ديڤ ماد روحه و مغمض عينيه يستغل وجع جسمه وقتها قال سيرجيو لي كان يراقب مع طاقة " هادي هي زوجتو تاع وليد لي قلت أنك تعرفت بيها "
ديڤ " إييه... بصح ماش زواج حقيقي "
سيرجيو" مهما كان.. تبقا مراته.. يعني هادي لي تورطت مع نيكولاس.. تبان ما تستاهلش.. و هو درك كيش تتعامل معاه؟ "
ديڤ " كل حاجة ليها وقتها.. درك خليني نريح من هاد الوجع "
سيرجيو " خلي الباقي عليا.. را نساعدك هاد المرة.. نتا ريح درك ".
ميرا دخلت للدار شربت دواها و قعدت على طرف الفراش و هي تخزر للعدم حاسة بشعور غريب.. ضيق فقلبها و قالت" واش هاد الإحساس.. حاجة ماهاش مريحتني.. يا ربي وين شفتو من قبل؟ "
وليد عشيا رجع و هو صارف دخل لقا ميرا قاعدة فالصالون تيلي قدامها بصح راسها فجيهة ثانية. حط صوالح فالكوزينة و هي تلفتت ليه و قامت من بلاصها وراحت تسدف صوالح معاه و قالت
" نيكولاس هاداك ما تقدرش تجمعني معاه " رفع عينيه ناحيتها من و قال " علاه واش حابة تشنشفيه كوما عملتي معاي "
" و الله ودي نقت. لو.. بصح حابة نعرف شكون لي صورني معاه" جمع يديه عند صدره و قالها" راه باين عارض كأي عارض.. علاه تحوسي تعرفيه.. عملو فيك شي حاجة "
" و لي عملوه قليل؟ .. بصح لي فراسك ماا صراش.. أنا راني نشوف منامات غريبة.. مانيش عارفة يلا غي وهم و لا صراو تاع صح"
" تاع واش؟ "
" حد رافدني على كتفو و يحكي من بعد يقوله (كان لازم تكونو حذرين) و بعدها يتخلط كلش... مانيش عارفة.. كل مرة نشوفو و هاد شي راه زاعجني.. و قلت نسقسيه مين داك شخص "
وليد يتكا على بوطاجي و يخزر لعينيها و يقول " و هاد شي فاش يفيدك " تخزر ليه ميرا بحيرة و تقول " ما نقدرش نحكيلك.. حاجة راها تنبش فراسي و حابة نعرفها " تجي رايحة و هو يزرب يحكم يدها و يقول " ماش أنا المحامي تاعك.. حكيلي يمكن يساعدنا "
" ماراحش يساعدك.. و زيد ماشي قلت كي يلغي العرض راح تلغى المحاكمة.. خبرني وقتها راح يمدلك الصور.. وقتها نقدرو نعرفو شكون هو ياك "
" مين قالك راح يلغي العرض و يمدلي الصور "
ميرا بصوت قلق "علاه.. ما تقولش ماحبش يمدهملك؟ .. كي شفتك هادي قلت أكيد قبل أنو يمدهملك" طلق وليد يدها و قال
" قلتي شفتيني هادي.. علاه شفتيني مديرونجي من قبل "
" قصدي فتعاملك معاي.. مهم يلا ما جمعتنيش بيه راح نشوف كيش نتلاقاه.. لازم نشنشفو كوما قلت باه يخبرني " راحت ميرا و هو يخزر ليها من بعد تلفت للصوالح و قال " غي عملت بروحها جات تساعدني.. أكيد فراسها شي.. لا تهورت و تزوجت بيا فخاطر تخرج هنا قادرة تعمل أي شي ثاني.. نشك فعقلها تاع وحدة فعمرها 25 سنة ". وقتها صونالو تيليفون لقاه جورج تبسم و رد عليه و قال ( جانب وليد فقط المسموع) " ألو«***» اهلين سي جورج واش خبارك «***» واش محتاج شي تسقسيني عليه " تقلبو ملامح وليد لي قال " غير الخير.. علاه حاب تتنازل على القضية.. هاك راح يسقط حقك.. و احتمال تثبت عليك التهمة و أنا ني مجهز كلش للمحاكمة و راح تكون لصالحك " بقا يحكي و هو يمثل حتى بوجهه من شدة ما مندمج مع دور المحامي المثابر، من بعد تبسم للحظة و رجع بملامح التمثيل و قال" لا هادا ماشي همي.. كل همي أنو القضية لي نحكمها نخدم فيها من قلبي و نربحها بأي ثمن «***» الدراهم ماش همي صدقني«***» أوكي عمل لي يريحك و راح تلقاني فأي وقت تحتاجني«***» أوكي نشوفك بخير «***» بسلامة " غلق الأبال و ضحك على جنب و قال " إيييه خلصة بلا خدمة.. هه.. صح فالدراهم حبيبنا..نكدب عليك الخدمة من القلب تفرحني "
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Ficção Geralفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
