صلو ع نبينا محمد عليه الصلاه والسلام
...
نايف :رغم انها قالت كذا ل إيفان بس عاملها كانها زوجتك لاتحسسها بشيء
نواف : انا وعدتك باني اخليه توثق اني احبها لين م تطيح ب اشباكي وقتها زايد سهل
نايف : ع طاري زايد كيف الاوضاع ذا الايام ؟
نواف وهو يحك لحيته : هادي مره ماله حس مسلم اعماله ل بنته وكلشي يسويه بهدووء
نايف : وفيصل؟
نواف: وشفيه؟
نايف: فيصل مو مثلهم انا اقول بيساعدنا بتسريب معلومات ابوه
نواف : مهما كان ذا ابوه مستحيل يبيعه حتى لو انه اكثر واحد متاذي منه
طلعت إيفان من شباك سياره نايف وهي تقول : ناااايف خذني للبيتتت
نايف اول مره يشوف إيفان معصبيه كذا هو عارف انها مكسوووره قال : طيب جاااي ي قلبي
تنهد نواف وهو يشوف صدها قال : نتكلم بعدين ي نايف
هز نايف راسه وهو متوجه لسيارته ركب وهو يمشي ناظرهم نواف لين اختفت السياره اخذ شماغه من راسه بضيق ورماه ع كتفه طلعت ام سلطان الي تناديه يفك باب السياره فك الباب وهو يركب وركبو معاه مجد وملك والجده منيرا وام سلمان وريتاج وشهد اما الباقي راحو مع مهيار والعيال الباقين كانو يساعدون الجد ويشلون الزل ويساعدونهم
| في سياره مهيار |
كانت راكبه ام مهيار قدام ووراء فجر وام فجر
مهيار : يمه نرجع الرياض ؟
ام مهيار : ابوك يقول بعد اسبوع اهقى انهم بيخطون لمطلق ولا ي نور؟
ام فجر : اي بالله بيخطبونها، وراك تبي الرياض ي مهيار؟
مهيار وهو يحك دقنه : ابي اروح بيتي مع زوجتي
ضحكت فجر بخفوت
ام مهيار بضحكه : هاووو ! وراك مستعجل!، بنتي فجر م تبي تروح تبي الديار ولا ي فجر؟
فجر بضحكه : صح ي خاله، ابي امي
ام فجر : اي بالله
مهيار التفت ع فجر : شدعوه
فجر بضحك : انتبه ل السياره
التفت مهيار ببتسامه ل فجر : سمي
...
| عند زايد |
طالع عند باب بيته ينتظر غزل الي جته وهي مبتسمه وقالت : بابي ليش واقف برا ؟
زايد: انتظرك ، وش صار ؟
غزل : موضوع سعيد؟
زايد : اي !
غزل ببتسامه : كلشي يمشي بالي يعجبك
زايد : حلووين ، بكره بيجيك البضاعه خليك جاهزه
غزل: طيب
اشر زايد ل واحد من رجاله انه يشغل السياره وشغل السياره مشى زايد وهو يركب معاه
السايق : وين رايحين طال عمرك ؟
زايد التفت عليه : المستشفى نزور صالح
السايق : ابشر طال عمرك
تحركت السياره متوجه للمستشفى عند خال نايف وصلو عند المستشفى شافو سطام الي طالع من المستشفى زايد التفت ل السايق : انا نازل وانت خل السياره شغاله ولاتطفيها بالمره
السايق نفذ امر زايد ونزل زايد من السياره وهو يدخل المستشفى متوجه ل غرفه صالح " خال نايف " دخل بدون م يدق الباب شاف يدينه الثنتين مقطوعه من عند المفصل بس لحقو عليه وخيطوه له التفت الممرضه الي عنده : من تكون ؟
زايد ببتسامه : عمه
الممرضه : مو مشكله بس ممكن تطلع برا الامر جاي من الشرطه اننا م ندخل زوار عنده
زايد : اوو الشرطي الي كان عند الباب ! كلمته تقدرين تروحين تتاكدين من كلامي
الممرضه صدقت وهي تلفت ل صالح الي بعيونه يقول ناديهم لاتروحيننن وتتركينن معاه كان يترجها بعيونه طلعت الممرضه من الغرفه
ناظر زايد صالح وقال باستهزاء : الف لاباس عليك ليش تنتحر !
صالح كان ساكت وهو يناظره بس بخوووف مالي قلبه
زايد برفعه صوت : اجل كنت بتعترف !!!!
صالح وهو يحاول ينفي المعلومه : كذب كذب صدقني كذاب الي وصلك الكلام
زايد : كنت بتبيع احمد ! احسن رجالي !
صالح : صدقنييي م كنت ببعيه
زايد وهو يضغط ع جرح صالح صالح كان يتالم : خليتهم يقطعون معصمك وصار انتحار اعتبره تهديدد تسمعنيي الي قطع معصمك المره الجايه اقطع انا راسكك اسبوعين م طلعت من المستشفى صح ؟ المره الجايه مو اسبوعين م تطلع منه الا ع قبرك
صالح بلع ريقه وقال: بس انت وعدتني تطلعني من السجنن وين وعدك!
