(عشق الاسـر)
_الفصل العاشر_
ولمحت من عينيها ناري وحرقتي
قالت على قلبي هواها محرم
كانت حياتي فلمـا بانت بنأيها
صار الردى آه علي أرحـم
=====================
واقف فى مكان اشبه بالمناطق الجبلية، بيتلفت حواليه كأنه بيدور على حاجة قلبه بيدق بخوف شديد، حاسس بالتيه والضياع، حاسس لأول مرة بالعجز و بيشد شعره باختناق.
آسر باختناق: مالك يا آسر!! ليه مخنوق كده !! واقف هنا ليه وبتدور على ايه !! ما خلاص انت خسرت كل حاجة، عيونه دمعت بالم، امك، رودينا، وكمان ابوك، مين هنا مهم بتدور عليه!! ايوة انت ملكش حد مهم غيرهم، مين ممكن يخلى قلبي يوجعنى غيرهم!!
= مش يمكن همسة مهمة !!
آسر التفت على الصوت اللى اخترق ثنايا قلبه قبل مسمعه مهتمش باللى قالته، واتسعت عيونه بسعادة الدنيا لما شافها، شاف اللى بيعمل كل حاجه عشانها (عليا) مامته.
جرى عليها وحضنها بقوة بيتكلم ودموعه نازلة:
- وحشتيني اوى يا امى، ليه بعدتى وسبتينى للدنيا دى توجع فيا !! انا من يوم ما بعدتى مشوفتش يوم عدل، مشوفتش حاجة تفرحنى.
عليا ربتت على ضهره بحنان: وانت كمان وحشتني بس الظروف اجبرتنا نبعد يا حبيبي، ركز فى كل حاجه حواليك هتلاقى الفرحة كلها فى بيتك، هتلاقى سعادتك وونسك ونصك التانى..
آسر مكنش فاهمة بصلها بحزن: ممكن ترجعى، ساعتها اكيد هلاقى فرحتى بجد.
عليا بابتسامة صافية: مينفعش يا حبيبي، اسمع منى دلوقتي، ودور على فرحتك هتلاقيها حواليك، بس هى دلوقتي محتجالك اوى يا آسر..
آسر باستغراب: هى مين !!
قطع سؤاله صوتها المستنجد بيه، بتستغيث ومش بتنادى غير اسمه التفت بسرعة وكأن قلبه اتخطف، لقى همسة قاعدة جوة كهف مخرجه ضيق جداً، عايزة تخرج بس كل مادا الصخر بيسد المخرج ده، آسر التفت على والدته لقاها مش موجودة، فهــم دلوقتي هى تقصد مين، جرى بخطوات سريعة، ناحية همسة، مسك ايدها بخوف شديد واتكلم:
- همسة هطلعك اهدى، اهدى..
همسة بتعيط: لا انا عارفة انت مش هتطلعنى، انا مش مهمة عندك ولا فارقة فى حياتك انت بتضحك عليا، ايوة انت بتحب رودينا هى المهمة عندك..
آسر مسح دموعها: هشش اهدى، انتى مهمة عندى زيها، ساعدينى يلا عشان اطلعك..
همسة لسه بتعيط وبتحاول تطلع، آسر كان بيزق الصخر اللى كان حرفياً تقيل جداً، بيدفع الصخور بسرعة رهيبة، قبل ما تختنق انفاسها جوة، واخيرا المخرج كان واسع كفاية عشان تخرج منه.
لمـح صخرة كبيرة كانت نازلة تغلق الكهف تماماً عليها، شدها فى لحظة وخبها فى حضنه وبعد عن مرمى الصخرة تماماً بيحاول يحافظ عليها سليمة جوة قلبه وحضنه..
أنت تقرأ
طفلة أحيت فؤادى «عشق الآسر»_{كاملة}
Romance-حاصلة على المركز الأول فى تصنيف «ألم» بتاريخ 2023/12/30 شَهّد مقتل والده واختطاف اخته الصغيرة، رأى الذل بانواعه، على يد قاتل ابيه، كان يري والدته تُضرب امامه عينيه ولا يقوى على التدخل، كل هذا كان كفيل ان يجعل منه وحش كاسر، دون قلب او شعور، بل انه...
