ليتك تعرفين الحال؛ ويش هي نواياي

خمسه وثلاثين

صلو ع نبينا محمد عليه افصل الصلاه والسلام 🫶🏻

.........
الدكتور : مع الاسف م حصلنا دم يطابق لدمه
نواف : وش نوع دمه؟
الدكتور : ***
نواف كانت زمره دمه مطابقه له وقال : انا بتبرع له
الدكتور: م فيه مشكله شوف غرفه التبرع ب الدم هناك
نواف هز راسه ب الايجاب وتوجه لغرفه تبرع الدم ، لحضات ودخلت ممرضه وبيدها ابره بدت تدخل الابره بيد نواف وتبدا تسحب الدم ، لحضات وخلصت وقالت : خلك جالس بتدوخ
م اهتم نواف ل كلامها وقام ع طول وهو يعدل كم يده الي شاله عشان الابره ، جاء سطام الي كان يساله اذا تبرع او لا رد نواف اجابه مختصره وطلع برا المستشفى طلع جواله من جيبه وشاف رساله من إيفان دخلها وحصل الرساله محذوفه عرف انها زعلانه منه مسك راسه وهو يستغفر ودق عليها وم ردت دق مرا ثانيه بعد م ردت وارسل لها رساله وكان محتوى الرساله " قصرت في الفتره الاخيره وعارف اني م ادق ولا اسال لاتساليني ليش ي إيفاني ولاتقولين وش فيك يعيون نوافك استودعتك الله الذي لايضيع ودائعه ان شاءالله قريب بجي الديره يمكن بكره "
ارسلها وهو يقلبه موجعه يحس م يقدر يكلم إيفان وهو يحس بخيانته لهاا رغم انه م سو كل ذا الا عشانها بس رغم ذالك هي زوجته وحبيبته شلون يتزوج قاتل امها ؟
استغفر وهو يطير الافكار من باله عشان يركز ع خال نايف الي طايح ب المستشفى بالانتحار
...
" اليوم الثاني " ع صلاه الفجر | في بيت الجد ثنيان | غرفه إيفان الي مشاركتها مع إديم وفجر |
صحت وهي ع فراشها وتسمع اذان الفجر قامت وهي تحس بتعب واثار الحمل المتعب واضح عليها مسكت جوالها وشافت رساله نواف قرتها ومن خلال الرساله كان وصلها شعور غريب وهي تحس ان نواف فيه شيء خافت عليه مره وكتبت " نواف لاتخوفني عليك تكفى " طلعت من محادثته وهي تشوف الحساب المجهول الي راسل لها صوره جاءها فضول حول الصوره دخل ع المحادثه وكانت الصوره تتحمل
قامت إديم من النوم بنعاس ومن دق المنبه الي ينبها ع الصلاه التفت ع إيفان وهي تتثاوب وقالت : صليتي ؟
إيفان التفتت عليها : لا ، توي اصحى
إديم : طيب ، بروح اتوضى واصلي وبرجع انام
إيفان وهي تطفي الرساله والصوره توها تتحمل بس م دخلت عليها ومدت يدها ع إيفان : قوميني معاك
مسكت إديم بيدها وقومتها
إيفان : روحي وضي وانا بصحي فجر وبشوف البنات ف الغرفه الثانيه
إديم وهي تتثاوب من النوم الي فيها وعينها المقفله والثانيه فاتحها من النوم : طيب
طلعت من الغرفه وراحت تتوضى وإيفان راحت عشان تصحي البنات
دخلت إديم الحمام " وانتم بكرامه " وتوضت وطلعت وهي ترجف من برد الفجر مع الماء البارد ، دخلت المطبخ عشان تشرب ماء ، حصلت سلطان وهي تصرخ
التفت سلطان بفجعه من الصراخ من شافها وعرف انها هي ابتسم
إديم وهي تمسك قلبها وبميانه زايده : فجعتنييي يورع
سلطان وهو متكي ع بارده الماء ويناظرها رغم انها توها صاحيه من النوم الا ان جمالها فاتنه وقال وهو يناظر بنظره حاده: ورع !
