ليتك تعرفين الحال؛ ويش هي نواياي

ثنين وعشرين

صلو ع نبينا محمد عليه افضل الصلاه والسلام

..
سلطان : تبيني اجي معك؟
هز نواف راسه ب الايجاب واسند راسه ع كتف سلطان وسلطان اسند راسه ع راس نواف وهو يناظرون شروق الشمس
ناظرو شروق الشمس وضلو ع وضعهم لين م بدت الشمس تحتر وجاءت الساعه ٨ الصبح وجاء الوقت الي يروح نواف يبلغ اولاد الجندي
سلطان: بتروح ؟
نواف : بنروح البيت ببدل ملابسي ونطلع
سلطان : يلا
قامو وركبو السياره وتوجهو للبيت دخلو وكانو الكل ف الحوش وقلقانين عليهم
الجد ثنيان : وينك انت وياه ؟
ام سلطان شافت البدله الي بيد نواف وكان كلها دم : يويلي ويلاه وش ذا الدم يولدي فيك شيء
نواف بضيق : م فيني شيء يمه
ودخل البيت ولا رد ع احد
سلطان : مو دمه يمه اهدي
إيفان راحت بسرعه وراء نواف
الجد ثنيان بشده : وش فيه ي سلطان
سلطان بتهيده : توفى جندي وذا دمه الي ع نواف
شهقت الجده منيرا : لا اله الا الله
|في غرفه نواف & وإيفان |
دخل ياخذ شور اول م طلع شاف إيفان م تكلم وتوجه لغرفه الملابس يبدل
إيفان : نواف
بلع نواف ريقه وهو م يبي يناظرها م يبي يقول انا م قدرت امسكه امسك قاتل امك ي روح نواف خايف من فكره انه ممكن إيفان تتاذى
إيفان وعيونها تدمع : خفت يكون فيك شيء وانت من اول م جيت م عبرتني " بدت تبكي "
التفت نواف عليها وهو يشوف دموعها مسكها وحضنها :دموعك لاشوفها مع كل دمعه تذرفينها يحرقني قلبي لاتحرقين خدك الوردي
ضربته ع صدره :منك كان عطيتني خبر طيب م نمت من امس خفت يكون صاير لك شيء وجيت ودخلت ولا عبرتني اناديك م ترد علي
نواف عرف انها حساسه مره وقال بنفسه " انشهد انك بتتعبين قلبي ي قلب نواف " : م قصدت كنت معصب ولا ابي اطلع عصبيتي وضيقي فيك
ناظرته إيفان وعيونها كلها دموع مسح نواف دموعها وقال : عيونك الحلوه ذي لاشوفها تبكي تسمعين ؟
هزت راسها إيفان ب الايجاب وهي تشهق وتمسح دموعها
نواف ببتسامه : كل الشهقات ذي عشاني ؟ اذبح نفسي عشاني بكيتك ؟
إيفان : نواففف اخذت روح من روحي وتتكلم وتغير الموضوع !!
