Bad Girl, Good Kisser (Complete)

Eighteen

AN: Ang akdang ito ay kathang-isip lang ng malikot na isip ng author kaya kung meron man tumaas ang kilay sa update na 'to... Again, kathang-isip lang po 'to!

"ITO NA PO ANG PINABILI NIYO!" napatulala ako ng binaba ni Andrew ang mga pinamili niya at nakita ko ang laman ng plastic bag na dala niya. Napanganga ako. WHAT.THE.HECK?! Am I dreaming?

"SERIOUSLY?!" hindi makapaniwalang tanong ko. Napatingin ako kay tito. "'To seryoso?" tanong ko sa kanya. Tumango lang siya sa akin kaya napamaang ako sa kanya. Napatingin ulit ako sa mga pinamili ni Andrew.

Walong bote ng San Mig. Dalawang pack ng 'happy' blue at dalawang pack ng eight o'clock. May malaking bote pa ng ... ewan! Hindi ko alam. Pero ang dumi ng bote niya ha. Meron kasing bula 'tapos may itim sa may takip! Pero... Ano 'to?! Bakit? Pwede ba 'to? Pwede bang mag-inuman? O baka naman ipamimigay ni tito sa mga tambay sa labas... Tama! Tama! Kasi mali 'to! Tumingin ako kay tito na ngayon ay nakatingin sa akin. Lumapit ako sa kanya at umupo sa tabi niya. Oo alam kong feeling close ako sa mga panahong 'to dahil hindi pa kami, war pa kami. Hindi pa kasi siya nagsosorry. "'To, para kanino 'to..." tanong ko sa kanya. HastagPlasticMode

Ngumiti lang siya sa akin. Napatitig ako sa mukha niya. No way! "Atin 'to!" napanganga ako. Amin? As in? Weh?! Napatingin ako sa mga bagay na nasa mesa. Hindi sa umaayaw ako. Dahil kung meron man ang matutuwa sa mga ganitong bagay, ako 'yun. But... Si tito... Diba pari siya? "Andrew, timplahin mo na 'tong juice para makapagsimula na tayo!" sigaw niya kay Andrew na nasa lababo at ewan kong ano ang ginagawa dun. Tumayo naman si tito sa upuan niya at kinuha 'yung pinamili ni Andrew at inilabas ang mga 'yun sa plastic bag. "Si, ikaw na bahala dito..." sigaw ni tito sabay tapon nung happy kay Simon. Sinalo naman 'yun ni Si at tumayo rin sa upuan at pumunta sa may cabinet.

"Father ito na po, hinahanda ko na po 'yung yelo..." rinig kong sagot ni Andrew. Oh, ngayon alam ko na ang ginagawa ni Andrew dun. Pero.. Teka lang... Ano ang nangyayari? Bakit? Aishhhhhhhh! Gusto kong sumigaw dahil hindi ko maintindihan ang nangyayari sa paligid ko. Pero ayokong magmukhang tanga sa harapan nila noh kaya hindi ko gagawin 'yun. Para akong tanga na nakatulala lang habang ang tatlong lalaking kasama ko a.k.a. Ismael, Andrew at Simon-yup kasama ang lalaking 'yun, busing-busy sa pag bubukas nung beer, pagtimpla ng juice at pagbubukas ng happy at inilalagay sa bowl.

"'Tapos na!" -tito

"Finish!" -Andrew

"Okay na!" –Simon

Sabay na sigaw nila. Natauhan lang ako ng sabay-sabay nilang inilagay ang mga bagay na ginagawa nila sa mesa. Napatingin ako sa kanila. Sabay-sabay na umupo sila sa upuan na nasa harapan ko. Wow! Synchronized ha... Scripted lang?

"Let's start!" masayang anunsyo ni Andrew. Napakunot ang noo ko at napatingin kay Andrew. Nahahalata ko sa ugok na 'to ha, panay ang English! Psh! Yabang! Akala mo kong sino, wrong grammar naman! Wrong grammar ba? Napatingin ako sa mesa ng may naglapag ng kung ano sa baso ko. Hindi na ako nagulat ng may nakita akong baso na nilalagyan ng beer ng kung sino. Dahan-dahang akong tumingin sa harapan ko para makita ko kong sinong Poncho Pilato naglalagay ng beer sa baso ko. Nakita ko si Simon. Aba! Tingnan mo nga! Akala ko...psh! Naalala ko tuloy 'yung kantang...'Maraming nagkakamali sa maling akala'

Nang malagyan niya ang baso naming lahat. Oo kaming talo lang dahil ang gagong si Simon, hindi beer ang inilagay sa baso niya kundi juice! Wow! Ano 'to?! Kami ang tatlong demonyo 'tapos siya anghel?! Wow naman! Mag co-comment sana ako sa kaarthehan nitong si Simon ng biglang tinaas ni tito ang baso niya. Napatingin kaming lahat sa akin. "I know, masyadon ng late but..." dahan-dahang tumingin siya akin kaya napaupo ako ng maayos. "Sam," malambing tawag niya sa akin.