بلعت ريقها من الكلمه الي قلتها شلون تقولها لزوجها الي توها متملكه عليه وقالت يتوتر : م كان قصدي ... بس انف..جعت " كانت ترجف من البرد ومن التوتر "
سلطان ابتسم وقال: بردانه ؟ ، ترا الجو بارد
إديم : لاعادي بس عشاني وضيت
طلع سلطان فروته الي كانت عليه لانه كان برا
مع العيال وكانو شابين نار وبرد الجو ولبسها وهو يدخل يدنها داخل الفروه وكانت إديم تتبسم وهي ذايبه
سمع صوت الجده الي جايه من غرفتها وهي تصحي البنات قرب من اذن إديم وهو يقول : م شبعت ترا من تاملك بس الوقت م يسعف لازم اروح
ابتسمت إديم وهو طلع من المطبخ شافته الجده وقالت : وش تسوي هينا ؟
سلطان وهو يحك راسه: كنت اشرب ماء
الجده : ايي ماء " وهي تناظر إديم الي كانت ف المطبخ " واضح الماء وانا جدتك
وضحك سلطان وطلعت إديم من المطبخ وهي تنصدم من الجده م تدري شفيها كيف سهت ونسيتت
وقالت الجده : إديم ي بنتي وش تسوين ؟
إديم وهي تبلع ريقها وفروه سلطان فوقها : اشرب ماء
الجده منيرا وهي تبتسم : ي ذا الماء الي مخليكم سنه تشربون ماء
ضحك سلطان من كل قلبه وقال وهو يطقطق : خطيره ي جده الله يحفظك
ضحكت إديم وهي تبوس جدتها : فديت المباحث انا
ضحكت الجده وقالت : روحو روحو الله يحفظكم لبعض
سلطان وهو يروح من الباب ويقول بصوت عالي : اميننننننن
ابتسمت إديم وهي تحس قلبها فراشات راحت صلت وهي تدعي من كل قلبها انها تتوفق بحياتها مع سلطان راحت للغرفه وهي تشوف فروته لبستها وهي تتدفى فيها جت إيفان ونامت ع فرشتها وهي تفكيرها مشغول وبس تفكر وقلقانه تحس فيه شيء قريب فيها شعور في قلبها يعور كانها سكاكين تطعنها
......
| عند العيال|
كانو راجعين من المسجد وراحو للمجلس وكل واحد ارتمى في مكان من النووم
فهد وهو يضرب مطلق برجله: بعدددد رجلك عنيييي
مطلق : والله لافقع وجهك انقلع
مهيار بتافف: يليللللل روح تهاوش انت وياه هناك ، ي خي انا متزوج وجاي عندكم
قام مطلق : امحق بس ، اروح انام بالحوش اطلق
محمد : الله يستر عليك تكفى قفل الباب بنامم
مطلق : انا مستغرب انك صاحي اصلاً بالعاده جثه
دخل سلمان عليهم وقال : وشبلاكم
نايف : كالعاده يتهاوشون " واخذ مفتاح سيارته "
سلمان : انت وين رايح؟
نايف : بروح اخذ لي شاهي من محل في الديره وبتمشى النوم معاد بهو هني لي
ابتسم سلمان : بخاويك اجل
نايف : مشانا
طلعو نايف وسلمان وقابلو سلطان الي كان جايهم
سلطان : وين رايحين ؟
نايف : بروح ناخذ لفه ع محل الشاهي تخاوي ؟
سلطان: يلا
طلعو الثلاثه كلهم
اما مطلق فرش فراشه في الحوش ونسدح
|عند اصايل |
التفت وهي تشوف شهد نايمه جنبها تنهدت وقامت وهي تناظر في الجو من الشباك كان الجو حلو والديره فيها ضباب ع شروق الشمس كانت تحب بدايه فصل الشتاء ابستمت وهي تاخذ شالها وطلعت للحوش كانت تتنفس وتدخل هواء الشتاء جواتها وكانها تبرد نار بقلبها شافت احد نايم ب الحوش استغربت الجو بارد قربت شوي وشافت مطلق شهقت وهي تمسك فمها بيدها من صوت شهقتها ودخلت بسرعه للبيت وهي تمسك قلبها وجملته تنعاد في اذنها يوم امها جت "ام اصايل وقالت : دامك بتتزوجها حافظ عليها ولاتسوي الي سويته
مطلق : ماني مثلك"
هو م خطبها ولا قالو لها شيء بس م تدري هو ليش قال كذا
...