ابتسم نواف وهو يناظرها
إيفان : نواف
نواف : عيونه قلبه روحه ي قمر نواف
ابتسمت إيفان وكيف انها صارت قمراه : تكفى لعاد تعيدها م تحمل نواف " وقالت لاول مره عبرت له " م اتخيل حياتي بدونك صرت كل شيء بالنسبه لي
نواف ببتسامه : وش وش عيدي كل شيء وش ؟
إيفان ببتسامه : صرت حياتي كلها صرت روحي الثانيه
"قالتها بكل خجل وطلعت ع طول من الغرفه "
غمض نواف عيونه وهو يمسك قلبه : طيرتي عقلي وقلبي ي قمر نواف انا وش اسوي فيك
راح لبس ثوبه وشماغه وطلع وهو بكل خطوه يخطيها يحس بثقل ف صدره شلون يقول لهم ؟ في موت سندهم ابوهم شلون يقول لهم فقدتو نعمه بالحياه ؟ كان سلطان ينتظره عند السياره وشاف نواف جاي
سلطان قرب منه وحط يده ع كتفه: جاهز؟
نواف : اي
سلطان: مشانا
ركبو السياره ومشو وقفو عند بيت الجندي نزل نواف ونزل سلطان دقو الباب وطلع لهم ولد بعمر ال ١٥
الولد: ارحبوو
نواف: البقى
الولد : اقلطو حياكم
التفت نواف ع سلطان ودخلو
نواف : الله يبقيك
جلسو ف المجلس
الولد : بروح اجيب القهوه
سلطان: لالا مانبي قهوه كثر الله خيرك
الولد: لا والله بجيبه
نواف ابتسم كيف الولد صغير بعمره بس رجال عن الف رجال : جيبها انفداك
الولد ابتسم وراح يجيب القهوه جابها وبدا يقهويهم
الولد : اذا جاين عشان ابوي تراه مو موجود
غمض نواف عيونه بقهر وهو كيف يقول لهم كيف يبدا جت بنت صغيره تجريئ عندهم ابتسم نواف وقال : تعالي ي حلوه
جته الطفله وهي مستحيه منهم وكان عمرها مايقارب ال ٣ سنوات عطاها نواف بوسه وقال : وش اسمك
الطفله وهي مبتسمه: ورد
نواف : وش الاسم الحلو ذا
سلطان : اسم ع مسمى
ورد بضحك وهي تقول ل نواف : حتى انت حلو
نواف بضحك : ي قلبي
ورد : عزوز وين بابا
" عزوز اخوها الولد الي ضيف نواف وسلطان"
بلع نواف ريقه وجته غصه وسلطان م يختلف عنه قلب سلطان عوره مره طفله بتعيش بدون اب !
نواف : شوي يجي بابا
ورد : تعرف بابا ؟
نواف هز راسه ب نعم : اعرفه ، وش رايك نلعب لعبه؟
ورد : وش العبه ؟
نواف : تدخلين داخل لمده عشر دقايق وتجيني بعدين بعطيك هديه
هزت راسها ورد وراحت بسرعه عشان تجيها الهديه
نواف : عز
عز: سم
نواف : امك فيه ؟
استغرب عز وقال : ليش ؟
نواف : ابي اكلمها من وراء الباب اذا م فيه مانع قول لها زميل ابوي بالعمل يبي يكلمك
قال عز طيب وقام يروح ينادي امه وكانت ام عز تعبانه معاها مرض سرطان الثدي وكانت تعبانه مره وقفت وراء الباب وهي حاسه ان فيه شيء من اول
نواف : سلام عليكم ي ام عز
ام عز : عليكم السلام وش بغيت ي خوي ؟
نواف تنحنح : ي ام عز حنا نعرف ان الدنيا قضاء وقدر ومانقدر نمنع قدر ربنا " سكت نواف "
ام عز وهي قلبها عورها : ابو عز فيه شيء ؟
بلع نواف ريقه : ابو عز صار شهيد ي ام عز راح عند الي احسن مني ومنك
ام عز وهي مو مصدقه : لالا لاااااااااا م يروح هو م يروح " بدت تصرخ "
نواف وهو يحاول يهديها : ي ام عز لازم تصيرين قويه لازم تسندين عيالك
بدت ام عز تبكي : اخخ الله يرحمه
نواف : ام عز انتم برقبتي من اليوم ورايح
ام عز ببكي : كيف مات من الي ماعنده ضمير ذبح زوجي
نواف : وعد مني ي ام عز لاخذ حق زوجك
