غيبوبة "ليصبح كل ما تعيشه غيبوبة في الحياة" {مكتملة}💙!

للتوثيق

السلام عليكن ورحمة الله وبركاته.
صباح الخير💙!

منشور فجري ربما لن يراه أحد ولكني أكتبه للتوثيق👈🏻👉🏻

الرواية دي أنا لما قلت عنها أعظم رواياتي، ولما وعدتكم بمحتوى متميز مكانش شكرانية في نفسي، ولا مبالغة مني، ولا بقول كده عشان أنا اللي كاتباها، بيتهيألي اللي متابعتي من زمان عارف إني لما بقرأ أعمالي بقرأها بعين الناقد وبعمل ريڤيو بذكر فيه عيوب العمل عادي، إلا غيبوبة..
أنا حقيقي كل ما أقرأها أقع فيها من جديد، وحرفيا أنا مغرمة بكل تفاصيلها!
محدش متخيل يعني إيه موقف يحصل من عشر سنين يلهمني لفكرة رواية أبدأ بعد سنين في كتابتها وتاخد مني ٣ كشاكيل سلك، وبعد كده أقعد أنقلهم عالفون وأعدل على أخطائهم وسردهم بعد ما مستوايا اتطور عشان في الآخر بعد مجهود سنين وإرهاق نفسي وارتباط شديد بالرواية وغيرة لامتناهية عليها أقرر أطلعها النور على هيئة فصول يبلغ عدد كلماتها ٧٠ ألف كلمة!
مش عارفة أنا ليه بكتب الكلام ده، بس حقيقي الرواية دي خدت من روحي، وأنا اترددت كتير قبل ما أنشرها؛ لأني بقدر ما أنا متحمسة لمعرفة آراء الناس فيها بقدر ما أنا متخوفة إنها متاخدش حقها، لكن أنا استخرت، وعندي يقين أن الله لا يضيع أجر من أحسن عملًا.

المهم.. بعد كل الرغي الملعبك والفضفضة اللي مش مفهومة دي.. انتظروا أول فصل الليلة بعد العشا لو العيد بكرة، أو بكرة بعد العشا لو العيد بعده،واللي مضافهاش لمكتبته يضيفها، وكل سنة وأنتو طيبين♥  

#زينب_إسماعيل.