بعد لحظات من مغادرة وليد سمعت ميرا طرق على الباب نفخت بعصبية و قامت من بلاصها فتحت الباب بقوة
ميرا بعصبية " واش تستحق در.. " قطعت كلامها كي شافت سيرجيو واقف عند الباب و لي رفع حواجبو مستغرب ردة فعلها.. خرجت من الدار و وقفت مقابلاتو جامعة يديها عند صدرها و قالت " واش غير الخير.. عندك حتى نتا شي موضوع حاب تفيدني فيه "
سيرجيو " علاه راكي معصبة هاك.. شفتي اليوما ديڤ "
ميرا " لا.. علاه نشوفو.. جيت تسقسيني عليه؟ "
سيرجيو " لازم تروحي لبلاص ما يلقاكش فيه.. اليوم خبروني أنو كان فروسيا.. هو مستحيل يروح لروسيا بلا سبب لأنو ملاحق تماك و المافيا كامل يحوسو عليه و واحد منهم من نفس بلادك .. أكيد فراسو شي "
ميرا " هه حابني نأمنك.. عمبالك تقدر تضحك عليا و تقنعني أنك حابلي الخير.. هادا كامل مخطط منكم في زوج حابيني نأمنه.. يا حسراه.. ماشي عليا " جات داخلة للدار و سيرجيو عارطلها يمنعها تدخل، بقات تبعد فيه على طريقها و هو تعصب و عيط عليها " لازم تسمعيني.. صدقيني مانيش حقير كيفو.. مستحيل نستغلك كيف ما عمل.. سمعيني... ميرا " دفعاته ميرا عليها و قالت بصوت عالي
" ماعدتش نأمن حتى فحد.. صدقني بلغت حدي.. أصلا راح نرجع للبلاد.. تعلمت درس حياتي.. فهاد الفترة لي عشتها هنا بعقلية لهيه تعلمت أنو لي يخزر للسما تتكسر رقبتو.. و أنا تكسر كلش فيا.. صااي لحد هنا و خلاص.. خطيني حتى نتا " تجي رايحة و هو يقولها " راح ناخد حقك منو.. و تعرفي غاية كيفاه أنا نرجع حقي.. مانيش كيما هو كونك على علم " تتلفت ليه ميرا بنظرة استغراب و تخوف من كلامو بلا ما تحكي شي و هو يكمل كلامو " صدقيني مستحيل نقبل يتكرر سيناريو أولغا مرة ثانية.. راح ننتقم من وليد ماش منك و ديڤ راح ينال جزاؤو و أنا لي نعرف كيفاه نخلف منو"
تبتسم ميرا باستنكار و تقول " و واش هو المقابل لي حابو مني.. أكيد ماكش تعمل هاك بدون مقابل "
سيرجيو " كوما خبرتك.. أنا ثاني حاب نتقرب منك باه نستفز وليد ونعيشه الخوف.. درك لازم تروحي لبلاص ثاني.. أحسن شي تروحي عند الحقير هداك لفترة صغيرة برك "
ميرا " ما تخممش فيا وين نروح.. عيش حياتك و انتقم كوما حاب و خطيني.. سيناريوهاتي ما دخلش روحك فيهم " حط يدو على جبينو بيأس و هي دخلت لبيتها و قالت " ني حاستهم رسائل سماوية.. مي مانيش فاهمة مغزاهم" أما سيرجيو فعقد حواجبو و قال " ما خليتيليش حل ثاني درك؟ "
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Ficción Generalفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
