THE ABYS WHERE I BELONG

PAIN (Season one, finale)

Tulad ng ipinasya, pagkatapos kumain ay humanda sila sa muling paglalakbay. Pinili ni Veronica ang lumakad upang kahit papano ay bumaba at matunaw ang kanilang kinain. Kaya lang, hindi pa man sila nakakalayo mula sa pwestong kanilang inabandona, isang tinig ng babae ang kanyang narinig na sinundan ng boses na literal na nagpakabog ng kanyang dibdib.

"Yohan, hindi mo naman kailangan na samahan pa ako. Pwedeng si Jevro na lang pinasama mo sa akin."

Napalingon si Veronica sa nag-salita. Ilang metro ang layo mula sa kanilang pwesto. Si Rowel at ang mga kasama niya ay napahinto at napalingon rin.

"Forget Jevro. At tsaka, kahit pa si Jevro ang sumama sayo, mahihirapan siyang dalhin ka sa labas ng barrier dahil ako ang may control. At isa pa, bakit ba kasi kailangan mo pang lumabas? Sinabi ko naman sayo na pwede kang manirahan sa Palasyo. Hindi mo na kailangang pumunta pa sa kaharian ng mga Huluwa dito sa Terra crevasse."

Boses yun ni Yohan, hindi pwedeng magkamali si Veronica. At para makasigurado, mabilis ang mga hakbang na tinahak niya pabalik ang pwesto nila kanina. She was right, Yohan is currently outside of the barrier. Iniwan ng binata ng kaharian para lang samahan ang babaeng kasama nito ngayon. Ang mas hindi niya maintindihan, ay kung bakit parang pamilyar sa kanya ang boses ng babae. Nakatalikod ito sa kanya kaya hindi niya mamukhaan kung sino. Pero kung babasehan niya ang narinig sa takbo ng pag-uusap ng dalawa, the girl is a Huluwa.

Pero diba galit si Yohan sa mga Huluwa? Bakit niya isinakripisyo ang tungkulin sa palasyo para lang sa babaeng kaharap nito ngayon? And....

"Paola?!" Narinig niyang bulalas ni Rowel sa kanyang likuran.

Dahil dun, ang babaeng nakarinig sa binigkas ni Rowel ay mabilis na napa-lingon. Nakalimutan ni Veronica ang sakit sa kanyang dibdib. Nakaramdam siya ng tuwa at masayang humakbang palapit sa pwesto nila Yohan at Paola na parehas pang nagulat.

"Paola!!" Masayang tawag ni Veronica sa pangalan ng kaibigan. Kasunod niya si Rowel na tumatakbo rin.

Subalit ang saya nilang dalawa ay napalitan ng pagkagulat ng bigla nilang lumutang ang espada ni Yohan at itinutok yun sa kanya. Nakita din niyang mahigpit na kumapit sa braso ni Yohan si Paola at sumiksik sa tagiliran ng binatang hari. Anong nangyayari? Yan ang tanong ni Veronica sa kanyang isip.

Kumunot ang kanyang noo at seryosong tiningnan ang espada na naka-tutok parin sa kanyang leeg. Pagkatapos ay inilipat niya ang kanyang paningin kay Yohan bago kay Paola.

"Your Highness, anong ibig sabihin ng ginagawa mo?" Si Ravi ang mabilis na nakabawi at nagtanong.

Nakita ni Veronica nang kabigin ni Yohan si Paola na para bang itinatago nito ito sa kanya. Sa ganitong klaseng aksyon, malinaw pa sa mineral water ang ibig sabihin. Yohan is protecting Paola against her. Pero bakit?

"Bakit hindi mo tanungin si Veronica kung anong ibig sabihin ng ginagawa ko? Hindi ba at kaibigan ninyo si Paola? Then why did they do it to her?!" Malakas at puno ng galit ang tinig ni Yohan.

Bawat bigkas nito ng salita ay parang punyal na sumasaksak sa puso ni Veronica. Paanong nangyari ang ngayon? Noong una silang magkita ni Yohan, halos patayin narin siya ng binata. Naintindihan niya iyon dahil nalaman niyang galit nga ang binata sa mga Huluwa. Pero ngayon, sa kabila ng ginawa niya, sa kabila ng pagpapatunay na hindi siya masamang tao. Sa kabila ng magandang bagay na ginawa niya sa lalake, at sa kabila ng pagtulong niya dito upang makasama nitong muli ang mga magulang. This man, dared to point his sword to her neck?! At iyon ay dahil sa isang Huluwa?! Akala niya ba galit si Yohan sa mga Huluwa?

"Suzerain, I understand why is he acting like that towards you." Si Agartha ang nagsalita sa gilid niya.

Si Rowel ay hindi nakakibo dahil gulat parin sa nangyayari.