နတ်နဂါးစစ်သည်
အခန်း ၁၆၀
( ဟာကွက် အပြည့်နှင့် )
ရှုချန်းက ပြုံးလိုက်ပြီး...
" သံအမတ်ကြီး... ကျုပ်တို့က စုံစမ်းစစ်ဆေးရုံပါ တရားစွဲနေတာ မဟုတ်သေးပါဘူး... ဘာပြဿနာမှ ရှာမတွေ့ရင် ကျုပ်တို့ လုပ်ရပ်အတွက် တာဝန်ယူမယ်... ဒါပေမဲ့ အခုတော့ ကျုပ်တို့ စစ်ဆေးရလိမ့်မယ်... လုပ်ထုံးလုပ်နည်းတွေကို သံအမတ်ကြီး နားလည်သင့်တယ်လို့ ထင်တယ်... "
" ခင်ဗျား ကျုပ်ကို သင်ပေးစရာ မလိုဘူး... ကျုပ်ရောက်လာတာက ခင်ဗျားက ရဲအင်အား အများကြီး သုံးပြီး အဆောက်အဦး တစ်ခုလုံးကို ဝန်းရံထားလို့ပဲ... ခင်ဗျားတို့က လာစစ်ဆေးတာနဲ့ မတူပဲ လူတွေကို ဖမ်းခေါ်သွားတဲ့ ပုံမျိုး ဖြစ်နေတယ်... ကျုပ်သာ ရောက်မလာရင် ကျုပ် လူတွေကို ဖမ်းခေါ်သွားပြီး နှိပ်စက်ပြီး အပြစ်ရှိသလို အတင်းအကြပ် ဝန်ခံခိုင်းမှာမလား... "
ရှုချန်းက မျက်မှောင်ကြုံ့၍...
" ခင်များတို့ ဝေ့နိုင်ငံရဲ့ စီးပွားရေး မဟာမိတ်အဖွဲ့ ဒုတိယ ဥက္ကဌ ခန်းရီ ကို ကျုပ်ဖမ်းထားတယ်... သူ့ကို လွှတ်ပေးစေချင်တာလား... သူ့ကို အကြောင်းမဲ့ ဖမ်းတယ်လို့ ထင်နေတာလား... "
ခန်းရီ မှာ အခင်းဖြစ်ပွားရာတွင် ရှိနေခြင်းကြောင့် သံအမတ်လည်း မည်သို့ အကြောင်းပြချက် ပေးရမှန်း မသိ ဖြစ်သွား၏။ ရှုချန်းကိုသာ စိုက်ကြည့်နေလိုက်၏။
ဒီကောင်က ချက်ကျလက်ကျ ပြန် တုံ့ပြန်တဲ့နေရာမှာ အတော် အားကောင်းတာပဲ...။
သံအမတ် ပြောစရာ စကားရှာမရ၍ နှုတ်ဆိတ်သွားသည်ကို မြင်လိုက်သောအခါ ရှုချန်းက...
" သဲလွန်စတွေ အရဆို ငွေမည်းတွေက ဒီနေရာက ထွက်လာတဲ့ အတွက်ကြောင့် လာစစ်ဆေးတာပါ... ဒီလို လာစစ်ဆေးလို့ ပြဿနာ တစ်ခုခု ရှိလား... သံအမတ်ကြီး နာမည် ဂုဏ်သတင်း၊ သိက္ခာအရဆို ဒီနေရာမှာ ရှိမနေသင့်ဘူး... ဘာလဲ... မှောင်ခိုဘဏ် နောက်ကွယ်မှာ နိုင်ငံ တစ်ခုလုံး ရှိနေတာလား... "
" ခင်ဗျား ရမ်းသမ်း မစွပ်စွဲနဲ့... ခင်ဗျား ပြောနေတဲ့ စကား ဘယ်အထိ ရောက်နေပြီဆိုတာရော သိရဲ့လား... "
YOU ARE READING
နတ်နဂါးစစ်သည်
Fantasyနတ်နဂါးစစ်သည် (Chapter - 1274 ( completed ) ဘာသာပြန်စာရေးဆရာ - တင်အောင်ခိုင် ဗြိတိန်တွင် SIS ၊ US တွင် CIA ရှိသလို ဟွာရှတွင် ဆန်းကြယ်သည်ဟု လူသိများသည့် နဂါးတပ်ဖွဲ့ တစ်ခု ရှိပေသည်။ ယခင်က အရွေးမခံခဲ့ရသော စစ်သည်တစ်ဦးသည် နဂါးတပ်ဖွဲ့၏ စာရင်းတွေ နောက်တဖန...
