صلو ع محمد عليه الف الصلاه والسلام 🫶🏻
....
غزل: وش ناقصصص عندي عشان شفته عندها؟؟؟!!!!
هاااا " ناظرت سوارتها وباستها " والله لاخذك منها لو اخليها تحت الترااااب
ناظرت ف المرايه وهي تتلمس ملامحها : هي احلا؟ ولا انا ؟ " مسكت شعرها " شعرها اسود ولا نفسي مايل ل اشقار؟ " بدت تنقض الافكار الي براسها وناظرت المرايه : انا احلا منها وبكثيررر وباخذ نواف منها وهي تشوووف بعيونها
...
| عند العيال|
بعد م الكل قال الي عنده وبان كل شيء
نواف التفت ل سلمان : مالكم ذنب ذا فعلت ابوكم انتم غير فاهم انت وياه ؟ راسكم م ينزل " وهو يمسك سلمان ويرفع راسه ويحط راسه براس سلمان " راسك مرفوع تسمعني
ابتسم سلمان وشد ع راس نواف ابتسم نواف والتفت ع محمد الي قال : الحين الي جاء ف الكوفي حقي وتهاوش مع سيف وطعن يد سلطان فيصل ؟
نواف : اي بس مو هو الي طعن سلطان الي طعن سلطان الي كان معاه
مطلق : فيصل طيب ورجال عن الف رجال ومو مثل ابوه واخته باي صفه
التفت نواف وقال :اخته؟
مطلق : اي عنده اخت
نواف : عارف عنده اخت بس انت وش عرفك فيها قابلتوها ؟؟
مطلق هز راسه ب لا : م قبلناها مره كلمني عنها
فهد : الحين وش سالفه زايد ذا مع بنت عمي عبدالمحسن ذا الي م قلته ي نواف
نايف قالها بوجعت قلب : قاتل امي وزايد يبي ينتقم من نواف وابوي ف اختي
انصدمو كل من في الجلسه
كمل نايف وهو يلتفت ع نواف : ونواف من قبل ٥ سنوات عند قبر امي عطاني وعد
فلاش باك |
كل من عند القبر راحو بعد م دفنوها
التفت الجد ثنيان : نايف ي ولدي مشانا
كان نايف جالس عند قبر امه ولا تحرك ومانزلت دمعته من صدمه الموقف ومنظر امه
نواف : خلاص ي جدي خذ عمي عبدالمحسن انا بقعد عند نايف وبنلحقكم
هز الجد ثنيان راسه ب الايجاب وراح
جلس نواف جنب نايف
نايف والدمعه نزلت ع خده : مقتوله ي نواف شفت الدم حولينها كانت غرقانه بدمها من هو من هو الي يقتلها؟ كيف يفرط فيها كيف يفرط في ملامحها البرئيه " بدا يمسح دمعته " كانت بارده زي الثلج بين احضاني بدمها دخل ابوي وشلتها عشان اركبها بسيارته ابي الحقها للمستشفى بس ماتتتت ي نوافف ماتتت بين احضاني ماتت من لما شفتها غرقانه بدمها كان قلبها الحلو متوقف " وقعد يبكي " مسكه نواف وهو يحضنه : وعد وعد برقبتي اني لاخذ حقك وناخذ بثار امك ي نايف بصير ضابط قريب وقتها من يفكه مني " وقتها كان عمرهم ٢٠ سنه "
جاء سلطان من وراهم وجلس جنب نايف : راحت للي ارحم مني ومنك ي نايف وذا يومها
انتهى الفلاش باك|
نزلت دموع نايف من بعد م ذكر امه وبدا يمسحها
قامو العيال كلهم حولينهم الي جلس عند رجوله والي عند راسه والي جنبه توزعو حوله
مطلق وهو يبوس راسه : راحت عند الي احسن مننا كلنا
محمد : امك فخوووره وهي بقبرها لانها جابت ولد ع الدنيا مافيه مثله
فهد : مو بس امك فخوره حتى ابوك وهو يشوفك تداري اختك وتبر فيه
سلطان : اعرف ان كسرك كبير وانا ولد عمك بس حنا معك
نواف وهو يضرب ع كتفه : مو بس معك حنا نشارك كسرك كلنا مكسورين مو بس انت لحالك
سلمان : يمكن هي تتنتظرك في الجنه الحين ويمكن عندها كلام تقوله لك ل تقابلتو ف الجنه
محمد : تدري وش بتقول ؟ بتقول الحمدلله ع اليوم الي صرت فيه ولدي
نواف وهو يبتسم من ابتسامه نايف الي بانت
نايف : انا مدري وش حالي بدونكم
ابتسمو العيال ونواف حضن نايف وحضنوه العيال كلهم مع بعض
ضحك فهد: انكتم
نايف بضحك : اطلق كتمه
...
