صلو ع نبينا محمد قبل تبدو البارت
" اسفه ع التاخير البارت ي حلوين وان شاءالله تستمتعون فيه "💗
ضيفوو حساباتي لاتنسوين
التسريبات كلها ف الانستا وكلشي يتعلق ف الروايه بالانستا حسابي llzix_2
...
بعد صلاه الظهر تجمعو الكل الجد ثنيان وكان يوم الخميس وقت جمعتهم
|في بيت الجد ثنيان|
كان الجدثنيان جالس ف بيت الشعر ويتقهوى ومعاه ابوسلطان وابونايف وابو مهيار دخلو عليهم البنات
الجدثنيان: ياهلابحفيداتي
البنات: ياهلا فيك ي جدي
الجدثنيان: اجلسو اجلسو
جلسو البنات
الجدثنيان : وش حالكم ي بنياتي كيف دراستكم
إديم ببتسامه : توب التوب تجنن
الجدثنيان ببتسامه: اخر سنه لك ي إديم ؟
إديم: اي ان شاءالله خلصنا السنه يعني اعتبروني متخرجه وعطوني الهدايا من الحين
ضحك الجدثنيان: ابشري بالهدايا
مجد: حتى حنى ي جدي انا وفجر وملك متخرجين من الثنوي
ابوسلطان بضحك : بنشتري لكم بعد
الجدثنيان: بشتري لكم كلكم
ابتسم ابونايف ووجهه الكلام ل ملك ومجدوفجر: الا ي بنياتي وش بتتخصصن ان دخلتن الجامعه؟
مجد : والله مدري ي عمي للحين انا محتاره بين تخصصين
ملك: انا بدخل علم نفس
ابونايف: وانتي ي بنتي ي فجر
فجر : بصير مهندسه معماريه اعرف ارسم انا واصمم البيوت
ابونايف : الله يوفقك بس لاتنسينا انا اول زبون تصممين له البيت
ضحكت فجر : اي من عيوني ي عم يجيك احلى بيت
ابتسم الجدثنيان : كلنا نبي بيت في الدنيا بس ي بنياتي قد فكرتو ببيت ف الاخره
إيفان بفضول : شلون ي جدي
عدل الجدثنيان جلسته وقال : ربي يبني لنا بيت بالجنه من خلال شيء حنى نقوله م ياخذ دقيقتين الا بالله اقل وقتها ينبي لنا بيت ف الجنه باذن الله
إديم: وشو ذا الشيء ي جدي
الجدثنيان ببتسامه : نقراء قل هو الله احد عشر مرات وقتها يبني لنا ربنا بيت ف الجنه
الكل: ونعم بالله
...
|في غرفه نواف&إيفان|
دخل الغرفه وقفل الباب شافها تسوي شعرها وتدندن ومعطيته ظهرها وتسوي شعرها ولا حست عليه اتكى ع الجدار وهو يناظرها كانت تغني وتقول :
لاتدور اشباهي انا مالييي شبه
انا العزيز النادر وراعي الاصول
وانا المحب اللي الهوى م يغلبه
وانا الجرئي الواثق وانا الخجول
وانا العنيد اللي بمزاجه
" كان نواف ذايب بصوتها العذب كان صوته جميل بشكل م ينوصف "
التفت وشافت نواف وشهقت ومسكت قلبها من الخرشه وفي طبيعه إيفان تخاف من كل شيء
إيفان: الواحد يتكلم مو تخرعني كذا
كان نواف بس مبستم ويناظرها
إيفان حست بالخجل وقالت : شفيك فيني شيء
نواف ببتسامه : ابد عطاك ربي من وصوف الزين لين غدو مزايين العرب عندك شيان
ابتسمت إيفان باحراج
ودخلت ملك مدرعمه وضربت نواف بالباب الي كان وراء الباب
ملك : إيفاننن بنتتت جدتي تباك ، نواف وينه ؟
نواف ضرب الباب عليها وقال : وش تحسين فيه ؟
انحرجت ملك الي ماكانت تدري ان نواف هينا
إيفان كانت كاتمه الضحكه وقالت عشان تنقذ الموقف : يلا بروح لجدتي الحين ، امشي ي ملك معاي
ملك سكتت ومشت معاها
....
