ليتك تعرفين الحال؛ ويش هي نواياي

خمسين

صلو ع نبينا محمد عليه الصلاه والسلام ...

.....
| في مخزن اسلحه |
دخل ابوسامي وهو يشوف اربع جثث ع الارض ، ويشوف تهريب الاسلحه الي كانت موجوده ب الشاحنات وكانت عدد التهريب جداً كبير يعني كانت خساره كبيره لهم ،
ابوسامي تنهد وقال : من الي بلغ ؟
مد الشرطي الجوال ل ابو سامي :ذا الي بلغ ، بس ميت يعني في احد دق من جواله
ابوسامي ناظر وقال : الي بلغ يبي الشرطه تعرف
ع التحقيقات الي جرت دخل اللواء ، ودقو العسكر له تحيه
اللواء : وش صاير هينا ي ابوسامي
ابوسامي تنهد : شوفت عينك ، المخزن طلعنا منه الالف الاسلحه وكتشفنا البصمات وكلها بصمات الي ميتين وفيه بصمه بعد
اللواء : بصمه مين
ابوسامي : شعيب ***
اللواء : دورو عليه
ابوسامي : قلت للعيال يشوفونه وللحين م حصلنا له اثر
اللواء : زين ي ابوسامي
طلع اللواء ووراه ابوسامي وتوجههو للمركز بعد م خلصو التحقيق في المنطقه ، نزل اللواء من السياره بس الكل استغرب من الي شافو كان شعيب مربوط في شجره قدام المركز قرب اللواء من شعيب وشال الربط من ع فم شعيب
قرب ابوسامي منه ، ونزل سطام من سيارته وقال : نواف ال ثنيان الي جايبه
التفت اللواء ع سطام وقال : عرفت ، اخذوه لزنزانه
فكوه العسكر من الشجره ودخلوه
دخل ابوسامي مع اللواء وابوسامي مستغرب ان اللواء ساكت ولاعصب وكذلك سطام الي استغرب برضو واستغرب ان نواف الي قال له روح وقل لهم
ابوسامي : م راح تقول شيء طال عمرك ؟
ناظر اللواء ابوسامي : انا انتظرت ذا الوقت عشان اقول لكم بس اشوفكم تساعدون نواف بدون اي اوامر ها ي ابو سامي ؟
ناظر ابوسامي اللواء وقال : انا مع نواف بكل شيء وهو بحسبت ولدي يمكن الي يسويه الحين غلط ويمكن وظيفته تروح منه بس انا معاه طال عمرك
ابتسم اللواء : لاحظت ، وسطام كيف نظفت وراء نواف يوم اخذ شعيب ؟
استغرب سطام كيف عرف اللواء بس قال بكل ثقه : سهل طال عمرك
اللواء ابتسم وهو عجبه الفريق الي شكله نواف : انا عندي علم بكل شيء ، ونواف عشان م يعرضكم للخطر ويعرض وظايفكم للخطر اخذ الاذن مني واعطيته الاذن بس بشرط يثبت لي كيف الرجال الي معه ، وفعلاً اول واحد ثبته لي انت ي سطام بعدها ثبت لي فيصل الكندري وثبت لي نايف ولد محسن لما راح معاه لمزرعه شعيب ، وثبت لي سلطان اخوه لما راحو للمخزن وابوسامي م يحتاج يثبت لي ، بالمختصر قواكم الله والي يبي يدخل يدخل من الحين
ابتسم ابوسامي وعرف انها مهمه سريه انعطت لهم تو ، وطلع سلاحه ورخصته : انا انفصل من العمل
ابتسم سطام وطلع سلاحه ورخصته بعد : وانا انفصل مع عمي ابوسامي
ابتسم اللواء : ع القوه ويوفقكم بالي قدامكم ، وها قولو ل نواف لاعاد يربط خلق الله ع الشجر يبلغ انا ارسل العيال
ضحك سطام : نحاول نفهمه طال عمرك
طلعو ابوسامي وسطام من غرفه اللواء ولما عرفو الكل انهم انفصلو استغربو وقعدو يودعونهم وطلعو سطام وابوسامي
سطام : ابوسامي
ابوسامي : هلا
سطام : حياك ع بيتي ، تغداء عندي اليوم
ابوسامي ناظره : كثر الله خيرك بس
سطام : تكفى لاتردني ، مشانا للبيت وتغداء معي
ابوسامي ابتسم : اجل مشانا
ركب سطام في السواق وابوسامي جنبه
سطام شغل السياره ومشى وفي الطريق : ابوسامي وش اسمك الحقيقي يعني من ايام عسكرتي وانا اعرفك ب ابوسامي
التفت ابوسامي عليه : سطام انت صاير تبربر واجد
ضحك سطام : صح انا اسف
ابتسم ابوسامي وهو يعتبر نواف وسطام مثل عياله ، من بعد ممات ولده سامي : اسمي الحقيقي مداح
سطام : عاشت الاسامي ي عمي مداح
ابوسامي : عاشت ايامك ي سطام
سطام : نذر ل جاني ولد اني لاسميه مداح
ابوسامي ابتسم: ان شاءالله خل نشوف عرسك ب الاول
سطام : قريب قريب ي عمي وابيك انت الي تخطب لي بعد
