မိုးများအုံ့မှိုင်းနေသော တိမ်တိုက်များအကြားမှ ဝဲပျံလာသော စာကလေးဌက်လေးဟာ အထပ်မြင့်အဆောက်အအုံများကြားသို့အရောက်တွင် မျက်စိလည်လို့ သွားရှာသည်။ သူက အစာရှာထွက်လာသည့် ဌက်မငယ်လေးဖြစ်ပြီး မိုးခိုရန်နေရာလေးတစ်ခုရှာချင်ရုံရယ်ပါ။ သို့ပေမဲ့ ယနေ့ခေတ်ဟူးမန်းများရဲ့ အသိုက်ဟာ သိပ်ကြောက်ဖို့ကောင်းပြီး ထူးဆန်းသည့် ပုံရိပ်များကို ထုတ်လွှင့်သဖြင့် ဌက်မလေးမှာ လမ်းမတန်းရှိ စိုက်ထူထားလေ့ရှိသော ကြော်ငြာဆိုင်ဘုတ်အောက်တွင် သူမရဲ့အတောင်ပံများကို သိမ်းဆည်းလိုက်သည်။
(ထူးဆန်းသောပုံရိပ် = အဆောက်အအုံရဲ့မှန်ထဲက သူ့ပုံကိုပြောခြင်း)
" သခင်ကြီးပြောတာက ဒီတခေါက် ပရောဂျက်ကို သခင်လေး ကိုင်တွယ်သွားမယ်လို့ မထင်မိဘူးတဲ့၊ ဒါပေမဲ့ သခင်လေးကောင်းကောင်းလုပ်သွားတဲ့အတွက် တော်တော်သဘောကျနေတာတော့ အမှန်ပဲ "
လိမ္မာပါးနပ်သည့် အတွင်းရေးမှူး အယ်လ်ဖာလေးဟာ စာရွက်စာတမ်းများထပ်နေသည့် စားပွဲပေါ်တွင် နောက်ထပ်ဖိုင်အတွဲလိုက်ကို ထပ်ကာတင်ပေးလိုက်သည်။ ဖိုင်တွဲများ၏ ကြားမှ ခေါင်းထွက်ရုံသာမြင်ရသည့် သခင်လေးတစ်ပါးကတော့ ထိုဖိုင်များကို မြင်သည့် ပုံတောင်မပြဘဲ သူဖတ်လက်စ စာတမ်းတစ်ခုကို မှင်သေသေဆက်ဖတ်နေသည်။
" အင်း.. နောက်ထပ်ရော အဖေက ဘာပြောသေးလဲ "
သူ့အသံမှာ ကျေနပ်အားရခြင်းနှင့် ဝမ်းသာပျော်ရွှင်ခြင်း တစ်စိုးတစိတောင်မပါဘဲ တည်ငြိမ်သည့် စက်ရုပ်အလား မေးလိုက်သည်။
ထိုအခါ အတွင်းရေးမှူလေးဟာ သူ့သခင်လေးငယ်လေးရဲ့ ခေါင်းထဲက အတွေးများကို ရိပ်စားမိသလိုမျိုး မျက်လုံးထဲတွင် အလင်းလက်သွားသည်။
သူက အေအဆင့်အတွင်းရေးမှူးဖြစ်သည့်အတွက် ခံစားချက်များနှင့် ဖွင့်ဟချင်သည့် တောင်းတစိတ်များကို မျိုချပြီး အရေးကြီးသည့်အကြောင်းအရာကိုဆက်လိုက်သည်။
" အဲ့ဒါက သခင်လေးကို ကျောက်သွားကြည့်စေချင်နေတယ် "
ဒီတစ်ခါတော့ သခင်ငယ်လေးရဲ့ တည်ငြိမ်မှုက ပျက်ယွင်းသွားပြီး သူ့အကြည့်မှာ အံ့အားသင့်နေသည်။
YOU ARE READING
Beyond The Friendship(Completed)
Narrativa generaleမိသားစုရဲ့ အတိတ်ဆိုးတွေနဲ့ traumatized ဖြစ်ခဲ့တဲ့ ဈာန်မျိုးဆက် Dominant Alphaငယ်လေးနဲ့ တက်ကြွကာ ရည်းစားရှုပ်ပြီး အီစီကလီကျွမ်းကျင်လွန်းတဲ့ ဘီတာကိုကြီးတို့ တွေ့ဆုံချိန်... ထူးခြားတဲ့ အတိတ်တွေရဲ့သော့ချက်ကို ကလဲ့စားချေမဲ့ Alphaလေးက ဘီတာကိုကြီးနဲ့အတူ မ...
