Mga tula, luha at tinta ni Ulan

Naguguluhang isipan

Hindi ko na maintindihan
Isipan ay nagugulumihanan
Hindi ko mabatid kung ako ba'y kikilos
O magpapatangay na lamang sa agos

Puso't isipa'y nalilito, nagtatalo
Kung tama bang susungkitin ko
Ang isang makinang na bituin
Sa kabila ng mga pawis at dugo sa dilim

Mga paa'y nasasadlak sa putikan
Isipan ay naguguluhan
Tinitimbang ang gagawing hakbang
Nagdadalawang-isip kung aakyat o huwag na lang

Maari bang ako'y piringan?
Nang sa gayon ay hindi ko makitang nahihirapan
Ang aking mga magulang
Para sa kinabukasan na dugo at pawis ang puhunan

-Scarlet Rain | Naguguluhang isipan