بعد فترة قصيرة وصل ديڤ ناحيت وين كانت زمر عليها و هي تلفتت ناحيتو و تقدمت منه و هي تشوف ناحيت الطريق حداها فتحلها هو الباب من داخل و هي ترددت باه تركب شدت فالباب حتى شافت يد غلقتها مجهد تلفتت ناحيتها لقاتو سيرجيو لي قالها "نعتذر منك.. نحتاج ديڤ درك كتر منك"
ديڤ كي شافو ضحك على جنب و خرج تكا على سقف سيارتو و قال " واش سيرجيو.. راك في يامات ما جيتش زرتني.. يا درا علاه"
سيرجيو " شغالات برك.. خلينا نحكو درك "
رايح نساعد ميرا في صوالح و من بعد نحكو " و رجع كمل بالروسية " ما تخافش الشي لي راهو فراسك ماراحش نعملو.. يعني ماهوش الوقت المناسب "
ميرا " إذا كاين شي بينكم أنا نروح "
سيرجيو " وي لو سمحتي "
ديڤ بالروسية " راك ضحكني سيرجيو.. لا تكون تحبها "
سيرجيو" إذا عملت فيها أي شي راح نبلغ عليك فروسيا.. حتى لو كان الثمن أنهم يقبضو عليا حتى أنا "
نفخت ميرا و راحت تتمشا بعيد عليهم وقتها ديڤ عيطلها " ميرا.. وين رايحة " تلفتت ناحيتو و ردت " قلتلك راني مشغولة.. ما فاضياش نسمع كلامكم لي ماش مفهوم أصلا "
ديڤ " رواحي.. سيرجيو راح يروح درك " قالها و هو مركز مع سيرجيو لي تبسم و قال " أوكي.. راح نروح معاكم " ميرا رجعت كملت طريقها بلا ما تحكي شي و ديڤ تعصب و غلق الباب و راح ليه عطاه بوكس أما ماجاش قوي بسك بيده ليسرة بما أنو يدو يمين كانت متأذية من يوم ضربوه رجع سيرجيو حكم ديف من تريكوه دفعه على اللوطو و قاله بالروسية " فيق بشي لي راك تعمل فيه.. نتا ماكش حقي.. ر" لحقله بوكس وراها. ديڤ دفعه عليه و قاله " الظاهر بديت تنسى أولغا.. أكيد بعد كل سنين لي غبتها عليها كيفاه تتذكرها "
سيرجيو " ما نسيتهاش.. لكن ميرا ما ليها أي ذنب "
ديڤ اتكى بظهرو على السيارة منهار و قال و عينيه غارقين بدموع القهر " حتى أولغا ماليها أي ذنب.. و لكنو تعدى عليها.. راح نخليه يحس بنفس شعوري " ميرا لي كانت واقفة من بعيد تتفرج ليهم كي شافتو حنا على ركابيه منهار و يبكي. طلقت تنهيدة طويلة و رجعت كملت طريقها حاسة كأنو الشخص لي بدا كلش كان وليد و أنو هو الشخص لي لازم ينال جزاؤو على هاد الشي.. أكيد ماراحش تسامح ديڤ أبدا على فعلتو و لكن كرهها لوليد زاد أكثر و أكثر.
سيرجيو حنا حد ديڤ و قال ليه " صدقني حيوان كيفو كل لي راح يعملو أنو يحس بشوي ندم من بعد ينسى.. لازم هو يذوق الألم ماش يذوقو غيرو " قام ديڤ من الأرض و تلفت خزر لسيرجيو بنظرة غل ديڤ " ماش نتا لي توريلي كيفاه نن. تقم.. و بالنسبة لأنك تبلغ عليا.. حتى لو رحت أنا كاين لي يدي حقي بدالي.. وقتها ماراحش تكون حتى نتا هنا باه تنقذها.. و الدراما لي عملتها درك كانت فباطل.. أنا أبدا ماكنتش ناوي نعملها شي حاجة اليوم.. مانيش مستعجل أبدا.. حتى إذا عجلتني نتا كل لي نعملو أني راح نبعدك على طريقي برك " راح ركب فسيارتو و قلع و سيرجيو قال
" نظن أنو لازم نقضي على وليد.. الحل الوحيد لي يطفي كامل هاد المهزلة ".
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
قصص عامةفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