زايد : احمد اولى منك
صالح بتهديد وجراءه زايده : لو عرف نواف آل ثنيان انه هو الي طاعن زوجته وش ممكن يسوي فيه ؟
زايد بضحك : تهددني !
صالح : م هددك انا بس اقولك
زايد : مثل م قتلت اختك اقتلك تسمعني!
صالح ناظره وسكت م تكلم
زايد اخذ كرسي وجلس عنده
صالح كان بس يبيه يطلع مع الباب
زايد : يقولون حللو لك تحليل دم؟
صالح : اي
زايد: ايوه ووش طلع في دمك ، اوو مدمن مخدرات م يقدر يصبر عنها
صالح بلع ريقه الي هو فعلاً مدمن مخدرات وكان يتعاطى في السجن وقطع عنه زايد التعاطي بعدها جن جنونه وكان بيعترف ل نواف بكل شيء بس قطعو معصمه قبل لايتكلم
طلع زايد من جيبه حبه ومدها له ناظرها صالح وهو يرفضها بصعوبه : م ابيها
زايد بضحك : بدو يعالجونك ؟ براي وحده م تضرك
صالح : م ابيهاا
زايد رماها عليه وصارت ع بطن صالح : يوم كان عمرك ٢٣ كنت تركض عندي تبيها ببكي الحين ترفضها ؟ " ضحك وهو يطلع مع الباب "
فلاش باك |
دخل صالح الي كان بعمر ٢٣سنه وهو يركض ل زايد الي كان يوزع المخدرات ع الشباب جلس عند رجله : تكفى تكفى عطني م معي فلوووس بعدينن اعطيك اوعدك
زايد اخذ من البضاعه وعطاه : بشرط انك تشتغل و توزعها معاي
صالح : اوعدك اوعدك اني اشتغل معاك
رمى عليه المخدر الي بدا صالح ياكله بشهوه ماكان قادر يصبر عنه
انتهى الفلاش |
ناظر صالح الحبه الي مو قادر يتحمل شهوته لها اخذها وهو ياكلها
....
| عند نواف |
من بعد م وصل اهله م قدر يدخل البيت كان متضايق ركب السياره وهو يمشي بالبر وكان الجوو بارددد اخذ بكت الدخان من ع المرتبه شغلها وهو يشفط منها وكان يدخن بيد واليد الثانيه ع الدركسون فك مسجل السياره وبدت الشيله تشتغل ونواف قعد يغني بضييق ويقول :
دخيلس لاتخليني وحيد وترحلين ارجووس
امانه راعي شعوري وصوني واحدٍ صانس
تنهد وهو يشفط من الدخان ويفرز والشيله شغاله وكمل معاها وصل بارت :
توفو وانتي صغيره ولالك غير عمانك
ألم ي هذي الدنيا هذا تارك وذاك متروك
حزن يالخاطر وحسبي على من سبب احزانك
دخيلس لاتخليني وحيد وترحلين ارجووس
امانه شوفي شعوري وصوني واحداً صانس
" كان يغني بضيييق وهو يتذكرها يوم كانت تغني له وكيف صوتها كان يشافي جروحه طفى الشيله الي كانها توصف شعوره وقف السياره ونزل بفروته ويشوف الهووواء البارد وكانه يبي الهواء يطفي ناراً جواته جلس ع التراب وهو يشوف ورده قطفها وهو يقطع اوراقها بتفكير ويناظر القمر كان يحس بشوق لها م حب صدها له وقال :
الا ي قمر لك شبيهاً احبه بالحيل ،وفي شوفتك طرا ع بالي شبيهك، من شوقي تخيلته انت وقلبي يدق باسمه وشوقي يزيد ، اناظرك اهقى ان شوقي بيزيل ، وانت ي قمر بعيد عني مثل بعده
.....
