لا جت نَغمة العود في ليلة القَمرآ

البارت الثاني

تكلمت ديم؛ يضحكون عليك يالبزر مافي احد يسال كذا
ضربتها نغم؛ اسكتي يالقاصر
مسكت يدها ريما و تكلمت بحماس؛ ماك ! ، و انتي وش بلشرك
ابتسمت نغم و قالت؛ ديور
ضحكت الين و قالت؛ طنجره و لقت غطاها
ضحكت نور؛ نضحك عشانها توها تسالنا اذا عادي تسالك عن البلشر او لا
تكلمت علا؛ نغم عادي اسالوها اي شي و فكوا الميانه معها على طول و تكلموا عن اي موضوع و بتشبك معكم على طول
غمزت نغم لهم؛ بتاع كلو اللي بدكم اياه
ضحكوا كلهم و راحوا يجلسون و يسولفون
جتهم ريم و هي تسلم و شهد وراها سجى و التوام ، سحبتهم معها لانهم كانوا قاعدين لحالهم ، هذي هي شخصيه ريم ما تحب تشوف احد لحاله و تحاول انها تعطي الكل على جوهم
ريم؛ اهلا
ابتسمت نور؛ يا هلا ، ريم صح و اللي وراك شهد
جلست ريم؛ اي صح
ضحكت الين و هي تقول؛ اخت القاصر
ضحكت ريم و لفت لنغم؛ و انتي ما امداك نشرتي اللقب
طيرت نغم عيونها و لفت لديم؛ اقول بس حدكم على القاصر حقتي
ضحكوا كلهم على وجهه ديم اللي ناظرتها بتقزز ، شهقت نغم؛ الشرهه علي اني ادافع عنك
سكتتهم ريم و سالت عهد و وعد؛ توام صح ؟
جاوبتها عهد بابتسامه؛ اي توام
ضحكت ديم؛ شكلهم متفقين يجيبون نفس العيال ، عندنا توام بعد بس عيال "لؤي و ليث" اخوان علا
نطت ضحى و قالت؛ الله خلهم يتزوجون وعد و عهد...بس عهد متزوجه...اجل خلاص وعد تتزوج واحد منهم
طالعوا كلهم لها بسكوت بعدين انفجروا ضحك على كلام ضحى و استغربت ضحى من ضحكهم عليها بس في الاخير ضحكت معهم...مروا فاطمه و منيره و معهم فرح و شافوهم يضحكون و ابتسموا من شافوهم ، تكلمت فاطمه و لفت لفرح؛ ليش يمه فرح ما رحتي لهم
ابتسمت فرح بضيق؛ القعده معكم احلى
ابتسمت فاطمه و منيره و قالوا لها تناديهم للعشاء
ضحكت نغم و لفت لعهد؛ متزوجه ؟
هزت راسها باي؛ ولد عمي
ضيقت عيونها نغم؛ وقلبوس
ضربت راسها ريم؛ اعدلي حكيك
جتهم فرح و فيها ضيقه من منظرهم ، حست بغيره من انها تشوف بنات اخوانها يسولفون معهم و هي فيها غيره العالم كلها تغار على الكل حتى على امها و زوجات اخوانها فما بالكم ببنات اخوانها الاقرب لقلبها ، ما تدري ليه ما تقبلتهم ، جت و نطقت؛ يلا بنات العشاء
مشوا كلهم للغرفه الطعام عشان يتعشون
~
{عند الرجال}
كان بدر واقف مع اياد و ماجد و انس ، جاهم رائد و علامات الخوف عليه و نطق بسرعه؛ جدي جته مخالفه بقيمه 700 ريال ، من اللي سواها
توسعت عيونهم كلهم و جاهم امجد و سعد اللي كان سعد يهزء امجد؛ ثور انت ما تعقل و الحين وش بنسوي فيها
نطق انس بقله حيله؛ و عرفنا من اللي سواها ، ممكن تعلمنا السبب
نطق امجد؛ تعرفون رعد ولد سعود ، كان راكب دباب و انا بالغلط سكرت عليه و نزل من الدباب معصب و جا يبي يضارب و تضاربنا شويتين و جانا المرور و من زود العصبيه رفعنا صوتنا عليه و عصب و عطانا المخالفه...
في نص كلامه شافوا هتان يمشي لهم و هو ماسك رعد بطرف كمه و وراهم ليث و لؤي ، جا عندهم هتان و طالع فيهم سكت شوي و بعدها تنهد؛ سلام ، العذر و السموحه على هذي البدايه من فيكم امجد ابيه بكلمه راس
اشروا كلهم على امجد و ناظره هتان من فوق لتحت و ميل شفايفه؛ مالت علي و على حظي لا عيال عم و لا عيال خال
تكلم رعد و هو يحاول يفك من هتان؛ هو اللي بدا شدخلني انا
مسكه هتان بقوه؛ انطم ، كلكم مقرودين لا انت و لا هو
ضحكوا رائد و ماجد على عصبيه هتان اللي مسك امجد و راح يبي يطلعهم عشان الرجال ما يشوفونهم و هو ماشي شاف فايز يركض لهم؛ مافيه مفر ، الرجال عرفوا و يدورونكم
بردت ملامح رعد و امجد و نطق فايز؛ روحوا لبدر خلوه يكلم ساره بتسمع له لانها تحبه
ركضوا لبدر و جا امجد بيتكلم؛ تكفى يا ولد العم...
قاطعه بدر؛ لا ، تحملوا فعايلكم
عصب رعد و سحب امجد من ثوبه؛ شفت شسويت فينا
فكه امجد بقوه؛ اقول تراك انت اللي رفعت صوتك على العسكري
جا بيرد عليه رعد بس مسكه هتان؛ انثبر تبي تسوي لنا مشكله جديده
ضحك فايز اللي كان مبسوط بالموضع؛ انا اقول تسلمون نفسكم احسن و تشوفون وش بيصير
لفوا من سمعوا صوت محمد؛ امجد ابوي يبيك
بردت ملامح امجد و رفع طرف ثوبه؛ لاتكفون
سحبه رعد و هم يمشون؛ امش بس
دخلوا كلهم للمجلس حق الطعام و شافوا محمد و احمد يناظرون امجد و رعد بحده و تكلمت ساره اللي حبت تتعشى معهم؛ بس بس قلنا لكم سامحوهم هالمره
تنهد محمد؛ اي بس هالمره يا يمه و هم كل ما سوو مصيبه راحوا لبدر عشانهم يعرفون مكانته عندك
ضحك احمد و هو يطالع بدر؛ انتوا عندكم هالبدر و احنا عندنا نغم
ابتسم بدر لاحمد و جلس مكانه ، ضحكت ساره؛ ولد حصه و بنت منى على العين و الراس
زم هتان شفايفه؛ و ولد منى ماله شي
تكلم ليث؛ اي ماله شيء
ضحكوا كلهم على رده فعل هتان