ليتك تعرفين الحال؛ ويش هي نواياي

سبعه وثلاثين

صلو ع نبينا محمد عليه افضل الصلاه والسلام🫶🏻

...
| عند نواف |
كان جالس ع كنبه بيت سعيد وحاط رجل ع رجل وشالع له سجاره ويشفط منه ويفرزها بهدوء ماهي الا شويات ونكسر باب البيت وتبدا خطه المقتل وكان نواف سامعهم بس جالس في غرفه بعيده شوي عندهم عشان ياخذون راحتهم دخلو عليه بالغرفه وكان معطيهم ظهره وهم موجهين السلاح عليه
واحد من المهاجمين : من انت ؟!
طفى نواف سجارته والتفت عليه وهو يناظر يده الي فيها ساعته وقال : تاخرتو ٣ دقايق ب الضبط
بصراخ  وهو موجه السلاح عليه : تستهبللل !!! انبطح ع الارض
ضحك نواف : اطلق النار ان كنت قدها ولا شكل زايد اعطى السلاح لناس م تقدر ع طلق النار
دخل عمر وشاف نواف عرفه وع طول هرب من البيت وهو يدق ع زايد ويركض وهو يلهث بدون م يامرون الرجال ب الاستبعاد عنه
نواف ناظر وشاف عمر يوم هرب وع طول قال ل سطام الي كان على اتصال مع نواف : سطااام هرب امسك
واخذ السلاح ووجه ع باقي الموجودين الي يجهلون من هو نواف : انبطططح انت وياه معكم الضابط نواف ال ثنيان اي حركه بطلق النار واي طلقه منك الشرطه ماليه المكان برا
انفجعو رجال زايد وانبطحو ع الارض بامر من نواف وع الفور دخلت الجهات الامنيه ومعاهم عمر الي قبضو عليه
نواف : جواله ووين ؟
سطام وهو يضرب راسه : رماه ودعسته سياره
نواف وهو يضرب الجدار بقهر لان كان هو الدليل الوحيد انه يطلع زايد مذنب وله دخل ودخله السجن
....
| في الديره | في بيت الجد ثنيان |
بدا بيت الجد ثنيان ب الازدحام واصوات الترحيب الي مولعه الديره وكلاً يبارك سلطان والحريم يباركون إديم وكان البيت مزدحم
| عند الرجال |
كان محمد يصب القهوه ل الضيوف وفهد يقدم لهم التمر
محمد وهو يمد القهوه ل الجد ثنيان : سم يبه
الجد ثنيان: سم الله عدوك ، الا وين نواف؟
محمد : والله ي ابوي خبري فيه البارح ب عرس سلطان
الجد ثنيان تنهد : اسال سلطان اكيد يعرف وينه وتعال علمني وطمني
محمد : ابشر
راح محمد ل سلطان الي كان جالس يسولف مع سلمان
محمد : سلاطين
سلطان رفع عينه على محمد : هلا
محمد : ابوي يسال عن نواف وينه فيه؟
سلطان : طرت له مهمه وراح لها
محمد : زين وانت ي معرس منت ناوي تسافر ؟
سلطان وهو يحك لحيته : ان شاءالله بعدين الحين عندي كم شغله
محمد : تقوله صادق ؟ ، ترا متزوج رح شهر عسل
سلطان كان حاجز التذاكر وكل شيء بس كنسل عشان م يترك نواف لحاله غير انه قلقان من كل شيء قلقان ع نواف وقلقان من زايد الي م يعرف نواياه : مقدر اروح ي ولد انت خابر قصه زايد يعني بالله عليك بترككم وبروح ؟
سلمان وهو يحط فنجال قهوته ع الارض: الله لايعد طاريه
محمد : اي والله انك صادق ، الحين حنا بنرجع ل الرياض
سلطان : اي بس لازم نكون منتبهين ع كل شيء
محمد : هو نفسه الولد الي تبلى ع موظفي ؟ هو ورعه
سلطان : قصدك ولد زايد ؟
محمد : اي هو الي جرح يدك
سلطان : وش بلاه
محمد : م يقول مطلق انه رجال وراه م بلغ عن ابوه
سلمان الي كانه حاس بشعور فيصل رغم ان شعور فيصل م ينوصف لو نقعد سنوات وحنا نوصفه قال : مهما كان ابوه مستحيل يرفع الجوال ويبلغ ع ابوه ، مهما سوى ابوه ترا يحبه لو ابوه يدعس ع رغبته بيضل يحبه هو يتمنى الشرطه تاخذ ابوه هو يتمنى ابوه يتغير للافضل
ناظروه العيال وهم ساكتين وهو وصف شعوره ل ابوه هو مو ابو فيصل قال محمد : صادق ،انا بروح ل ابوي اقول له عن نواف
التفت سلطان ل سلمان : متى بتخطب بنت ابو مي
ابتسم سلمان ابتسامه خفيفه وقال : جعلها تلاقي حد احسن مني
سلطان باندهاش : وش ذا الحكي ي ولد؟
سلمان : ي خوك مشاكلي كثيره ، غير خواتي وامي معاندهم غيري ان زوجة خواتي واشتريت بيت لامي وقتها افكر
سلطان تنهد : كلشي يهون يخوك كل شيء يهون
| عند الحريم |
كانو جالسين ويسولفون واصايل بالغرفه والبنات عندها
شهد : اصوولي مو منجدك !