| عند العيال | عند محل الشاهي
كانو جالسين يشربون شاهي وكل واحد ساهي بتفيكررره وكل واحد يفكر له بشيء
سلمان تنهد
التفت عليه نايف : وشبلاك
سلمان ببتسامه : انت وشبلاك
ابتسم نايف وهو يناظر سلطان : وذا وشبلاه
سلطان : ها
ضحك سلمان : شفيك مسرح
سلطان : انتم مسرحين بعد
" ادركو ان كلهم كانو مسرحين وكلهم عافهم النوم وكل واحد مشغول بتفكيره بشغله"
سلطان : وش همك ي سلمان
سلمان وهو يحك لحيته: مهو بهم ي خوك شعوراً مدري وشلون لمخني
نايف : وشهو شعوره
سلمان وهو معاد يدري وش يقول : ي خوك انا سمعت صوتاً من بعدها عافني النوم وملازمني التفكير
ضحك سلطان : اوبااا ومنهي
سلمان : بنت ابو مي
نايف وهو يذكر ريتاج وهو كان ناوي يخطبها بس حس انه مو وقته الحين مشغول بشيء ثاني وقال ببتسامه : يرجال م يحصلون نفسك
سلمان : والله اني ناويها ب الحلال
سلطان : لاتنتظر ي خوك استعجل احسن لك لاتطير من يدك
سلمان وهو يناظر سلطان وقال : تهقى؟
سلطان : الله الله
سلمان ببتسامه : شورك وهدايه الله
سلطان وهو يلتفت ع نايف : وانت وشبلاك
ضحك نايف : ابد همي معروف
ابتسم سلطان ابتسامه عليها ضيق وهو يحس نايف يحبس نفسه من كل شيء ومركز ع القضيه وهو عارف ان نايف ناوي ريتاج عارف هو ونواف وقال : منت ناوي تتزوج؟
نايف وهو يشرب شاهي دفعه وحده احرقته وهو معاد يعرف وش يسوي قال : مدري
قاطعهم صوت رجال شايب كبير بالعمر شوي وهوو ينادي سلمان ويقول له : ي مرحبااا ب ولد ابو سلمان
قام سلمان يسلم عليه وهو يجهل الشخص ذا : هلا ي عم
الشايب كان واقف معاه ولد بعمرهم سلمو عليهم العيال
وقال سلمان : من وين تعرفني ي عم؟
الشايب : اعرف ابوك ذا ولدي جواد وانا ابو جواد
سلمان : ونعم فيكم
ابو جواد: م عليك زود ي نسيب
العيال استغربو وشافو ان الشايب ذا مهو بصاحي
سلمان وهو يحك راسه : م فهمت
ابو جواد : هاو ! ابوك م قال لك اننا خطبنا اختك ريتاج ل ولدي جواد ؟ وابوك وافق وقال لي اجي الديره هون
سلمان انقهر من تصرف ابوه وكيف احطاه الموافقه وهم م يعرفون الرجال اصلاً قال : وشوووو!
نايف كان جايب للشايب وولده الشاهي ويوم سمع الكلام كب الشاهي ع جواد متعمددد
جواد بحراره : يهووو م تشوف !
