💙الحلقة 61 🍂🍁 أولم نتفق 🍁🍂 نجلاء الجميلة 💙
ميرا عشيا راحت للكافيتيريا لي راه ليها زمان ما راحتلهاش . دخلت تجر فروحها و إيرين لي كان يجمع فطابلة تماك كي شافها تبسم و تقدم منها و قال " ميرا " تلفتت ليه و تبسمت و قالت "أهلين إيرين "
" راكي في زمان ما جيتي.. و لا كي راح ترجعي مشهورة راح تنسينا" تقلبو ملامحها للحزن و تحجرو دموع فعينيها و قالت "حتى نتا شفتو؟ " عقد حواجبو مستغرب و قال " واش كاين.. أجي نقعدو و خبريني " تقدمت معاه لطابلة تماك و قعدت تكات على يدها و هو قال "استغربت أنك رجعتي وافقتي فيما كنتي رافضة" طرطقت تبكي وقتها و قالت بصوت باكي مضيق من الغصة لي محسورة فحلقها و مالقاتش شكون تحكيلو و تفرغلو همها
"أنا ماوافقتش.. الح. قير استغلني.. مانيش عارفة كيفاه عملوها مي نوموني و صوروني.. و بعثلي دراهم و وقعوني على ورقة باه ما نقدرش حتى نرفع قضية"
" وااش.. واااو ما توقعتش كامل يكون بهاد الوقا.. حة.. و واش راح تعملي درك "
"وليد تكفل بالقضية.. ماهوش من النوع لي يخبرني واش راه يعمل بصح ني حاسة بلي راه يحل فيها.. هو محامي معروف هنا.. حتى ديڤ و يوثق فيه"
" نتمنى هاد شي.. صراحة نصدمت.. كي شفت صورتك توقعت بدلتي رايك.. ما توقعتش كامل يصرالك هاك "
"وصلت للسبيطار بسبب ضربة تعرضت ليها بسبابهم و سبتلي نزيف داخلي فجنبي و أنا تعاملت معاها باستهتار.. هاد الفترة فاتت كحلة وكان ما وليد و ديڤ كنت راح نقتل روحي أكيد.. بلا وقت ني كارهة روحي"
" علاه تكرهي روحك.. نتي ماليك أي ذنب "
"هاد الشي ما يغيرش الحقيقة.. خلاص بدل الموضوع.. جيت ندي كيك.. ديڤ تعرض لحادث و حبيت نديلو حاجة فيدي"
" سلامتو.. راهو بخير؟ "
" بخير الحمد لله.. عملي كيك على ذوقك هاد المرة " تبسم إيرين و قال " أوكي بصح قبل لازم نضيفك.. راكي في زمان ما جيتي " تبسمت تا هي بنظرة ممتنة.. أنو تلقا شخص يسمعلك مرات يكون هو الشي الوحيد لي تحتاجو باه تخفف ثقل الوجع لي فقلبك.
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Ficción Generalفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
