طفلة أحيت فؤادى «عشق الآسر»_{كاملة}

الفصل 40

البارت الـ⁴⁰
لـ عشق الآسر
بقلم فيـروز مغازى.

☆ متنسوش الفوت يا صحاااابى ❤

——————————————

التفتت شافت أمير واقف بيسدد للراجل الملثم لكمات متتالية بكل قوته وغضبه..

أمير صرخ فيها بغضب: ادخلى الڤيلة واقفلى عليكم بسرعة، بسرررعة يا همسة..

همسة جريت فعلاً وقفلت الڤيلة من جوة وهى بترتعش، مكنتش عارفة أمير بخير ولا لا..

جريت بصت عليه من فوق..

أمير كسر الراجل بمعنى الكلمة، وشد القماشة من ع وشه واتكلم فيه بغضب:

- انت تبع مين!!

عاطف بيلهث: مش هسيبك.. والى.. والى انت عملته فيا هتتحاسب عليه.. دلوقتي..

لحظات معدودة ودخل مجموعة رجالة ملثمين من سور الڤيلة، طبعاً كله تبع مهدى، ظناً منهم ان عاطف عرف يخطف همسة، شافوا أمير لوحده مع عاطف..

أمير وقف لوحده بيوزع نظراته بينهم، بتشتت مش عارفة ايه الخطوة اللى المفروض يعملها.. ومين دول اساساً..

عاطف صرخ فيهم: أهجموا يا اغبية، وادخلوا هاتوا البت من جوة..

جزء منهم راح ناحية أمير، اللى ابتدى يسددلهم اللكمات وهو بيبص ع بلكونة همسة ونوران، خايف حد يدخلهم، خايف يعرفوا يكسروا باب الڤيلة..

طبعاً غصب عنه، اتضرب لان دايما الكترة بتغلب الشجاعة، والرؤية كانت بتختفى شوية شوية، لانه اتضرب فى أماكن صعبة، فى كل مكان فى جسمه تقريباً رجله، معدته، كان بس بيحمى دماغه..

لحد ما فقد الوعى..

همسة كانت اتصلت بـ الشرطة بعد ما شافت اللى بيحصل، وقفت تتابع أمير من فوق، قلبها وقع فى رجلها لما شافته فقد الوعى وهنا اترعبت لما باب اوضتها اتكسر وعاطف دخل..

عاطف بسخرية؛ كنت فاكرة إنكِ هتهربى!!

همسة دمعت: أنتَ عايز منى ايه!! مش كفاية آسر غاب وتعب بسببكم..

عاطف قبض ع شعرها وقال من بين سنانه: واى حد بيدخل فى الدايرة بتاعتنا وبيخون، بيموت يا حلوة، فاهمة ولا لا!!!

هنا الحكومة وصلت، عاطف اترعب وكان بيحاول يهرب همسة عطلته ومسكت فيه، زقها وقعها وكان هينط من الشباك، لكن الحكومة كانت دخلت..

والقت القبض عليه..

همسة زفرت براحة: الحمدلله..

الحكومة خدت كل العصابة، إنما همسة نزلت هى ونوران اللى شافت امير وعيطت، وكمان رودينا..

همسة عيطت لان اللى حصل بسببها: عم محمد، طنط سحررر، حد يجى ينجدنااا..

محمد جى بسرعة، كان بايت فى ملحق الڤيلة ولما سمع الشوشرة خاف على ولاده، ومرضيش يطلع..