Mga tula, luha at tinta ni Ulan

Bulan

Pagkaanindot paminawon
sa mabugnaw nga hoyohoy sa hangin niining kagabhion
samtang ako nagpungko ibabaw niining kalibutan
mihangad sa kalangitan
naghandom kanimo akong bulan.
Ang imong kaanyag
sa kangitngit midan ag
ug ang imong pahiyum
daw sama sa mga laraw ko kung ako magahandom
daw giduyugan sa trumpeta ug lira ang tingog mong matahum.
Ikaw ang suga sa kangitngit niining kalibutan,
ang kabulakan sa kaparangan,
ang gugmang di mapapas bisan mulabay pa ang mga katuigan,
ang tubag sa nagdanguyngoy kong dughan.
Ikaw ang bugtong gihalaran
sa gugma kong daw sama sa sapa sa katubigan
nga padayon nagtubod ngadto sa kadagatan
sa kadagatang walay katapusan.

-Scarlet Rain| Bulan