اصايل ببتسامه فيه غبنه : وش مو منجدي
مجد : ليش تستحين من اهل الديره ! تراك م سويتي اي شيء غلط هم الغلط بكبره
اصايل : انا مستحيه منكم كلكم وقفتو معاي كثيررر م قصرتو والله من اسس حياتي انا بطلع
ريتاج ببتسامه : يعني منتي متزوجه اخوي ؟ يعتبر رفض
اصايل الي ارتبكت : ونعم فيه بس انا بكون مشكله بحياته بظلمكم كلكم معاي ومن ظمنكم اخوكم
شهد : بنتتت وش تظلمينيا ترا اخوي م خطبك شفقه ! اخوي جد اعجب فيك
دق قلب اصايل مع جملتها وكملت شهد : وبعدين من قالك انتي انك ضيفه حبيبتي ؟ انتي راعيه البيت
ملك : بلتزم الصمت ورتك الشغل شهد حيلك فيها
ضحكت اصايل وقالت : الله يسعدكم دنيا واخره ي بنات قسم اني احبكم
شهد حظنتها : لو اني رجال انا الي اخذتك مب اخوي
ضحكو البنات وقالت مجد : بصراحه حتى انا
دخلو إديم وإيفان عليهم
إديم : وش تسوون ي قليلات الادب مخلين فجر تشتغل لحالها
مجد : بسم الله عليك وينك انتي ؟
إديم بطقطقه : انا عروست اخوك حبيبتي
ضحكو البنات ريتاج : متناقضه ذا البنت
مجد لفت ع إيفان الي كان وجهها شاهب : إيفانو حبيبتي كيفك ؟
ابتسمت إيفان ابتسامه تسلكيه : بخير
مجد حست بان إيفان فيها شيء خصوصاً مسكتها ل بطنها كانت إيفان ماسكه بطنها اغلب شيء
جلسو البنات وبدو يسولفون شوي وإيفان كانت بعالم ثاني كانت بس مسرحه وفيها برود
ريتاج تنهدت من حال إيفان ولا يدرون وش فيها وقالت : إيفان حبيبتي قولي لنا شفيك احس صار لك ايام منتي معانا م صرتي تضحكين وتطقطقين معانا مثل اول فيك شيء
ناظرت إديم إيفان الي رفعت عيونها ع ريتاج وقالت : بس تعبانه شوي
ريتاج : طيب وشهو تعبك تبين ناخذك للمستشفى نكلم نواف مثلاً ؟
إيفان من جاء طاري نواف انقلب حالها وهو بدا قلبها ينبض نبضات سريعه وتحس بضيق تنفسها مسكتها إديم وقالت وهي تبي تنقذ الموقف : إيفان اصلاً تبي تقول لكم من قبل
ناظرتها إيفان بعلامات استفهام
إديم : يلا قولي لهم اكيد البنات بيفرحون ، ولا اقولك انا بقول لهم لاني بموتتت بنفجر حماس
ملك : وجع قولو بموت قلبي بيوقف من الفضول
إديم ببتسامه وهي تناظر إيفان قالت : إيفااان حاممللل
ناظرو البنات بدهش وصرخت مجد بفرح وهي تحظن إيفان : واههههههه بببكيييييي بيصير فيه بيبي صغيرون
ضحكت ريتاج وهي حاطه يدها ع فمها من الدهشه وقامووو كلهم يحضون إيفان 
دخلت الجده منيرا وهي مستغربه من صياحهم ومعاها ام سلطان : وش بلاكم عندنا ضيوف ليش الصراخ ؟
شهد : إيفاااان حاممللل
الجده منيرا ناظرت إيفان وهي تتبتسم والفرح ملا قلبها : صدق ي بنيتي ؟
دقت إديم إيفان الي ابتسمت وقالت : ايوه ي جده
قامت إيفان تحظن جدها : ي جعله يتربى بعزكم يرب ، والله اني كنت حاسه ان تعبك ذا مهو بعبث
التفت إيفان ع ام سلطان الي كانت منصدمه ليش قالت لهم وهي م قالت ل نواف باقي ؟ بس حظنت إيفان وقالت لها  : لنا كلام مع بعضنا ي بنيتي وبتطلعين لي كل م في قلبس
ابتسمت لها إيفان بضيق وطلعو من الغرفه
التفت الجده ع البنات : وانتن وراكن تتركن الضيوف وجالسات هينا ؟ قمن
