Bad Girl, Good Kisser (Complete)

Twenty-nine

AN: Ang gulo nito promise!   

Sam's POV

"Andrew, ano na naman 'to?" rinig kong tanong ni Simon. Napatingin na lang ako sa salamin na nasa harapan ko. 

"Salamin, salamin, sabihin mo sa akin, ano ang dapat gawin sa mga taong walang balak magpatulog sa pinakamagandang babae sa balat ng lupa?" bored na tanong ko. Utang na loob kasi! Anong oras na, nag-aaway pa sila sa labas! Paano na lang ang beauty sleep ko?! Tsk! Paano kong maka-pimples ako? Ano lang mangyayari sa fans ko? Tiyak, iiyak sila sa balitang 'yun! Ahhh! Anong gagawin ko?

"Kuya naman!" rinig kong sigaw ni Andrew! "*Blah blah blah*..." takte! Hindi ko maintindihan ang pinagsasabi ni Andrew! Narinig ko namang sumabat si Simon kaya mas lalong uminit ang ulo ko! Sinasabotahe nila ang beauty sleep ko! Gusto nila akong pumangit! Mga walang hiya!

"Argh!" inis na sigaw ko.

Nanlilisik ang matang tumingin ako sa pintuan ko. Kayong mga kumag na kayo, humada kayo sa akin!

"Bakit nga hindi mo sinabi?!" rinig kong sigaw ulit ni Simon!

"Bwisit!" inis na sigaw ko. Nakakainis na talaga sila! Nagmamadaling kinuha ko ang jacket ko-malamang naman na lumabas ako dun na nakasuot lang ng manipis na pantulog, wala pa naman akong bra! Makasala pa ako! Sinuot ko ang jacket ko at lumabas. 

"Hoy!" sigaw ko sa magkapatid na ewan! "Magpatulog naman kayo hoy!" inis na sigaw ko sa kanila. Napatingin silang dalawa sa akin. 

"Edi, matulog ka!" sigaw sa akin ni Andrew! Nanlaki ang mata ko. Aba't! Gago ang lalaking 'to ah!

"Sam, 'wag ka ng makisawsaw sa dalawang 'yan..." sabi ng tito ko na nasa gilid ko. Napatingin ako sa kanya. Aba't, gising pa pala 'to! Bakit hindi niya sinasaway ang dalawang 'to?! Hindi ako makatulog! Pati rin ba siya, sinasabotahe ang beauty sleep ko? Ang sasama nila dito!

Gusto ko na talagang umiyak! Kasi naman, inaantok na talaga ako pero ang dalawang 'to, parang mga engot! Kanina pa kasi sila nag-aaway at parang walang katapusan ang away nila eh! Tungkol pa rin 'yun sa utang thing ni Andrew dun sa mga evil spirits! Padabog na kumuha ako ng isang upuan at umupo dun! Kahit wala akong maintindihan sa pinag-aawayan ng dalawang 'to, makikinig na lang ako! Hindi rin naman ako makatulog eh!

"Simon, bakit hindi mo sabihin kay Andrew ang totoo kung bakit nalugi ang negosyo niyo..." napalingon ako kay tito ng marinig ko 'yun. 

Totoong rason? Tumingin ako kay Andrew.

"Hey, Andrew diba sabi mo sa akin, nalugi ang negosyo niyo dahil nasiraan ng bait ang ate mo nang malaglalag ang anak niya?" inosenteng tanong ko sa kanya.

Napalingon sa akin si Simon at Andrew. 

"Ano Sam?" tanong ulit sa akin ni Simon!

"Samantha!" sigaw sa akin ni Andrew 'tapos pinandilatan ako ng mata. Kumunot lang ang noo ko. Ano? May sinabi akong hindi maganda? Wala naman diba?

"What?" maang na tanong ko kay Andrew. "'Yun naman ang sinabi mo sa akin diba? 'Yung ate Carla mo ang naiwan sa hacienda niyo. Siya ang namahala nito kasi ikaw, mag-aaral ng medisina sa Maynila 'tapos si Simon, magpapari..." sabi ko sa kanya. 'Yun naman talaga ang sinabi niya diba? Minsan parang sira talaga 'tong si Andrew. "Pero may nakilala ang ate mong sira-ulo, pina-inlove siya, binuntis at iniwan 'tapos na-depress ang ate mo kaya---

Mabilis na lumapit sa akin si Andrew at tinakpan ang bibig ko. "Akala ko pa naman, mapagkakatiwalaan kita, bakit mo sinasabi 'yan?!" inis na tanong sa akin. Teka, bakit naiinis sa akin ang lalaking 'to? Nagsasabi lang naman ako ng totoo ha! Nakakainis na din siya ha! Parang biglang nag-bell sa utak ko ng marealize ko kung bakit parang natataranta ang gago. Tsk! Tingin niya ba na sasabihin ko 'yung tungkol sa laglag? Ano ako sira?!