|عند إيفان |
كانت جالسه ب فستانها وهي للحين م طلعته جالسه تناظر في الشباك بسرحان نقزها بطنها ب الم قالت : اهههه
مسكت بطنها وهي تحس ان بطنها مشدود حست بخوف وهي للحين م كشفت ع الجنين لانها كانت تبي تكشفه مع نواف " نزلت دموعها " وهي ماسكه بطنها وبدت تفضفض ل جنينها : انت لاتبكي اذا بكيت لاتحس بحزني "ببكى " امك مو محظوظه بالدنيا ليش كل م حبيت شخص راح مني ؟ ليش اذا حسيت ب الامان مع شخص صار شيء مو بالحسبان ؟ " مسحت دموعها وهي منقهره من نواف كان شعور بشع شعور ان شخص كان لك وصار لغيرك شعور يعوررر ويوجعع كانت تنتظر تبرير منه بس لما م ببرر انكسرررت "
قامت بتعب من حملها الي بدا يعورها حاولت تطلع الفستان بتعب بعد محاولات رغم تعبها قدرت تطلعه قررت تاخذ شور تصحصح فيه شوي دخلت الحمام وهي تفك الماء نزل ماء باررد ع جسمها رغم برودته كانت نيرانها تحرق الماء من خلصت وقفلت الماء طلعت وكان فمها يضرب ببعضه من قوه بروده الجوو وبدايه فصل الشتاء كانت تدور من بين ملابسها شيء تتدفى فيه بس م حصلت كل ملابسها كانت صيفيه والباقي بالرياض التفتت وهي تشوف بلوفر نواف من بين ملابسها اخذته وهي تلبسه وانتشرت ريحه نواف فيها نزلت دمعه ع خدها وهي تدخل فراشها وهي ترجف من قوه البروده ولامه نفسها ببلوفره كان البرد قارص وشعرها المبلول الي لمته بدون م تنشفه
...
| عند سلطان & إديم |
دخلو الفندق وفك سلطان باب غرفتهم وهو يمسك يد إديم ويدخلون الغرفه وبتسمه قالها سلطان : بسم الله الرحمن الرحيم
إديم ردد وراه : بسم الله الرحمن الرحيم
ابتسم سلطان وهو كان يناظر إديم الي منزله راسها قال سلطان : بطلب عشاء ي قلبي وش تبغين
إديم بحياء وبصوت خافت : اي حاجه
سلطان ببتسامه قال : وين إديم الي صوتها هاز المحكمه هز " قصده يوم تهاوشت مع البنت الي بالمحكمه "
ضحكت إديم : وش تقصد ؟
سلطان : ابدد اقصد ان من ذيك الحظه وقلبي معس
إديم استحت مره وقلب وجهها احممرر
سلطان : انا باقي م كملت كلامي واستحيتي شلون لو بتكلم بتشرق الشمس ي الزين وانا م خلصت
إديم : سلطان
سلطان : عيوووني
إديم بلعت ريقها : العشاء
ضحك سلطان من يوم عرف انها تصرف الموضوع وراح للتلفون يدق ع الفندق يجيبون لهم اكل قفل من التلفون وقال : ارتاحي انتي ع بال م يوصل
وطلع سلطان من الغرفه عشان تاخذ راحتها شوي ابتسمت إديم وهي تتطلع فستانها رغم انه كان صعب عليه شوي الا انها قدرت تطلعه دخلت الحمام " وانتم بكرامه " اخذت لها دش ولبست بجامعه بيضاء حرير مثل اي عروسه وبدت تنشف شعرها حطت روج خفيف وشويه مسكرا وتعطرت وطلعت شافت ان سلطان للحين م جاء اخذت جوالها وهي قلقانه ع إيفان وارسلته رساله وكان محتواها " إيفان كيفك ؟ " كانت خايفه عليها وزاد خوفها من لما الرساله م وصلت إيفان كان جوالها طافي دخل سلطان ومعاه العشاء وهو يناظر إديم ببجامتها الحرير ورافعه شعرها فوق قال ببتسامه لها : تعالي نتعشى
إديم ابتسمت له وراحت جلست معاه كانت تشوف سلطان مهتم فيها بشكل م تخيلته كان يحط الشوكه في صحنها ويقرب الاكل منها ويصب لها العصير ابتسمت بحب له حست انها مالكه الكون كله
....
| عند مطلق |
كان جالس مع امه ف الحوش ومع اخوه سلمان
سلمان : ي خوك حنا لازم نطلبها من خالها م يصير كذا
مطلق بحده : سلمان !! نطلبها من خالها وهو مسوي فيها العمايل كلها !!!!!
ام سلمان كانت ساكته وهاديه مره حس سلمان بسكوتها وقال : يمه انتي وش رايك ؟
ام سلمان تنهدت وقالت : خوفي راي م يعجبكم يولدي
استغرب سلمان وقال : قولي ي جنتي وش يدور ف بالك
ام سلمان: ابوك الي المفروض يخطب ل مطلق
تحولت ملامح مطلق وسلمان ل غضب هم عارفين ان المفروض ابوهم يخطب لهم بس وينه ؟ هم قد شافوه اصلاً عشان يقولون له اخطب لنا
سلمان : يمه تكفين انا اكفي ووفي انا بخطب ل مطلق وجدي ثنيان وش مقصر فيه ؟ هو الي يخطب ل مطلق بعد
مطلق كشرت ملامحه من طاري ابوه وقال : لاتجيبين طاريه
ام سلمان حست بحزن وقال: مهمااا صار هو ابو
م كملت جملتها وقال سلمان : ابووونا!!! انتي يمه م تعرفين شيء عن سوايا ابوي يمه انتي حبك لبوي يعميككك
ارخت ام سلمان راسها بحزن ونزل سلمان عند رجولها وهو يقول : يمه الحزن بعيونك وانا ادرى وعارف بس
قاطعته ام سلمان: كنت تدافع عن ابوك لما اخوانك يسبونه وش صار لك؟؟
سلمان بلع ريقه : يمه انتي م تعرفين شيء
ام سلمان : وشوو الشيء الي م اعرفه ذا !
