ميرا وقتها دخلت و هي رافدة كابة و باين عليها تقيلة خزر ليها سيرجيو و قال بالروسية " حطيها هنا و رواحي ساعديني " خزرت ليه ميرا بلا ما تفهم منو حرف وقتها قاله ديڤ بالروسية " هادي ماهاش خدامة.. هي صديقة " تلفت ليه سيرجيو من بعد قال ديڤ "قال ليكي ساعديه"
ميرا " نتا ما تتكلمش بزاف.. شوف حالتك " تقدمت من الفراش حطت كابة تماك و سيرجيو قالها " ساعديني نقعدوه إحتمال يكون عندو نزيف داخلي "
" فحصتو من قبل ما عندوش اعراض نزف داخلي و لا كسور مضاعفة.. إحتمال يكون عنده كسر بسيط فيده بسك ماكانش قادر يحركها و نشك يكون عندو كسر بسيط فأضلاعه من الجنب.. لازمو سبيطار باه يعملوله جبيرة الموضوع ماهوش جروح صغيرة.. و لازم يعمل راديو و اشعة باه يتأكدو من سلامة راسو.. رغم لي ماباينش تعرض للضرب لراسو بصح الحذر واجب "خزرو ليها في زوج و ديڤ قال "كي شفتك تفحصي فيا قبيل حسيت بلي دي خدمة ماش تاع وحدة ما تفهمش "
ميرا " بسبب المرض تاعي حبيت نتعلم الإسعافات الأولية و هاني استفدت منها "
تقدمت ميرا من ديڤ باه تساعدو هي و سيرجيو ينحولو تريكوه و ميرا جبدت لوازم باه تعقم ليه الجروح وقتها سيرجيو فحص يد ديڤ و قال بالروسية "الكسر راهو هنا.. صبر شوي للوجع" فتح الكابة لي كان فيها معدات تاع جبيرة و خياطة ميرا شافت ليه بدا يخلط و هي قالت " راح تجبره هاك بلا ما تعرف وين.. " شدلها ديڤ على يدها و قال " ما تخافيش.. سيرجيو عارف واش راه يعمل " شافت لديڤ و قالت بالدارجة " إييه..إسمك سيرجيو .. متشرفين خونا.. مهم كي راك عارف شغلك ماعندي ما نقول " خزر ليها سيرجيو و هي رجعت تكمل شغلها. انتبهت وقتها ميرا بلي ديڤ عندو وشم فكتفو خزرت ليه و قالت " ما توقعتش عندك وشم فجسمك "
ديڤ و هو شاد ملامح وجهو و يحكي بصوت متوجع " واش الغريب فهاد شي " سيرجيو تلفت ليها و قال " ماشي حاجة غريبة.. حكمي هنا ساعديني " تلفتت ليه و تبسمت و حكمت يد ديف و هي تقول بالدارجة " نتوما كلش عندكم عادي.. بصح عنا لا.. عليها ستغربت.. دي أول مرة نشوف وشم قدامي نيشان " تلفت ليها سيرجيو و قال " واش قاعدة تحكي نتي " ميرا " والو.. ني نحكي مع روحي " خزى ليها بنظرة ريبة و رجع كمل شغلو. كي كملوله قعدت ميرا على الكرسي و حطت يدها على جنبها لي وجعها و قالت أنا نروح درك.. صباح ما شربتش دوايا.. عشية نجي نفقدك.. ديجا ني غي هنا عند وليد " تلفت ليها سيرجيو و ديڤ عقد حواجبه و قال ليها " راكي موجوعة.. لا يكون رجعلك النزف "
"لالا.. ماكانش نزف بصح الضربة ديك مازالها توجعني.. راني متبعة دوايا ما يصرا والو" وقفت و كملت " عشية نرجعلك.. ريح درك.. بسلامة "
ديڤ " بسلامة " سيرجيو شر ليها غي براسو و هو يحضي ليها. و هي راحت و هي تقول " نعم الاخلاق و الله "
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Ficción Generalفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