ام عز وهي بدت تهداء : الله يعطيك العافيه
نواف : انا بعطي عز الخبر ومابينقص عليكم شيء
دخلت ام عز وهي تبكي بحرقه تنهد نواف وهو مقهور ع وضعهم راح للمجلس واخذ عز هو وسلطان وطلعو برا
نواف: عز ان كبرت وش حاب تصير؟
عز: باخذ مهنه ابوي
سلطان : عسكري
عز : اي
نواف ببتسامه : كفو وانت تعرف انها شغله صعبه ويبي لها همه ومخاطرات
عز : اي ابوي كان دايم يقول ان شاءالله موتتنا تكون من موتت الشهداء
نواف وهو يطبطب ع كتفه: ابوك ربى رجال ، عز انت رجال البيت الحين من بعد ابوك
ناظره عز وسكت
نواف تنحنح : ابوك " سكت وهو م قدر ينطق الكلمه "
عز : ابوي ؟
كان سلطان يناظر نواف الي كان مو قادره الكلمه تطلع من فمه مسك عز من راسه وباسه
سلطان : انت تعرف ان الدنيا اقدار ؟ ولا تقدر نتحكم بقدرنا ولا نعرف حنا متى نموت ولا نعرف ساعه موتنا صح؟
عز بشك: صح وش فيه
نواف حضن عز ومسكه كويس وقال : ابوك راح شهيد وصار عند الي احسن مني ومنك ي عز
عز انصدم وهو بحضن نواف مو قادر حتى ينهار
عز : تمزح معي صح ؟
نواف : ليت والله ي عز
بكى عز وانهار وشد ع حضن نواف : كان يقول لي ابي موتت الشهداء بس ابيه يموت بعدي مقدر اعيش بدونه
نواف باس راسه : ابوك يشوفك ويحس فيك ي عز واعتبرني بحسبه ابوك " شد ع حضن عز اكثر " اعرف ماني بقادر اصير مثل ابوك بس بسوي كل شيء ي عز
" عز كان بصدمه وكانه مو مصدق للحين "
جتهم ورد تركض بعد عز عن حضن نواف ولف وراء يمسح دموعه مسكها سلطان وشالها
سلطان : جت الاميره
ورد بيتسامه : وش الهديه
نواف بضيق وابتسامه لها : تعالي يلا اوريك الهديه
فك نواف السياره وهو كان جايب بساكيت وحلويات واغراض كثيره لهم وجايب دبدوب وعطاها اياها
ورد بفرح : عمووو شكراً
نواف : عجبتك؟
ورد : ايوه
سلطان : شوفي الدبدوب كيف حلو ؟
ورد : مره حلووو
عز ببتسامه لها وهو قلبه تكسر قطعتين بس لازم يصير قوي عشان امه المريضه واخته الطفله راحت ورد وهي تركض لامها عشان توريها الهدايا
التفت نواف ع عز الي كان جالس وحاط يده ع راسه جلس جنبه وقال : تبي تشوف ابوك لاخر مره ؟
عز والدموع غرقت خده : اي
سلطان بحرقه عليهم : عز م عندك اعمام ؟
عز هز راسه ب الرفض : ابوي يتيم الام والاب ماعنده احد وحنا م عندنا احد غيره
باسه سلطان ع راسه وقال : حنا اخوانك الكبار واعتبرنا مثل ابوك
نواف وهو يمسك شاربه : ع ذا الشارب ان م ينقصكم شيء
عز ببتسامه : كثر الله خيركم ي ريجيل
نواف : نروح نزور ابوك لاخر مره ؟ ونغسله ؟ وندفنه ؟
عز هز راسه بنعم وركب مع نواف ومشو وقفو عند المستشفى نزلو وتوجهو ل ثلاجه الموتى عز بمجرد قراء الاسم بكى وحس بقلبه يتقطع الف قطعه حضنه سلطان وشد بالحضن عليه كان نواف متلثم ب الشماغ وهو مكسور من حالته دخلو وشاف عز ابوه قرب منه وكيف كان بارددد بلع ريقه وهو يبكي قال : صرت شهيد يبه ليش تركتني " وبداء يزيد صوت بكاءه " كنت انت الي بتعطيني الرتبه بيدك " يقصد رتبت العسكري " مسك راس ابوه وسلم عليه كانت جبهته بارده ودموعه جت ع راس ابوه
مسكه نواف من وراء : مشانا بناخذه للمغسله نغسله