| عند فجر& ومهيار|
كانو جالسين بتغدون وكان مهيار تارك الغداء ومركز ع فجر وفجر حست بنظراته لها وقالت : ليش م تاكل ؟
مهيار: اتاملك
فجر ابتسمت ابتسامه خجل
مهيار : ي زين اليوم بس
فجر باستغراب: اي يوم؟
مهيار ببتسامه وهو ياكل : الي تزوجتك فيه
فجر ناظرت بخجل وضحكت منه
مهيار ضحك من ضحكتها : لاتلوميني
...
| عند البنات |
بعد م رجعو للبيت ورجعت اصايل لبيتها
الجده منيرا : انبسطتو ي بنياتي ؟
شهد : فلينا امها وشفنا العيال يتسابقون
ام سلطان : والله صدق ؟
شهد : اي والله ي خاله
ام سلمان : وش شريتو من البقاله؟
مجد : شويت حلويات مع بطاطسات وكذا حركات
ريتاج : بروح اسوي القهوه عشان نحطها ونتقهوى
ملك : بساعدك
ريتاج : يلا
جلسو البنات عند جدتهم وكان شعر إيفان مفتوح ومتناثر ع ظهرها
الجده منيرا : بنتي ي إيفان تعالي يمي (جنبي،عندي) بجدل شعرس
ابتسم إيفان : تمام
راحت إيفان عند جدتها وحطت راسها ع رجول جدتها الي بدت تجدل شعرها الكثيف
الجده وهي تسوي شعرها : اي يبنتي اذكر وانا اسويه لك وانتي عمرك ٦ سنوات والحين اسويه وانتي متزوجه وان شاءالله اشوفك دكتوره بعد واسويها لبنتك اجدل شعرها " خلصت الجده من شعر إيفان وربطتها قامت إيفان جلست و ابتسمت إيفان وهي تبوس يد جدتها "
مجد : شكلك تحبينها اكثر مننا
ضحكت الجده : احبكم كلكم وكلكم بناتي
ابتسمت ام سلطان: الله يخليك لهم ي عمه
الجده : امينن امين
إيفان وهي تقوم تشوف شعرها بالمرايه وكان حلو عليها وتتلمس شعرها بحب جتها رساله من نواف كاتب فيها :تجين معي للاسطبل ؟محتاجك بكون منتظرك وراء البيت عشان نروح
حست إيفان بشيء داخلها لبست عبايتها وطلعت قابلت العيال الي كانو جايين وكان نايف باين الضيق عليه رغم ابتسامته نادته إيفان : نااايف نايف
التفت نايف عليها وجاءها : يعيون نايف ، وين رايحه؟
إيفان : فيك شيء ؟
بلع نايف ريقه وقال : لا م فيني شيء ليش ؟
إيفان : باين الضيق عليك اعرفك ترا
نايف وهو يبوس راس اخته : ماني متضايق ي حبيبت اخوك
إيفان : متاكد؟
نايف : اي بعدين تراك م جاوبتيني ع سوالي وين رايحه ؟
إيفان : نواف ارسلي بنروح للاسطبل
ابتسم نايف وقال : تمام بالحفظ والصون
ابتسمت وراحت
قابلت نواف وراء البيت كان راكب سيارته ومطلع يده من القزازه وكان ماسك بيده دخان ويدخن ركبت معاه
التفت نواف ببتسامه : ارحبي
إيفان : معرف وش يردون
ضحك نواف : مو مشكله
إيفان ببتسامه : م راح نمشي ؟
نواف وهو يطفي سقارته : الحين طال عمرس
شغل السياره ومشى ووصلو الاسطبل ونزلو وهم يدخلون الاسطبل
إيفان : وشفيك تقول محتاجني فيك شيء ؟
نواف يحاول م يبين ضيقته : لا بس بغيت اغير جو معس لاني بكره رايح الرياض
إيفان : ليش ؟
نواف وهو يمسك بيدها ويطلع نقابها ويفك طرحتها : م فيه احد ف المكان
إيفان : م جاوبت ع سوالي
الفت نواف عليها ببتسامه: وشهو سوالك
إيفان ببتسامه له : ليش بتروح ل الرياض ؟ اخ نواف
ضحك نواف : عندي شغل " مسك جديلت شعرها كان جدلتين وقال : تذكرت اغنيه توصفك الحين
ابتسمت إيفان : وشهي الاغنيه
نواف ببتسامه وهو يتاملها :
سواد الليل بقرونس
وموج البحر بعيونس
ولون البدر من لونس
في ضوءه طاب مقعادي
أنت تقرأ
ليتك تعرفين الحال؛ ويش هي نواياي
Fiksi Umum(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