ابو جواد : يواد انت مجنووون ؟؟؟؟؟؟
نايف : م شفته لاتزودها الله يعافيك
سلطان الي بانت ابتسامته عليه وهو عارف ليش سوا كذا نايف ومايلومه
قام جواد الي حارقه الشاهي ع بدلته وهو يدف نايف
نايف : اقووول لاتشدها لا والله لافرش وجهك بالارض
جواد : اتحداك يواد
نايف وهو يجمع يدينه ويلكم جواد ع وجهه
قام سلمان وهو يدف جواد وسلطان بعد نايف عن جواد
سلمان : ي عم اخذ ولدك وروح الله يستر عليك واختي مهي متزوجه ذا الاشكال " كان سلمان ناقد ع جواد من لبسه من شعره كان الولد مختلف عن عاداتهم وتقاليدهم "
ابو جواد : احترم نفسك ابوك اعطانا الموافقه
سلمان بضحك هستيري من ابوه الي بيجننه
نايف وهو نفسيته ل خشمه : م فيه زواج م تفهم انت يلا روح بس
ابو جواد ؛ امش ي جواد اتركهم حسابهم بعدين
نايف : رووح روح بس
....
| عند نواف|
سطام كان جاي وبيدينه كوبين شاهي مد واحد ل نواف : سم
اخذه نواف من بين يدينه وبدا يشرب
سطام : بتروح ل الديره ؟
نواف : اي ، زواج سلطان بيتحدد اليومين ذي ومابي اتركه بذا المناسبه
سطام : بتمشي الحين؟
نواف وهو يشرب من الشاهي : بمر ع غزل اول بعدين امشي
سطام بعدم استعاب من تصرف نواف : تمر ع غزل ؟
نواف : اي
سطام بقلق : نواف ليكون انك بديت تحب..
م كمل سطام جملته وقاطعه نواف بنبره صوت حاده : سطاام!!
سطام : م كذبت انا ي خوك تصرفاتك غريبه معاها تعاملها كانها زوجتك صدق ! نواف انا بس قاعد انبهك لا اكثر م ابيك تطيح
نواف : سطام تصرفاتي مهي غريبه ولاشيء !
سطام حس ان فيه شيء ثاني مخبى وقال : وش فيه طيب ي نوووواف بديت اجننن
بدا نواف يعلمه بكل شيء
......
|في الديره | ع العصر |
كانو البنات ينظفون ويرتبون البيت ويجهزون جلسه الشيبان بالحوش بعدها تجمعو العيال والشيبان في الحوش وكانو يسولفون في زواج سلطان
ابوسلطان: انا اقول اننا نزوجهم ب الديره وزواجات الديره م مثلها والله
الجدثنيان: اي بالله ويكونون ربعنا كلهم موجودين
ابومهيار : م عندنا مانع
ابوسلطان : اجل متى تبون العرس ؟
ابومهيار : بعد اسبوعين وع بكرت الله
ابتسم سلطان والفرح ماليه قلبه
وصل الخبر للحريم جوه بدو يغطلون وباركون ل إديم 
ام مهيار : اجل من الحينننن نروح لسوق ونجهز
إيفان : اي اي اي
الجده : اي يدوبنا نجهز ونسوي غرفتهم ف الرياض " تقصد تسوي غرفه إديم وسلطان في بيتهم الي بالرياض "
ام سلطام ببتسامه: ماله داعي ي عمه سلطان قال لي من قبل انه طلب اثاث لغرفته
إديم ابتسمت وهي تشوف كيف مهتم بكل التفاصيل
قامت إيفان من عندهم بغثيان وهي تركض
ام سلطان قامت وراها ومسحت ع ظهرها وهي تقول : وشفيك ي بنيتي ؟ " كانت شاكه بحمل إيفان "
إيفان : بس اكلت شوكلاته من الصباح اكيد غثتني
ام سلطان وهي تمسح ع ظهرها : ي بنتي عليك علامات الحمل
بلعت إيفام ريقها وهي م تبي احد يعرف قبل نواف بس استسلمت وقالت : حللت ي خاله حامل بس م حبيت اقول لكم قبل نواف
ابتسمت ام سلطان وهي تحظنها بفرح : ي جعله يربى بعزكم يرب
ابتسمت إيفان وهي تشد ع حضن ام سلطان حست بحنان الام
