Bad Girl, Good Kisser (Complete)

Ten

Sam's POV

Hindi ako naniniwala sa forever! Wala naman talaga kasing forever eh! Atsaka, hanggang dictionary lang 'yun mga dude! Pero ngayon, lalo na sa nakikita ko, gusto kong gumawa ng group o club para isaulong ang pesteng forever na 'yan! Ipagdadasal ko nga 'yan minsan na sana meron nga talagang forever! Gusto ko kasing habambuhay na dito tumira eh!! Ahhhhhhhhhhh!

Napatalon ulit ako at napayakap sa sarili ko. Fresh air embrace me!!! Ahh! Kahit mukha na akong baliw dito at sa harapan ni Simon... Wala akong pakialam! Basta masaya ako, okay lang!

"Ahhhhhhhhhhhhhhhhhhh!" mahabang sigaw ko 'tapos humiga sa damuhan. "Gusto kong mamatay rito!" sigaw ko at sumipa-sipa sa baba. Oo na! Ako na ang baliw! Pero wala akong pakialam kasi.... HashtagProudToBeMe hahaha! 

Kung ano-ano ang naiisip ko!

Hindi pa ako nakuntento sa pagsipa-sipa, nagpagulong-gulong pa ako sa damuhan! Gosh! Ako na talaga ang baliw! Pero wala akong paki!

Nasaan ako?

EWAN! Hindi ko alam!

Basta nasa paraiso ako! 'Yun lang ang alam ko at bawal ang KJ dito! Kaya kung sino man ang gustong umepal sa kasiyahan na nararamdaman ko, please, paki-ready ng St. Peter plan niyo... Mapapatay ko talaga kayo. LETCHE!

Umupo ako at tiningan ang lugar na nasaan ako. Hay.. Ang ganda talaga! Akala ko hindi totoo 'yung sinasabi sa mga libro na mas maganda daw ang probinsya kaysa sa syudad... Kasi naman sino ang maniniwala doon?! Wala masyadong pasyalan gaya ng mall at sobrang napaka-konserbatibo 'yung mga taong nakatira sa probinsya 'tapos puro kahoy at bundok lang ang makikita mo. Pero iba 'to!

Iba dito sa San Vicente!

Lalo na sa lugar na nasaan ako ngayon!

Maraming puno na hindi masakit sa mata! May maliit na lawa sa harapan ko na sobrang linaw ang tubig mga dude 'tapos eto pa, walang masang-sang na amoy gaya ng patay na daga at mabahong basura dito! Jusko! Kanina pa nga ako nate-temp na maligo eh, pero ang problema, wala akong ekstrang damit!

Ayoko namang mag-borless sa harapan ng semenaristang 'to.... Ano?! Sinuswerte siya?

Gusto ko nga ring kumuha ng tent at magtayo dito para gawin kong bahay at dito na ako tumira forever pero hindi pwede eh! Dahil una, reserve? O preserve? Basta! May sinabi sila sa akin na salitang may 'serve' sa dulo, daw ang lugar na 'to! Kaya nga... hashtagNoForever mga dude dahil mamaya, aalis na kami dito!

Asar talaga!

"Sam tayo na..." rinig kong wika ni Simon. Napanguso na lang ako at humiga ulit sa damuhan. Bakit ganun, wala naman akong ginawang masama ngayong araw, pinapalayas pa rin ako ni Simon?! This is so unfair! Tumagilid ako at tumingin sa kanya. Nakita ko syang nakaupo sa damuhan at nakatingin sa akin. Aish! Decided na talaga siya! Sabi na nga eh, walang forever! Uuwi na kami sa boring na bahay ni tito.