مشى عز وراحو للمغسله وبدو يغسلونه ويسون اجراءات الجنازه سلطان كلم محمد عن كلشي وانهم يجون يدفنونه راحو المقبره وكانو العساكر والجنود والضباط والجد ثنيان والعيال كلهم هناك بدو الشباب يحفرون القبر لين خلصو وكان كلهم تراب وعز طلب منهم انه يحفر معاهم ماحب نواف انه يرده بعد م خلصو حفر وجاء وقت انهم يحطونه ف قبره قرب عز من ابوه وقال : فمان الله يبه امي واختي ف اماني " التفت ع نواف " وقال : وهو بعد حطنا ب امانه يبه
ابتسم نواف له وكان الجد ثنيان يناظر كيف نواف مهتم وابتسم وهو يفتخر فيه للموت
دفنوه ومشو الرجال واخذ نواف عز ووصله لامه وكان هناك عزاء والامور ذي وكانت ام سلطان والجده منيرا وام فجر والحريم والبنات كلهم عندها صح م يعرفونها بس لازم نساند اخواننا المسلمين بحزنهم ونجبر كسورهم
وماكان عندهم احد يساندهم لاخوات لااعمام مافيه احد ف نواف علمهم عشان يساندون الحرمه
~ بعد مرور ثلاث ايام وخلص العزاء ~
وكان ذا اخر يوم للعزاء جاء نواف لهم وطلعت له جدته
نواف : كيف امهم ي جده
الجده : اه بس الله يجبر كسرهم يولدي
ضاق نواف مره وقال : امين يلا بنمشي
طلعو البنات كلهم والحريم طلعت إيفان ومسكت يد نواف
إيفان : نواف
التفت نواف عليها وهو متلثم بشماغه
إيفان : انت بخير ؟
نواف بضيق باين عليه: ماني بخير ي إيفان
فك يده منها ع جيت ورد الي تركض له وهي تبكي مسكها نواف وقال : وشفيك تبكين
ورد وهي تبكي : ماما تدول ( تقول ) ماراح ادوف ( اشوف ) بابا مره تانيه
" ورد محد علمها وهي طول الايام تسال عن ابوها "
جت إيفان عندها ومسحت دموعها : راح الجنه يشوفك من فوق
ورد وهي الدموع ع خدها : يعني طار لفوق
ابتسم نواف : اي اذا تبين تكلمينه ناظري لسماء فوق وكلمي بابا
إيفان ببتسامه : واذا تبين ترسمين له خذي بلونه ورسمي عليها وارسليها له يشوفها هو
ورد وكانها اقتنعت : انتي سويتها مع امك ؟
" إيفان ف العزاء كانت ماسكه ورد وتلاعبها عشان تنسى وعلمتها عن امها "
إيفان بضيق ودموعها تلمع بعينها : اي " بلعت ريقها" اخذ بلونه وارسم قلوب لها وارسلها لها
ناظرها نواف وشاف دموعها الي تلمع بعيونها وعرف وش كثر هي مكسوره من جواتها ويناظرهم وهو م يشوف الفرق بينهم ذي زايد الكندري اخذ ابوها منها وذي اخذ امها منها وقتها نواف انقهر اكثر وقال بنفسه " لو عيوني م تذوق النوم بمسكه اليوم قبل بكره "
نزل نواف ورد وهي راحت تركض تعلم امها كيف تكلم ابوها ناظر نواف إيفان وقال : جبرتي بخاطرها الله يجبر بخاطرك
ابتسمت إيفان وركب السياره ومشو وصلهم البيت ونزلو دخل الغرفه واخذ شور وكان تعبان مره وجسمه مرهق دخل السرير ونام
| في الصاله |
كانو جالسين كلهم
ام مهيار : الله يجبر كسرهم حزنتني الحرمه
ام سلطان : اي بالله
فجر بضيق وهي تعرف شعورهم وتحس انعاد عليها شريط موت ابوها قدامها قامت ع طول وطلعت برا وهي تبكي جت ف الحوش من وراء وبدت تبكي وتشهق مر من عندها مهيار الي كان يسمع صوت بكاء ومستغرب من فين راح يمشي وشاف عبايتها من وراء وهي م طلعت عبايتها من لما جت من العزاء كانت شهقاتها تكثر وتبكي بحرق مهيار عوره قلبه عليها ولا يعرف من هي جتها إديم
إديم : فجررر !!!