قامو البنات وقعدو إديم وإيفان مع بعضهم
إيفان : ليش قلتي لهم ؟
إديم : إيفاني لين متى بتخبين ؟ بطنك بيكبر والكل ملاحظ عليك الحزن والتعب وانتي كنتي بتجيبين العيد
إيفان : صادقه بشوفون بطني ، بدال لاقول لهم وانا مستانسه ويدي بيد زوجي اقول لهم وانا حامله فيه وابوه عند وحده ثانيه
إديم مسكت يد إيفان وشدت عليها وكانها تطمنها انها معاها
....
| في بيت الكندري |
بدا يكسر كل م يطلع قدامه بغضب وبقهر خافو عاميلات البيت وخافو الرجاله منه كان غاضب بشكل م ينوصف جاء فيصل يركض ع صوت التكسير الي بالبيت من شاف انه ابوه تنهد وهو يركض ويمسكه
فيصل : يبههه اهدى وش قاعد تسوي ؟؟
دف زايد فيصل بغضب : اختكككك اختتككك قل لها وجهها لا اشوفه
فيصل بلع ريقه وهو يشوف ابوه اول مره يقول ذا الكلام عن غزل : وش صاير ؟، اجلس انت " التفت ع وحده من العاميلات " هاتي مويه
هزت العامله راسها وهي تروح تجيب المويه مثل م طلب فيصل منها
فيصل: وش مسويه غزل ؟
زايد وهو يحك فكه بقهررررر : اجل اختك تدخل نواف ال ثنيان البيت ؟؟؟ ويعرف كل شيء بضاعتي راحتتتتتت الي ب ٣ مليووون راحت وكله من اختك مدخلته البيت وخلاها يغمى عليها وخرب خططتيييي
فيصل م كان زعلان الصدق بالعكس فرح لان بضاعته راحت بالمختصر بس الي م فهمه ليش غزل دخلت نواف ؟
جابت العامله الماء ومدتها ع زايد الي رما الماء من يدها بقهررر خافتتت العامله وبعدت عنه وصارخ زايد وهو يقول : نوووووواف ال ثنيااااااااااان م كوووون زايد ان م قهرتك وسودت عيشتك
" واخذ عصاته الي دايم ياخذها وطلع البيت بغضب "
كان فيصل يناظره لين م طلع بعدين صار يضحك ناظرو فيه الرجال والعاملات وهم مندهشين منه
فيصل بضحك : حياتنا حفله " التفت ع واحد من رجال زايد " الا م طلع احمد ؟
: لا طال عمرك
فيصل : وانا اقول ليش الحياه صارت حلوه من دونه ، كويس لاتطلعونه وان طلعتوه انا برجعه
" قام وهو يفك باب البيت بيطلع قاطعه واحد من رجال زايد "
: ابوك محرص علينا انك م تطلع
التفت فيصل عليه وقال وهو يغمز له : تقدر تروح تقول له الحين ؟ تو تو بينفجر عليك اقل شيء رصاصه في جبهتك تنهي مسيرتك في الحياه " طلع فيصل بدون م يسمع ردهم "
وهو م كان عنده اي سياره كان يمشي ع رجوله وكان رايح لبيت الشايب الي راح له من قبل
فلاش باك |
ابتسم الشايب بكسر وضح عليه : الله يرحمهم
فيصل : شكلي قلت شيء غلط ي عم اعذرني
الشايب : لا يولدي م قلت شيء تعال اجلس معي اذا م عندك شيء
فيصل ايتسم وجلس جنبه
الشايب بضيق : عندي ولد وبنتين وزوجتي ماتت قبل ١٥ سنه
فيصل: الله يرحمها
الشايب : امين امين " وكمل" كان زواج بنتي الكبيره اخذها اخوها واخته معاهم تجهز ل عرسها كانت فرحانه وهي طالعه من عندي ابتسمت وطلعو وجلست ف البيت انتظرهم بس م جو جاني اتصال من الشرطه " وقال بحزن" سوو حادث وماتو كلهم
فيصل بحزن ع وضع الشايب : الله يرحمهم ي عم
الشايب ببتسامه: حياك الغداء عندي
فيصل: لا ي ..
