༺༽Flashback༼༻
وليد بعد ما خرج من عند نيكولاس قعد فلوطوه على بعد حتى سمع صوت سيارات الشرطة لي جاو يعتقلو نيكولاس. نيكولاس كي فتح ليهم الباب عمل روحو مستغرب و قال" واش كاين "
" كاين بلاغ على المعرض تاعك و لازم تحضر معانا "
" على المعرض تاعي.. من وينتا يجو إبلاغات على المعارض تاعي.. حتى أنو مازال ما فتحش "
" تلحق للمركز و تفهم "
" صح صبر نبدل قشي ".
خرج نيكولاس بعدها و حكموه من دراعه وصلوه لسيارة الشرطة و وليد كان مقابل ليه متكي على لوطوه من بعيد و رفع يديه هاك 🤷🏻♂️ و رجع شرله لراسه و بمعنى خمم مليح" ضحك نيكولاس على جنب و ركب فاللوطو و وليد قال " راح نشوفو شكون يضحك فالتالي.. يا إما تستر كلش و لا راح نفضحك أنا " ركب لوطو و غادر البلاص.
༺༽back༼༻
نيكولاس كان خارج من المركز مع المحامي تاعه و وليد كان واقف عند المركز مع ديڤ لي أصر أنو يروح معاه. خزر نيكولاس ليهم و قال " وااش.. جايين تباركولي لي خرجت.. واش يا زوج الآنسة ميرا.. مازالك مصر تعاندني.. إذا محتاج دراهم كتر راح ندفعلك.. ما علاباليش علاه مكبر الموضوع لهاد الدرجة.. كلها شوي تصاور " وليد خزر ليه خير الله و قال " آخر كلام عندك هادا.. ماحابش تخمم و لا واش.. عندي شي لي يقدر يحطم حياتك و شهرتك كلها فلحظة "
" واش هو هاد شي هههههه "
" ماراحش يرجع مفاجأة.. وقلتلك سقسي عليا.. محاميك هاداك وقف مواجهني شحال من مرة فالمحكمة.. سقسيه إذا تغلب عليا من قبل " تقلب وجه نيكولاس و وليد كمل " صدقني الندامة وقتها ما تنفعكش "
شاف ديڤ فنيكولاس بنظرة غل و تبسيمة خفيفة على وجهو و نيكولاس راح بلا أي كلمة وقتها قال ديڤ " النهاية كيف ماكانت ماراحش تعجبك نيكولاس.. غادي تخسر صدقني " ركب نيكولاس اللوطو و وليد يشوف فيه بهدوء و رجع شاف فديڤ و قال ليه "واش.. حاب تتباصا معاه.. خليه ليا.. بالقانون و نجره"
" ولييد.. ميرا صديقتي و تعرفني لي يمس شخص نحبو ندمو على اليوم لي خلق فيه.. هاد المرة ماراحش نستعين بيك باه نسلك.. كونك هاني "
" ياخي ديڤ حاب ترجع رجل عصابة و لا واش "
" يمكن هههههههه.. تعرفني أنا مليح حتى نتعصب وقتها نولي ما نشوفش قدامي.. و كي نحقد على حد ما يهناليش بال حتى نرجع حقي منو.. و هادا لي راح نعملو.. خود حقك بطريقتك و انا ناخدو بطريقتي " راح ديڤ و وليد تبعو بعينيه مرتاب من تصرف ديڤ.. هو كان محامي ديڤ في مرة من المرات و هو لي خرجه من القضية كيف الشعرة من العجين رغم لي كان شاف الوحش لي كان فقلب ديڤ و لي ما يبانش أصلا فوجهه الطيب. وحش تكون عن طريق تراكمات ترسبت و كونت جبل كبير و لي حد ما يعرفها غير ديڤ و سيلينا.
أنت تقرأ
⚜️ أولــــــــم نـتـفـــــق؟! ⚜️ الجـزء 𝟏
Ficção Geralفتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