سلمان : يمه تدرين ان ابوي معطي ريتاج لولد قايل له انه بيزوجه اياها الرجال جاء في الديره وعرفني يمه وش تفسرين ذا ؟ الرجال م يسوى ريال م يسواه يمه م يستاهل ريتاج م يستاهلهااا
انصدمت ام سلمان وقالت : وليش يسوي كذا
سلمان : ذا السوال مب انا الي ب جاوبك عليه
مطلق جمع يده بعصبيه : اجل بيزوجها ! ، وبعدها يعطي شهد وهي توها ب الثنوي
سلمان : م راح يصير كذا ، الحين خل نركز ع خطوبتك ونزوجك البنت بكره نكلم جدي ثنيان يروح معانا
قامت ام سلمان من عنده بثقلل وهي الحزن مالي قلبها م تنكر انها تحب ابو سلمان رغم كل ذا بس سوالها ليش تغير من بعد م جابت سلمان ؟دخلت البيت بضيق
مطلق حس فيها وقال : متضايقه
تنهد سلمان وهو يمسح ع وجه ويستغفر : بتهون ي خوك بتهون وخالها ذا بنكسر خشمه
ابتسم مطلق وهو يسلم ع راس سلمان : الله يجعلني م اخليك
ابتسم سلمان : انفداك روح نام وبكره نكلم جدي وخوالي
هز مطلق راسه ببتسامه ودخل للمجلس قعد سلمان يهوجس مع نفسه هو بيزوج مطلق بس منحرج يقول لجده انا بعد بتزوج وحس انه مو قد الزواج حالياً هو اب ل خواته ورجال جابته امه عشان يكون سندها وقال وهو مبتسم بغبنه : ي الصوت الي يطري ع بالي وينعاد بمخيلتي دخيلك تفكني وترحم قلبي " يقصد مي "
....
| عند اصايل |
م قدرت تنام وهي تفكرر هي م تبي تتزوج مطلق ولا تبي ترجع ل خالها ولاتقدر تقعد عند الناس م تعرفهم حست انها وحيده حست انها مرعوووبه من كل شيء حولها معاد عرفت هي وش تسوي ولاتقدر ترفض مطلق حلمها الوحيد ان هي تدرس وتوقف ع رجولها م تبي احد يكون مسوول عنها تبي تكون مسووله عن نفسها وبس قامت من فراشها وهي تاخذ طرحه تحطها ع راسها بحكم ان الي ب البيت مو محارمها وطلعت توجهت للمطبخ وهي تشوف البيت فاضي وهادي اخذت كاسه مويه وبدت تشرب وهي تفكر ووده لو تكلم مطلق وتقول له كل شيء بس م تقدررر
....
" في اليووم الثاني "
صحى من اشعت الشمس الي تسلسلت لعيونه حك عيونه بتعب وهو يشوف المكان الي نام فيه كان جالس ع الترب وساند راسه وظهره ع سيارته ومنكمش في فروته قام من مكانه وهو ينفض نفسه من الغبار ناظر السماء واشعت الشمس الي توها شارقه اخر شيء سمعه صلاه الفجر الي كان ناوي يقوم عشان بس التعب والارهاق والحزن الي فيه خلى عيونه تغفى من غير م يحس فك باب سيارته وهو يدور جواله اخذه وشاف مكالمات سلطان حوال 10 مكالمه فاتنه ومكالمتين ل ابوسامي ومكالمه ل سطام ومكالمه من امه انفجع من كميه الاتصالات ودق ع سلطان الي رد عليه بسرعه
سلطان بعتاب : وينكك فيه انت ! خفت عليك
نواف بصوت تعب وضح في المكالمه : بخير
سلطان كان عارف انه مو بخير وقال : نواف ي عضيدي الحزن لايغلبك والله اني م نمت من امس خوفاً عليك
نواف : سلطان بخير انا لاتشيل همي خلك مع زوجتك
سلطان تنهد وقال : م اشيل همك ! وانا همي من همك ي خوك
نواف حاول م يبين له شيء : ي عضيدي انا بخير وان كان همي من همك ف ابشرك م بيه اي هموم
سلطان م حب بكثر عليه : استودعتك الله ، كلم امي ترا بالها عليك من امس
نواف : ع خشمي
وقفل المكالمه م امداه بدق ع امه الا داهمته مكالمه من ابوسامي ورد عليها : سم
ابوسامي : تركب سيارتك حالاً وتدق سلف وتجيني ل الرياض ب اسرع م يمكن تسمعني
نواف استغرب : سممم جايك
ابوسامي : يلا اعجل
ركب نواف السياره وهو يشغلها وحرك من مكانه ونسى مكالمته ل امه من عجلته
.....
