နတ်နဂါးစစ်သည်
အပိုင်း ၅၇
( ကြိုတင်ပြင်ဆင်ခြင်း )
ရှုချန်း " ငါက ငမွဲတယောက်နော်... "
ရှန်ယောင် အသာ ပြုံးလိုက်ကာ " ရတယ်... "
ရှုချန်း " ငါ့မှာ အာဏာ မရှိဘူး... "
ရှန်ယောင် " ကျွန်မ အဖေဆီက အာဏာ ရှင့်ကို ပေးမယ်... "
ရှုချန်းက " ငါက သိပ်မချောဘူးလေ... "
ရှန်ယောင် " ရတယ်... ရှင် ကျွန်မကို စိတ်ချမ်းသာအောင် ထားရင် ရပြီ... "
ရှုချန်း " ငါက နင့်ကို ရုပ်ဝတ္ထု ပစ္စည်းတွေ ဖြည့်ဆည်းပေးနိုင်မှာ မဟုတ်ဘူး... "
ရှန်ယောင် " ရတယ်... "
ရှုချန်း သက်ပြင်းချမိသည်။
" နင်က အကုန် လက်ခံနေတာပဲ... လှည့်စားမှု တခုလို့ ခံစားနေမိတယ်... ငါ စဉ်းစားပါရစေဦး... "
ထို့နောက် ရှုချန်း ထွက်ခွာရန် ဟန်ပြင်လိုက်သည်။
ရှန်ယောင် က စိုက်ကြည့်ကာ " ရှုချန်း... ရှင် လူမိုက်ပဲ... သေဖို့လမ်းကိုပဲ ရွေးနေတယ်... "
သူမ၏ သရုပ်ဆောင်မှု မအောင်မြင်၍ အဓိက ရည်ရွယ်ချက် ဖြစ်သော ရှုချန်း ထိုးသတ်ပွဲသို့ မသွားရန်ကိုသာ ပေါ်တင် ပြောလိုက်၏။
ရှုချန်းသည် သူတို့ နှစ်ဦးကို ပြုံးပြကာ...
" နင်တို့လည်း သွားကြည့်မှာမလား... "
ရှန်ယောင် က...
" ဟုတ်တယ်... သွားမှာ... vip ခုံတောင် ဝယ်ထားပြီးပြီ... မြောက်ပိုင်းတံခါးဝ ခေါင်းဆောင် ဘက်က လောင်းကြေးထပ်မယ်... ဂိုဏ်းခေါင်းဆောင် နိုင်ရင် လောင်းကြေး ၁.၂ ဆ ရမယ်... ရှင်နိုင်ရင်တော့ ၁၂ ဆ ရမယ်... "
" ဘာ... "
ရှုချန်း မျက်လုံးများ ပြူးကျယ်သွားသည်။
ယန်ကျင်းက ...
" မြောက်ပိုင်းတံခါးဝ ခေါင်းဆောင်ဆိုတာ အချိန်တခါက နာမည်ကြီး လူမိုက်ခေါင်းဆောင်... အခုဆို အသက် ၅၀ လောက် ရှိပြီ... ဒါပေမဲ့ အခုအချိန်အထိ လေ့ကျင့်နေတုန်းပဲ... သူ့ကို ဆရာသခင်ဘွဲ့ ပေးထားတာ အလကား မဟုတ်ဘူး... မြောက်ပိုင်းတံခါးဝ တဂိုဏ်းလုံးကလည်း နင့်ကို မုန်းနေကြတာ... ဒါကြောင့် နင့်ဘက်ကနေ ဘယ်သူမှ မလောင်းလောက်ဘူး... "
YOU ARE READING
နတ်နဂါးစစ်သည်
Fantasíaနတ်နဂါးစစ်သည် (Chapter - 1274 ( completed ) ဘာသာပြန်စာရေးဆရာ - တင်အောင်ခိုင် ဗြိတိန်တွင် SIS ၊ US တွင် CIA ရှိသလို ဟွာရှတွင် ဆန်းကြယ်သည်ဟု လူသိများသည့် နဂါးတပ်ဖွဲ့ တစ်ခု ရှိပေသည်။ ယခင်က အရွေးမခံခဲ့ရသော စစ်သည်တစ်ဦးသည် နဂါးတပ်ဖွဲ့၏ စာရင်းတွေ နောက်တဖန...