رجع مهيار ع طول اول م سمع صوت اخته إديم وقف وهو يسمعهم
بدت فجر تمسح دموعها وقالت : م فيني شيء
إديم بخوف عليها : فجرر بلا هباله وش فيك يروحي ؟
فجر بغصه : بس تذكرت ابوي لما شفت الاطفال
إديم حزنت عليها : الله يرحمه يروحي
فجر : امين
بدت إديم تواسيها هينا عرف مهيار انها فجر بنت عمته نور شافها مكسوره وراح وهو تفكيره اشغله فيها
| في اليلل |
راحو الكل لبيتوتهم
| في غرفه نواف & إيفان|
دخلت إيفان وشافت الغرفه ظلاااام والمكيف باردد مره كانهم ف ثلاجه موتى شغلت إضاءه خافته مره بس عشان تشوف نواف كان متلحف ونايم وهو صار له ثلاث إيام م ذاق النوم وكان وجهه تعبان مره إيفان شدت الحاف عليه لان الغرفه مره بارده وطفت الاضاءه ونامت
| في بيت ابو مهيار عبدالله |
كان مهيار جالس ف الصاله ومسرح وامه وابوه كانو نايمين جته إديم وهي معاها قهوه وجلست معاه
إديم وهي تشوفه مسرح : هييي يهووو ي الاخو من شاغل تفكيرك
مهيار : ها ؟
إديم : ها؟ عينا خير والله
مهيار : وش تقولين انتي
إديم: اقول شفيك ؟
مهيار بتردد : انا شفتك وانتي تواسين فجر
إديم ب استغراب : كيف عرفت انها فجر
مهيار : ناديتيها باسمها وعرفت
إديم : اها ، اي مسكينه اشتاقت لابوها حاولت اجبر كسرها بس مانفعت ارسلت لها اول م ترد مقفله الجوال اعرفها الحين مقفله باب غرفتها وتبكي للفجر
مهيار بضيق قام وفك باب البيت
إديم : هييي وين رايح القهوه؟
مهيار : عندي شغله م اطول
طلع مهيار وركب السياره ومشى لين وصل بيت جده ثنيان وهو عارف ذا الوقت يقفلون باب الحوش وماله مدخل اخذ مهيار ورق وقلم وكتب فيها ونط من فوق جدار الحوش وتعورت يده بس قام وهو يناظر ب الشباك ولايعرف اي وحده شباك غرفتها حاول يتذكر فين وشاف غرفه فيها إضاءه خافته مره وعرف انها هي اخذ سلم وحطه وركب حط الورقه ع الشباك ونزل واخذ حجر وبداء يرمي ع شباكها لين فتحته وهو يروح فك الباب وقفله وطلع ركب سيارته وهو يمشي ويدعي انه يجير خاطرها لو شوي
| في غرفه فجر |
انصدمت وخافت من الي يرمي ع الشباك وبدت ترجف فكت الشباك وشافت الرساله اخذتها ودخلت بخوف جلس ع سريرها وهي متوتره ولا تعرف وش محتوى الرساله ومن الي ارسلها وليش يرسلها ؟ فكتها بتوتر وحصلت مكتوب " اعرف ان جرحك عميق ومن يوم فقدك لابوك فقدتي السند بحياتك واعرف ان كل الي حولك حاولو يواسونك ولو بواسيك بكون مثلهم انا حاب اكون سند بحياتك من بعد ابوك م بصير مثل ابوك اعرف بس ابي اعوضك تسمحين لي ؟ حاب اخطبك من امك بعد م تتخرجين بيجيك الفضول تعرفين من هو انا بس انا ابيك تعرفيني لما يشاورونك فيني ي فجر " خافت فجر وهي قلبها يدق وترجف ولاتعرف من ذا الي عارف كل شيء عنها حرفياً دق باب غرفتها وخبت الروقه ع طول تحت مخدتها
فجر: ادخل
دخلت ام فجر لبنتها وجلست جنبها : من يوم م جينا من العزاء وانتي متضايقه شفيك ي بنتي ؟
فجر عشان م تضايق امها : م فيني شيء بس حزنوني
ام فجر بتنهيده : تذكرتي ابوك ؟
فجر ببحه بصوتها : م انسيته انا عشان اتذكره
ام فجر وهي تمسح ع شعر بنتها : انا واثقه ان ابوك فخور فيك الحين
فجر ببتسامه كلها ضيق : بتخرج بعد شهر من الثنوي احس يمه ابي ابوي بالمناسبه ذي
لمتها ام فجر ف حضنها وهي عارفه وش كثر فجر متعلقه ف ابوها من وهي صغيره مات "معلومه عن موت ابو فجر مات وعمر فجر ١٦ "
ام فجر : يشوفك من فوق ينظر عيني
فجر حط راسها ع رجل امها وبدت امها تلعب بشعرها وهي مسرحه
..
