Mga tula, luha at tinta ni Ulan

Pagkudlit ng mga alaala

Walang tigil na pagbuhos ng ulan
Kasabay ng muling pagragasa ng mga alaalang
Naiwan sa lilim ng kahapon

Muli ay nagbabalik-tanaw
Sa mga nagdaang araw
Kung saan natagpuan ang isang ikaw

Kay hirap palang kalimutan
Ng mga alaalang naiukit na sa aking isipan
Na muling kumudlit kasabay ng ulan

Ang ulang naging saksi ng ating sawing pagmamahalan
Saksi sa ating simula
Hanggang sa huling patak ng ulan kasabay ng mga luha

-Scarlet Rain| Pagkudlit ng mga alaala