طفلة أحيت فؤادى «عشق الآسر»_{كاملة}

الفصل 46

البارت الـ ⁴⁶
لـ عشق الآسر
بقلم فيروز مغـازى.

☆ متنسوش التفاعل والفوت يا شباب ❤

------------------------------------------
آيات عيونها اتعلقت بعيونه للحظات وبدا قلبها كمان يخفق بجنون، حست بمشاهد كتير بتمر قدام عينيها، صداع مميت استولى على دماغها، هنا مقدرتش أبداً تتحمل وفقدت الوعى.

براء عيط: مامى، مامى..

أكرم قلبه اتخلع: هى هى بتفقد الوعى كده ع طول.

براء بدموع: مش دايما بس لما بتفقد الوعى، بتفوق تعبانة، بابى كان بياخدها المستشفى ع طول..

أكرم وقف بتشتت، مقدرش يصمد شالها، وراح بيها ناحية عربيته ركبها من الخلف، وفضل جمبها للحظة وايده بتجبره يشيل القماشة اللعينة دى، كان هيموت ويشوفها، مد ايده عشان يرفع النقاب واتصدم لما براء زق ايده بغضب

- أنتَ بتعمل ايه يا أونكل حرام هى منتقبة..

أكرم انتبه لنفسه، وركب قدام ساق باقصى سرعة للمستشفى، نزل وشالها بردو وهو مش قادر يتخطى نبضات قلبه اللى زادت جمبها.

طلع المستشفى، ودخلت كشف، بعد شويه طلعت الدكتورة.

أكرم بقلق غريب: خير يا دكتوره!!!

الدكتوره: مفيش حاجة المدام تمام.. ممكن تشوفها.

مشيت من غير ولا كلمة..

براء دخلها الاوضة بيعيط: مامى.. مامى

آيات فاقت واعتدلت فى جلستها: براء، حبيبي انت بخير كويس يا حبيبي!!!

براء: انا كويس، انتى عاملة ايه!!

آيات ابتسمت بهدوء: انا كويسة، بس صدعت..

أكرم حمحم ودخل كانت حاطة النقاب ع وشها..

أكرم: احم.. اتمنى تكونى كويسة!!

آيات بابتسامة: الحمدلله، معلش تعبتك معايا يا استاذ أكرم، بس أنا بحالات كده فجاة بفقد الوعى.

أكرم بص لعيونها عايز يبصلها مش عارف ماله: الف سلامه عليكي..

آيات اخفضت عيونها بارتباك: الله يسلمك..

يونس راحلها: عاملة ايه يا طنط..

آيات ابتسمتله: أنا كويسة يا حبيبي..

أكرم تنهد: طب ممكن تيجى معايا، انا لازم اوصلك، لازم اوصلك يا مدام آيات..

آيات: ملوش لزوم خالص، انا هروح ع طول البيت قريب من هنا.

أكرم باصرار: لا معلش، لازم اوصلك، ما تقول حاجة يا عم براء..

براء ضحك: اونكل عنده حق.

آيات باستسلام: موافقة..

أكرم اخدهم ونزل، ركبت العربية من الخلف، يونس ركب جمبها