ابوسامي عارف ان سطام م عنده ابو : ابشر يولدي انت بس قرر وحنا نخطب
سطام ابتسم ل ابو سامي
....
| في مطار الرياض |
نزلت من طيارتها وتمشي وكانها هاربه ، ركبت اول تكسي وكان التاكسي مستغرب ان ما معاها اغراض ولا اي احاجه بس اعطته موقع ومشى السايق ل ذا الموقع وصلها لبيت الجد ال ثنيان نزلت ومشى السواق نزلت ناظرتها وهي تناظر البيت ، مشت وشافت فهد الي كان توه جاي من الجامعه
غزل : اخوي
التفت فهد عليها ولما شافها كاشفه صد نظره : وش بغيتي !
غزل ببتسامه : ابي نواف هو موجود هينا صح
فهد : نواف مدري فينه بس ادخلي عند الحريم
ابتسمت غزل ودخلت عند الحريم وهي تبي تدخل اصلاً ، استقبلتها الجده منيرا ، وجلستها ب غرفه الضيوف م هي شويات وجو البنات من الجامعه واستغربو من البنت الي كانها اجنبيه وجالسه ب غرفه الضيوف ، راحت ملك تسوي القهوه وضيفوها
جلست الجده منيرا : من انتي ؟ ي بنتي وش بغيتي
غزل ابتسمت وهي تحط قهوتها ع الطاوله : انا زوجه نواف
ع كلامه ذا دخلت ايفان ووراها اديم الي كانت جايه من عند سلطان وتبي تبشرهم بحملها بس تجمدو لما سمعو ذا الكلام ، وهم كلهم ناظرو ايفان الي توها جت
قامت غزل ببتسامه وقربت من ايفان ومدت يدها ل ايفان : شريكتي ي سمونها صح ؟ ، كيفك
شدت ايفان ع اسنانه ومسكت غزل من شعرها ، صارخت غزل : ي مجنوووونه وش تسوينننن
ايفان وهي ماسكتها من شعرها قربت منها : مسويه برئيه
غزل وهي تحاول تفك شعرها من يد ايفان ، كانو الكل مبتسمين ع الي تسويه ايفان وخصوصاً اديم الي كانت تقول : حيلك فيها ي بنت العم
غزل بصراخ : ي مجنونه فكينيييييييي
ايفان بصراخ : تبعدين عن نوافففف تسمعينيييييييي
الجده منيرا راحت تنادي الرجال برا لان البنات كلهم لعنو خير غزل تعاونو عليها ،
| عند الرجال |
كان نواف يصب القهوه ل جده ، جتهم جدتهم وهي تقول : ابك الحقوووو الحقوووو البنات
فزو الرجال وقالو : وش بلاك
الجده قالت : زوجت نواف جت
مهيار بفهاوه : طيب ! واذا جت
نواف فهمها وفيصل برضو الي كان جالس فهم ، وراح نواف ووراه الجد ثنيان الي كان يسمع صراخ
بس يوم شافو ايفان ماسكه غزل وتطلعها من الباب وهي تصارخ وتقول : اسمعييي ي حيه ي شقاراويه وربي لو شافتك عيني مره ثانيه لاكسر عظامك فاهمه
فكت غزل نفسها من ايفان بصعوبه وهي شافت نواف وركضت ل نواف : شوف المجنونه زوجتك وش تسوي
ابتسم نواف من ايفان الي حتى طرحتها لابستها وتضرب البنت عشان تطلعها
ايفان بصراخ : اناااااا المجنونه !!!!!!!!!!!!
قامت ايفان تطرد غزل وغزل تهرب والبنات ميتين ضحك من المنظر الي بالحوش ، اما العيال كانو متحسفين انهم م يقدرون يشوفون
مسك نواف ايفان الي كانت شرسه وشرانيه مره ، شوي وتقتل غزل : خلاصص ايفان
ناظرت ايفان وضعفت عند نواف وهي الدموع بعيونها ، فكت يد نواف وقالت : تطلقها الان تسمعنيييي
ابتسم نواف : خلاص من عيوني بطلقها بس اهدي سويتي حفله هينا  " التفت ع غزل " غزل انتي طالق طالق ب الثلاث
الجد ثنيان ناظر وقال وهو يكلم فيصل : فيصل ي ولدي اخذ اختك وهدها واضح انها معاد تعرف وش تسوي
هز فيصل راسه وراح عند غزل ياخذها
غزل وهي تناظره والدموع بعينها : انت بعد عندهم هينا
فيصل : غزل امشي فضحتينا كفايه عند الزوم
غزل ناظرت ايفان وقالت : حسابك معي بعدين
ايفان ببتسامه : انتظرك يروحي لاني م ضربتك كفايه
نواف ناظر ايفان وقال : ادخلي خلاص
ناظرت ايفان وقالت : من عيوني
ناظر نواف ظهرها وهي تدخل وابتسم ، بس ناظر العيال وجاء محمد وهو يضحك : ليتك م طلقتها كان كل شوي فيه فعاليه
ناظره نواف بنظره خلاه يسكت ولاعاد يفك فمه
محمد : اسف
جاء فهد وهو يضحك : تعال تعال معاي الله يصلحك
راح محمد مع فهد