| عند إديم & سلطان |
من بعد م قفل من مكالمه نواف رجع للغرفه حقتهم شاف إديم توها صاحيه
سلطان ببتسامه : صح النوم
إديم بادلته الابتسامه : صح بدنك ، من فين جيت ؟
سلطان : كنت اكلم نواف وطلبت لنا فطور ي الحب
بلعت إديم ريقها وهي م تعرف ليش كل م سلطان تكلم معاها تحس ب احراج اخذت لبس من ملابسها ودخلت الحمام لبست ملابسها وحطت مكياج سوت شعرها ويفي وفكته وكان لين كتفها او نازل من تحت بشويه طلعت ل سلطان الي رفع عيونه عليها ولعاد نزلها شافها ب فستان ابيض طويله اكمامه وقصير شوي واصل ل ركبتها وشعرها الي لين كتفها تعقد لسانه من وصفها
إديم حست بنظراته وحاولت م تناظره عشان م تطيح من طولها من التوتر اخذت العطر وبدت تبخ ع ملابسها
دق باب الغرفه فك سلطان وكان خدمه الفندق جايبين لهم فطور دخلها وجلس ونادا ع إديم جت وجلست جنبه وبدو ياكلون من خلصو قام سلطان وقال : اسمعي يعيوني البسي عبايتك وتجهزي بنروح نسلم ع جدي
إديم : اي تمام
......
| في بيت الجد ثنيان |
| في غرفه إيفان |
قامت ب ارهاق وهي حتى م نامت نص ساعه كان حملها متعبها فووق حزن قلبها لبست بجامه مريحه عشان ترتاح فيها اخذت جوالها وهي ترسل ل نايف عشان ياخذها للمستشفى
| عند الحريم |
كانت ام سلطان قلقانه وبس تدق ع نواف الي م نام ب البيت ولا يرد عليها
الجده : رد عليس ي سلمى ؟
ام سلطان : لا والله ي خاله م رد عليه من بعد م جابنا م شفته
ام سلمان : معليه شوي ويدق عليك يمكن رجع ل الرياض بعد م تدري
ام سلطان : الله يسمع منك ي ختي
طلعت إيفان من الغرفه وهي لابسه عبايتها
الجده منيرا : وين رايحه ؟
إيفان بلعت ريقها : مع نايف
الجده : وين ؟
إيفان : ناقصتني اغراض وقلت ل نايف ياخذني
الجده : اي زين ورجلك وينه ؟
إيفان م قدرت ترد ع السوال ذا وهي خلاااص كفايه لحد يجيبه طاريه تكفووون كان ودها تقول لهم كذا
ام سلمان : إيفان بنتي جدك تكلمك
إيفان : ها ، لالا ي جده م كلمني
الجده : اي زين
طلعت إيفان من البيت ولحقتها ام سلطان
ام سلطان : ي بنتي فيك شيء ؟
إيفان بدت تدمع وقالت : لا
ام سلطان : متهاوشه مع نواف قولي لي ي بنتي ؟ ليش م قلتي ل نواف انك حامل
إيفان هزت راسها ب لا : لا لا ي خاله تكفين لا تقولين له
ام سلطان : وليش ي بنتي
إيفان : تكفين ي خاله لاتعلمين احد خليه بيننا ولاتسالين ع الاسباب
ام سلطان تنهدت ولا حبت تزودها عليها : ابشري ي حبيبتي م راح اقول لاحد ع راحتك يعيوني ، وين بتروحين الحين ؟
إيفان ببتسامه وهي تحاول تتدارك دموعها : بكشف ع البيبي
ام سلطان ببتسامه : تمام ي قلبي
راحت إيفان وشافت سياره نايف وركبت
نايف عارفه انها متضايقه ولا يدري هي فين بتروح وقال : وين رايحه حبيبت اخوها ؟
إيفان : المستشفى
نايف عقد حواجبه : وش فيك ي قلبي وش تحسين فيه ؟ تعبانه شيء ؟
إيفان : لا بس " م عرفت كيف بتقول ل نايف " توعدني وتحلف م تقول ل احد وخصوصاً نواف؟
استغرب نايف وشدخل المستشفى ب نواف وبوعدها : إيفان لاتخوفيني ووشدخل نواف
إيفان : نايف احلف ووعدني انك م تقول ل احد
نايف : تمام والله م اقول ل احد واوعدك
إيفان بدت تمسك يدينها مع بعض بتوتر : انا حامل
نايف : هاا
إيفان : حامل
نايف حس بفرح لها ومن جهه بحزن وبتسم وهو يحضنها : يعنييي بصير خال !