|عند العيال بالمجلس |
كانو جالسين مع بعضهم ويلعبون بلوت كان الي يلعبون محمد وسلمان ونايف ومهيار الفرق كانت محمد ومهيار وسلمان ونايف اما مطلق كان منسدح ويطالع ف جواله وفهد متكي ويطالع جواله برضو وسلطان يشرب شاهي ويناظر العيال وهم يلعبون دخل نواف عليهم
محمد : القمممممم انت وياه نواف تعال افوز عليك
نواف : شف شف انت الي بتفوز ؟
محمد بثقه : اكيدد
نايف : يرجال غشاش ورب الكعبه
محمد : اقووول مو عشاني فزت عليكم قمتو تقولون غشاش
ناظر سلطان نواف وفهمه نواف وقال : قم ي العضيد نكسر غرور عمنا
سلطان : نط ي العضيد
محمد : هياط انت وياه
فهد بضحك : اذا فازو عليك ي محمد نرشك بماء الزرع موافق ؟
محمد بثقه : رش اخوانك
نواف وهو يناظر محمد : نشوف اذا فزت علي رشني واذا فزت عليك ارشك انت وخويك
مهيار بثقه: دامنا انا وحمودي فريق انسو
مطلق وهو يصفق بحماس : يلا ابدوو بس تراني برش معاكم
سلطان : وزع الورق ي هطف
بدا محمد يوزع الورق وكانو العيال يراقبونهم بحماس وكان العب قايم وفاز نواف
فهد بفرح : القمممممممممم انت وياهاا اي يولد مو انت الي تتحدى اخواني
محمد : اقول اسكت
نواف وهو يبتسم : ها من المهايطي الحين
نايف بضحك : والله معليش ي عمنا
مطلق وهو يناظر مهيار : دامنا انا وحمودي فريق انسوو
مهيار: حسبي الله عليك ي محمد
ناظر محمد مهيار وفهمه وقامو وهربو قام نواف وهو يلحقهم وكانو العيال كلهم وراهم محمد ومهيار كانو ماسكين يدين بعض ويجرون مع حوش الجد ثنيان ومن حوش الجد ثنيان راحو لحوش للعم تركي لان كان حوشهم تقريباً جنب بعض مابينهم الا باب وكانو الحريم جالسين ف الحوش
الجده منيرا لما شافت العيال كلهم يطاردون محمد هومهيار : يوه يوه يولدي وشفيكم
ركب محمد ومهيار فوق الجدار
الجده منيرا : يويلي ويلاه انزل لاتطيح يورع
ام فجر : يعيال وش فيكم
كانو العيال م يردون عليهم
نواف وهو يلهث : والله العظيم لو مانزلت ي محمد لتشوف شيء ماقط شفته
| عند البنات |
كانو منخرشات
إديم بضحك : والله بيجلدونه
فجر : لا م اتوقع ي بنت
إيفان : اسكتوو خل نشوف وش عندهم
محمد : استهدي بالله ي نواف واعتبر اني م تحديتك انت وعضيدك
نواف : الي يتحداني يندم يورع انزل اخلص
سلطان : محمد ي بزر انزل بتطيح الحين انت والي معاك وتنكسرون
مهيار : سلطونييي تكفى انت الكفو فكونا والله م جبت ملابس معي
سلطان بضحك : يصير خير انزل ونقرر
| عند البنات |
إديم ببتسامه وفي غير وعيها : فديت الضحكه
ناظرتها إيفان المنصدمه : وجع إديم
إدركت إديم انها قالتها بالسانها مو بنفسها بس احمدت ربها ان محد سمعها غير إيفان الباقين مركزين ع العيال والتفت ع إيفان
