" အမာရာ ရေ နင်အထဲကိုသွားသင့်ပြီထင်တယ်နော်.. ရှစ်နာရီထိုးတော့မယ်"
"ငါလဲကျောင်းသွားရဦးမယ် ... ကျောင်းချိန်နီးနေပြီ "
" အေးပါဟယ် ငါလဲ၀န်ထမ်းတွေလိုက်နာရမယ့် အချက်ခြောက်ချက်ကို ကျက်နေဦးမိုလို့ပါ... ပြီးရင်သွားတော့မှာပါ"
" အေးအမာရာ အဲ့တာဆို ငါကျောင်းသွားတော့မယ်နော် အမာရာ"
" အေးပါ"
အမာရာသည် taxi ကားထဲသို့၀င်သွားသော ချစ်မင်းသူကို နှုတ်ဆက်ပြီးသည်နှင့် မျော်လင့်ချက်သက်ပြင်းရှည်ကြီးချလိုက်သည်။
*******************
အင်တာဗျူးရန်စောင့်နေကြသော လူတန်းရှည်ကြီးနောက်တွင် အမာရာ သည် ရသမျှဘုရားစာများရွတ်နေမိသည်။
အင်တာဗျူးအခန်းထဲ၀င်သွားသော သူများပြောသလောက်ကတော့ မေးသည့်မေးခွန်းတွေက လွယ်လွယ်လေးတွေဟု သိရသဖြင့် အမာရာ အနည်းငယ် စိတ်ချမ်းသာ မိသည်။
" အမာရာ ဆိုတာဘယ်သူလဲရှင့်"
အမာရာ သူမနာမည်ကိုခေါ်သံကြားလိုက်၍ အမြန်လက်ထောင်လိုက်ကာ
" ကျွန်မပါရှင့် အမာရာ ဆိုတာ"
" ဟုတ် အင်တာဗျူးဖြေဖို့အလှည့်ရောက်ပါပြီ"
အမာရာ သည် သူမအလှည့်ရောက်ပြီဟုသိရသောအခါ စိတ်လှုပ်ရှားလွန်း၍ လက်ဖျားများအေးစက်နေမိသည်။
အမာရာ အခန်းထဲရောက်သောအခါ
အခန်းထဲတွင် သူမထိုင်ရန် ထိုင်ခုံတစ်လုံး
နှင့် တာ၀န်ရှိလူကြီးများဖြစ်ဟန်ရှိသော
အမျိုးသမီးနှစ်ယောက်နှင့် အမျိုးသားသုံးယောက်ကိုတွေ့လိုက်ရလေသည်။
ထိုအထဲမှ အသက်အနည်းငယ်ကြီးသော အန်တီကြီးတစ်ယောက်သည်
" သမီး အဲ့ထိုင်ခုံမှာ ထိုင်လိုက်ပါ..
ပြီးတော့နာမည်လေး မိတ်ဆက်ပေးပါဦး"
အမာရာကြောက်ကြောက်ဖြင့် ထိုထိုင်ခုံမှာထိုင်လိုက်ကာ
" မဂ်လာပါရှင့် ... ကျွန်မနာမည်ကတော့ အမာရာ ပါရှင့် "
အမာရာ ကိုယ့်ကိုကိုယ်မိတ်ဆက်လိုက်သော အခါတွင် အခန်းထဲမှ လူအချို့ လှုပ်လှုပ်ရှားရှား ဖြစ်ကုန်ကြသည်။
YOU ARE READING
❣️my girl ❣️
Roman d'amour"မ"က အမာရာ့ဘ၀မှာ ပထမဦးဆုံးအချစ်နဲ့အချစ်ဆုံးသူပါ..... အမာရာ "မ"ဆီကခွင့်လွတ်မှုကိုရဖို့ဆိုရင်လေ..."မ" အိမ်မှာကျွန်ပဲလာခံရ... အမာရာလုပ်မှာပါ..."