| اليوم الثاني | في غرفه نواف & وإيفان|
صحى وهو يناظرها نايمه جنبه قام من السرير ودخل يتوضى بيروح المسجد يصلي الفجر خلص لبس ثوبه واخذ شماغه والتفت ل إيفان جاء يصحيها
نواف : إيفان ، إيفان
إيفان بتثاوب : همم
نواف ببتسامه : اصحي صلي الفجر
إيفان : تمام
طلع نواف وهو يلحق ع الصلاه شاف جده ف الحوش ينتظرهم
الجد ثنيان : سنه يولدي الصلاه خلصت
نواف : العذر والسموحه ي جدي م تنعاد
طلعو العيال كلهم وراحو لصلاه ورجعو البيت راح الجد ثنيان وعياله لشيبان ف الدوانيه يفطرون اما العيال راحو ينامون الا نواف الي كان جالس ف السطح ويدخن وتفكيره مشغول ومتضايق بالحيل دق على سطام
نواف : ارسل لي الملفات للبيت
سطام وهو عارف وش كثر نواف يحس بانه هو المسوول ع كل الي صار : قال ابشر
قفل وبدت الشمس تحتر بس هو مو مهتم مو حاره مثل قلبه طلعت إيفان له للسطح وشافته جالس ومهموم جت عند راسه ومسكت راسه وبدت تدلكه : ماني متعوده انك تكون كذا
نواف مسك يدها وجلسها قدامه : وش اسوي عشان م اكون كذا ؟
تنهدت إيفان : ليش احسك تلوم نفسك ع موت ابوهم ؟
نواف في نفسه " لاني م مسكته " سكت نواف وفك بكت الدخان وطلع سجاره
إيفان وهي ودها تغير جوه قالت : وش رايك نكشت
ناظرها نواف : انا وياك ؟
إيفان : لا مع جدي وش رايك اي انا وياك
ضحك نواف وناظرها وقال : تطقطقين
إيفان ببتسامه : ادري عنك اكيد بنروح انا وياك
نواف ببتسامه وهو وده لو يبعد شوي عن كل شيء حوله قال : تم روحي جهزي الاغراض
إيفان ببتسامه وقامت تجهز الاغراض وكان بدري الوقت الساعه ٨ الصبح وطلعو ركب نواف الاغراض ب السياره وركبت إيفان وحطت نظارات شمسيه ع عيونها ونواف بعد عصب شماغه ولبس نظارات ومشو
نواف : بوديك مكان بعدها نروح نكشت
إيفان بفضول : والله وين ؟
نواف : لاتستعجلين ع رزقك
إيفان : نوافيي تكفى فضولييي م يتحمل قول
نواف وهو تخربط من بعد م قالت نوافي : لاتقولين تكفى
إيفان : خلاص بسكت طول الطريق
نواف التفت عليها : لا بالله غردي وخليني اسمعك
ابتسمت إيفان وكانت تسولف له وهو يسمعها لين وصلو الاسطبل وفك باب إيفان وقال : تفضلي ي اميره
إيفان ضحكت ونزلت : اميرتك
نواف : اي بالله اميرتي
ابتسمت ودخلو الاسطبل وكان فيه احصنه وتقدمت بس بين الاحصنه ذي م لفت انتباها الا الخيل الاسود وكان سواده يجذب قالت : الله ذا حلو
نواف ببتسامه : ذا خيلي
إيفان : بالله هو الي تسابقت فيه ؟
نواف : اي عجبك؟
إيفان ببتسامه للحصان وكانت تلعب ع راسه : يجنن
نواف : اعرفك ي سحاب ذي اميرتي واعرفك ي اميرتي ذا سحاب
ضحكت إيفان : تشرفنا
بدا الحصان يصهل لانه عارف نواف بدا نواف يمسح ع راسه
إيفان : ليش سميته سحاب ؟
نواف ببتسامه : وش لون السحاب لاكان فيه مطر ويرعد ؟
إيفان : اسود
نواف : وانا سميته سحاب لانه يشبه ذاك السحاب
إيفان ببتسامه: يجنن
نواف وهو ياشر ع حصان سلطان : وذا غيم حصان سلطان اخوي
إيفان: فعلاً يشبه الغيم
نواف ببتسامه : م ودك تجربين تركبين ع سحاب
إيفان : لا يمه انا اخاف
نواف : معليه اساعدك يلا