إيفان : اخوك فوق الجدار وانتي في عالم موازي
إديم بضحك : معليك معليه خوف قرد
إيفان : فديت الضحكه اجل شوي تفسرينها لي
إديم : ماقصدت شيء
إيفان : اي اي صح ، م خبرتس خفيفه
إديم : يحيوانه اسكتي بيسمعونك ماني خفيفه
إيفان بضحك : بيسمعوني ! انتي تحكمي بالسانك بالاول
إديم بضحك: بسم الله عليك ماكنك هايمه ببعض الناس
إيفان ببتسامه : زوجي خير
إديم بضحك : زوجك هممم والله طحتي فيه وين الي كانت تقول احسه شايب مو نفس جو الشباب وعصبي ومغرور وكلامك الي يوم كبيتي عليه الماء فينه ؟
إيفان بضحك : إديموووه اسكتي بيسمعونا
نواف بصوت عالييي : مهياااار محمددد انزلو لاكفر فيك انت وياه
الجده منيرا بخوف والجدار كان مرتفع بعض الشيء اذا طاحو بيصير كسور : يولدي يولدي ارتفع الضغط عندي ابك انزل
ام مهيار : ي مهياارر انزل لعنبو بليسك
ام فجر : يمه اهدي بينزلون معليهم خوف
نايف : انزلو جدتي ارتفع ضغطها انت وياه
محمد : نازلين ي يمه
مامداهم نزلو الا جاب فهد خرطوم ماء الزرع ورشه عليهم شهق محمد ومهيار طاح ع الارض من فجعته بالماء الي جاء عليه
ضحك مطلق : القممم ي المهايطي انت وياه
سلطان بضحك : م قصر فهيدان خلاكم تبردون ف عز الحر
ابتسم نواف ابتسامه خفيفه وقال : ع القوه فهد خليت المهمه لك
فهد: ازهلنيي جوي ذا الاشياء
محمد : والله م تنفك من يدي ي فهد
بدا محمد ياخذ الخرطوم من فهد ويرشه عليهم ورش ع نواف بعد مسك نواف الخرطوم منها وبدا يرشه وهو يضحك" صح نواف ماعنده ذا السماجات بس يحب يشارك معاهم " لين غرقو كل العيال وماتو ضحك
ابتسمت الجده منيرا وهي تحبهم كذا مع بعضهم
مجد بصوت عالي : عزوتي عزوتييي نويفااان
التفت نواف لمجد وابتسم وكان شعره كله ماء وهو يلعب بشعره وكان جذاب بشكل وتركهم ودخل البيت وكل العيال دخلو يبدلون ملابسهم
إيفان : انا بروح اشوف نواف
إديم بضحك : اي اي روحي شفيه
التفت عليها إيفان وهي مبتسمه
شهد بضحك : الابتسامه شاقه الوجه معقوله
فجر : القلب يدق مع كل خطوه
ماتت إديم ضحك ودقت يد فجر
مجد بضحك: اخذ عقلها اخوي
ملك : والله تسوي له كيكات وتسال هو وش يحب كيكه بعد
إيفان وهي تضربهم كلهم ع روسهم : وجع يوجعكم خيرر محد يسوي عندكم شيء
ريتاج بضحك : معليك خليهم عندي اربيهم لك
إيفان بضحك : كفوو شوفي شغلك معاهم " وقالت بدلع وعشان تقهرهم وتطقطق " بروح اشوف زوجيي
إديم بضحك : روحي روحي
دخلت إيفان للبيت وتوجهت ل غرفه نواف ودخلت وكان نواف توه طالع من الحمام " وانتم بكرامه " ابتسم نواف لما شافها وقال : توي اقول ليش الغرفه نورت
ابتسمت إيفان وقالت : بنورك
نواف : لا بالله النور نورك ي قمر نواف
استحت إيفان وحمر وجهها
ضحك نواف وقال : تستحين ؟!