إيفان بدت تبكي مع ضحك بنفس الوقت : اي
نايف ببتسامه بس من جاء نواف ع باله حس بغصه وقال : جعله ي تربى بعزكم ي رب
التفت إيفان وهي تمسح دموعها وابتسمت ل نايف
نايف ببتسامه وقال : بس ليش م تبيني اقول له؟
بلعت إيفان ريقها : م ابيه يعرففف هو م اهتم اصلاً عشان يعرف
نايف : بس هو ابوه ي إيفان
إيفان بكت وهي تتكلم وتقول : ادري بس م ابيه يعرف نايف تكفى لاتضغط علي
نايف بدا يمسح دموعها : خلاص خلاص ي خوي انتي م بقول له دامك م بغيتي تقولين الحين تبيننا نروح نكشف ع حبيب خاله؟
ضحكت إيفان مع بكى من كلمه حبيب خاله : ايي
ابتسم نايف : انطلقنا
شغل السياره وتوجه للمستشفى
....
| عند نواف |
كان يمشي بطريقه ل الرياض ولما وصل قرر يروح للبيتهم يبدل ملابسه كانت مبهذله ومدمره ب التراب نزل من السياره ودخل البيت بسرعه كانت نور البيت طافيييييي بحكم انو م فيه احد شغله وهو متوجه ل غرفته فك البااب ودخل للحمام " وانتم بكرامه " اخذ دش وطلع فك الدولاب عشان ياخذ بدلته العسكريه لبس وهو يشوف عطرها من بين عطوره غمض عينه وبلع ريقه ناظره شوي وطفى النور بمحاولت نسيان وقفل الباب طلع وهو يركب سيارته ويمشي متوجهه للمركز وصل ونزل وهو مستعجل بخطواته دخل عليهم شاف ابوسامي وسطام واللواء جالسين
نواف : سلام عليكم
الكل : عليكم السلام
نواف : وشفيكم
اللواء : في تخطيط ل مقتل
نواف عقد حواجبه : زايد!
اللواء : بالضبط زايد ، ورنا همتك في حل المشكله ذي بيذبحون الضابط المتقاعد سعيد ، ان حليتها بتجيك ترقيه وانت تعرف ذا الشيء خصوصاً انهم كنسلو يرقونك من بعد مقتل الجندي
نواف ببرود : انا اذا بحلها مو ع الترقيه عشان ذا مهمتي ويتطلب مني تنفيذها
ابتسم اللواء ع شجاعه نواف : يصير خير " وطلع "
ابوسامي : المقتل مخطط له بعد ثلاث ساعات
نواف : وليش يبي يذبحه !
سطام : م وصلت معلومه عن السبب
نواف تنهدد : طيب بتوجه ل بيته انا بشوف من قريب
ابوسامي : بس م تقدر رجاله بكل مكان الحين اكيد بيغتالونه
نواف بتفكير شوي اخذ جواله وهو يدق ع غزل : الووو
ردت عليه غزل بصوت دلع : عيونيي
نواف بقرف من دلعها : ابي اجيك في بيتك ؟
غزل بان الصوت الخوف فيها وقالت : لالا بس اقدر اقابلك برا
نواف كان عارف انها بتقول كذا بس قال : طيب برسل موقع وتعالي له
غزل بفرح : من عيني " وقفل "
ابوسامي : وش في بالك ؟
نواف : بواجهها ، اي اقولك انا عرفت مكان البضاعات
ابوسامي : وين
نواف : في بيت غزل تحت الارض
سطام : عرفت موقعه ب الضبط
طلع نواف صوره من جواله ووراهم : هينا مكانها بس قول لهم يكون معاهم ادوات وقت نمسكهم ب الحادثه
ابوسامي : تمام
طلع نواف من عندهم وتوجه لغزل وصل للموقع وشاف غزل الي جت وباسته ع خده مسح نواف خده بتقزز
غزل بحركات دلع ع نواف: وش تبينا نسوي ؟ ، نروح فندق مثلاً مع بعضنا
نواف قاطعها : غزل ، وش مخطط عليه ابوك ؟
غزل تحولت ملامحها : انت م تكلمني الا ع بابا !
