Mga tula, luha at tinta ni Ulan

Puhon

Kung dili man karon
Basin diay puhon
Inig abot sa panahon
Ikaw ug ako ra gihapon

Ug kung di man
Pagmalipayon lang
Dawaton nako ang tanan
Sakit man sa dughan

Kung dili man galing ikaw ug ako
Dawaton ko sa tibuok kong kasing-kasing
Hangyo lang pinangga ko
Sa imong paglakaw, pag-amping

Magkita ra dayon ta unya puhon
Mag abot ang atong dalan
Maglakaw nga naay pahiyum
Ug wa nay ho-ut sa dughan

Apan ako padayon
Sa paglaum
Nga unta sa atong puhon
Ikaw ug ako ra gihapon

-Scarlet Rain| Puhon