إيفان سكتت وم ردت عليه
قرب نواف منها وقال : شلون لو اقولك انك شلعتي قلب نواف من بين ضلوعه ؟ ، وان قلبه صار باسمك نواف كله فداس يبنت عبدالمحسن واكثر شيء يقتل نواف هو عيونس
ناظرته إيفان بناظراتها الي تشلع قلب نواف الي هو منشلع خلقه" كان نواف طويل وإيفان توصل نص صدره " وقالت وهي مبتسمه : الله يخلي نواف لي ولا يبعدني عنه
نواف ببتسامه : ومن قالك ان نواف بيبعد عنك ؟
إيفان استحت مره وقالت عشان تغير الموضوع لان قلبها م يتحمل : المكيف بيعورك بروح اجيب لك ملابس تبدل
نواف : لالا جهزي بدلتي العسكريه
إيفان بصدمه : بتداوم ؟
نواف :اي
إيفان : ليش اليوم خميس ووقت جمعتنا لازم تروح
نواف ببتسامه وهو يبوس راسها : مو بيدي بجي الليل
ابتسم إيفان : تمام بجهزها لك
راحت إيفان تجهز بدلته العسكريه ولبسها نواف وطلع ع طول وتوجهه للمركز
......
|في المركز |
دخل المركز وهو متوجهه غرفه التحقيق دخل عليهم وضرب الباب بقوه خوفتهم وكان ابوسامي يحقق معه
نواف: خله عندي ي بو سامي
ابوسامي ابتسم وطلع وكان الرجال يناظر بعيون نواف
نواف بنفخه: لك وجه تناظر وتحط عينك بعيني
الرجل م رد وهو يناظر نواف بحقد
نواف م تحمل وهو يقوم ويجي وراء ظهره ومسك راسه وضرب به ع الطاوله : مهو انا الي تحط عينك بعيني
الرجال بالم من شدة نواف ع راسه : فكنيييي
نواف بنفخه هزت الغرفه هز حتى الي برا سمعوها : مهو انت الي ترفع صوتك علي فاهم اسمعني زين ماحب اطول الكلام تسمعنيييي بتنطق كل شيء
الرجال: طيب طيب
فكه نواف واخذ الكرسي ورماه جنبه وجلس : اخلص
الرجل وهو بخوف من نواف ويرجف : ماقدر يذبحوني
نواف : اسمع انا الي بذبحك اذا م نطقت
سمع نواف صوت انفجار برا وانفجع وطلع لهم ركض وكانو الكل يركض ناظر ل ابو سامي وقال : وش فيه
ابو سامي : ارهاب برا رما قنبله ع المركز
نواف بصدمه : من ذا وشلون يتجرئ
راحو كلهم جرئي عند الباب وكانو مصابين الي عند الباب
سطام بصوت عالي : دقووو ع الاسعاف
نواف بغضب : روحووو سريععع طلعوهم ماراحو بعيد
ركبو السيارات وبدو يدورون حولينهم والنص الثاني امرهم نواف يناظرون الكميرات واخذ سلاحه وبدا يناظر حولين المركز وهو عيونه تطلع شرار وكان المصابين ثنين
سطام : نبضه ضعيف " وكان ممرض المركز موجود "
الممرض : والنزيف حاد ابي شيء اشدحه ع الجرح
راح نواف واخذ شماغه من سيارته وعطاه للمرض اخذه الممرض وبدا يشد ع جرحه
نواف : كيف الجندي الثاني
الممرض : لا كويس جرحه مو عميق بس هاذا م يتحمل ع وصول الاسعاف لازم ننقله للمستشفى الحين
ناظره نواف وقال : سطام المكان عندك يطلعووون عندي فاهم " واخذ الجندي وركبه سيارته وركب الممرض معاهم واسرع نواف اقصى سرعه وتوجه للمستشفى وكام زحمه وقال بنداء السياره حقت الشرطه " : لوسمحتووو بعدو السيارات " وشغل حقت المرور " وكل السيارات بعدت وانطلق نواف باقصى سرعته وصلو للمستشفى وهو ينادي يجبون سرير نقل