مسك يدها نواف وشد عليها : شلون تعرفين ان ابوك مخطط ل مقتل وانتي عادي عندك
فكت غزل يدها منه: بابا م يقتل
ضحك نواف ضحكه هستريه : يلعب يعني ؟
غزل : نواف لاتتكلم عن بابا ب ذا الطريقه " قربت منه وهي تحط يدينها من ورا رقبته " لاتستغل حبي لك ي نواف
نواف غمض عيونه وهو يستغفر : اسمعي زين بنروح الحين بيتك وبتدخليني اذا كنتي صدق تحبيني
غزل : نواف مو منجدك !!! انت منت مصدق اني احبك
نواف : ابي اثبات " قاله عشان تدخله هو عارف انها ذكيه ومره بس م توقع انها تصير غبيه عشانه "
غزل وهي تقرب منه وبصوت دلع: بس مو اليوم
نواف بعد يدنها عنه : طيب براحتك اجل" جاء بيروح بس ركضت غزل وجت قدامه "
غزل : تمام بدخلك بس مو كذا
نواف : شلون مو كذا ؟
غزل : بلبسك العسكري وبابا يعرفك
نواف ابتسم ابتسامه انتصار يعرف يلعب بعقلها : تمام
ابتسمت غزل وحضنته وكان جوالها بين يدينها وقدر تصوره من دون م يلاحظ بعدها نواف عن حظنه : يلا نروح البيت
غزل : تمام بس نبدل ملابسك بيبي
مشى نواف وهي لحقته من بعد م غير ملابسه توجهو للبيت ودخلو وقفلت الباب جلس نواف ع الكنبه وهو يناظر ب البيت يشوف في اي تغير اولا دق جوال غزل ودخلت ترد وكان ابوها
زايد : من ذاا الي مدخلته
بلعت غزل ريقها: معليك اوثق فيني
زايد : اوثق في ايش ؟ ، الي مدخلته البيتتتتت من يكون غزل : بيساعدنا ب اعمالنا لاتخاف
زايد : نشوف " وقفل "
دخلت عن نواف وجلست غزل جنبه وهي تدلع عنده
نواف : ابوك فينه
غزل تاففت : ليش تتكلم عن بابا كل دقيقه تمام انت م تحبه وهي م يحبك واعرف انك تطارد وراه بس وقف ي نواف
نواف معاد صار يستوعب البنت ذي حس ان فيها مرض وشلون هي صريحه كذا وبجيحه !
غزل وهي بدت تبين الزعل له بملامح ب وجهها : انا احبك ولا اقدر بدونك نواف وقف عن مطارده بابي ، وقف القضيه ، انتي تحبني ولا ؟
نواف غمض عينه بقهر وبالكمله الي بقولها يحسها خيانه ل إيفان : اي
غزل ببتسامه غبيه : طيب ؟ ، مو عشان خاطر م تقدر
نواف : جيبي لي مويه
غزل ببتسامه : من عيني
م مداها تقول وتلف الا ونواف يمسكها من وراء ويحط منديل فيه منوم ف فمها واغمى عليها وطاحت سحبها للغرفه وحطها ع السرير ودق سطام : اغمى عليها
سطام : حلو ، وش خطتك ؟
نواف : تسوي حادث في نفس الحي
سطام ب استغراب : حادث؟؟
نواف : اي حادث سيارتين يتصادمون وتعال معاهم
سطام فهمه : علم
وقفل وفعلاً م هي الا شويات وصار حادث ب الحي والكل بدو ي تجمعون عندهم ويتصايحون استغربو رجال زايد وبدو يروحون لهم في ذا الحظه قدر نواف وسطام يدخلون بيت سعيد انفجع سعيد وقال : من انتمم !!! وشلون داهمتو بيتي
نواف : اهدى ي عم انا الضابط نواف بن تركي ال ثنيان
سعيد : ونعم ، بس م قلت لي وش صاير
نواف : م عليك زود ، ي عم مخططين ع قتلك وحنا لازم نطلعك من البيت
سعيد : وش انت تقول ؟
نواف : الله الله ، عندك اي باب خلفي ؟ تكفى ي عم ساعدنا عشان نقدر نساعدك
سعيد : اي يولدي عندي باب خلفي بس فيه بنيه في البيت الي قدامي وخوفي يسون لها شيء
سطام : البنت هي راس البلاء ي عم
سعيد ب استغراب : وش انت تقول
سطام : والله ي عم ابوها الي يبي يقتلك
سعيد : ان كان بوه قاتل ف هو زايد الي قاتل عيالي
نواف استغرب : عيالك م متو حادث ؟
سعيد : الي مسوي الحادث هو ، واذا ع موتي ترا م ني بخايف بس ابي اشوف مووتته قبلي
نواف : اوعدك ع يدي ، بس ي عمي اطلع مع سطام الوقت ينفذ منا
سعيد هز براسه وراحو هو وسطام وحاولو يطلعون من باب المطبخ
ناظر نواف بيت سعيد وهو يشوف ساعه كانه شافها من قبل اخذها وبدا يدقق فيها وعرف انها ساعه فيصل استغرب فيصل ولد زايد ! هو يعرف الساعه ذي من ذاك اليوم ب العماره واول لقاء بين نواف وفيصل يوم اخذ البنت رهينه له حطها بجيبه وهو يجلس في البيت ع الكنبه ببرود وكانه ينتظر تخطيطهم للقتل
...
