وليد كي وصل دارهم للدار راح عند صحابه كي شافوه عماد طلق تصفيرة و قال " ووو هاوليك العريس جا.. يا درا قبلت و لا مازال تشاور في عقلها و تصلي استخارة 😂😂 "
سمير يخزر لعماد و يقوله " خلينا نسمعوه " قدم وليد منهم و قعد و قال" كوما قال عماد تا تشاور عقلها و تصلي استخارة.. كانت مجهزة روحها بيها بمها و خوها حسابلي شو شكون خبرها و شكيت فيك سمير .. سعا كانو رايحين لعرس " سمير خزر ليه مصدوم هاك 😐 و
قال ليه " و أنا علاه "
" من أول حاسك ما مرتاحش للموضوع.. بصح شفتها ناضت تبكي كي بدا خوها يشكر فيها.. خوفي غير تتأثر و تبطل "
عماد يخزر لوليد و هو متكي براسه على طراف صباعه و قال " أول مرة فحياتي نشوف علاقة كوما هادي.. راني نخمم وين غادي يوصل بيكم هاد اللعب "
وليد " انا و راني نخمم.. انا ممكن تتوقعها مني.. بصح ديك الطفلة كيش جاتها تقبل .. بدات لعبة و خلاصت سيريو و الجاي الله يعلم "
سمير " راه عاجبك كي راك تلعب ببنت الناس "
وليد " حتى هي راها تلعب بيا "
عماد " سمير ماراهش حاب يستوعب انو في زوج اتفقتو و بلي هي راها راضية بهاد الشي "
وليد " راح تستوعب اصاحبي غي صبر.. هادا في حق لي راح نزهيكم بعد شي شهرين "
وي بعد شهرين راح يكون عرس زوج عباد متفقين يتزوجو باه يتهنو من صداع راس و يعيشو حياتهم عزابية فالواقع و متزوجين فالورق. متجاهلين بزاف صوالح ممكن أنهم ينقلبو عليهم بالعكس.
خلونا نفوتو شوي وقت، ميرا بعد فترة ديسيدات انها تقبل و خبرت خوها لي كان متفاجأ و مها لي كانت كتر منه ما توقعوش انها تقبل و رغم لي شدد عليها خوها تخمم كتر اما هي كانت مصرة توافق بحجة أنو عجبتها فكرة تسافر برا.
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Ficción Generalفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