الجندي بصوت مبحوح : الضابط نواف
جاه نواف وهو يمسك يده : استريح بتكون بخير
الجندي وصوته متقطع : عيا...لي لاتتركهم ماعندهم اح..د غيري
نواف : اولادك برقبتي لين تطلع من المستشفى
ابتسم الجندي وغمض عيونه
الممرض : توقف النبض
نواف وهو يصرخ يجيبون سرير النقل بسرعه بس عشانهم تاخرو قال : بعد
الممرض : انعشته انا وش بتسوي
دف نواف الممرض وبدا يمسج قلب الجندي وهو فيه غصه من ذا ابن الكلب الي تجرئ يسوي كذا ؟ والحمدلله قدر نواف ينعشه وقتها جابو السرير وركبوه ونقلوه بسرعه دخل نواف معاهم وهو ملابسه كلها دم جلس ع الكرسي جنب غرفه العمليلات حط راسه بين يدينه بتعب وهو حاقد مليون حقد من انت عشان تصاوب ع جندي قاطعه اتصال سطام
نواف : وش صار ي سطام
سطام : تعال ي نواف بسرعه
قفل نواف وطلع ركض وهو يركب سيارته ويمشي باقصى سرعه عنده دخل المركز حصلهم مكلبشين ع الارض ثلاث اشخاص التفت وشاف جثه الرجال الي كان يحقق معاه نواف
سطام : كانو متعمدين عشان يذبحونه وم يعترف
نواف بغضب مسكهم وضربهم ع الجدار واخذ سلاحه وحطه ع روسهم
ابوسامي بصراخ : اذكررر الله يولدي نواف لاتنهي وظيفتك عشانهم تحكم بغضبك يولدي
سطام وهو حاقد من حقد نواف
نواف بصراخ : جندي الدوله طايح ف المستشفى وهذا ليش يعيش ليششششش هذا *** هاااا فهمني كيف يعيششششش
ابوسامي : حقهم م يضيع يولدي السيف بيقصهم بس انت لاتوصخ يدينك وتخسر وظيفتك الكل محتاجك ي نواف
نواف بغضب وهو يصارخخخ ويطلق النار ب السماء وقال وهو عيونه كلها شرار : زايددددددد الكندرررريييييي
طلع نواف وركب السياره ومشى لحقه سطام بس مسكه ابو سامي وقال : خله ماراح يغلط
كان يمشي بسرعه مو طبيعيه وقف عند بيت زايد الكندري ونزل ودق الباب محد رد وكسر الباب وبدا يصارخ باسم زايد كان ذا كله قدام غزل الي كانت ع الشباك وناظرته بس خافت ولا نزلت جو رجال زايد يبون يمنعونه بس لما شافو انه عسكري ابتعدو ع طول طلع زايد ع الصراخ من مكتبه وشاف نواف وكان ذا اول لقاء بين نواف وزايد الكندري
زايد ببتسامه كلها شر : نور البيت ي ضابط الدوله امرني ؟
كان نواف يناظره وعيونه تطلع شرار قرب من زايد وقال : مسوي م تعرفني
زايد ببتسامه تقهر : شدعوه معروف نواف آل ثنيان ، اي الشرف لي ذا اول لقاء بيننا
نواف : م تشرف اسمعني زين ي زايدد وفك اذنك زين مازين ان م سجنتك بيديني م كون انا نواف انت تحسب انك خافي الادله ؟ وتذبحه عشان م يعترف بك وصايخ رح تطلع والادله بجيبها ونتقابل في ساحات القصاص
زايد بضحك : ابد اذا شفت غلط فيني ي حضرة الضابط اسجني بس حنا عائله ماتعرف بالغلط والاشياء ذي مسالمين " بضحكه كلها شر وجلس وحط رجل ع رجل "
ضحك نواف ضحكه عاليه : تاكدت انك عندك مرض نفسي