م كمل وقاطعه الشايب : حلفت عليك للعشاء معي
فيصل: ان شاءالله
انتهى الفلاش باك|
من قرب لبيته وهو يشوف الشرط معبيه المكان عند بيته استغرب بس من شاف عمر في سياره الشرطه عرف ان معصب من ذا الشيء مسك فيصل راسه وهو معاد هو بقادر يستوعب شيء كل الاحداث فوق بعضها شلووون وشدخل ابوه في الشايب سعيد ؟ الي فيصل فتح قلبه له
...
|عند نواف|
دخل مكتبه وهو يجلس ع الكرسي بتعبب وتفكيرر عميق ودق جواله ناظر طلع المتصل سلطان
نواف : سم ي العضيد
سلطان: وشحالك ؟
نواف : بخير الحمدلله وانت شحالك
سلطان : بخير دامك بخير يخوك ، ب تجي الديره ؟ تعال بسلم عليك
نواف : بتسافر ؟
سلطان وهو يحك لحيته : لا كنسلت التذاكر
عقد نواف حواجبه ب استغراب : وليش ؟
سلطان : م قدر اتركم ي نواف
نواف : سلطان ! م بيصير الا كل خير
سلطان : الخير بوجهك ي خوي بس ماني برايح الا ل جده بناخذ اسبوع وبرجع وان تطمنت عليكم وخلصتت مهمتنا باخذها واوديها كل الدير واصلاً اجازتي بتخلص والمحمكه بيطلبوني
تنهد نواف : عينا خير
سلطان اخذ نفس وقال عشان يتاكد اذا نواف يعرف او لا : ي خوك م كلمت إيفان من متى ؟
نواف: من عرسك ولا لي وجه ي خوي م ابي اضغط عليها
سلطان عرف ان نواف م يعرف بحمل إيفان وبلع ريقه م عاد عرف وش بيقول
نواف : معي انت ؟
سلطان : معك معك ، عادي اسالك ي نواف
نواف : سم
سلطان : إيفان تحبها ؟
نواف ابتسم ابتسامه خفيفه وفيها ضيق : تسالني ي خوك اذا احبها ؟ انا احس بشعوراً م ينوصف حتى ابياتي م وصفته ي خوك احبها وحياتي بدونها كلها مراره اكتب شعري فيها وبكل شعر احس نقصت شيء في وصفها ،اه ي سلطان اخوك يكتب ابياته كالعاده ويفرغ جروحه فيها ي خوك ليتها تسمع ابياتي فيها " وقال بصوت في غبنه " الظروف ضدي وضدها حاولت اخبيها بصدري عن الدنيا الي كلها اوجاع بس حتى صدري ي سلطان شقوه واخذوها
سلطان تنهد وقال : كل شيء بينحل ي خوك ويخسى الي يجرحك وانا فيه
ابتسم نواف : مدري وش اسوي بدونك ي العضيد
سلطان : فضفض ي خوك ولاتخلي بخاطرك شي م قلته
نواف : ان شاءالله الفجر وانا عندكم وابشرك م بخلي شيء بخاطري م اقول لك
ابتسم سلطان : بكل حب اسمعك
بانت ضحكت نواف من الجوال وقفل
وقرر سلطان وإديم ينامون في الديره يوم بعدين يروحون إديم م حبت تترك إيفان وسلطان م حب يترك نواف وقررو انهم يقعدون معاهم