طفلة أحيت فؤادى «عشق الآسر»_{كاملة}

الفصل 18

(عشق الآسـر)
-الفصل الثامن عشر-

• التصويت قبل القراءة فضلاً ❤❤

همسة وقفت بعدم اتزان ومسكت فى ايده جامد وهى بتضحك بهسترية بصت لعيونه الرمادى وقالت:
- آسر، ااسر، خليك جمبى، متسبنيش..

آسر هز راسه بقلة حيلة من حالتها: هموت منك يا همسة، بطلى استهبال، يلا انا هقولهم نرجع كفاية كده، الظاهر انتى لسه تعبانة.

همسة بحنق زمت شفايفها: لسه الحفلة مبداتش يا آسرورتى، يعنى خلينا شوية، علشان خاطري..

آسر ضحك: اسروتك؟!

همسة حطت ايدها ع صدره بدلع: طب بقولك ايه، هطلب منك طلب بسيط، جميل لذيذ..

آسر بلع ريقه بارتباك من حركاتها واتكلم بتحذير: همسة..

همسة تحسست لحيته بنعومة: عشان خاطر همسة يا آسر، بليـز، هى البت ام نجفة دى احسن منى فى ايه، جوزها بيدلعها، اشمعنا انا مش عايز تدلعنى..

آسر هيتجنن منها: همسة عشان خاطري، كفاية عايز امشي، يلا خدى البسي الجاكت بتاعى عشان البرد..

همسة بتذمر: طب فك شعرى، عايزاه حر شوية..

آسر ابتسم بقلة حيلة ورفع ايده وفك شعرها بسلاسة وصوابعه بتخلخل خصلاتها بنعومة: كويس كده يا همسة !!! ممكن نمشي بقي!! واوعدك هتعملى اللى تحبيه فى البيت، بس مش هنا وانتى دايخة كده.

همسة ضحكت: تؤ تؤ انا مش دايخة انا مهيبرة عاملة دماغ حلوة ومش هنمشي، هعمل كل اللى بحبه هنا، وهغنيلك يا برنس الليالى يا كينج يا ريس..

آسر بصدمة: هى حصلت!! مهيبرة!!!

همسة استغلت صدمته وبعدت عنه وراحت ناحية المكان المخصص للميوزك، وشغلت اغنيتها المفضلة، وهى حرفيا بتترح اثر النبيذ اللى شربته، الكل تقريبا بقي مراقب تصرفاتها المجنونة..

آسر راح عندها وشدها من دراعها بضيق بيوقفها: همسة، فوقى بقي كفاية تهريج، هنروح يلااااا..

همسة ضحكت بجنان وسحبت ايدها ورجعت خطوة للخلف بتغنى مع الاغنية المجنونة ماسكـة ايد آسر، بتحرك راسها وبتغنى بجنون قدام كل الموجدين.

(الوتـر الحساس)

يعاملني بطيبة وإحساس، يدلعني قدام الناس، بيعرف إني رومانسية، بيلعب ع الوتر الحساس.

رفعت ايدها وحضنت رقبته بنعومة وبصت لعيونه وكملت غنى باحساس عالى:

يدوب روحي يدوبني، في كل زيارة بيعجبني
ونظرت عينه خلتني، أضرب أخماس في أسداس

آسر هيموت من جنانها اتكلم: همسة، اهدى،مينفعش  الهبل ده وحيات اهلك انا هتجنن بسببك..

همسة ضحكت وتجاهلت كلامه، ورجعت خطوتين للخلف، بترقص وبتعمل ليبسنج على الاغنية بشكل مجنون، وهى بتتمايل بخصرها ونظراتها معاه..