طفلة أحيت فؤادى «عشق الآسر»_{كاملة}

الفصل 14

عشق الاسر (بقلم: فيروزة)
-الفصل الرابع عشر-

•التصويت قبل القراءة فضلاً.

فى باريس دخلت الشقة بعد يوم شاق فى الشغل، فى المستشفى بمجرد ما دخلت لقته رايح جاى وكل لحظة بيبص فى الساعة قلقان عليها، بمجرد ما شافها لانت ملامحه بارتياح وزفر براحة رهيبة..

مكة بمرح: شكلك كده كنت مستنينى يا كبير.. انا مش فاهمة ازاى حضرتك متجوزتش لحد دلوقتي، طب وربنا يابختها بيك اللى هتتجوزك يا امونتى..

أمين ابتسم بحزن: مانتى عارفة اللى فيها يا رودينا هو انا اللى هقولك يعنى!! تعالى تعالى وسيبك من موضوع الجواز ده، تعالى عقبال ما احضرلك العشا.

مكة اللى هى (رودينا) بحزن: مش هتعشى يا حبيبي، تعالى نقعد عايز اتكلم ما حضرتك شوية..

أمين قعد وهى قعدت كمان..

أمين بصلها وتنهد: اتكلمى مع اني عارف كويس اوى عايزة تقولى ايه وللاسف هتلاقى نفس الجواب..

رودينا تنهدت: بجد يا بابا عايزة اعرف ليه مش عايزنى اتعامل باسمى العادى، رودينا كمال مهران، ليـه مكة التهامى ايوة انت بابا وكل ما ليا، بس انا مش فاهمة بردو، ليه..

أمين بصلها بحزن: عشان انتى بنتى انا يا رودينا، ومش هسمح لحد ياخدك منى لو اتعاملتى باسمك العادى هروح فى داهية وممكن اخسرك او او انتى تخسرينى، ساعتها مش هلوم غير نفسى..

رودينا بشك: هو حضرتك مخبى عنى حاجة!! طب ممكن اعرف مين آسر اللى ماما مش بتنطق غير اسمه، ايوة هى مش بتتكلم ويوم ما اتكلمت قالت آسر، مين آسر هموت وافهم، ووكمان ليه احنا هنا ومش فى مصر، وحضرتك بالذات مش بتسافر..

أمين باختناق: رودينا متضغطيش عليا وتخلينى اندم انى عرفتك هويتك الحقيقية، انا من يوم ما لقيتك انتى و عليا خدت عهد على نفسي ههرب بيكم ومحدش هيقدر ياخدكم منى، ايوة انتو من حقى انا.

رودينا عيونها دمعت: طب ماما ليه مش بتتكلم، وليه حالتها النفسية صعبة كده احنا بقالنا سنين حاجزينها فى المستشفى ومفيش تقدم، وده سبب من الاسباب اللى مخليانى بدرس علم نفس، عشان افهمها نفسي افهم مالها ومين آسر اللى متعلقة باسمه اوى كده، ليه كل ده انا قلبي وجعنى وعايشة كل يوم فى نفس الحيرة، وحضرتك مش عايز تصارحنى بحاجة، وانت بتقول خدت عهد على نفسك انك هتهرب بينا طب فهمنى هتهرب من مين وليه، عايزة افهم..

أمين انفجر بوجع: عشان خايف عليكم، هربان عشان خايف ياخدكم منى واخسركم واموت يا رودينا، انا انا عشت عمرى كله تحت رحمة واحد معندوش دم ولا رحمة، انتى و عليا كنتو سبب فى انى عايش دلوقتي، انا انا بحبكم يا رودينا ومعنديش استعداد ابعد عنكم، ارجوكى افهمينى بقي..

رودينا حضنته وعيطت: خلاص انا اسفة والله العظيم كله من حيرتى، كل حاجة حواليا غريبة، عايزة اعرف انا مين بجد، وليه ماما كده والله هموت من الوجع على ماما وعايزة افهم مين آسر، ممكن لما تشوفه تخف او حتى ترجع تتكلم.. ممكن اخوها..