طفلة أحيت فؤادى «عشق الآسر»_{كاملة}

الفصل 20

عشق الاسر «أحيت فؤاد القاسى»
بقلمى فيروز أحمد «فيروزة»

-الفصل العشرون-

راكبـة جمبه طيارته الخاصة ومتشبثة فى ايده بقوة عايزة تتطمن انه جمبها، تتطمن بوجوده.

كارم متنهد بحب: مش عارف اصـدق إنك دلوقتي جمبى بكل الجمال ده، حاسس انه ابتديت اتجنن.

روميساء ضحكت: مأڤور اوى على فكرة، المهم سيبك من كل ده وقولى هنروح فين كده كده..

كارم ضحك: طب فى واحدة تبقي مسافرة ومش عارفة هى رايحة اقسملك انك مجنـونة.

روميساء بابتسامة: مسالتش عشان واثقة فيك وعارفة ان اياً كان المكان اللى هروحه هبقي مطمنة فيه وحاسة بأمان لانك ببساطة هتكون جمبى.

كارم بدراما: يا نهار ابيض يا جدعان ع الكلام اللى يدخل القلب ده، شكلك مش هتجبيها لبـر يا روما.

روميساء ضحكت: يا سلام ياخويا، ما علينا عايزة اعرف هنسافر فين المرادى شكلك مش ناوى ترجع مصر تانى ههه

كارم ابتسم: هنسافر باريس، وصدقينى لو عليا مرجعش مصر تانى، مش عايز افتكر حد ولا حاجة طول مانتى جمبي..

روميساء اتكسفت: احم.. طب ممكن اسالك سؤال عشان انت بقيت مريب وانا بدأت اخاف منك..

كارم ضم حواجبه باستغراب: اسالى..

روميساء: انت ازاى بتعرف الاماكن او البلاد اللى حابة اروحها، اصل باريس دى كانت واحدة من امنياتى بردو..

كارم ابتسم: اه فهمتك و ياستى عادى..

روميساء باصرار: لا عايزة اعرف، معلش فى سر ورا الموضوع، يعنى مرة تيجبنى مكة المكرمة ومرة تسافرنى كندا، ومرة تشغلى الشاعر اللى بحب اسمع قصايده تفتكر كل الحاجات دى عدت عليا، أكيد لا..

كارم باستسلام: اه يا ستى فى سر، انا عارف كل امنياتك، لانك ببساطة كتبتيهم كلهم ف ورقة.

روميساء بتذكر: ايوووه ساعة لما غيرت سياسة المطعم ههههههه يا سوسة..

كارم ضحك: عيب عليكي، ودلوقتى هنحقق امنيتك بانك تشوفى برج ايڤيل ف الحقيقة يارب اكونى مبسوطة يا حبيبتي..

روميساء بامتنان: مبسوطة بس انا حاسة انى هطييير كده من السعادة يا كارم..

كارم باس ايدها: يارب دايما يا قلب كارم.

وصل بيها ارض باريس عاصمة فرنسا وحجز جناح بيطل ع برج ايڤيل، ارتاحوا شوية من السفر ومن بعدها نزل وبدا بيها رحلة لتحقيق الاحلام كانت من اسعد اللحظات فى حياتها بجد، كانت حرفيا بتنط من السعادة، اتصورت جمب برج ايڤيل صور كتير مجنونة، وفى اخر اليوم اخدها اخدها لمطعم اقل ما يُقال عنه انه تحفة فنية، اضائته مريحة للعين، تقريباً كان للعشاق..