طاح الليل و كل واحد راح لداره وليد أصر على ميرا تبات عنده أما هي رفضت و راحت لدارها غلقت على روحها فبيتها و باتت تبكي
وليد كان فداره قاع قدامه فنجان قهوة يفوت بصبعو على حوافو و هو يخمم بنظرة جدية من بعد قال " إذا صح عندو ورقة فلازم نستعمل أسلوب ثاني .. بهلولة.. تبيني روحك قافزة غير ڨدامي.. بصح أكيد ما غاديش نخلي هاد القضية "
فالصباح وليد عيط لجايسون و قال ليه " يا درا.. عرفت وين يسكن هاداك الكلب "
جايسون " وي.. راح نبعتلك الموقع فالتيليفون"
وليد " أوكي شكرا جايسن " راح ركب لوطوه و قلع للموقع لي بعتوله. لحق لتما و الدار من برا تبان تاع شخص فنان. تقدم من الباب و دق شوي وانفتحلو الباب و خرج نيكولاس شاف فوليد و قال " صباح الخير.. كيفاه نقدر نساعدك "
وليد " الظاهر ما لحقكش بلاغ من الشرطة.. أنا جاي من طرف موكلتي.. ميرا سالم .. نظن أنك تعرفها "
نيكولاس تبسم على جنب و قال " أكيد نعرفها.. العارضة تاعي.. بصح علاه بلغت عليا.. لا نكون غلطت و ما بعتلهاش المبلغ لي اتفقنا عليه " ضحك وليد نص ضحكة باستهزاء و قال ليه "يمكن.. واش راح تخليني برا"
نيكولاس " أكيدد تفضل " دخل وليد و نيكولاس وصله للصالون قعدو تماك. وقتها وليد قال ليه " أنا درك مانيش جاي بصفتي محامي ميرا.. أنا هنا بصفتي زوجها قانونيا.. و راح نحاولو نوصلو لإتفاق يرضينا في زوج.. لا نتا تتأذى سمعتك.. و لا أنا و ميرا تاني نتأذاو " رفع نيكولاس حواجبو مستغرب و الابتسامة مازالها في شفافه و قال " أي أذية تقصد.. واش شي لي أذاكم ممكن نفهم.. كأنك تبالغ شوي"
وليد " يمكن نتوما كأجانب عندكم صور كوما هاديك عادي تنتشر بصح بالنسبة لينا حنا الموضوع شي ثاني خلاص.. فأحسنلك تلغي العرض و تسلمني كامل الصور مع توقيع على تعهد باه ما تستعملهمش بأي شكل كان و إلااا.. "
نيكولاس رجع بضهره اتكى على ظهر الكانابي و قال باستهزاء "و إلا واش؟" وقف وليد و قال ليه " سقسي على المحامي وليد ماكانش مني زوج بسك انا المحامي الوحيد لي بهاد الإسم هنا.. راح يحكولك عليا.. ما نشدكش بزاف.. خمم فسمعتك كمصور.. يضيع معرض و ما ضيعش سمعتك و لا واش.. آاا و بالنسبة لدراهمك وقت تتنازل على كل الصور و المعرض.. راح يرجعولك كاملين ما ناقص منهم ولا بنس" بقا نيكولاس بنفس الملامح مخبي انزعاجو من ثقة وليد و قال "واثق من أنك راح تخليني نتنازل؟"
وليد " تحب تجازف و تجرب يا مرحبا "
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Tiểu Thuyết Chungفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