إيفان : تمام
نواف : تعالي عشان تلبسين لبس الفروسيه
راحت إيفان معاه ودخلت غرفه النساء وغيرت لبسها وربطت شعرها فوق وطلعت
نواف: خياله ي بنت عبدالمحسن
إيفان ببتسامه : وزجة خيال
ضحك نواف : حياك سحاب ينتظرك
" م كان ف الاسطبل غير نواف وإيفان "
إيفان : الحين وشلون بركب ؟
نواف : امسكي يدي وحطي رجلك ع ذا ونطي وامسكي الحبل
مسكت إيفان يده وركبت : وناسه
مسك نواف الحبل الي عند راس سحاب وبدا يمشيها وهي كانت مستانسه مره إيفان بضحك : اسرعه به اكثر
نواف ببتسامه : م يصير انتي مبتدئه
بدا نواف يمشيها وهي مره فرحانه بعدين نزلت وغيرت ملابسها وطلعو من الاسطبل وتوجهو للبر وقف نواف : وش رايك ب ذا المكان
إيفان : اي حلو
نزلو ونزل نواف الاغراض كلها وفرش الفراش جلسو وصبت له إيفان القهوه
إيفان :سويت كيكه تبي تذوق ؟
نواف : هاتي
اعطته إيفان من الكيكه نواف باعجاب : فنانه
ضحكت إيفان : شكراً
نواف وهو جوه تغير ١٨٠ درجه ابتسم لها
نواف: الغداء علي
إيفان : يلا بذوق كبستك
نواف : بس اسمعي ماتغارين وتقولين كبستك احلى من كبستي وعلمني تراني م اعلم ب خلطالتي السحريه
ضحكت إيفان : واثق يعني
نواف : اي بالله واثق
إيفان : يلا نشوف
ضحك إيفان ونزل الدافور وشغله وحط القدر عليه وبدا يسوي الكبسه وكانت إيفان تناظره بحب وهي تقول بنفسها " والله ي إيفان لاعاد تحكمين ع الشيء من عنوانه مالت علي وانا الي كنت ابي ارفضه ولا ابي اتزوجه اتحداك تحصلين واحد مثله "
نواف : في وجهي شيء اشوفك م ترفعين نظرك
إيفان بضحك : اناظر الكبسه بسرق خلطاتك احفظ عشان كذا
نواف بضحك وقفل ع القدر : خلطاتي ف يديني يعيوني
إيفان : ماشاءالله يعني بس عشانك حطيت يدك فيه
نواف : اي
إيفان وهي تناظر يدها بطقطقه : وان شاءالله وش فيها يدي احلى من يدك اكيد كبستي احلى
ضحك نواف : اشوف يدك
حطت إيفان يدها ف عيونه
نواف : صغيرورات
إيفان : وش تقصد
نواف بضحك : تهبل
وبدو يسولفون ويضحكون لين استوا الغداء وحطه نواف وتغدو
إيفان : اووو لذيذذ
نواف : قايل لك
اكلو وخلصو وقعدو لين بدا الظلام يبدا انسدح نواف وحط راسه ع يده والنوم بدا يتسلل لعيونه غمض عيونه وما امدا غمضها سمع صراخ إيفان الي تمسكت بثوبه
نواف فز وبخوف وبنفخه: وش فيك
إيفان بصراخ : فيه حيه
قربت من نواف ولصقت فيه اخذ نواف الكشاف وبدا يكشف وكانت خنفساه مو حيه بس إيفان من خوفها وهلعها حسبته حيه
نواف : خنفساه ي بنت الحلال
إيفان بتنهيده : اوف خفت مع الظلام وانت بتنام
انسدح نواف وعطاها ظهره : نامي طيب
إيفان حطت راسها ع كتفه : وش رايك م تنام
نواف : م اقدر النوم بعيوني
إيفان : م في امل ؟
نواف سحبها وسدحها ولبسها فروته وقال : نامي
إيفان : طيب
رجع ينسدح وغمض عيونه وهو يحس بتحركاتها فجاءه سمعو صوت كلاب وشدت بيدها ثوبه من وراء
نواف: م بيجونك لاتخافين
تثاوبت وغمضت عيونها اخذت حوالي ١٠ دقايق وكان نواف م يحس بحركتها التفت عليها حصلها نايمه ابتسم وقال: فيها نوم وتبي تجلس
انسدح وغمض عيونه ونام
...
