها حلوه
إديم : جننتيني
ضحكت إيفان وقالت : خلاص خذي اي واحد منهم
ام مهيار : م يصير ي بنيتي انتي اختاري الي يعجبك انتي
إديم : اي اقنعيها يمه
ابتسم إيفان وهي تشوف ام مهيار زي امها وماخذه دور امها في ذي المناسبه وإديم اختها الي م جابتها امها
| في المحل الثاني |
ام سلمان : اسرعي ي ريتاج خل نشوف وين راحو الحريم
ريتاج : يمه خليني اختار عطوري برواق
شهد : اقول امشي بس لانتاخر ع إيفان ترا هي العروسه مب انتي
طلعت ام سلمان وبناتها من المحل الي جنب محل إيفان ودخلو لهم
ام سلمان : ها ي إيفان خلصتي ؟
إيفان : اي خلاص بس باقي الاكسسورات
ريتاج : شوفي في محل قدام حق اكسسوارات خل نشوف عنده
ام سلمان : ي بنياتي حنا معاد بنا حيل بنجلس ف الكوفي ذا وانتم روحو
وافقو البنات وراحو وجلسو ام مهيار وام مشاري ف الكافيه
| في مكان ثاني |
كانت ام سلطان تجهز الغرفه المعرسين وتضبطها والاثاث والاشياء كان البيت حوسه وكانت الجده ترتب معاها دخلو مجد وملك وفجر وام فجر من برا جاين من السوق ومحمد وراه
محمد : يمه توبه توووبه اوديهم السوق التوبه
مجد : ارفع اعلومك حنا البنات م اشتكينا ولا تعبنا
محمد وهو يدفها : انقلعي بس
وطلع محمد احتراماً ل ام سلطان
ام سلطان : جبتو الغراض الي وصيتها لكم
ام فجر : اي معليك جبناهم كلهم
فجر : وجبنا بخورك ي جده
الجده : جزاكم الله خير
ملك : يمه طقم إيفان جبتيه صح ؟
ام سلطان : نواف وسلطان راحو يجبونه وبجيبون الدبله معاه ( كان طقم إيفان مصمم تصميم خاص وكان من اختيار نواف بما انه بنت عمه لازم يجيب لها كلشي زين )
<< بعد م جهزو ومر اسبوعين ع التجهزات جاء وقت الزواج >>
كانت في الكوفير تسوي لها الكوفير مكياجها وهي متوتره وتحس قلبها بيطلع من فمها 
إديم : وش ذا الجمال ي عروستنا
إيفان طالعتها ويدها ترجف
إديم : لاتوترين عادي اتوقع كل العروسات كذا
إيفان بنفسها ( م اتوقع فيه عروسه خايفه من زوجها ولاتعرف سبب خوفها منه )
إديم : كملي الميكب سريع الوقت راح
إيفان : كم باقي ؟
إديم : حوالي ساعتين
هينا بغت تموت إيفان باقي ساعتين وتجتمع معاه ! ( طبعاً الملكه والزواج واحد يعني يتملك ويسوي العرس)