طفلة أحيت فؤادى «عشق الآسر»_{كاملة}

الفصل 39

البارت الـ³⁹
لـ ”عشق الآسـر“
بقلم‟فيروز مغازى‟

☆ متنسوش الفوت يا حبايبى ❤.

_______________________

روميساء طلعت اوضتها بتفكر فى كلام كارم، وهى مقتنعة بيه اقتناع تام، حست بـ ياسمين او يمكن هى بتقنع نفسها بـ ده، هى مازالت بتحن لـ كارم عشان كده وافقت واقتنعت بالفكرة وخصوصا لما تأكدت من كلام كارم إن ملاك مش مهمة عنده..

طلع النهـار، روميساء صحيت ع فونها بيرن، لقت قاسم بيرن اترددت ترد عليه..

بس فى النهاية ردت..

قاسم باشتياق: صباح الخير يا روما..

روميساء باقتضاب: صباح النور..

قاسم: مالك يا روما!!

روميساء: مفيش يمكن عشان لسه صاحية من النوم وحضرتك اللى مصحينى !!

قاسم: معلش يا حبيبتى، بس اصلى لسه جاى من السفر النهاردة الصبح، وقاعد فى بيتى اللى محدش يعرف عنه حاجة، محبتش اقول لحد غيـرك عشان اعرف افضل معاكى يومين من غير ما حد يزعجنا، فى بيت لوحدنا زى ما كنتى بتتمنى..

روميساء باختناق: ما ياسمين أولى يا قاسم..

قاسم: وانتى مراتى زيها يا حبيبتى، ولعلمك انا بعمل كده عشان مجرحهاش، هى مش بتحب تشوفنا سوا.

روميساء: طب هو لازم!!!

قاسم تنهد: محتاج نفضل لوحدنا بعيد عن الدوشة بتاعت البيت، يمكن نفهم بعض..

روميساء: تمام، هاجى.. فين!!

قاسم بارتياح: هبعتلك سواق ياخدك للبيت..

روميساء: لا معلش، قولى انا هاخد العربية واروحلك لوحدي، عشان محدش يعرف المكان حتى السواق.

قاسم: اللى تحبيه يا حبيبتى، البيت فى (...)

روميساء لبست هدومها، وعزمت جواها تنهى كل حاجه النهاردة عشان ترتاح من الحمل ده..

اخدت عربية قاسم من الجراچ، وساقت وراحت لهناك كان بيت بيشبه الكوخ فى تصميمه، تحفة فنية  من برة ومن جوة، دخلت بعد ما صفت العربية، لقت الباب مفتوح..

لقته قاعد عند بار عند المطبخ فيه كل انواع النبيذ، اول مرة تعرف انه بيشربها..

روميساء بتلقائية: انت بتشرب خمر يا قاسم!!

قاسم بصلها وابتسم: أنتِ جيتى يا حبيبتى، تعالى اقعدى..

روميساء بضيق: رد عليا الأول.. بتشرب!!

قاسم بهدوء: اه ياستى بشرب بس مش دايما.. لما بتعصب او بزعل أوى..

روميساء: طب ممكن تبطله!!

قاسم ابتسم: حاضر يا روما.. عشانك هبطله.

روميساء: لا عشان خاطر ربنا..