| في بيت زايد الكندري | في غرفه غزل |
دخلت وكان في غرفتها غرفتين وحده للملابس والثانيه فيها سريرها ومكتبها دخلت لغرفه ملابسها وكان عندها جدار كان خالي ماعليه شيء وهي كانت ترسم عليه وعندها سلم تطلع عليه وهي صار لها اربع ايام وهي ترسم وكان كل وقتها ع ذا الجدار ترسم فيه ابتسمت لما شافت انها ع وشك تخلص ركبت وبدت تكمل الرسم
غزل : حب من اول نظره ي نواف آل ثنيان خلاني ارسمك ع جدار غرفتي ب اربع ايام
ابتسمت وكانت رسمتها شكل نواف لما دخل عليهم بلبسه العسكري وبملامحه الحاده كانت متقنه رسمه
غزل : لنا لقاء وجهاً لوجه
ابتسمت ونزلت ع صوت جوالها يدق اخذته وهي يدينها مبهذله من الرسم وكان المتصل اثير
غزل : الوو اثيرووو
اثير : غزلل وينك م بتجين باريس ؟
غزل وهي تلعب باظافيرها : نو بيبي
اثير باستغراب : ليش
غزل ببتسامه : حبيت المكان هينا " كان مقصدها نواف"
...
|في بيت الجد ثنيان| عند العيال |
كان الموجودين نايف وفهد ومحمد وسلطان
فهد : سلطان كلمت نواف ؟
سلطان : اي راح هو وزوجته يغيرون جو
محمد : والله ي ان عز ذا كاسراً بخاطري يعيال
نايف: الله يرحم ابوه
الكل : امين
سلطان : متى بتخلص اجازتك ي نايف ؟
نايف بحزن : باقي لها ٣ ايام
محمد : حاول تقدم السنه ذي ينقلونك هينا
نايف : قدمت وشهر عشان يردون
سلطان : الله يعين
قام نايف : انا بروح عندي كم شغله وبجي
العيال : الله معك
طلع نايف وركب السياره وهو رايح للفندق عند سلمان لان يدق عليهم م يردون وقلق عليهم وقف عند الفندق ودخل سال عنهم قالو له انهم طلعو استغرب وركب السياره وهو طول الطريق يدق ع سلمان ولايرد وارسل ل مطلق وبعد م يرد دق ع عمته شريفه وردت ريتاج
نايف : الو ي عمه
ريتاج لما شافت المتصل نايف ع طول ردت وقالت: الحقق ي نايف اخواني ي تهاوشون مع شباب
نايف : وينكممم انتم ؟
ريتاج برجفه وبخوف : برسل الموقع
قفلت وهي ترسل الموقع ع نايف
شهد كانت تهدي ف امها
..
ننهي البارت لين هينا حابه اقولكم اشكركم ع دعمكم وي ليت تعطوني تعليق ايجابي ونجمعه عشان استمر واعذرونا اذا فيه حزن بالبارت وضيفوني انستا ي حلوين عشان تعرفون كل شيء عن الروايه ❤️❤️
الكاتبه | مَجَد العَوض