بعدت عن حظنها وام سلطان بعدت شعرها عن وجهها قالت إيفان : ي خاله لحد يعرف انا ودي اقول ل نواف اول بعدين نقول لهم مع بعضنا
ام سلطان ببتسامه : اكيد ي بنيتي ، روحي انتي وارتاحي
إيفان : بس بروح السوق معكم
ام سلطان : لا بالله منتي برايحه بيقعدون يمشون وبيطلون وانتي بتتعبين يعيوني نامي هينا وارتاحي
ابتسمت إيفان وهزت راسها ب الايجاب وفعلاً راحت ترتاح بينما الكل راح ل السوق اخذت  لها ليمون وقطعته نصفين كان يخفف عليها غثيان حملها وتفرفر ف جوالها وهي للحين تنتظر جواب نواف الي م شاف الرساله حتى دخلت ع المحادثه المجهوله وهي تذكر الصوره بفضول دخلت ع الصور وطاحت اليمونه من يدها وهي تشوف نواف النايم ع الكنبه وبنت في كامل الفتنه والجمال شعرها اشقر بيضاء شفايف ورديه من الصدمه م اعطت رده فعل وهي مصلبه ف مكانها كانها مو مصدقه مو قادره تستوعب وكان جمره طايحه ع قلبها من الغيره ارسل نواف رساله وكان مكتوب فيها " م فيني شيء ي عيوون نواف جايك الديره الحين ي إيفاني "
كانت تنتظر الرساله ذي قبل دقايق الحين معاد تدري ليه م بغت الرساله م تنرسل كانت تنتظره يجي الديره عشان تفرح بالخبر الحين تحس وتقول ليته م يجي كانت واثقه من حب نواف لها م فكرت دقايق انه يخونها فكت رساله نواف ولا ردت عليها رمت جوالها ع الارض وهي الدموع بدت تنزل من عيونها طاحت ع الارض وهي تبكي وتشهق دخلت اصايل " م راحت معاهم " ع صوت الجوال الي انرمى شافت إيفان تبكي ع الارض جتها تركض : إيفان وشفيكككك
كانت إيفان ترد عليها بشهقات وكانت ماسكه بطنها وتبكي
اصايل وهي تحاول تهديها : إيفانننن " كانت إيفان منهاره وتضرب الارض وكانها فقدت الامان مره ثانيه كانه تلاشى منها "
حضنتها اصايل وهي تسمي عليها وخايفه عليها م تعرف وش فيهاا بكت إيفان في حضن اصايل لين تلاشى صوتها وصار مبحوح خف بكاءها وسرحت وكانها تدور شيء داخلها
اصايل : بجيب لك ماء
قامت اصايل تجيب مويه ل إيفان وتركتها مسرحه جتها ب المويه وشربت إيفان وهي بدت تهدى
اصايل : وش فيك ؟
إيفان وهي تحاول م تحس اصايل بشيء : ماتت بنت اعرفها من ايام الثنوي
اصايل بحزن : يحياتي الله يرحمها راحت الي احسن مننا
هزت إيفان راسها ب الايجاب وقالت : انا بنام شوي برتاح
اصايل : تمام انا بكون ب الصاله اي شيء تبينه ناديني
إيفان ببتسامه مصنعه : مشكوره
اصايل : م بيننا
طلعت اصايل من الغرفه وانكمشت إيفان ع فراشها ودموعها تنزل بصمتتتت وسكاكين بصدرها وهي تمسك بطنها قطعه منها ومنه شلون هان عليه ؟ كان فيه مليون سوال براسها هي وش قصرت معاه ؟
...
| عند نواف |
استغرب منها وليش شافت الرساله وم ردت تنهد وهو شويات ويوصل الديره
....
| في السوق |
بدو البنات يتسوقون ويشترون ل إديم كل م تحتاجه العروس
إديم وهي تشوف سلسال في قمه الجمال ركضت عنده : بكم هذا؟
العامل : ب ١٠ الاف
الصدق كان السعر شوي يهدم مزانيتهاا وقالت بشويت ضيق : خلاص " لان عجبها السلسال فعلاً " وطلعت من المحل شويات ودخل سلطان للمحل وهو يسال وش كانت تبي واشر له العامل ع السلسال
سلطان ببتسامه : حطه لي في علبه
راح العامل وهو ينفذ كلام سلطان
...
