နတ်နဂါးစစ်သည်
အခန်း ၁၂၈
( တစ်ယောက်ယောက်ကတော့ အရှုပ်ထုတ်တွေထဲ ဝင်ပါချင်နေတာပဲ… )
အိမျ၌…
တစ်နေ့တာလုံး အပြန်ပြန် အလှန်လှန် တွေးတော စဉ်းစားပြီး နောက်ဆုံးတွင်တော့ လင်ချူရွယ်က ...
“ အဖေ… အမေ… သမီး ဆုံးဖြတ်ပြီးပြီ… “
“ ကောင်းတာပေါ့… ဟွာရှမှာ အဖေတို့ ကြာကြာ မနေသင့်ဘူး… မြန်မြန်ပြန်တာ ကောင်းတယ်… သမီး ဆုံးဖြတ်ပြီးပြီ ဆိုတော့ ပြန်ဖို့ လေယာဉ်လက်မှတ် ဝယ်ထားလိုက်တော့မယ်နော်… “ လင်ကွေ့ရန်က ပြောပြောဆိုဆိုဖြင့် လင်လဲ့ဘက် လှည့်ကာ ဆက်ပြောသည်။
“ မနက်ဖြန် ညနေ အတွက် လေယာဉ်လက်မှတ် လေးစောင် ဖြတ်ထားလိုက်… ညဘက် ပြန်ရင်က ခရီးပန်း သက်သာလိမ့်မယ်… “
“ လက်မှတ် လေးစောင် ဖြတ်ဖို့ မလိုပါဘူး… သမီး မပြန်ဘူး… “
လင်ကွေ့ရန်တို့ လင်မယား ထိတ်လန့်တကြားဖြင့် လင်ချူရွယ်အား ကြည့်လိုက်ကြသည်။
“ ကျန်ခဲ့မလို့လား သမီး… “
လင်ချူရွယ် ခေါင်းညိတ်၏။
“ ဟုတ်ကဲ့… “
“ ဒီမှာနေတာ အရမ်း…. “
လင်ကွေ့ရန် စကား မဆုံးမီမှာပင် လင်ချူရွယ်က “ သမီး သူ့ကြောင့် နေခဲ့မှာ မဟုတ်ဘူး… သမီးအလုပ်က ဒီမှာလေ… မပြောမဆို ရုတ်တရက် ပြန်သွားရင် ပရိသတ်တွေ အတွက် မတရားရာ ကျတယ်… အဖေ ရှယ်ယာဝင်ထားတဲ့ ဖျော်ဖြေရေး ကုမ္ပဏီရဲ့ ဝင်ငွေလည်း အတော် ကျသွားလိမ့်မယ်… အဖေ့ ရှယ်ယာတွေ တန်ဖိုး ထိုးကျသွားနိုင်တယ်… “
“ ဒီပိုက်ဆံလောက်လေးကို အဖေ ဂရုမစိုက်ဘူး… “
“ သမီး သိပါတယ်… ဒါပေမဲ့ အဖေ့ပိုက်ဆံတွေ ဆုံးရှုံးမယ့် ကိစ္စကို သမီး မလုပ်ချင်ဘူး… အခုချိန်မှာ ပြန်သွားရင် သုံးနှစ်ကျော်လောက် တည်ဆောက်ခဲ့ရတဲ့ သမီးရဲ့ ပုံရိပ်နဲ့ ပရိတ်သတ် အင်အားကို ဆုံးရှံးရလိမ့်မယ်… ဒါတွေကို အလဟသ မဖြုန်းတီးပစ်ချင်ဘူး… “
လင်ချူရွယ်အား လင်မိသားစုဝင် အားလုံး တိတ်ဆိတ်စွာ ငေးကြည့်နေကြသည်။
အချိန်အတော်ကြာမှ လင်ကွေ့ရန်က “ ရှုချန်းကြောင့် ဆက်နေမှာ မဟုတ်တာ သေချာရဲ့လား… “
“ အခုချိန်မှာ သမီးတို့က အိမ်ထောင်တခုကို ထူထောင်ပြီးနေပြီလေ… ဒါပေမဲ့ ထိခိုက်ရမယ့် အချိန်တခု ရောက်လာရင်တော့ ကွာရှင်းဖို့ စဉ်းစားမှာပါ… “
YOU ARE READING
နတ်နဂါးစစ်သည်
Fantasyနတ်နဂါးစစ်သည် (Chapter - 1274 ( completed ) ဘာသာပြန်စာရေးဆရာ - တင်အောင်ခိုင် ဗြိတိန်တွင် SIS ၊ US တွင် CIA ရှိသလို ဟွာရှတွင် ဆန်းကြယ်သည်ဟု လူသိများသည့် နဂါးတပ်ဖွဲ့ တစ်ခု ရှိပေသည်။ ယခင်က အရွေးမခံခဲ့ရသော စစ်သည်တစ်ဦးသည် နဂါးတပ်ဖွဲ့၏ စာရင်းတွေ နောက်တဖန...