راحت الابتسامه من ع وجهه زايد وهو يناظر نواف بقهر : الواضح انك حاب بيتنا مو ناوي تطلع منه
نواف بضحك : لاتتعود ع بيتكم ذا عندي لك بيت ع مستوى ٢ في ٢ " وطلع "
اما زايد حقد ع نواف اكثر واكثر وناوي ع قتله بس نواف مو من النوع الي ينقتل بسهوله
كان ذا المشهد كله تحت انظار غزل الي كانت تتبستم طول م يتكلم نواف وتقول : اخخ انت نواف آل ثنيان مملوح شلون بسوي كل ذا السوء لك ؟ انت بنظره تذبحني وش من طول ذا وش من عرض وش من هيبه وش من عيون وش اتكلم وش اخلي في ذا المزيون
" طلعت غرفتها فوق ع طول قبل لابوها يشوفها ارتمت ع السرير وهو تفكيرها راح مع نواف "
غزل : بخليك تحبني ي نواف بس نتعرف اول " ابتسمت ابتسامه وقلبها طايررر لانها تبي نواف تبي تمتلكه ومصدقه انه حب من نظره اولى " سمعت صوت ابوها من تحت يناديها قامت ونزلت له
غزل : ها
زايد : وش خطتك ؟
غزل بلعت ريقها : ابي اصير جاسوسه واصير يده اليمين " كانت خطتها عكس تخلي احد غيرها يكون معاه لانها خوافه بالمختصر وتخاف منهم بس من بعد ماشافت نواف تلخبطت كل اعداداتها "
زايد بعصبيه : وشوووو تبيني اخلي تروح لهم جاسوسه وانتي بنت !!!!!!!
غزل بصراخ : واذا بنت وش فيني ؟ اي اقدر اصير جاسوسه م راح تضمن احد غيري اعرف ذا الشيء
زايد وهو يناظرها وهو حقده ع نواف يغلب الكل : طيب بس اسمعيني زين ان م نجحتي م راح يصير طيب ي غزل
غزل بتنهيده : بنجح
قام زايد وهو كله غضب دخل مكتبه وقفل الباب بقوه هز البيت هز
....
|في بيت الجد ثنيان |
كانت إديم جالسه تناظر في جوالها جتها إيفان بصرخه : إديموه
فزت إديم : وجععع خرعتيني
إيفان مسكت يدها وقومتها : هيا الغرفه
إديم : ليشش
إيفان : بسوي معاك تحقيق امشي
سحبت إيفان إديم للغرفه وقفلت وجلسو ع السرير
إيفان : انطقي
إديم سوت نفسها غبيه : وش اقول اغني لك
إيفان : اي غني عن سلطان
ضحكت إديم وضربت يد إيفان : حيوانه
إيفان : اييي بتقولين ؟؟؟
تنحنحت إديم وعدلت جلستها : تعرفين تدريبي الثاني الي رحت له " علمت إيفان كل التفاصيل "
إيفان : يعني يوم قال مابي هواشات حسيتي نبرته عصبيه ؟
إديم هزت رايها بالرفض : مدري والله احس كذا شعوري غريب لاشفته
إيفان بضحك : والفطور الي جابه ؟
ضحكت إديم : هباله ، بس تحسين ليش جابه احس بالغت بالتفكير صح
إيفان : لالالا مابالغتي ، يمكن يحس باعجاب لك
إديم : اتركيني انا انتي ؟
إيفان : شفيني
إديم : شفيكك كلشيء فيك كيف نواف معاك؟
ابتسمت إيفان : مختلف تماماً ي إديم عن تفكيري عنه عصبي صح بس طيب قلبه حنوون احس لاشفته اطير فرح احب اجلس معاه فيه غمووض وبارد بس يجذبني
إديم ببتسامه : اوووو كل ذا نواف ؟ طحتي ومحد سمى عليك
قاطعتهم ريتاج الي دخلت عليهم الغرفه : بنات جده تناديكم للعشاء
إيفان : يلا جاينن
وقامو ولحقو ريتاج
....