| عند مي |
لبست عبايتها وهي تنزل
ام مي : وين رايحه ؟
مي : دقو علي البنات يقولون انهم ب السوق ويجهزون ل عرس إديم وقالو لي تعالي
ام مي : طيب جيبي لي من عند الخضار اغراض برسلها لك
مي وهي ترسل ل امها بوسه من الهواء : من عيوني
ام مي : تسلم عيونك ، بتروحين مشي ؟ ولا تخلين ابوك يوصلك
مي : لا يمه بروح مشي منها اشم هواء بعدين مو بعيد مره
ام مي : طيب انتبهي ع نفسك
مي : سميييي
وفكت باب البيت وطلعت
....
| عند نواف |
دخل ل الديره وهو يتصل ع سلطان الي قال انهم في السوق توجه لهم ونزل من السياره جاء سلطان وهو يرحب ويقول : تو م نووورت الديره ي العضيد
نواف ببتسامه : منوره بوجودك ي عريسسسس
ضحك سلطان وهو يحظن نواف
سلطان : وش صار ع الطلبيه ؟
نواف ببتسامه : فكيت لهم البيت وركبو اثاث غرفتك
سلطان : وكيف حلو
نواف : اي حلوو لاتشيل هم ، الحينن امش نكشخك
ضحك سلطان : بتفصل ثوب انت ؟
نواف : اي
سلطان : يلا العيال يقيسون
دخلو نواف وسلطان عند العياال الي كانو يقسون ل ثيابهم
محمد : ارحبووووو
نواف ببتسامه : البقى
نايف : ي هلا والله
نواف : هلابك ، اي والبشت حق العريس ؟
فهد : للحين م جبناه
نواف : منجدكم؟
سلطان : ي خوي والله اني يدوبنا فصلنا ثوب الحريم وراهم كنا
نواف: بس البشت يطول وحنا بنفصله ، مشانا نفصل بشتك وانتم ي عيال ان خلصتم الحقونا
نايف : م راح تقيس انت وتفصل ثوب ؟
نواف : مهي بمشكله افصل بكره ولا شوي ، مشانا ي عضيد
راح نواف وسلطان لمحل البشوت وهم يقسون البشت ع سلطان نواف  : حلوو ذا ي خوك لونه مناسب وهيبه
سلطان وهو يناظر بالمرايه ويشخص : والله ؟
نواف : اي والله
سلطان : اجل ي محمدد ابي مثل ذا
بعد ما العامل اخذ المقاسات وكلشي طلعو نواف وسلطان من المحل ودقت مجد عليهم تقول تبيهم يحطون الاغراض ب السياره راحو لها وهم يشلون الاغراض ويحطون ب السياره
نواف : خلصتو انتم؟
مجد : لا باقي
نواف : إيفان وينها م اشوفها مع البنات ؟
مجد : تعبانه م جت معانا
نواف بقلق وخوف : تعبانه وش فيهاا !
