ميرا كانت قاعدة تخدم فبيسي وقت جات مديرتها فالمكتب و قالت ليها " سكرتيرة المدير راهي حاباتك تروحي عندها " خزرت ليها و قالت " صح.. راني رايحة "
وقفت ميرا و راحت طالعة ليها حتى تلاقات ديڤ تماك خزرت ليه مستغربة و قالت " دييڤ.. واش راك تعمل هنا " تخلع ديڤ كي شافها و قالها " نتي مازالكي تاعبة علاه جيتي.. منيتك جيتي تخدمي "
" ما تبالغش.. جرح صغير.. أنا عندي بروبلام فالتختر دا ماكان.. بصح واش راك تعمل هنا"
" آااه.. والو برك كنتونسقسي إذا كاين منصب تاع خدمة صديق ليا حوس على خدمة و قلت ممكن الشركة هنا يوضفوه يلا مازابهم محتاجين موضفين.. سعا ما لقيتش "
" آااه صحا.. الظاهر راك تخدم عامل توظيف "
" ههههههه.. نحب نساعد برك.. نشوفك من بعد " تبسم معاها و شرلها باي و راح. ميرا كملت طريقها لفوق لقات السكرتيرة فبيروها و حداها قاعد نيكولاس . تبسمت ميرا و تقدمت ليهم و قالت "صباح الخير.. حتاجيتيني فشي حاجة؟ "
" تفضلي ميرا.. نيكولاس حاب يطلب منك حاجة " قعدت ميرا تماك و نيكولاس تبسم و قال ليها "
" عيونك خرجو شابين فالصور.. شركة الماركة فرحو بيهم بزاف "
ميرا" يسلمك.. كانت فرصة شابة "
نيكولاس" عندي ليك فرصة ثانية.. بصح أجرأ شوي "
ميرا " هههههه الجرأة تاعي كامل استعملتها باه جيت لهنا.. ما عندي وين نتجرأ كثر "
نيكولاس " خمي فيها شوي.. المبلغ راح يخليك غنية "
ميرا " علاه واش حابين مني "
نيكولاس " عندي Concept حاب نصوره و نتي راح تكوني فيه "
ميرا " واش قصدك.. المواضيع لي تخص مجالكم ما نفهمش فيها.. شغلي كلو فالحسابات "
نيكولاس " الكونسبت هادا يكون فيه صور توصل مفهوم معين و تكون دور فنفس الموضوع "
ميرا " آاا خلاص بديت نفهم.. بصح واش هو الكونسبت تاعك "
نيكولاس " الإنتماء للشخص الآخر " خزرت ليه ميرا بنظرة مافاهمة والو و هو كمل " راح يكون عبارة عن صورة تبين كيف الشخص يكون ليه شخص آخر كأنو الموطن لي ينتمي ليه "
ميرا " آااا.. من هدرتك فهمت انو راح يكون فيها شي على الحب.. و عارض راجل معاي.. آسفة.. ماش مواضيعي هادي.. نتمنى تلقا عارضة ثانية تناسب الكونسبت كتر "
نيكولاس " الفكرة لي راهي فراسي نتي تناسبيها كتر شخص " توقف ميرا و تتبسم معاه و تقوله " صدقني هاد مجال العروض مااشي فراسي كامل.. سمحلي مي مانقدرش."
بقاتهم بخير و راحت و نيكولاس تكي على البيرو بيده و قال للسكرتيرة
نيكولاس" علاه ضيع فرصة كيف هادي؟ "
السكرتيرة " هي أجنبية و ثقافتهم مختلفة على ثقافتنا.. يمكن هاد شي ما يناسبهاش ". طلق نيكولاس تنهيدة أسف و شاف ناحيت ميرا لي بعدت عليهم.
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Fiction généraleفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