يمشي في شوارع الرياض بلا هدف جاءه اتصال ورد بسرعه من شاف ان الاتصال من المستشفى
نواف : قول كيفه ؟
: عظم الله اجرنا واجركم طال عمرك
غمض نواف عيونه بقهر وغصه رما الجوال بعصبيه وتكسر جلس ع الارض وتكى ظهره ع السياره القهر فيه جندي الدوله توفى ! الي يحمي ارض الدوله ويخاف ع دولته يموت ! والي يذبح ويكره دولته عايش ! عارف انها اقدار ربي وذا موعده بس الغبنه والقهر م تفارق القلب قام وهو مو قادر يمشي ع رجوله فك سيارته يدور ف درجها جواله القديم يبي يتصل ع سلطان وحصله شغله وفكه ودق ع سلطان
سلطان : الو؟
نواف بغصه باينه ع صوته : ابيك ي عضيدي محتاجك
فز سلطان من صوت نواف : وش فيك ي نظر عيوني ؟
نواف : برسل الموقع لك تعال
قفل نواف وهو ينسد راسه ع كرسي السياره
|عند سلطان |
قام بسرعه وهو مستعجل
الجد ثنيان : وين بتروح ي سلطان
سلطان : فيه شغله طرت لي اخلصها واجيكم
الجد ثنيان : اي ع القوه
طلع سلطان وهو يستعجل بخطواته وقفته ام سلطان
ام سلطان: وين وين رايح يولدي
سلطام : م بطول
فك الباب وطلع
ملك : شفيه؟ معصب
ام سلطان : والله مدري استودعته الله
ركب سلطان سيارته ووصل عند نواف ونزل وهو يسرع له
سلطان : نووواف وشفيك " شاف الدم الي ع بدله نواف "
طلع نواف من سيارته وهو يحظن سلطان وعيونه تلمع: م قدرت ي سلطان م قدرت
سلطان وهو يشد ع حظن نواف : وش الي م قدرت عليه ي عيون اخوك
نواف وهو الكلام يطلع من بصعوبه: مات جندي بسبب زايد الكندري " بلع ريقه وقال" انا وعدت نفسي محد يموت منه واني بمسكه ي سلطان الجندي عنده اولاد
غمض سلطان عيونه بقهر : مات شهيد ي خوك
نواف : قلبي يحترق ي عضيدي كبدي تحترق روحي احترقت ي سلطان
سلطان : بسم الله ع روحك ي روح اخوك بسم الله ع قلبك ي قلب اخوك بسم الله ع كبدك ي كبد اخوك ، تبي تصرخ ؟
نواف ناظره وعروق وجه باينه : نسويها ي عضيدي ؟
ابتسم سلطان : نسويها
وقفو نواف وسلطان جنب بعضهم وهم يناظرون السماء
سلطام : واحد ثنين ثلاثه
وبدو يصرخون بقوووه وبصووووت عالييي لين تتعب احبالهم الصوتيهم كانت ذي حركتهم اذا يبون يطلعون غضب
ناظر سلطان نواف قال : ارتحت ؟
غمض نواف عيونه : ارتحت
سلطان : نواف بتمسكه انت م راح يتاذى احد ثاني باذن الله واولاد الجندي
م كمل سلطان كلمته وقاطعه نواف : انا الي بروح لهم وبحميهم وبصير ابوهم " نواف وهو يتذكر وصيت ابوهم "
ابتسم سلطان : وانا اصير ابوهم بعد ، تبينا نروح البيت ؟
نواف وهو يناظر سلطان : ابي اروح اي مكان بس مو البيت
سلطان : ابشر اركب
ركب نواف وكان الي يسوق سلطان كان نواف يناظر الطريق بفراغ وتنهد سلطان وهو عارف ان نواف يسوي كلشي عشان محد يتاذى وكل م تاذى احد اتهم نفسه
..