| عند إيفان ونايف ب المستشفى |
كانت نايمه ع ظهرها ورافعه من ع بطنها والدكتوره تكشف ع الجنين
إيفان : دكتوره بديت اخاف ليش م تتكلمين
الدكتوره ببتسامه : معليك كل امور الجنين كويسه بس ابعدي عن التوتر والحزن
إيفان : كم عمره ؟
الدكتوره : في الشهر الاول، اول بيبي لك ؟
إيفان : اي
الدكتوره : طيب ليه ماماتنا زعلانه كذا ؟ ، المفروض نفرح
إيفان ببتسامه ضيق : فرحانه
الدكتوره وهي تحط يدها ع الجهاز : شوفي ذا البيبي
إيفان : وينه م اشوف
الدكتوره : هو صغير حالياً " وشغلت نبض الطفل صارت الغرفه كلها بصوت نبضه "
بدت عيون إيفان تدمع من صوت نبضه
الدكتوره : ذا نبضه وكويس جداً
إيفان بصوت مبحوح : الحمدلله ، اقدر اخذ صوره للجنين ؟
الدكتوره : اكيد " اعطتها صوره مثل م طلبت إيفان " بعطيك فتامينات تاكلينها
إيفان قامت من ع السرير وهي تنزل بلوزتها ع بطنها
الدكتوره : ذي الادويه زوجك برا صح تقدرين تعطينه اياها يشتريها لك وانتي ترتاحين شوي
إيفان بصوت مبحوح : اخوي مو زوجي
الدكتوره : اسفه يعني بالعاده الزوج الي يجي خصوصاً اول حمل
إيفان بلعت ريقها وهي شوي وتنفجر بكاء : مشغول زوجي
الدكتوره ببتسامه : الله يحفظ الطفل لكم بس اهم شيء التزمي ب الفتامينات
هزت إيفان براسها وطلعت ل نايف وتوجهي للبيت ونزلت ودخلت ونايف راح للعيال
....
| في بيت الجد ثنيان |
دخلت إديم عليهم وبدو يسلمون عليها وسلطان معاها بعدين راح سلطان للعيال وقعدت إديم عندهم
الجده منيرا : الله يسعدكم ي قلبي ويوفقك
إديم ببتسامه : امين
بدو الحريم يسولفون وإديم راحت مع البنات
شهد : بتروح شهر عسل ؟
إديم : مدري
مجد : اليوم فيه عزيمه يلا انتي وياها نظفو البيت
إديم ببتسامه : انا راعيه العزيمه بجلس
ملك بضحك :انتي عروستنا الحلوووه
إديم بضحك : قومو نظفو يلا
فجر : عروسه بجيحه
ضحكو البنات كلهم ومن ضمنهم اصايل
إديم : مي راحت للرياض ؟
ملك : اي اليوم الصباح جت وودعتنا وراحو
ريتاج دخلت عليهم : والله انكم قليلات ادب خير تعالو ساعدوني !
مجد وهي تضربها ع راسها : ليش الصياااح جيناا
إديم : إيفان وينها ؟
فجر : مدري مو ع بعضها سالتها اول بس م ردت كانت سرحانه والحين بغرفتها
إديم قامت : بشوفها
راحت إديم ل إيفان ودخلت عليها : إيفاااني
التفت إيفان عليها : جيتي
إديم :من كثر منتي مع الناس تقولين جيتي
إيفان ابتسمت ابتسامه خفيفه وفيها ضيق
قربت إديم منها وجلست جنبها وشافت صوره بيدها اخذتها منها وقالت : ذا البيبي
إيفان : ايوه
إديم : كشفتي ؟
إيفان : اي رحت مع نايف وكشفت
إديم : ونايف عرف؟
إيفان : بحملي ايوه
إديم : وبموضوع نواف ؟
إيفان ناظرتها وقالت: لا
إديم : ليش م تقولين له ؟
إيفان بدت تنزل دموعها : مقدرتت طول الليل افكر إديم غير قلبي طفلي الي بيجي ! ، م اعرف وش اقول ولا اعرف وش اسوي م عرفت اتصرف تخيلي واجهته امس بس ابي الاسباببب قال م عندي تخيلي م برر لي ولا قال لي اي كلمه
إديم حظنتها وهي قلبها مكسور ع إيفان
إيفان : معاااد اعرف في مين افكر بنفسي ولا بالي ببطني
إديم : إيفاان يعيوننييييي تمام هدي نفسك كلشي بينحل وكل حاجه لها حل
....
| عند الرجال |
كانو جالسين يتقهون
الجد ثنيان : محمد يولدي قلت ل اهل الديره ان عندنا عزيمه؟
محمد : هالله هالله يبه
الجد ثنيان : زين زين
سلمان : ي جد ودي اكلمك بموضوع والصدق اني منحرج منك
الجد ثنيان : وش ذا الحكي يولد قول وش بخاطرك ؟
سلمان حك لحيته وقال : نبي نزوج بنت سعود لخوي مطلق مثل منت عارف بس م يصير نزوجه وحنا م كلمنا البنت ووليها والي حقها خالها ومثل منت عارف ابوي
قاطعه الجد ثنيان : بكره نروح نخطبها له ونزوجها لها طرقاً ع خالها
ابتسم مطلق : م تقصر ي جد
الجد ثنيان : ومن بعدك اخوك باذن الله
سلمان طرا ع باله البنتت والصوت وكلشي رجع له من بعد م قرر ينسى امس بس حاول يخليها تتلاشى وكان شيء م صار
......
| عند نواف |
.....
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