مجد : مدري امي قالت إيفان تعبانه مهي رايحه معانا
نواف وهو يقفل باب السياره ويروح ل امه
ام سلطان : نواف من متى جيت ؟
نواف : قبل شوي يمه ، إيفان وش فيها ؟
ام سلطان بانت عليها ابتسامه وقالت : تعبت شوي وقعدت ب البيت يولدي
نواف بقلققق وخوف زاد : تعب كيف
ام سلطان : دايخه ونامت في البيت
نواف تنهد وهو وده يروح يتطمن عليها : طيب " جاء بيروح "
ام سلطان : بتروح عندها ؟
نواف ؛ اي يمه
جت الجده منيرا : نواف يولدي اثرك جيت ؟
نواف وهو مستعجل رد : اي
الجده منيرا : وين رايح ؟
نواف: بروح البيت بريح واشوف إيفان
الجده منيرا بتعبت : خذني معاك يولدي والله اني تعبت من ذا السوق
نواف : يلا مشانا ي جده
جت ملك بتعب : بروح معاكم
نواف : الحقوني السياره
راحت الجده منيرا وملك وشهد مع نواف للبيت بحكم انهم خلصو بعض الاغراض وبيرتبونها ركبو سياره نواف وهو يمشي ووصلو للبيت جاء نواف بيدخل
الجده : يولدي فيه بنات جوه
نواف : طيب نادي لي إيفان ي جده
الجده منيرا : طيب طيب ي حبيبي
دخلو البنات وفكت الجده منيرا غرفه إيفان الي كانت ملتمه في بطانيتها وهي دموعها تنزل من سمعت الباب مسحت دموعها بسرعه
الجده منيرا :بنتي إيفان كيفك ؟
إيفان من تحت البطانيه وصوتها مبحوح : بخير بخير ي جده
الجده : نواف برا يبي يشوفك وقلقان عليك
إيفان بغضب تجمع عليها بس تداركته وقالت : بجيه
طلعت الجده منيرا من الغرفه وقامت إيفان تمسح دموعها وهي ترمي البطانيه دخلت الحمام وهي تغسل وجهها وربطت شعرها كعكع فوق كان باين ع ملامحها انها باكيه بس م اهتم وطلعت وهي متوجه له شافته ف الحوش جالسه معطيها ظهره بس انها شافته نزلت دمعه ع خدها مسحتها ع طول وهي تطلع بدا المطر ينزل رشات خفيفه وكان السماء تبكي عليها التفت نواف لما شافها قام ع طول لها ويطلع شماغه ويحطه ع شعرها : الجو برد بيمرضك زياده
طلعت إيفان شماغه واعطته إياه : م احتاجه
استغرب نواف من تصرفها وشاف عيونها قال : انتي بكيتي ؟ وشفيك ي عيون نواف ؟
م ردت عليه إيفان وهي تبلع ريقها
نواف: إيفاني وش فيك تعبانه وش تحسين فيه اوديك المستشفى ؟
إيفان ناظرته فيه وهي تحط عيونها بعيونه قالت : م فيني شيء
نواف : شلون م فيك شيء م رحتي معاهم السوق ووجهك شاهب وباكيه إيفان فيه احد مضايقك ؟ قولي لي ي عيوني وش الي واجعك ؟ وش الي مضايقك !
بدا المطر يزيد كانه يقول ل نواف تبكي عليك غرقهم المطر وكان نواف ينتظر جواب من إيفان بس م ردت ويوم شاف شعرها غرقان وهي بدت تغرق من المطر مسكها مع يدها : تعالي ندخل جوه المطر غرقك
إيفان شالت يدها من يده : مو مشكله خل يغرني احب الدنيا يوم تمطر
نواف ببتسامه رغم انه مستغرب حركاتها : مو مشكله نغرق " ارتخى عليها وهو يبي يسلم ع خدها بس إيفان بعدت خدها عنه وهي تنزل دموعها الي م قدرت تمسكها واختلط دمعها مع قطرات المطر " 
نواف كان بيتكلم بس قاطعته الجده منيرا : ي عيالي المطر بدا يكثررر ادخلو ادخلو بتمرضون تكلمو بالمجلس
دخلت إيفان بس مو للمجلس دخلت متوجه لغرفتها وهي غرقانه من المطر
ناظرها نواف لين اختفت وهو يناظرها مصدوم من تصرفاتها وحركاتها حس فيه شيء بس م فكر ابداً انها عرفت بموضوع غزل تنهد وهو المطر غرقه دخل للمجلس وهو يطلع ثوبه الغرقان من المطر ودخل يتروش طلع وهو يلبس ثوبه الاسود الي برز ملامحه واخذ شماغ سلطان بما ان شماغه غرق وتلثم بشماغ سلطان اخذ فروته ولبسها وهو يطلع متوجه لسلطان