وليد بعد ما حدد موقع المكالمة بمساعدة جايسن ركب سيارتو و راح للبار و لي تصدم كي لقاه نفسو لي كان يزورو من فترة طويلة و الشرطة دايرة بيه تقدم منهم و راح يدخل بصح الشرطة حبسوه
وليد " كاين بنت هنا كانت مخطوفة.. لازم نشوفها أنا المحامي المتكفل بيها"
الشرطي" قمنا بإخلاء المكان و الكل راهم فالسجن درك "
وليد" راني نقولك كانت مخطوفة و رابطها شخص إسمو ديڤ " تلفت الشرطي لصديقو من بعد قال ليه " الشخص لي راك تحوس عليه حتى هو راهو مفقود "
وليد " كيفاه مفقود.. اكيد هرب.. قبيل كلمني و كان يهددني باختطاف زوجتي و ديت وقت باه حددت موقع تاعه .. أكيد هرب بعدها مباشرة"
الشرطي " إذا عندك معلومات تفيدنا تقدر تجي معانا نستجوبوك "
وليد " أكيد أما قبل خبروني ماكانش بنت لحقت للمشفى؟ "
الشرطي " كامل لي لحقو للمشفى كانو رجال و البنات و الرجال لي. كانو هنا قدناهم للسجن لأنو هاد البار غير قانوني " يمسح وليد بقلق على راسو و يقول بالعامية " ماش مرة ثانية.. وين رحت يا الحيوان..ويييين "
سرجيو صحا صباح بعد ما طلع ضو الشمس عصر على عينيه و مسح بصباعيه عليهم من بعد تلفت ناحيت ميرا لقاها مازالها فاقدة وعيها. شاف فساعتو لقاها ثمنية و نص تاع صباح خرج من سيارتو و فتح صندوق السيارة سحب منه غطا و حقيبة إسعافات الخاصة بيه ورجع غطاها بيه و قاس حرارتها و ضغطها لي كان نازل تنهد بيأس و راح اتصل بواحد من رجالو طلب منو يجيب مصل مغذي و إبرة تخفض الضغط و رجع ركب فسيارتو من البرد
فالليل وليد كان فداره قاعد على لرض و راسه متكي بيه على الكانابي راسو يدي و يجيب.. كونو ماعارفش وينها ميرا و وينو ديڤ دا غير لي شافو البارح بعينيه خلاه ينهار كليا. وقتها وصلاته مكالمة من أخ ميرا كي شاف فالتيليفون عصر على عينيه بملامح عابسة و قاس تيليفون بعيد و مسح على وجهه بيديه و هو معلي راسه ما عارفش واش يعمل.. لأول مرة يحس بالعجز.. موضوع كيف هادا ماهش شاطر فيه.. ماهوش كوما سيرجيو و ديڤ لي عاشو نص حياتهم بين المافيا.
بعد فترة من وضع المصل لميرا استعادت وعيها سيرجيو كي راح يفقدها لقاها فاتحة عينيها و تشوف للعدم بصمت.
سيرجيو بقلق " ميرا راكي معاي.. كيفاه راكي حاسة روحك درك" ما تلقاش أي رد منها و بقات على نفس الوضع. عقد حواجبو و عدل قعدتها و هي انصاعت ليه دون أي مقاومة و لا حتى مساعدة و كأنها دمية ماش إنسان. لوح بيدو قدام عينيها و ما عملت أي ردة فعل
سيرجيو " ميرا.. إذا راكي تسمعيني ردي عليا.. و لا عملي أي حركة"
و لا حركة تنهد بأسى على حالها و ضرب على خدودها ضربات خفيفة تفيقها و لكن كل هاد شي ما نفعهاش.. بما انو عندو خبرة كبيرة فمجال الطب و لو أنو ماشي دارسو و لكن عرف أنها تعرضت لصدمة من شي لي عاشتو. تكى بظهرو على الكرسي بجنبها مغمض عينيه بيأس
سيرجيو " هادا شي لي ما توقعتوش.. ديڤ يا حق..ير.. واش استفاديت درك.. فالنهاية المج..رم الحقيقي مازالو عايش " رجع يحاول معاها بالاك تفيق و لكن بدون أي نتيجة ترجى.
مع منتصف الليل ريح قوي كسر الصمت المخيم على أجواء المكان فتح سيرجيو عينيه و هو يشوف للسما من زجاج النافذة للمروحية لي نازلة على مهل. شعور غريب تملك قلبو.. أكيد لأنو بعد عامين من الهروب راح يرجع لروسيا و للمافيا لي كان قلبو ماش بالقسوة اللازمة باه يستمر معاهم.. راح يرجع ليهم في خاطر ينتقم و أملو الوحيد أنو آدم يعفو عليه بما انو راح يسلملو ديڤ كرهينة. و السؤال المطروح مين هو آدم
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Genel Kurguفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
