Mga tula, luha at tinta ni Ulan

Luhang nausik

Sa kangitngit sa kalibutan
Ubos sa kawanangan
Ania ako, ilalom sa kabitoonan
Nagpagawas sa gibati niining dughan

Naghuwat ug kanus-a ka mubalik
Ug pahiran ang mga luhang nausik
Naghuwat sa gihapon
Bisan pag wa ko nasayod sa atong puhon

Matag gabiing muhangad sa langit
Luyo sa maanindot nga kangitngit
Ania ang kasing-kasing kong nagpitik
Luyo sa kasakit, naghuwat sa imong pagbalik

Kanus-a man ka mubalik?
Ug dili na ba ikaw ang gipitik
Niining dughang imong gibitik
Ug wa na ang mga luhang nausik

-Scarlet Rain | Luhang nausik