رجعو الفندق وكان راعي الاستقبال يطالب ب الفلوس
سلمان : بعطيك
راعي الاستقبال : معليش ي خوي خذ اغراضك واطلع
غمض سلمان عيونه وهو مايعرف وش يسوي : طيب بطلع
مطلق : مامعاك شيء
سلمان هز ب لا
مطلق : تدبر ي خوك ، بروح انزل الغراض واعلمهم
سلمان: تمام انتظركم ف السياره
طلعو كلهم وركب مطلق الاغراض وركبت ام سلمان قدام ومطلق وشهد وريتاج وراء والي يسوق سلمان
ام مشاري: يولدي خل نروح عند ابوك
مطلق : يمه تكفين حنا ندبر الوضع م نبي احد يتدخل ونبلشهم حنا ريجيل كبار وندبر امورنا
سلمان : صادق مطلق يمه ادبرها لكم
ريتاج بتوتر : ابوي اتصل علي
التفت عليها مطلق : وش يبي ؟
شهد بضحكه : توه يلاحظ غيابنا ؟؟؟؟ حتى سلمان م لاحظ غيابه ب الشركه ؟
ريتاج : قال وين السواق م يرد عليه
مطلق وهو مستغرب طيب ابوه م يطق لهم خبر بس مو معناته حتى غيابهم مالاحظه وقال بعصبيه : انا بروح اتفاهم معاه
سلمان بنفخه : مطلققق اجلس ، مهما كان ذا ابونا مهما ذلنا غصب علينا كلنا نبر فيه انا بعدت عنه عشان م تنذلون بس انتبه انت وياها وياها مهمها حسيتو بنقص من طرف ابوي اعرفووو انه يضل ابوكم وكل نواقصهم عليكم انا بكملها لكم
ابتسمت ام سلمان ع سلمان الي هو اكثر واحد متظرر من بينهم سلمان وهو صغير كان ينضرب من طرف ابوه بس يسكت ولا احد من اخوانه يعرف انه تعذب وهو صغير وكيف كان يقول له ابوه انت منت برجال اعطيه الشركه عشان وش ؟ عشانه طلب حلاوه مثل الاولاد منه
ام سلمان: الله يحفظك يولدي
مشى سلمان ووقف عند خيام للايجار نزل يسالهم عنها وكان معاه المبلغ الي يجرها فيه ونامو ف الخيام اليله ذي
...
|في بيت الجدثنيان| في غرفه نواف & إيفان | الساعه ٣ الفجر
كانت تدق عليه جواله مغلق قللت مره عليه وهو قال في اليل بجي وينه للحين ؟ كانت تدور ف الغرفه وهي قلقانه عليه طولت واخذت حوالي ساعه وهي تنتظر لين اذن الفجر قامت ووضت وصلت وهي تدعي ان نواف يكون بخير وطلعت ل ام سلطان لعل وعسى عندها خبر
ام سلطان : والله مدري ي بنيتي حتى سلطان م يرد والقلق ذبحني م نمت
إيفان : اوففف يرب يكونون بخير
ام سلطان : نصبر لين م تطلع الشمس واكلم عمي ثنيان
هزت إيفان راسها ب إلايجاب وراحت
|عند نواف وسلطان |
كانو ع قمه جبل وجالسين سمعو اذان الفجر تيممو وصلو الفجر وفي سجود نواف قال : يرب العالمين اعطيني القوه يارب عطني القوه في مسكه عبدك ضعيف عندك يالله اعطيه القوه وادخل شهيدك جنات الفرودس الاعلى واحفظ اولاده واعطيهم القوه ع فقد والدهم واعطني القوه ع رعايتهم
رفع من السجود وسلم
سلطان : متى بتبلغهم ؟
نواف بتنهيده : الصباح بروح ابلغهم بموت ابوهم
سلطان : تبيني اجي معك؟
هز نواف راسه ب الايجاب واسند راسه ع كتف سلطان وسلطان اسند راسه ع راس نواف وهو يناظرون شروق الشمس
.....
ادعموني بتعليق ايجابي ونجمه ي حلوين عشان استمر❤️
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
